肉餅哥小炒料理 (已結業)

有點台式有點玩未出餐很快晚市有例湯帶甜的肉餅基本上無食評既然係台式嘢，應該都唔太差，所以叫左來試其實我想試咖啡煉奶煎肉餅，不過另一半話唔食所以就無叫😅台式柚子肉餅係煎完塊肉餅再加柚子係面 甘甘甜甜咁，喜歡甜味的會喜歡我就覺得甜過頭如果係細細塊一口肉餅，柚子係個醬比我點汁咁樣當小食，我會覺得好d當正餐咁食，唔係我杯茶再來係金沙蛋黃肉餅正常嘢✌️唔係好特別飯有3款選擇油飯 菜飯 白飯除了白飯，轉菜飯和油飯都係➕$2，唔貴 又可以試其他款飯係肥嘟嘟米 我估珍珠米d friend但無味 同有d乾再來要的有菜食 ➕$1有碟菜，唔大碟。一人份量➕$1值 對我唔食菜的人 又可以用個咁便價錢吸引我食 very good店內有d搞鬼字句 好正 😁食物來到發現無叫蒸肉餅下次來再試下

終於有機會試下久仰大名嘅肉餅哥，難得係個頭出現，成日聽啲人講話好好食，於是就嚟試下，叫左兩個肉餅同一碟生菜，菜飯or油飯加兩蚊，蒸嘅肉餅即蒸需要時間，建議太肚餓就唔好叫蒸除左面頭有芝士外，肉餅入面都有芝士，確實有流心效果，味道方面因為煎嘅關係比較香口，鹹味適中，食到有芝士味，但唔太突出蓮藕唔係十分多，但爽口，肉餅肥肉較多，可能係蒸同肥肉嘅關係，個人認為味道較淡另外生菜冇影相，份量唔多，因為白烚所以淡左啲

一坐低即刻送兩碗湯有味精但都尚可接受 墨汁墨魚肉餅我朋友話一見到 以為塊肉餅係煎窿左😂咁當然唔係啦 食落去好香口 豬肉嘅比例上肥膏都幾多所以剪得好香入口好好食入面嘅墨魚粒切得好細每一啖都會有食到墨魚金製但係如果減肥嘅朋友應該會覺得好肥膩但係份量幾足蝦膏蟹蓋肉餅份量略嫌不足 只係蟹蓋大小嘅份量但係都有蝦膏蟹膏味嘅入邊仲有啲蟹肉絲但係如果配飯來講就真係細份左少少囉一蚊生菜大概兩棵 全餐有湯有肉餅有飯有菜感覺比較圓滿總括來講會好有新意過茶餐廳水準份量都可以接受如果唔想食茶几但又唔想食咁貴嘅話我都會再嚟食

係荃灣做左野一段時間，同事有日講起先知原來之前好出名既肉餅哥原來荃灣有一間，於是lunch決定去會一會肉餅哥，睇下究竟係神作定伏-(果日太匆忙，冇乜點影相)我地試左金莎蛋黃煎肉餅（食完先醒起冇影相🤦🏻‍♀️)以我個人口味黎講，我好鐘意，佢既咸蛋黃好正，撈飯真係一流，三爬兩撥就會食哂。不過要提醒一點就係佢好咸，冇辦法空口食-咖啡煉奶煎肉餅一睇到個名就知需要幾大既勇氣去點呢款肉餅😆好中肯咁講，佢其實個味唔差，咖啡煉奶好夾，就咁食幾好食，但係！成塊肉餅都好好好燶！可能係咖啡既關係，煎耐左就好易燶，所以處理既時候要好小心。但明顯地，廚師失敗左。佢燶到一個點係我地冇辦法食落去，相信食哂會生cancer味道原本唔錯，可惜浪費左。不過甜既肉餅去送飯，唔係個個都接受到，真係見仁見智-肉餅哥，我能夠理解背後既意念，亦相信佢試過各種配搭再推出，但我相信好多人都會寧願食返簡單既肉餅。Gimmick固然重要，但質重過量，我相信唔需要30幾種咁多款式。

