肆年八月米線專門店 (已搬遷) 新店位置

依間周不時就會想去食，想打好耐但次次都比拖延症搞到冇打🙈.雖然間野都偏隔涉，但成日都有frd同我講話想試呢間，就知依間小店略有名氣🙈平時假日下就去食都一定要排隊～同居村地方好格格不入，好似一間小木屋咁💕小店裝潢主要用木製，感覺好文青風😍除咗有特色米線外，仲有大碗飯泡飯同小食🙆🏼‍♀️連早餐同下午茶都有～.手撕雞酸辣湯米線 $48好懶就可以直接揀佢推介嘅組合🤭佢個酸辣湯底落足好多配料～食得出酸味係比較重，辣味🌶再慢慢跑出黎，個湯底真係超級惹味🤤手撕雞比佐好大一團～上面灑佐少許芝麻吊味，食落都偏嫩口，一啖雞一啖湯再一啖麵超爽的😆不過個米線略嫌有少少發脹佐🤔.蒜蜜豬扒蕃茄湯米線 $48想要口感豐富啲，可以加$4🥚要埋蛋花😍個蕃茄湯！！真係好甜😆有好多蕃茄肉🍅就知真材實料～個豬扒有蒜味再帶點蜂蜜甜，完全唔會dry反而好juicy😆啖啖肉食落都好嫩口🤤.+$12 自家製檸檬薏米水都幾大一樽，落佐好多薏米可以去下濕，潤下消暑～～同埋唔會太甜😍.+$12 樽裝招牌手拉奶茶今次去竟然賣晒森77🥺次次去都會飲～飲落好香醇同細滑🥰絕對唔同普通奶茶！.總結，除佐推介組合仲可以自選配搭，小店配料同湯底都好有心思

👉🏻麥芽啤酒什滙小鍋米線 配 金銀蛋芫茜湯🥚🥘（$62）⠀芫茜皮蛋湯有極多芫茜🌿，但整體味道清得滯，比芫茜味搶哂😗，如果多啲皮蛋同咸蛋味道會更好😽。配料嘅滷鴨片🐤、豬腸🐷、雞腎🐔同蛋🥚都好入味，甜滷水煮到入哂味😋😋。豬腸煮得岩岩好👍🏼👍🏼，爽脆得黎又易咬得開，唯獨鴨片比較乾鞋😵。⠀⠀👉🏻蒜蜜豬扒撈米線 配 秘製醬油🥩🍝（$48）⠀食撈嘅麵好依賴個醬汁🖖🏻，依到嘅秘製醬油甘香帶點甜好開胃，係會想一啖接一啖個隻😋😋。米線幾Q幾彈👅，豬扒🥩就不過不失，甜甜地唔算好濃蒜味🧄，但就中和返醬油嘅咸👍🏻。⠀⠀👉🏻樽裝奶茶🥛☕（跟餐+$12）⠀👧🏻表示好鍾意，奶同茶比例岩岩好，茶味香醇，甜度剛好🤟🏻⠀⠀總結：味道方面都幾滿意🖖🏻⠀👧🏻：私心推薦撈米線同奶茶👄😻😻😻⠀但芫茜湯就唔太推薦，有機會會試下其他湯底😼。

同友人都係米線控上至連鎖式 下至係小店經營ge米線舖都試過唔少所以見大圍開左黃店米線舖當然要去試試😂大概等咗15分鐘就可以入座啦店舖只擺到幾張枱有少少迫夾餐牌除咗米線都仲有其他泡飯牛角包等等米線係先揀主食 再點選湯底我同友人分別點左🍽招牌滷鴨片配酸辣湯小辣滷鴨片肉質厚實 好香滷水味調味唔會太鹹🍽秘制豬頸肉配特製番茄湯豬頸肉夠晒入味爽口蕃茄湯底真材實料 夠晒濃郁好清甜💬位置距離大圍站都有段路程同有少少偏僻但都唔影響味道值得一試🤘🏻

