肥仔黎 (已結業)

天氣仲係熱辣辣，唔想煮飯行過買袋鹽水雞加餸😙😙😙😙難得唔洗排隊👬👩🏼‍🤝‍👩🏻👫👩🏼‍🤝‍👩🏻👬獨享餐 $50可以揀雞翼/雞胸/雞髀加3個配料太多配料，選擇困難症揀左雞胸配金錢肚，高麗菜同芭樂次次都無哂雞髀🥲 想食雞髀要早d雞胸都好滑嫰，切到一啖一舊食起上來唔會好論盡金錢肚好入味，有滷水味仲好索鹽水雞d汁😋😋😋😋芭樂超爽甜多汁配合埋懶係健康既高麗菜😌😌😌😌有菜有肉🤭 d菜勁索汁

出開元朗見到有間鹽水雞 就係呢間肥仔黎一去到 門面純粹有個牌寫住「等候時間至三點」因為未買過 就問個應該係老細既肥仔 問佢係咪嗌左先3點黎攞定係要3點先有得開始買 當刻時間2點半然後個肥仔就即刻一臉怒氣大大聲好唔情願既語氣講左句「我呢到個牌咪寫左3點囉」未買過 唔知咩形式 結果換來受氣 元朗仲有好幾間鹽水雞 各位可以試其他😋😋呢間真係未嗌未食都已經受氣 眼見肥仔老細一個唔憂做唔怕無生意既態度對顧客 非常佩服😇😇👍🏻👍🏻

the chicken was pretty spicy! loved the other toppings like beancurd skin and cucumber as well - they were super refreshing! however, I feel like the chicken itself wasn't super flavourful as it didn't really soak in the sauce as well as the other ingredients.

❤️元朗美食 | 📍肥仔黎元朗真係好多人氣小店架🤫我諗淨係介紹元朗美食都有排講🤭🔹️呢間鋪早一兩年真係次次黎都要排隊😵但而家已經少左好多人，唔洗點排隊就食到👍🔸️雞脾餐（跟3個配菜）$50 有啲小貴，份量不多，我地揀左3個配菜分別係青瓜🥒、番石榴同埋杏鮑菇🍄雞脾肉質嫩滑，去晒骨，切到細細件，方便一啖一件👍味道方面我地叫左中辣🔥加埋佢鹽水雞咸咸地，加埋好惹味🤤另外3個配菜都夠入味，我最鐘意加埋啲配菜一齊食，食落冇咁膩👍特別係青瓜🥒，青爽爽脆‼️我都推介加番石榴，用鹽水醃過加埋啲辣好特別‼️大家下次可以試下👍jan_foodie

咁啱入元朗試下呢區名物 叫咗單人餐雞髀肉配旬 甜不辣同高麗菜 雞髀肉有驚喜 比其他鹹水雞店嫩滑 甜不辣正常味道冇咩特別 高麗菜新鮮清甜 整袋偏淡口味 啱曬口味清淡嘅客人 會再encore

由初時新開張好多人排隊再到而加得幾丁友排隊，味道其實都係間間都一樣無特別，吾太肚餓但又諗唔到既可以當小食咁食下。 初時我覺得老闆娘態度好nice，到而加好似目無表情仲好似有種催你揀完吾好阻住既感覺，吾會再推薦你試下食咩 / 問你加吾加飲品。至於食物方面配菜都算多，都有滷肉飯、米粉、仲有腸粉燒賣魚蛋For周邊學校學生放學食。我最欣賞佢每次我選吾辣但次次番到去食都係辣既就憑呢點固執促使我再去幫襯期待有日食到一包真係「吾辣」！價錢方面一份雞脾餐 / 雞胸餐售價$49 再跟3個配菜，個人認為稍為貴左不過香港地有乜野係吾貴。所以偶然食一次仲可以接受，再加價應該就直接拜拜啦

