能記飯店

營業中

休息中

住附近已經食燒鵝食到厭，今日想食吓家常便飯，諗住有蘇民峰加持唔太差掛，點知中伏了。其實幾年前幫襯過一次燒鵝，食完覺得麻麻己經無返轉頭，今次想試吓佢小菜得唔得，所以無叫燒鵝。花雕煮花甲，花甲好大隻，但無咩鮮味，少少腥。雖然花雕味好濃又有勁多薑，但都係唔好食。煎蓮藕餅，咬落膠膠地，初時仲諗究竟食緊咩，蓮藕少得可憐，於是問侍應呢塊嘢除了蓮藕仲有咩，佢好直接答係粉，哦⋯⋯原來粉多過蓮藕，佢改名做煎蓮藕糕會好d。要讚既話只能讚佢可以將d粉達到咁膠，好功力。個生菜豆腐鯪魚球湯味道比較正常。 成餐飯靠呢個湯送白飯先至飽，本來有諗過要唔要燒鵝送飯，但心諗都係博唔過，唔比佢賺$160蚊。結論，唔會再去。

上星期日去大棠睇完紅葉、行完山就行埋去深井能記食燒鵝，叫左半隻燒鵝，椒鹽九肚魚，花彫煮大蜆，豉椒炒鵝腸同蒜蓉豆苗，隻燒鵝非常good，連D肥膏都係咁好味，出面D燒鵝D肥膏係得個肥字、超油，但呢間燒鵝唔算太多肥膏，而且咬入口唔會成口油，不過都會有D油嘅，但係D油係有燒鵝嘅味道咖，証明確實燒得好好👍，其他嘢都整得幾好味，男朋友超讚係個掓鹽九肚魚，佢話好食過出面，唔多粉。價錢係貴D，但入得深井就預左，其實係值得嘅！

上星期日行完山，終點係深井，就試下食燒鵝。平時聽得多話食燒鵝深井最地道。問過朋友，有2位都推介能記燒鵝掂。於是我地1行5人係17:30 步入能記。行完山當然肚餓，於是我地叫咗6餸1湯+2碗瀨粉+2支汽水。看就似幾大食，但d 餸碟頭較細，所以啱啱好~~(1) 半隻燒鵝 : 皮5脆，5似新鮮燒，似係放咗一段時間。可能我地太早開餐，所以將之前切開的半隻給了我們。若以差不多3百蚊食呢個質素，我就覺得5使去食。。。(2) 椒鹽九肚魚 : 幾好，粉漿薄，炸得剛剛好(3) 椒鹽蠔 : 係店員推6，但無特別，味道不及砵酒焗咁惹味，所以椒鹽呢個做法係5掂(4) 咕嚕豚肉 : 幾好，酸甜適中，但洋蔥幾生，好辣下(5) 鮮淮山木耳勝瓜 : 呢個有驚喜，幾入味，讚!!!(6) 油浸筍殼魚 : 我覺得過火咗，得脆，無咗d 魚味。反而我係佐敦軍記食，佢整得不錯!!!(7) 螺頭杞子圓肉燉雞腳 : 1大盅 $128，分到6碗，味道好!!!!埋單 $1284下次有機再入深井會試裕記，因為我真係想食好味既燒鵝

相信唔少人都試過慕名去深井食燒鵝，結果中咗伏。今次行完山我就專程揀一間未食過嘅餐廳做下午茶，睇吓可否打破魔咒。呢間能記燒鵝雖然名氣唔及其餘幾間餐廳，但估唔到佢嘅燒鵝同小菜出品唔錯，係我意料之外。四個人叫咗半隻燒鵝、炭燒豬頸肉、四碗瀨粉同埋蒜蓉豆苗。除咗燒鵝係整定之外，其餘都係即叫即煮。燒鵝賣相比上次去隔離嗰間有睇頭得多。唔單止大隻，肉厚而不韌，皮雖然唔脆但仍有油光，皮下無多餘脂肪，每件燒鵝厚薄勻稱，師傅刀功可見一斑。最重點係個瀨粉湯底，真係足料熬制而成，堪稱一碗下午茶最邪惡嘅燒鵝瀨！蒜蓉豆苗大碟到食唔哂，炒得翠綠，味道唔太鹹又唔多油，好滿意炭燒豬頸肉有好多件，燒得夠香，色水靚，幾煙韌juicy!行完個山又攰又餓，可以食到個咁豐富好味嘅下午茶真係大滿足😄😄，醫飽個肚補充體力，出返荃灣按埋個摩就真係圓滿喇！

