肥仔海南雞專門店 (開源道) (已結業)

今日行過觀塘巧明街，見倒一大堆人係肥仔記排隊等外賣，返正我都要買外賣，就索性試下係咪真係咁好食😁-🥢海南雞飯見前面排隊個女人話要多個黑汁，我都唔蝕底要埋黑汁😆可以加$5轉雞脾，不過我冇加到但係就算係雞胸都好滑，完全唔鞋，仲好有雞味（一定唔係雪藏雞）☺️雞皮就好爽👍🏻而且都有好多件雞，好抵食😁個飯仲係油飯，好鬼香，可惜就唔太熱😕好彩攞埋個黑汁，甜甜地攞黎撈飯一流👍🏻而個辣醬點雞都好惹味😌

如果經過肥仔記，就一定會買盒無骨海南雞飯🐔一個飯連一杯湯$40蚊，（要脾就加$5）雞肉好滑又冇骨，就算係雞胸位都唔會好鞋，記得問佢攞埋黑豉油，同埋個泰式醬，薑溶一齊點，好味好多架。呢度只做外賣，所以賣嘅款式唔多，除左海南雞飯，仲有元蹄飯同埋咖哩牛腩飯共三款，最好味緊係海南雞啦。所以今晚就索性買半隻雞返屋企慢慢嘆😋

來到觀塘的肥仔海南雞，本來想要一盒海南雞飯嚐嚐，結果被店員推介了新出的八味雞飯。我也沒所謂，反正也餓了。飯盒來到，有點可惜的是飯不是海南雞飯般黃黃香香有味道的油飯。只是白飯而已。雞像是豉油雞，加配了蔥油。以及這盒甜酸汁，將醬汁都混下去，發現甜酸交集，當中慘透了蔥香，雞需要不是熱呼呼，但還是暖心的。感覺味道是有的，但總覺得不滿足。當中較欣賞就是這支甜醬，混下去飯吃，可以一解白飯的單調，易入口，更重要的是，和雞咪3配合。最滿足的是這杯冬瓜湯，如圖看見不會有半點油膩。清清純純，味道清甜，裡面也有幾塊冬瓜粒，十分不錯。價錢是40元，感覺一般，還可以。

現在想找個平DD又正常味道的午餐都好難，肥仔海南雞飯是我其中一間的選擇。但只可以外賣，一個招牌無骨海南雞飯都是$40如果轉脾都是加$5還有湯送埋，還有一個輕食版本平$10。食物招牌無骨海南雞飯（加$5轉脾）⭐️⭐️⭐️⭐️雞肉嫩滑，無雪味有雞味，但肥了些，飯是油飯，不是普通白飯，泰式醬味道酸酸甜甜，帶少許辣味。湯就普普通通無乜特別。總括來說回味指數👍🏻👍🏻👍🏻👍🏻，好過食一些又貴又無質數的垃圾午餐。

肥仔海南雞開左一段時間，其實每個星期都會食一兩次，貪佢夠飽又有湯，一個人食又方便。以呢類形既地方黎講肥仔海南雞既鋪面同廚房都都叫乾淨企理，都叫食得實安心。基本上每次食都淨係食海南雞飯加凍檸茶，咁樣食法就$47，如果轉雞髀就應該加$5。先講講舊雞先，以往師父會切得多啲肉，宜家就切得多啲骨，不過整體而言都係可以接受。肉質方面唔叫嫩口，不過口感都可以。油飯方面有時會太乾身，唔係好夠香、味道有啲淡。配菜方面加左青瓜，成個飯有啲平衡。另外有杯有冬瓜肉小冬瓜湯飲下都幾滿足。最後總結一下，如果要食得好好肥仔海南雞未必適合，不過平時日常食既話係抵食既。

中午前在觀瑭牛頭角等巴士之際見到一條在工廈內的走廊有數間小店，其中一間食海南雞飯，店舖很細，只有面向牆幾個座位，大約8個左右，雞掛在廚窗，望落個樣 ok就坐下食完至回公司，我叫左海南雞飯轉雞肶，有例湯送。海南雞飯正常size價 $40，加$5可轉雞肶，還可選擇輕量裝$30，在場見到多數女士叫輕量。我就梗係食正常size啦！雞肉很幼滑有汁，是用黃油雞，皮與肉之間成啫喱層，做得好好，雞味濃，不過黃油雞缺點是太肥。飯不是平時的油飯，而是帶有淡淡的椰香味飯，幾特別。配薑萛唔油（加分），甜豉油及雞醬，同飯分開自取，要有的都齊哂，湯是送的，清湯一碗味道ok。飯和雞份量比正常多，我都食唔哂。