一直以來都聽講元朗呢一間鹽水雞好出名，上次我哋入元朗嘅時候就試下佢。$49就有一份鹽水雞在可以+3個餸，我哋就揀咗要雞腿，配芭樂杏鮑菇同埋甜不辣。老實講，味道唔差嘅，但係唔係想像中咁好食，份量亦都唔算好多，但係呢個價錢算係咁。由於聽聞呢間舖頭佢準備嘅份量唔多，所以我哋提前咗係開賣嘅15分鐘前去排隊，而結果都真係好多人嚟買。如果大家好似我哋咁特登入元朗為咗食呢間店，咁我個人覺得就唔太需要，因為仲有好多好食嘅鹽水雞店係其他區，但如果係住元朗附近嘅話都不妨可以食吓～

之前見啲網路紅人介紹特登由九龍搭車入黎元朗想試一去到佢地同我講截左單要LUNCH甘我見佢個牌寫左分時段賣我以為要到6點先再有得買甘我好聲好氣問大概幾時完LUNCH我預時間過黎再買點知入面個肥仔（應該係老細）勁差態度話出面咪有牌掛左幾點後返黎囉我問：姐係20分鐘後返黎就可以買？唔係6點？佢：係呀 20分鐘後你再返黎啦我：好 唔該曬佢即刻口upup同另一個女人講：買果少少野好巴閉咩？唔洗食飯呀嘩！我心諗問清楚啲姐，洗唔洗甘？阻住你食飯真係唔好意思～但間鋪甘既態度做野真係連幫襯都唔想

獨享餐 $49對上一次去到一點幾已經賣晒因為佢全日淨係一點同六點開賣今次我一點去到成功買到雞髀！配菜揀咗：菠蘿 番石榴 杏鮑菇個雞髀好滑 聽講雞髀好快賣晒皮同肉中間係有一層啫喱嗰種 調味啱啱好 有肉汁 一啲都唔乾😋😋 小辣啱啱好！（可以揀重口味同埋多蒜！）菠蘿係爆汁嗰隻！好甜食落去勁開胃 一定要揀呢個！番石榴一般般 唔係好甜 變咗配角杏鮑菇好吸汁 冇菇嘅臭味同啲辣汁撈埋一齊 真係一流 鍾意食菇一定要叫呢個！我朋友試過雞翼 但都係雞髀好食好多 所以大家有機會都要買雞髀 滑好多！整體來講對比其他鹽水雞來講：高水準同多汁！

依間唔提早去排真係食唔到😵‍💫10分鐘前到已經排左十幾個人係前面，排太後有可能部分雞已經賣哂，一路等會有店員落單，留意翻買完仲要等半個鐘先有得攞。—— 獨享餐$49叫左個一人餐，任選一個雞肉部位(雞翼/雞胸/雞髀)加3款配料，雞脾肉好爽滑，調味啱啱好惹味，配料揀左百頁豆腐、魚皮同杏鮑菇都十分夾👍🏻欣賞佢包裝做得好好，外賣攞翻屋企食都好方便。整體好食，但如果要等太耐又未必會排😂唔洗等就絕對可以一試💡溫馨提示：兩輪供應時間：1點同6點

台灣係20/2終於開放自由行、但未起飛既都可以係元朗食到正宗台灣小吃。⋆⌁⌁⌁❤︎⌁⌁⌁⋆ ⋆⌁⌁⌁❤︎⌁⌁⌁⋆ ⋆⌁⌁⌁❤︎⌁⌁⌁⋆ ⋆⌁⌁⌁❤︎⌁⌁⌁⋆❈ 獨享餐HK$49 （中辣）雞全翼/雞胸/雞腿＋3款配菜。今次點左雞腿+ 甜不辣，杏鮑菇同埋貢丸。調味可自選辣度 ，淡/重口味 ，走/多葱， 走/多蒜。鹽水雞肉爽脆嫩滑，調味料完全滲透入雞肉和配菜、整體好惹味。如果係一小時內會食既、配菜可以試下揀鳳梨、比想像中食落清新、好夾， 令整體味道提升。⋆⌁⌁⌁❤︎⌁⌁⌁⋆ ⋆⌁⌁⌁❤︎⌁⌁⌁⋆ ⋆⌁⌁⌁❤︎⌁⌁⌁⋆ ⋆⌁⌁⌁❤︎⌁⌁⌁⋆