I love roast goose a lot and my friend told me 能記 is much better than my love 裕記. Ok let me try.The skin colour of roast goose is red which was very good, but the skin was not crispy enough. The meat was soft but not juicy. I wanna complained to my friend, he stopped me and said the quality of the roast goose dropped a lot, he know what I wanna say. He would not come back again and so do I.

賣點：泊車$20唔洗等位今天諗住試下非兩大字號：能記原來佢歷史都幾耐，不過個招牌就唔係咁易睇到。係陳記外賣再入⋯入正題，今次主要係食燒鵝，雖然呀姐係咁叫食蟹。燒鵝半隻$268幾肥美，皮脆燒鵝配瀨粉正$14碗花雕酒煮蜆$88 幾入味，好食潮洲豆腐$50 除左熱，味道一般炭燒豬頸肉$78（佢有個牌寫$68不過假的）有圖有真相：雖則話炭燒，不過炭燒燒幾耐就無人知。好似豬頸肉剌身，食落幾有豬味。最後一提：本身想食鵝腸，不過老闆話而家無入口有既都係走私，所以無得食。是真是假？菜唔貴，係啲花生，茶位

深井燒鵝，由細到大都好出名，一嚟到深井，真係四周圍都係燒鵝店，呢個都係深井一大特色之一！！玉記嘅名聲更大，不過人地就推薦能記。咁就決定能記！！大排檔風格，主打就係燒鵝·燒鵝·仲系燒鵝。燒鵝味道都算唔錯，不過感覺燒得有啲過火，燒到黑曬。。。燒鵝皮酥脆，燒鵝肉都幾嫩滑。點少少醬會好食啲。老火湯啲精華系曬湯入面，甘甜香滑。個粉嘅味道有啲咸，唔系咁推薦、

太難食,要早出食評@能記不說廢話,直接去寫食物, 因根本唔值得再浪費我時間寫湯已幫我們分好, 說是螺頭湯,但唔太覺有螺頭甜味,加上看不到湯料呀, 就是不太信有下螺頭,仲有好多油!!!!!!!!!!!!!!!燒鵝唔熱已經放涼了好一段時間, 比較油同我隻隻下脾,皮同肉都難咬到要用牙手配合扯, 幸好我牙仔健康,戴假牙吃的老人家, 未吃到肉已經假牙飛出了。個西蘭花好細, 上面D帶子唔彈, 仲要好似人做的,有D似食紙巾, 即是市面一盒盒現成,已舖了麵包糠的炸假帶子一模一樣。個菇是酸的, 我們有向店家反映..... 團友人太好, 錢照收.....個蜆椒汁OK, 不過好細隻肉不多, 怎樣看也不似10人餐份量。金銀蛋白菜仔, 個皮旦都唔流心同靚,吃到這麼簡單的菜式也做出低級水準,我已無慾無求,只求晚餐出市區找個餐廳溝貨。因我唔食牛, 只夾了青椒同洋蔥食, 幾爽口的,黑椒味濃郁。蒜泥蒸蝦,蝦肉是死蝦肉質梅的, 蒜泥多夠蒜味蓋返陣陣死蝦氣息豆腐上了了個只有鹹味的膠水茨汁, D碎蝦肉又唔新鮮, 就雙氧水沉過做出假彈性如果你睇到咁多差評都要來食, 那就祝你好運啦! 