其實肉餅哥真心唔係好值。吸引之處：1. 肉餅落足料，夠曬濃味。2. 好大舊既肉餅，送飯係perfect。3. 有好多自己特色，自己創意既肉餅。4. 味道真心唔錯，可以話好好味。因為肉餅新鮮。咬落唔會覺得好似麵粉咁既感覺。爽口彈牙。但其實一個肉餅值幾錢。個價錢係真係貴左。平時出邊普通買個肉餅飯，可以搵到價錢平三分一甚至一半。雖然肉餅哥好食，但價錢未至於去到咁高。平少少反而覺得更收歡迎。環境中等，服務都中等。

鮮味蟹粉煎肉餅餅🦀 $99蟹膏蟹肉🦀混上肉餅，蟹膏味也挺濃，配上油飯，肉餅上面加上了蟹粉，味道不錯🤤，由於我們選擇了油飯，肉餅加油飯其實都幾漏，朋友們要注意哦!💁🏻‍♀️ 流心芝士肉餅油飯🧀🍚 $59兩層肉餅之間夾著流心芝士🧀，輕易就能做出拉絲效果，選擇了菜飯，令整體更有口感👍🏻👍🏻從沒有想過家常肉餅也可做出3⃣0⃣多種變化，選擇非常多，仲有🍚白飯，菜飯，油飯任君選擇🤩

每次經過荃灣都會好掛住呢間肉餅哥, 雖然佢個短置比較偏離鬧區, 但食過一次就一定會上癮心思思想走返泥佢叫得做肉餅哥, 當然最拿手就係整肉餅la,但絕對唔係叻一道菜咁簡單, 而係叻到成版menu都係肉餅,唔同口味, 你諗到定諗唔到都會有, 仲要好好食係揀緊野食果時佢已經serve左碗湯比你飲住先,唔好睇佢只係碗例湯, 呢個世代你要飲到碗足料又無味精都已經要打曬貞節牌坊掛喺門口.而肉餅哥就係咁低調, 淨係會叫你苦惱揀咩肉餅好呢度肉餅大致分煎同蒸兩種, 咁我上次叫左老干媽蒸肉餅, 今次就叫左個流心芝士煎肉餅泥試下.我個人比較鍾意食菜飯, 感覺健康d, 唔係可以白飯白粥油飯都ok.佢個肉餅除左面頭有厚厚一塊芝士, 中間夾層仲另外有一塊, 保證你啖啖都食到濃濃芝士味, 芝士仲同煎既肉餅特別夾, 香脆富肉味又夾住可以拉得出絲既芝士, 撈住菜飯食的確係人生一大快事

見食評講到好正，一直好想試呢間店，今次終於專程去試。好彩夠早到，完全唔駛等位。或者期望過高，食完難免失望。是日兩人分別叫左佰幾蚊嘅龍蝦肉餅同幾十蚊嘅土魷肉餅，講真，絕對唔特別，無話特別好食，同其他茶記質素差唔多，份量亦同一般無咩分別，唔明點解咁多好評。最突出嘅反而係服務，大部分職員落單，上菜時都係黑口黑面，令人相當唔舒服。店內播放歌曲嘅聲浪亦太大，很吵耳。長條形無背靠嘅座椅亦座得唔太舒服。唯一要讚嘅係個原盅燉湯，味道唔錯亦唔貴。總結如題，試一次夠晒，仲要係唔駛等位先好試。

因為有朋友住荃灣，所以經常去荃灣搵佢食飯，而去荃灣如果諗唔到食咩時候，我通常建議去食肉餅哥小炒料理，因為肉餅哥嘅煎肉餅實在太好吃了，尤其是推介他們的冬陰公煎肉餅、XO醬帶子煎肉餅、同埋蝦膏蟹棒肉餅，都係做得非常出色好食，仲有佢嘅花膠湯，都係必试的，，一碗有2-3塊花膠，唯一肉餅哥唔好嘅地方就係，肉餅歌的位置比較偏僻，由地鐵站行過去要15分鐘，仲要係識行先係，但係少吃多滋味，他們絕對係用心製作，值得推介的！

荃灣有個肉餅哥，依間野淨係食肉餅😂，有差不多有30幾隻唔同味嘅肉餅😱😱，我同幾個朋友去食，嗌左蟹粉肉餅，蟹味不算濃，有啲偏咸但煎得夠香xo醬肉餅，有xo醬好食啲，但都係有啲咸但比蟹粉好食咸蛋肉餅，煎肉餅😋，個人覺得依間啲肉餅都偏咸，未必個個接受到，但唔計佢咸，其實個味係唔錯👍🏻，同埋啲肉餅煎得好香👃🏻，我覺得咸蛋個個最好食🥚，咸蛋味好出，就算就咁用啲汁撈飯都好好食😍😍，佢每個餐仲可以轉做菜飯正👍🏻