外賣自取叫咗兩個撈米線 一個係麻香手撕雞撈米線配酸辣汁 一個係秘製豬頸肉撈米線配香辣汁加配麻香手撕雞 首先講吓一拎到外賣嘅印象 就係個外賣碗勁油 好似包完個外賣之後嗨到好多油係個碗出邊咁 跟住就打開 嘢食賣相都唔錯啲餸都好足料開大餐就撈埋啲米線 可能因為撈米線嘅關係醬汁有啲少啲米線有啲乾身 所以如果鍾意食比較濕潤啲嘅撈麵就唔好嗌呢個 個手撕雞肉都唔錯幾好食 有咬口肉質唔乾 麻香味都幾重 唔錯 配酸辣將個碗米線嘅醬汁配埋米線有啲偏甜嘅酸 加埋個手撕雞會有少少麻 口感層次都幾多 另外一碗係豬頸肉手撕雞香辣汁米線 個豬頸肉好漏唔夠爽 我見到佢菜單寫秘製豬頸肉諗住佢會都幾入味有啲秘製醬汁之類 但其實就冇乜味又有啲林身 加配嘅手撕雞都一樣好食 配香辣汁都係汁有啲少面身乾 碗麵有好多配菜花生芫荽都釣到個香味 睇好多食評都話湯米線好食 下次會再試

人人都羨慕我住大圍，大圍都出名多野食，作為為食大圍友，當然要周圍出動搵好野食喺顯徑一間隱世米線，幾次經過都無緣試，今次有機會一定要食吖！門面今次星期日，午餐時間去食，都預左唔會得我一個去食，不過天氣咁熱咁囇都咁多人去食！入面得4張枱，等的時間都有啲耐，想試嘅朋友要早啲預時間去等！外賣都要等...Menu有推介米線，又可以自由配搭，選擇餸，米線，湯底，仲有泡飯可選不過唔知係咪忙得濟職員無比Menu我...是我早在門外自己睇的食物今次叫了豬頸肉麻辣米線 同埋 肥牛辣蕃茄湯米線。即叫即煮關係需要等吓，2款湯都好好味，麻辣味好香，夠辣，蕃茄湯的味又出的蕃茄味又辣辣地，正呀！豬頸肉係佢地的推介，實際上不過不失。肥牛是他們最初漏左，事後佢哋即煮，雖然都等咗一陣不過味道真係好好食，香濃牛肉汁

🏷️ #轆在大圍吃吃喝喝.個人嚟講就好少喺夏天食米線嘅～咪又係因為怕熱囉，熱死辣辣專程入大圍，仲要坐出面(開始覺得自己捉蟲😓)，但店員哥哥好好人呀搬咗把小型牛角扇出嚟，加上有少少微風，好OK。.叫咗碗滷水什滙小鍋米線 w/ 金銀蛋芫荽湯底餡料有鵝片、豬腸(勁入味)、雞腎(爽口)、滷蛋(最愛食)。作為芫荽愛好者好滿意有咁多芫荽充斥整碗麵🤣仲有大量蔥花...仲有芽菜...個湯都幾好飲....另一碗朋友叫嘅就係手撕雞麻辣(小辣)湯米線。香喎，除咗手撕雞之外，仲有肉碎，愛重口味一定要試，食完個👄好似跳舞咁，勁麻痺🤣🤣因為為食，叫多樣椒鹽燒賣。飲埋手拉奶茶&檸檬薏米水......飽到一個點。‼️門口有一級㗎，今次有帶輪椅斜板，所以可以堂食，如果唔係就要外賣喇

「肆年八月」既位置比較隔涉, 喺村屋群當中既地鋪🏠 估唔到傍晚🌆黎到都等左3️⃣0️⃣分鐘先入到座🥺 座位空間極少🪑 有分戶外同室內～ 等既過程都見唔少熊貓🐼速遞員🛵😆 搞到👦🏻同朋友都好期待。。1️⃣ 手撕雞酸辣湯米線🍜👦🏻未升夠Level做辣王🔥 酸辣湯底偏酸少辣就岩曬🙈 略微油左少少🤏🏻 成碗米線🍜份量都幾足👍🏻 手撕雞食落軟身而且幾入味都唔錯😉 朋友請我試左呢度另一招牌👀蒜蜜豬扒🐽 食落肉質硬身左少少😬 蒜蜜味要再多少少🤏🏻 而且咁岩👦🏻食到嗰舊都幾肥...🥺2️⃣ 椒鹽燒賣(8粒)朋友叫左個椒鹽燒賣黎試🤤 👦🏻真係好鍾意食燒賣😍 最欣賞佢夠熱同外層脆卜卜💥 可惜椒鹽就少左dd🤏🏻 🧒🏻: 食咁多鈉想屎呀👊🏻😝小店當然盡力支持💪🏻 慘慘的是... 樓面📝 廚房👨🏻‍🍳驟眼見都係得2️⃣個人... 踢曬腳🦶🏻之下, 等位落單都用左唔少時間⌚️... 另外, 唔知係位置較近廚房 / 米線🍜熱辣辣 / 冷氣壞左？食到大汗踏細汗💦 埋單出到黎仲舒服過喺入邊...😅 無論如何... 加油💪🏻

