肉餅哥小炒料理 (已結業)

之前經過諗住食，但果陣4點幾，唔知原來有落場時間要晚上6點先開，咁今日經過荃灣就特登行過去食，因為佢個你唔係特登搵一定唔會經果頭，2個人食諗住叫原隻龍蝦肉餅，點知話賣哂，咁就叫左個花膠肉餅同埋金沙蛋黃肉餅，花膠肉餅其實無咩特別只係一塊普通肉餅淋左花膠係面頭，蛋黃肉餅就好食D,但個人覺得呢間野既肉餅無乜味同埋偏咸，可能有人會鍾意食，但加上位置唔方便我就未必會再黎幫親喇，佢最好既地方係可以配飯配米粉配粥，佢都仲有其他特式肉餅既，但我覺得應該大至上無咩分別只係係面頭配唔同既料咁解。花膠肉餅

約左朋友荃灣見~今次就試下肉餅哥啦！點餐先~好多選擇呢！小食就叫了。。迷你一口炸餃子！餃子炸得金黃~一定好香脆！食粒先。。真係好香好脆，又沒有過龍！正呀！肉餅來了。。足三両花膠煎肉餅！上檯就熱辣辣~香噴噴！急不及待試試花膠連肉餅先~wow濃汁夾著2 款美食，好滑好滿足！送飯一流呀！另一個肉餅都到喇。。蝦膏蟹棒煎肉餅！切開先~蟹棒即時外露！即時送飯食~好香口惹味呢~送菜飯很配！2 碗都份量又多又抵食，好滿足呀！

上個禮拜，我同朋友仔一齊約咗去食飯。佢哋話想去食肉餅哥，我本身對肉餅冇特別太大嘅興趣，但係佢哋堅持話想食，咁我哋就一齊去食一到去發現原來都幾多人，我哋坐低左之後就慢慢睇下食啲咩，原來佢哋肉餅都有好多款式，另外除咗肉餅之外都仲有其他嘢食嘅。我俾個圖片吸引左，所以就叫咗足三兩花膠肉餅。肉餅上面真係有好大塊花膠，好煙韌好入味，肉餅仲可以揀煎或者蒸既，飯就可以揀白飯油飯或者菜飯，味道比我想像中好。朋友就揀咗鵝肝肉餅飯，佢揀咗油飯，味道好甘香，亦都煎得好香塊肉餅

去荃灣探荃新天地行街想食清清地,就試試一直都有留意開既肉餅哥，平常在家吃飯，屋企好多時都會蒸肉餅一入到去就比左兩碗湯我地，個湯唔錯.，唔太油膩見倒比坊間多好多創新的口味,今次就先試左金沙蛋黃肉餅飯，上前果層蛋黃醬好邪惡，食落個肉餅都幾特別，成碗飯都食哂 ，不過就有D油膩，但係都算是成功的mix and match，難怪能登上鎮店之選。另外叫左個蓮藕肉餅，食落爽口，客飯的份量也頗大份，整體黎講都可以一試既。

成日聽人講係荃灣有間人氣食肆係專食肉餅，好多人來到都會食佢嘅招牌菜，今次趁有機會當然去品嚐一下如何美味，就同同事一齊去食午餐，餐牌分咗四大類別分別有鎮店精選，肉餅哥推介，傳統風味同創新口味，但都已有差不多40多款選擇我就要咗XO醬帶子煎肉餅，同事係芫茜煎肉餅，先來每人一碗例湯同餐飲等咗大約十分鐘終於有得食，肉餅表面煎得金黃香脆，再配XO醬同帶子粒，先食一啖肉質外脆內軟，而XO醬入口惹味幾刺激，記得落埋醬汁食，可提升肉餅嘅味道另一款肉餅就未必會人人鐘意食，除非你好鐘意食芫茜果種味道，唔係就會嘥咗去，好彩我同事鍾意食，除咗肉餅灑滿芫茜外，連肉餅都混合埋芫茜一齊煎，真係外裏內裏都一樣食得到佢嘅味道，而且都幾好味，又品嚐一餐人氣美食