肉餅哥食荃灣都開左一段日子了。但係長期都有幾多人等位。難得呢日平日lunch hour 唔見有人等，亳不猶豫就入黎試。全店只係係肉餅，有蒸，有煎。lunch set 價錢都好合理。係太x 食都唔得啦。我叫左個流心芝士煎肉餅。肉餅夠厚，堅係流心。而且好夠味。仲要係即叫即整，等一陣都值得。Menu 有至少30款肉餅，有機會真係想試晒佢。

今晚比較空閒，就決定和朋友去試新食物。今次會試出名食肉餅的肉餅哥。其實我知道這間餐廳很久，但都沒有專登去試，今天終於有機會。今次去了荃灣分店，餐廳位置不太好找，完全想不到那個地方會有一間餐廳。到了餐廳，可能天氣關係，人不太多，不用等位就可以進去。今晚本來想試餐廳出名的龍蝦肉餅飯，但竟然賣光，有一點失望。那只好選他們的另一推介，花膠肉餅飯。另外我們還要了原隻鮑魚肉餅飯和小食餃子。花膠肉餅飯，賣相相當有份量。花膠有兩大片，分量相當十足。花膠整得相當腍，醬汁的味道調較得相當適合，連飯吃非常好吃。每吃一啖花膠都感覺到大量的骨膠原在口中，美味非常。煎肉餅都相當多汁，但對我來說有一點點肥。應趁熱食，涼了會有一點點溜。鮑魚肉餅飯。賣相比花膠肉餅飯略為遜色。祇有一隻鮑魚，比想像中來得少，性價比不高。煎肉餅配油飯實在非常溜。如選煎肉餅的配白飯比較好。小食餃子沒甚特別。因肉餅飯的份量很多，不要小食都很飽。肉餅飯總括來講都不錯，下次要來試原隻龍蝦肉餅。

一向都係肉餅既fans，睇完蘋果知道有間專賣肉餅既餐廳，仲話有好多花款，例如好立克肉餅，梗係要去試試啦。肉餅哥既肉餅真係有好多種類，但係價錢都唔太平。去到都係唔係好夠膽叫好立克肉餅，始終又鹼又甜，又五六十蚊一個，唔太想冒險。最後叫左個金沙蛋黃煎肉餅，保守啲，你可以揀蒸或煎。食落正常，不過不失，但煎有少少熱氣，佢會比個湯你同有碗菜飯。啲金沙蛋黃要黎撈飯幾好味，但少食為妙，食到最後有少少鹹，要叫水飲。

聞名不如見面，今日專程黎拜訪肉餅哥！創新口味肉餅個個都好特別，相信要勇者先夠勇氣試啦！我梗係正正常常叫返個金沙煎肉餅，煎得好香，上面有一層金沙，再加半隻咸蛋黃，邪惡度有100分。我同事竟然咁大膽，挑戰咖啡鍊奶肉餅，一黎到就聞到有陣咖啡味，同事話原來幾好味，只係鍊奶太甜啦！其實附近都有好多人叫呢個架，可能係鎮店之寶！午餐同晚餐餐牌一樣，午餐每款平大概$10，包例湯同飲品。加$2可以揀菜飯呀！餐廳都坐得幾迫下，同隔離枱背對背咁坐！

荃灣原來都有好多好西食🤔一個人想平食於是黎到肉餅哥🍴肉餅種類多到琳琅滿目（終於可以show off到我都係有少少文化水平😂）聽講金沙蛋黃煎肉餅（HKD69）好似幾出名🤔-店內雖然大 但壓迫感莫名其妙地x10000大概係感覺到店內人數極少 反而店員仲多😖係你隔離fing黎fing去ge關係😂服務態度不予置評啦😶畢竟香港地嘛不過食物反倒是不錯😛-所謂金沙蛋黃就是鹹蛋黃鋪在肉餅上😮鹹蛋黃蓉鋪在肉餅上 令香味up100000😍😍😍😍肉餅份量較少 甚至覺得有點太薄呀....不過畢竟鹹蛋黃比較油膩加上菜販一碗 其實都幾飽肚🙈甚至有點吃不消的感覺🙈🌟Rate：6.5/10