呢間肥仔外賣專門店主打海南雞飯既小店.......今天中午來到這裡，店鋪選擇唔多⋯⋯得海南雞飯同兩款泰式食物。海南雞正岩我胃口。試一試下先，加5要脾。落單之後等一陣就好快有得拎！光看賣相, 好像很平凡。佢係用發布膠盒裝著！而份量亦都合理⋯⋯雞肉非常的滑，仲附上幾片青瓜。連皮吃只感到沒有很油膩。油飯不是很油膩的但就充滿香味。只是飯有點兒太乾, 而且不夠熱。可能外賣回公司後太久先吃關係！配埋個醬汁同薑蓉好好食。45蚊黎講唔係貴。食完都夠飽，唯一要挑剔就係跟餐湯簡直好似水咁，不飲也罷。不過既然是跟餐附送的不能要求多多。

受氣經驗，無下次。利申：好少出街食，但外賣食過幾次，認真抵食唔錯，亦有向觀塘返工嘅朋友推介。頭先排隊買飯時，戴眼鏡嘅收銀女士忙緊排我前面嘅顧客訂單，其他員工直接問我要咩，我諗緊事，一時下意識講咗「無骨海南雞飯」。見到八達通銀碼係$40正常份量，我即刻講番係想要輕量級。點知戴眼鏡嘅收銀女士好悔氣，用教仔口吻講：「喂你要記得講大定細喎！第一次買唔識講，下次要識講啦吓！」其實出嚟買飯無諗過受呢啲氣，明白你哋要預包裝盒大細，但其他餐廳都會主動問一問份量要大定細，而未試過劈頭咁樣對顧客發難。或者你喺咁易講一句「下次記得講大/細」，都唔使當顧客係小朋友咁教吧？只係一時漏講，就白白受氣。本身諗過算啦唔買，但見到廚房好快手就pack好，其他員工又有禮貌，所以決定今次照買，但無下次。

好多次經過都見到呢間野 今日就鼓起勇氣去試試佢 我諗住安全啲 所以買左個招牌無骨海南雞飯 但係食落完全比想像中差 啲飯根本唔係油飯 無味到同白飯無乜分別 而啲雞有雪藏味 毛都未蚊乾淨 話明無骨但仲有碎骨 實在令人失望

尋日公司有活動 見到有間專賣海南雞就試下 價錢平 40蚊就食到海南雞飯 加蚊仲可以轉隻為雞脾一打開個飯好驚喜 飯都幾大盒 重點個海南雞係嫩既 有我最鐘意既油飯 仲有薑蓉同甜酸雞汁 可以自己揀想點咩汁 肥仔既海南雞都好全面 送哂湯比我 好似出去餐廳食咁如果大家係好細食又想食到海南雞 肥仔都有推出輕食既海南雞 我見到同事個飯會減半 價錢好似平5至10蚊不過價錢平既原因我諗係只得外賣 無得堂食 係而架地租咁既貴既情況下食到咁高質既海南雞都唔容易

雞飯對於我黎講總係有一種情意結差不多一星期就會食一次朋友經常笑我 見到雞飯就會兩眼發光話我地相逢恨晚 🤣🤣🤣🤣🤣Anyway 今次呢個新朋友係第一次見叫肥仔 喺巧明街 apm後面地點都方便嘅不過就得外賣無堂食咁我當然係叫雞飯啦😂一開都好大兜下女仔或者細食d可能會食唔晒雞件都算多真心有時d雞飯得三四舊個油飯好香而食落都有淡淡嘅油香味雞件嫩滑 juicy 無話鞋烚烚有雞味 無雪味生熟程度剛剛好喺d雞下面仲收埋咗四五舊青瓜d青瓜好爽脆 但係又無生青瓜嘅嗰種草青味係應該有處理過嘅🤔仲有個泰式醬味道調教得啱啱好 唔會太酸同太辣好惹味就算我唔食得辣嘅人都覺得好味酸酸甜甜 帶好少好少嘅辣好開胃👍🏿美中不足係雖然叫無骨雞飯但都食到有d碎骨同好細舊嘅骨食嘅時候要留意不過總括黎講呢個雞飯食得過👍🏿👍🏿👍🏿👍🏿