今晚終於過來試試呢間專食肉餅既專門店了.坐低後，餐都未點就有兩個例湯放低. 之後就睇下食邊款肉餅！最後揀左呢兩款！味道黎講其實偏咸，呢款流心芝士肉餅菜飯, 肉餅上層同中間夾心都有芝士，真的有點流心！味道幾好, 肉餅入面既豬肉有唔少肥豬肉混入, 所以唔會覺得好鞋口! 而且裡裡外外都有芝士既香濃味!另一款, 蝦膏蟹捧肉餅, 樣子平平無奇, 呢款肉餅個menu有文字介紹佢點整, 不過食落其實唔係好覺有蟹肉味道, 而且蝦膏味道過濃, 變左肉餅味道偏咸, 所以一定要跟飯食! 

難得公司附近有好西，我地當然唔會錯過啦~ 好彩我地早到左，去到時未見有人排隊，即刻就有位。店內位置不多，經常性都係坐無虛席。麻辣香菇煎肉餅菜飯：麻辣度可接受，肉餅煎得非常好，外層香脆，入面嘅肉汁亦保存得十分好。肉餅剁得綿密、有黏性，咬落鬆化。加入香菇於肉餅內，完全唔會覺得膩，好開胃。金沙蛋黃煎肉餅：表面蓋上厚厚嘅蛋黃蓉，入口鹹香味十足，令人聯想到黃金蝦。不過蛋黃較多，相對上就會比較滯。所有套餐都配有老火湯及熱飲。飯方面可以好似我咁加$2轉菜飯（或油飯）。總結：佢地將聽落平平無奇嘅肉餅加以改良，變成多款意想不到好味嘅菜式，真係令人佩服。所以話，除左要有好食材，廚師嘅用心同創意都不可或缺！

[ 麻甩野🧔🏻| 不一樣的肉餅餅餅餅 ]••話說呢間餐廳我想試好耐架啦📝但男朋友一直嫌棄我唔肯同我食😤好彩上星期約左個foodie食飯，佢肯陪我食麻甩野😍好開心呀，終於食到肉餅哥啦yeah!💓📌肉餅款式多達40款🤤(我估哈哈)-🔹足三兩花膠肉餅($99)⭐️7/10有成4大條花膠鋪係面😮相信花膠既準備功夫做得好足👍🏻花膠超級膠，漿住個口漿住喉嚨🙊心理上覺得食左好多collagen落肚，即刻靚左咁🤢重點係塊肉餅😳 無呃你，真係好好食！係煎到外層好香，仲有小小脆口👅不愧係肉餅哥，我好鍾意塊肉餅啊❤️🔹鮮味蟹粉煎肉餅($99)⭐️8/10我比較鍾意呢款多啲🦀蟹膏蟹肉撈埋係肉餅入面，食落好濃郁蟹膏味，肉餅面頭個pat蟹粉更加錦上添花🌺重點都係塊肉餅好好味，要講兩次😋-▫️可配菜飯🍚不過反而菜飯有點失色，無味，好似只係白飯混埋啲菜就當係菜飯咁🤷🏻‍♀️-💥重口味推介💥🔹榴槤炸彈💣($38)⭐️6.5/10外表睇落無乜特別，一咬開，浸榴槤味真係炸彈咁爆發😱入面超流心，啲榴槤漿pat哂出黎，都幾甜，我地食完好多痰😷諗住食完個口會好臭，點知又無喎🌬-🔺一坐低就會送例湯，唔叫野食都有湯飲😂---

星期二晚上朋友帶了我去聞名已久的肉餅哥吃肉餅，一直十分好奇難道肉餅哥只有肉餅嗎？看了看餐牌，這裏真的有各種各式各樣的不同的肉餅，十分有趣。我決定試試這裏比較有特色的肉餅，我叫了覺原隻波士頓龍蝦煎肉餅，朋友叫的是黃金煎肉餅。這個是黃金蛋黃煎肉餅，叫這個的原因是，因為看見旁邊的客人叫了這個很吸引，所以我們也叫這個。這個我們選擇了油飯，十分香。想不到蛋黃跟肉餅這樣夾，煎得十分香。這個是原隻波士頓龍蝦煎肉餅，外貌10分吸引，真的有一隻龍蝦。龍蝦肉很鮮甜有彈性，這個飯選擇了菜飯，沒有油飯這麼油膩，但有菜的鮮甜味。