星期日下晝去買鹽水雞食 鹽水雞呢樣嘢食，本來根本就唔需要等待 都係落單，佢即時整 。一開始門口已經排咗五六個人嘅人龍 我以為要等咁耐，係因為落完單即刻有得拎。點知落完單俾完錢之後佢先叫我哋等30分鐘，話因為前面落單人數多。無論佢落單人數多唔多，重點係佢出餐速度不合理地慢。店內門面三個人，同一時間實際做嘢得一個。然後佢哋撈鹽水雞，仲要慢吞吞。5分鐘都未必做到一張單 根本係特登拖慢速度扮好生意。然後食物嘅味道普通我配咗杏鮑菇 好似仲有少少酸酸哋⋯佢係個包裝得意啲 叫做ig打下卡 其餘根本不外如事 仲要迫人等30分鐘 非常不合理

我記得之前食過一次覺得都唔錯，今次專登入去元朗國再食，點知去到原來啲雞分開幾個時段出爐，咁啱我就卡住咗喺中間，感覺扮哂要好吃香咁，垃圾飢餓識營銷手法。咁橫掂都入到嚟咪等到6:00去食買完之後勁失望！ ！ ！ ！貴咗咁多，仲要得返半袋，啲廚房佬又喺度黑口黑面咁，真係又唔開胃，又唔舒服，喱啲垃圾都係早啲執實 冇人抵可憐，觀塘廣場嗰間仲好食過佢勁多。仲要山長水遠開到喺元朗國咁遠咁偏僻特登入嚟成袋嘢得啲胡椒味 啲雞又"鞋"又老唔新鮮似隔夜仲要喺度扮黃店 黃店出名難食，佢真係當之無愧。啲人吹噓得太誇張lor!!!!

🍽️ 肥仔黎 📍元朗鳳琴街15-21號鴻運中心地下12號舖-💫 獨享餐（雞腿+3款配菜：芭樂、百葉豆腐、杏鮑菇）（$49）杏鮑菇爽脆、百葉豆腐好索味😍芭樂多汁清甜，配合重口味多蔥多蒜😍😍😍簡直一流重點黎啦🤌🏻🤌🏻🤌🏻雞肉方面我地揀左雞髀，肉質嫩滑👍🏻👍🏻👍🏻不得了！-🌟店舖冇座位，但仍然無阻大家對佢嘅愛， 5:45已經大排長龍等6:00出爐🥹每日下午一點同六點有鹽水雞出爐，有興趣嘅朋友要注意啦😍😍🌟雖然啲嘢真係好好食，但係有一位女店員態度比較惡🫣推薦指數：5/5抵食指數：4/5#foodloverin852 #852 #foodie #hongkong#yuenlong #元朗 #肥仔黎 #fattylai

聽說肥仔黎好好吃但好難買，因為供應時間分時段，每次一開賣就被搶光了😭剛好來到元朗，肯定要去試試傳說中的肥仔黎。竟然沒人排隊！果然是因為雞肉已經沽清。不過就算雞肉沽清，只買蔬菜水果餐已經好吃到起飛！我們第一次叫了，菠蘿、番石榴、百頁豆腐還有雞翼（好幸運老闆說還剩最後一份雞，本來留著自己吃，但看我們專程來到就賣給我們😊），選了多蒜重口味。拿到包裝已經覺得好好吃，多了一份期待！確實沒讓我們失望，十分鐘不到就吃完一包😭味道的豐富，水果鹹甜微辣，是很奇妙但很驚艷的味道！一定要試一下呀！然後就又買了一包帶回家繼續吃哈哈哈哈！