買半隻海南雞$78返到屋企變咗盒$40既飯😡😡無咗$38😭😭打去舖頭又無人聽，味道還可以，唉！下次去買要睇清楚先好走，錯咗都無得追究，😠😠😠😠😠

路經此地，見呢間泰式海南雞專門店都多人排隊，擇日再試，第二日早啲去等第二個就到我order。正常size雞飯$40，輕食之選$30，正常個飯份量好似好多，就先試試輕食之選，三片青瓜加五、六舊雞，飯係大約正常食飯碗既份量，啱哂唔想食咁大份午餐既人！跟飯送湯，返到公司食既時候個湯重係熱！太好喇，唔係微暖或者凍左，湯係要熱先好飲架嘛（非常主觀）冇轉肶，比左雞胸，平時唔太鍾意食雞胸，但呢個好嫩滑juicy、雞皮雞肉都入味，青瓜用醋腌過，所以帶點酸幾開胃～個飯係油飯唔算油不過淋左啲，個湯有點咸，可以話係夠味唔會淡啦，有幾粒冬瓜，送黎講都算唔錯～而且成set只係$30，只係份量少啲並冇將貨就價特別要提一提，佢包外賣只會比個泰式酸辣醬（BB辣），如果要甜醬油係要自己另外拎架（免費）！另外佢既正常size外賣飯盒係用發泡膠盒，唔係用呢隻微波爐膠碗，比大家參考下

今日Lunch無帶飯，聽同事講樓下開咗新海南雞店好不錯，建議去試下12:45左右去到已經有好多人排緊，店內只有幾個拍埋牆嘅坐位，主要做外賣生意，幾乎係開放式廚房，可以完全見到成個切雞入袋過程，都幾企理乾淨大約等咗15分鐘就拎得，外賣嚟講都算快食物選擇唔算好多，主打海南雞同元蹄。如果細食可以叫$30輕食，size係平時外賣大湯碗，份量真係得正常size嘅2/3。不過有多個選擇都好，啱細食嘅人，唔駛浪費食物，又幾窩心一場嚟到緊係要食$40招牌無骨海南雞飯，冇加$5轉脾，因為如果係真正好食嘅海南雞，應該連雞胸位都要嫩滑，所以冇加錢轉主打海南雞果然冇令人失望，雞皮帶爽脆，入囗唔油膩。雞胸肉結實但唔嚡囗，連皮一齊食囗感一流，啖啖肉，真係絕對唔輸蝕比雞脾肉配泰式酸辣汁，個蓋真係好難開，一開就整到全手都係汁，要小心啲先得個汁好惹味開胃，酸中帶微辣，就算唔食得辣嘅都可以試下。點咗泰式汁加薑蓉令雞肉味道層次提升，惹味得嚟又嫩滑另一重點當然係黃油飯，本身見到飯嘅色水好淡，以為係白飯，點知入囗好香，每啖飯都食到油香~其實雞件下有4件生青瓜，食完雞有啲dry再食青瓜解膩都唔錯爽脆清甜，如果再多幾件仲好隨餐附送

今曰突然好想食海南雞飯，就去左買肥仔，平時行開經過聞到好香都已經想try下架啦！有得可以八達通俾錢，幾方便喎。好貼心，有輕量裝選擇，岩哂細食之人，咁就唔怕食唔哂浪費啦。招牌無骨海南雞飯加左$5轉雞脾肉，雞肉好嫰滑又唔肥！連埋雞皮一齊食，Yummy！油飯就比較遜色了，首先唔夠熱，其次冇乜油香味，伴菜得兩舊青瓜。配左酸辣醬，點雞加入飯撈都好味，不過開蓋就要小心點，個蓋好似蓋唔實咁，好易整到成枱都污糟。送左杯元貝冬瓜清雞湯，夠熱，都幾清甜，飲完唔會口渴。