今日同同事過咗嚟食大名鼎鼎嘅肉餅哥山長水遠過嚟荃灣其實係為咗食一個肉餅就係花膠肉餅！ 聽我朋友個家姐講話花膠肉餅超好食，平時好鍾意食花膠雞煲，花膠雞湯，花膠肉餅梗係要食埋啦！落完單之後佢就送咗個中湯俾我哋飲，幾好飲飲完仲要好開胃等左一陣最期待嘅美食出場啦意料之外花膠超級無敵大塊呢個價錢食到咁大塊嘅肉餅真係物超所值！開頭我仲以為好細塊！配埋啲肉餅一齊食真係絕配！佢啲肉餅簡直就係冇得彈煎到超級香！不過份量真係好大。自問係女仔都唔係好食得晒呢碗野！不過真係好值得一食＄99 一個花膠肉餅你話係咪好抵？

無聊揾下野食，見到肉餅哥，覺得個名幾得意，就click入去睇，見到好多款唔同口味嘅肉餅，就勁想去試下（ps：我都係好鍾意食肉），即刻call埋fd一起覓食見到好多都好吸引，例如流心芝士肉餅等，最後我就叫咗金沙蛋黃煎肉餅（佢可以揀煎或蒸）而我個fd就揀咗老乾媽豆豉蒸肉餅，我地兩個都揀菜飯，最後仲加咗炸雞髀同埋6粒芝士波波（我地真係好大食）我地真係好鍾意食肉餅，黎緊會再試試其他款式嘅肉餅。金沙蛋黃煎肉餅個面有超多金黃色嘅鹹蛋係個面度，而且塊肉餅都好大塊，一試，個鹹蛋味好濃，同本身肉餅個味好夾，唔會太鹹剛剛好。老乾媽豆豉蒸肉餅就相比前者清淡，隻老乾媽醬味道幾香，有d似淡味嘅XO醬，送飯一流而芝士波波就不過不失，有芝士味但係冇做到拉絲嘅效果而炸髀不得不説真係超級超級大隻，本身我地諗住一人一隻好彩店員提醒，因爲個size真係好大，建議2~3人share一隻。我地食得出有沙薑味同埋似臺灣鹽酥鷄排嘅感覺，唔錯幾好食。

👫👱🏻‍♀️約咗好耐嘅foodie終於夾到時間，第一時間諗要一齊食咩🤣 選擇困難嘅👱🏻‍♀️就跟住靚女foodie去搵食，乜都唔駛諗哈哈😆 📢 想知邊到有更多好西食？Follow&like @ourfoodstory.hk✨ 吃貨情侶帶你食勻全世界🌏 每日不定時更新喔⭐️一一一一一一一一一一一一一一#足三兩花膠煎肉餅 <$99>▫️菜飯聽聞呢個飯好受女仔歡迎👏，一定係因為好食又養顏😆 餐牌寫話啲花膠用咗一日時間浸發，在飛水5分鐘，然後封冰令到入口會爽身啲🤔 加入薑蔥、蠔油、紅燒汁慢火炆45分鐘先放上肉餅，好有心機👍🏻.花膠好厚身，有4塊咁多😍 食落口好痴笠笠，都幾軟滑😋 但吞到喉嚨嗰陣，比豐富嘅膠質漿住喉嚨😂 大量嘅骨膠原直接食入口，啱曬貪靚嘅女士們💕.肉餅煎到好香脆，但食落又有肉汁，完全唔會乾身😋 層次分明，送飯一流！果然係招牌肉餅🤗 Btw個菜飯一啲菜味都無，扣曬分🤦🏻‍♀️#鮮味蟹粉煎肉餅 <$99>▫️菜飯蟹膏同蟹肉係由大閘蟹度揀出嚟，再混合烹調，直至煮出蟹皇，製成蟹皇將肉餅一齊攪拌，在喺煎好咗嘅肉餅上塗上一層蟹皇👍🏻.肉餅一樣香脆金黃，食落有陣陣蟹味，加埋