肆年八月秘制豬頸肉沙嗲湯米線(清湯?)麻香手撕雞酸辣湯米線涼拌麻辣豬耳價錢💲: $48/ $48/ $32好味程度😋: 4.6/5服務🍴: 3.8/5環境🗾: 2.8/5性價比🥢: 3.5/5回頭率😚: 4.3/5-唔知大家中唔中意食米線，我就勁中意🥰 但夏天食完真係會流晒汗😂 今次就介紹隠世💛小店，係啲村屋入面架，但我覺得勁驚喜，一定會再去！就係肆年八月！但佢定價較高，好彩質素補返🤪-我就叫左秘制豬頸肉沙嗲湯，但見個色咁清我懷疑係清湯，但店員話唔係🧐好彩都幾好食。湯幾清甜，唔大鹹，有啲雞湯咁的味😂 豬頸肉好大舊，好厚肉！仲好入味，有啲麥芽糖咁，表面有小過仲甜甜地。係略嫌有小小韌🙈 另一碗叫左麻香手撕雞酸辣湯🤓手絲雞分量都幾多，啖啖都有。好夠麻味，索晒湯🤩 配埋個濃的酸辣湯好刺激，入面勁多酸菜，好夠味😝 -好抵讚係米線好大碗，仲要米線比較粗，唔似平時個啲，所以更有咬口😋 但原來小食一樣咁正🥳 我地叫左個涼拌麻辣豬耳😎 佢啲豬耳比平時的粗好多‼️真係勁大條。豬耳入面有條爽爽的芯出面包住個層皮勁厚‼️每一條都包到啲汁，勁正😭 個汁好惹味，停唔到口！食完呢個返唔到轉頭，連鎖米線店個d差好遠😣 總

d米線林得制,連ㄚ伯ㄚ婆都啱食,湯底嗰味係ok,不過就太油,啖啖油,加上沒甚麼配菜,只有酸菜,希望加番d配菜,例如豆卜,芽菜,花生等等,太過齋了,食多幾啖,已唔想食🙏,可以有改善的地方一碗米線點寫到200字或以上先可以有評分功能ㄚ,可以話係ok,唔難食既

之前一直非常想去這間店吃米綫，聽聞高質，用料豐富，湯底也非常出色。今日特地到大圍這邊試一試。酸辣手撕雞米綫（小辣）以$48的價錢米綫來說，米綫的份量非常有良心，比起外面連鎖式的店多。而湯底味道，酸味佔了九成，雖然我叫小辣，但完全吃不出辣的味道，如果想吃辣的朋友一定要叫大辣。手撕雞都合格。滷水四寶飯（$64）侍應把飯放到枱上的時候，我摸飯碗已經覺得為何不熱不暖，到我用筷子叉鬆飯，就發現是叮叮飯⋯⋯⋯一舊舊硬身的飯仍然黏著。而暖的只有那些滷水汁。滷水四寶有滷水蛋，豬腸，元蹄，鴨胸。不得不說，鴨胸：硬如板，非常咸豬腸：酸味比滷水大麻辣雞腎（$38）看外表好像很惹味，很辣⋯⋯但是一點麻辣的味道也沒有⋯我朋友不能吃辣，但他也能吃⋯⋯對於愛辣的朋友會失望。果然整體上，米綫店還是吃米綫比較安全。但就到要高質，實在吃不出。店員的態度也要需要改善，黑面之餘，問一兩句都好像不願意⋯《雖則黃店，但應該保持要有的質素和態度，因為你是一間食肆》

講起米線好多人只會諗起譚仔呀三哥呀雲乜乜嗰啲，其實喺大圍就有一間由年輕老闆娘打理嘅黃色米線店。佢哋有多款特色米線湯底，就好似我叫咗嘅金銀蛋莞茜湯底，就算唔係莞茜fans都覺得吸引！湯頭淡淡莞茜香，重點係夠金銀蛋味。而米線嘅軟硬度係剛剛好，完全唔會煮到淋哂無口感！滷鴨片好厚身味道濃郁，不過可能因為偏瘦有少少鞋口；滷雞腎不過不失勝在份量多；滷蛋同樣入味；最出色肯定係肥而不漏嘅滷豬腸，非常之香口！沙嗲湯底亦非常之濃郁，秘製豬頸肉大條得嚟仲要好爽口，出色！配料份量之多完全唔會令你擔心食到最後得返米線咁dry！嘢飲方面薏米就煮得唔夠軟啦，仲係好硬身比較可惜無辦法食埋；手拉奶茶有少少泰奶feel但茶味更為香濃同充滿港式味道，不錯！成間店計埋老闆娘都係得3個人做到踢哂腳咁，雖然要排隊但絕對體諒！

2020年6月3日，午餐叫了food panda.首先，漏咗我杯招牌手拉奶茶，好想試，係失望。麻辣口水雞翼，肉質是硬的。粟米花枝餅，柴了乾了，估計係普通供應商雪藏貨。蒜蜜豬扒蕃茄湯泡飯，分開裝的泡飯有辣味的，點呢個項目的人是不吃辣的。蒜蜜豬扒好嘢，真係好難做到豬扒肉質咁乾咁嚡。如果把雪藏豬扒解凍後， 用刀背劈落塊豬扒度三五七下去斷咗肉裏面啲筋，豬扒就會淋。希望您地改善及會進步。正所謂，顏色是政見，好味是良知。做食店的基本責任是令到食物好味好食。俾OK是因為大家係相同顏色。

約左朋友食飯，佢介紹佢屋企附近有間好食既米線小店。餐廳係村屋既地舖，果然係細細間，我地坐低無幾耐，夜晚食飯時間都排晒隊。一碗叫左蒜香豬扒蕃茄湯米線豬扒都唔會好鞋，蕃茄湯底好香甜，夠晒濃郁！不過就略嫌米線煮得太淋。今朝我枱面有老鼠屎囉🙄🙄叫左杯檸檬薏米水，不過都係覺得甜左少少，如果少甜就好啦，感覺上健康啲。另一碗係自選米線，要左蜂巢豆腐，秘製豬頸肉，麥啤滷豬大腸。同朋友share左啲餸食，佢要左香辣蕃茄湯，又唔算好辣，蜂巢豆腐吸左啲湯好好食。袐製豬頸肉個醬汁都好惹味。豬大腸又好入味，所以整體黎講都好好食！

一直都心思思想去試吓食呢間米線 耐何地理位置唔算太方便 今次終於搵到朋友同我一齊去食🥳咁我地就嗌左 手撕雞撈米線 香辣蕃茄湯豬頸肉米線 口水雞翼絕對推薦食得辣既人去食 手撕雞撈米線👍🏻👍🏻雖然一路食一路流鼻水 但嗰隻辣係會令你就算覺得辣都會想繼續食落去 唔係剩係得麻咁簡單係我食過最好食既撈米線🥳手撕雞份量都好多 絕對夠你食曬成碗 唔會食到一半就無曬肉😚而香辣蕃茄湯豬頸肉米線 豬頸肉真係勁入味 都有6塊左右 個湯底係用左蕃茄係煮 而唔係蕃茄蓉 再配埋少少蔥 辣得黎又唔會無左蕃茄味 食到最後差唔多飲曬成碗湯😋口水雞翼 個汁應該同撈米線個汁一樣 一樣咁夠味🤩呢間米線黃得黎又好味😌大家經過個陣不妨試下🤩

午飯時間到，一樣上網搜尋一番，最後選這間個人覺得比較特別的小店，用住手機地圖搵，都算幾經辛苦走到來。上網搜尋到此店並了解餐牌，原本相食米線，但小弟極怕芫茜，又唔食得辣，蕃茄湯又麻麻地（ 即係無款啱食），雖然米線專門店唔食米線有點可惜，但無法啦，只好選招牌滷什匯飯。賣相靚仔，份量足，滷味唔錯，滷蛋如果是半熟糖心蛋就仲好，鴨肉有點老，雞腎正常，最出色是大腸。可惜小弟太揀飲擇食，不過相信滷味是他們的主打之一，不過有唔少地方可以改善。因為微雨，小弟坐店外坐位，難免有唔少蚊滋（雖然店員已經點了蚊香）。人手得兩位，容易令店外客人無人理。最後，64蚊滷味飯有點中上價，所以食物同預想中有點落差。