聽同事講荃灣有間主打食豬肉餅嘅人氣食店，叫我如果去開荃灣就要去食下。趁今晚去開荃灣，就同個friend 去食。門面夠晒光猛，望入去都有唔少食客開緊餐。小店內裝修有啲似日本的小型食店，雖然細，但都好舒服。一坐低，都未叫嘢食，職員就送碗青紅蘿蔔湯來，熱辣辣，天寒地凍有碗熱湯飲。肉餅飯花臣真多，古靈精怪有，正正經經都有。最終，都係揀咗一個【足三両花膠煎肉餅配菜飯 $99】、一個【潮州家鄉蒸肉餅配白飯 $69】和一份【榴槤炸蛋 $38】一齊share。【足三両花膠煎肉餅】果然名不虛傳，四件大花膠舖咗喺塊煎肉餅上面，肉餅下面就係菜飯。我哋share 食，可以分到4碗出來，碗碗都有一件大花膠。花膠好味好黏口。肉餅煎得好甘香、肉滑。加埋菜飯一齊食，好滿足。【潮州家鄉蒸肉餅】裡面加咗有韮菜、馬蹄、沙葛、冬菇、花生一齊蒸，風味十足，配白菜來食，就一絕。【榴槤炸蛋】炸得香脆。咬落去，裡面嘅榴槤就爆漿而出，唔錯。值得一提是，除咗堂食，我仲見到好多人嚟買外賣，足見呢間食店極受街坊歡迎。

肉餅係我最愛住愛菜之一，但近年少左番屋企食飯，有時難得同屋企人食飯，都一定要求阿媽整肉餅俾去送飯 😅😅去開荃灣，上openrice search下發現肉餅哥，唔同茶餐廳果d碟頭飯，有好多係同創新肉餅，仲有得配菜飯，我同朋友一人叫左一碟，我就試左金沙蛋黃肉餅飯，上前果層蛋黃醬好邪惡，肉餅又煎到好香，食食下成碗飯都清哂 🤭🤭 唔知要做番幾多運動先減得番走朋友就叫左花膠肉餅飯，一上菜我地都嚇一嚇親，以為都係得少少花膠配下菜咁，點知係成大碟花膠，佢share 俾我先食得哂，以為花膠配肉餅會好奇怪，但食落一啲違和感都冇，花膠啲汁配埋肉餅，攞嚟送飯一流。

自從上次試過大圍肉餅哥後，一直對肉餅念念不忘，想找機會再次品嚐他的美味！可惜一直都沒有時間再去大圍，但是皇天不負有心人，今天跟師姐要到荃灣工作！機會來了，因為荃灣也有肉餅哥！一看之下，餐牌跟格局跟大圍的店好像有點出入，不過不打緊，因為我一早就決定好要吃什麼的東西這邊也有了。跟大圍肉餅哥一樣，一坐下店員就送上熱湯，貼心！足三兩花膠肉餅 - 跟油飯 對！一早我想試這個，位列三甲的足三兩花膠肉餅！超大件超足料花膠放於肉餅上，還有一個濃濃的芡汁，跟花膠軟稔稔的口感相當搭配！而煎肉餅味道也相當不錯，肉厚、夠香口、有咬口！超級無敵大的花膠！底下是第一次試的黃油飯，有油香的飯就是吸引！鮮味蟹粉肉餅 - 跟油飯 自問是一個愛蟹之人，來到這裡又怎可以不試一下他這個鮮味蟹粉肉餅！香煎肉餅上大大 pat 蟹粉醬，口感充滿油香，好重蟹味！蟹粉跟油飯出奇地配合，完全滿足味蕾的要求！這樣吃最美味！榴槤炸彈 ( 3 粒)肉餅跟飯本來就夠吃，但看到餐單上竟有我跟師姐都喜愛吃的榴槤炸彈，當然也要點一客過口癮！流出來的榴槤蓉真的吸引得令人瘋狂！不得不再讚一下，原來香港的餐廳飲品竟然還可以做到這樣的價錢，才 $ 5 一罐！