住在深井，咁多間燒鵝，我一向首推能記。有幸同一衆好友gathering，仲要去食燒鵝，順理成章地就揀我嘅心水食店。叫咗幾個小菜加一隻燒鵝，友人叫我唔好叫一隻怕食唔哂，我仲話太好吃，怕唔夠吃，點知唔單只夠吃，仲要無咩人吃...因為碟鵝唔熱，皮唔脆仲要無咩味，極淡，失望非常！金銀蛋菜- 好咸，菜很老椒鹽豆腐- 唔夠熱，又唔脆其他嘅小菜同滾湯都好一般後話 - 前幾次嚟食，無論係燒鵝同小菜都回味無窮，今次真係好失望，保持水準很重要，希望再有機會光顧嘅時候可以回復本來的味道。- 服務有待改善

今次去深井食燒鵝，試下依間唔算太出名既能記先。星期六晚上不算太多人，4人比左張8人圓枱，不過2樓供應係圓櫈坐得唔太舒服。首先當然要點半隻燒鵝先。$255半隻，皮都算脆，唔肥，不過比較細隻。油鹽水豆腐$48，皮脆，豆腐唔夠滑。椒鹽中蝦$98，雖然分量小，但炸得夠乾身，有蝦膏，肉質彈牙，椒鹽包滿蝦身，good.椒鹽焗生蠔$198,美國桶蠔，超大隻，唔暒。揚州炒飯，多料，味道ok。估唔到小菜比燒鵝更出色，有代客泊車$20一晚！

無道餸好食，無味又細蝶，服務態度又差。就連最簡單的雜菜煲都好唔得，蝦米又無粒，“拾”好啲菜放埋落個煲就算。燒鷄仲難食，皮係“林”的，又多油。埋單時，個阿姐大大聲聲講幾多錢，有啲嫌我地張單咁少錢。

由於人在汀九, 而那裡又實在沒有甚麼餐廳選擇, 晚餐自然的想到來深井, 由汀九搭的士來, 也不用$30. 來到深井, 沒有理由那麼混吉不吃燒鵝吧, 這次就來老字號能記.我們一行五人連晴晴坐在閣樓的位置, 尚算簡潔, 畢竟在這裡, 也不會要求有甚麼豪華裝修了, 但勝在店員態度友善, 也主動幫忙我們拍照. 見四位B餐只是$648, 份量不少, 那就五個人吃四人餐, 最後發現也相當足夠.金牌炭燒鵝: 8.5分, 先來的就是半隻金牌炭燒鵝, 半隻的份量, 足夠大家分吃了. 這裡的燒鵝, 皮很香脆, 而肉質亦不會太實, 帶微微的炭香, 只是比較肥美, 肥羔偏多, 但吃燒鵝, 當然要選肥美的吧. 這裡的燒鵝, 有水準.吃燒鵝, 小少不了吃瀨粉, 這裡的做得質感不俗, 夠爽口. 燒鵝油滴在瀨粉上, 美味.原盅燉靚湯: 8.5分, 湯品方面, 大家可以自行選擇心水的原盅燉靚湯, 我們就選來響螺頭燉老雞湯, 味道清甜, 火候充足, 足料, 一客大大盅, 每人分了不止兩碗, 愛喝湯的, 可以喝個夠.椒鹽焗中蝦: 8.5分, 椒鹽焗中蝦是能記的另外一道名物, 蝦肉入味, 帶椒鹽香, 肉質鮮嫩, 也是必吃之選

已經很久沒來深井吃燒鵝，細看一下食評發現好幾家有名的燒鵝店的食評也是好壞參半，唯獨這家算是正評比較多的，光顧後果然沒有失望!😍         我們一行4人共點了5個菜，分別有半隻燒鵝、一品煲、炭燒豬頸肉、蒜蓉粉絲蒸鮮魷和炸豆腐。先說燒鵝，半隻的鵝比我們想像的更要大隻，肉質肥瘦適中，外皮是脆的，咬下去還有炭燒的香味😋😋😋 不過不算很熱，要是熱騰騰的會更好😎 蒜蓉粉絲蒸鮮魷的鮮魷十分新鮮，一捧上來便聞到陣陣蒜蓉香味，不知是否平常吃的都是冷藏的，在這裹吃的覺得口感非常好，所以這個也是十分推薦😆 另外炭燒豬頸肉也是十分好吃，和外面餐廳的絕對不一樣，可以吃得出炭燒的味道，而且肉質不會太肥，所以很快便被吃光了😅😅一品煲主要是海鮮，十分鮮甜味美，而且材料也很豐富！順帶一提，能記的伙記都十分友善，還主動送上鵝汁給我們送瀬粉，還提議我們把汁倒進蒜蓉粉絲蒸鮮魷，令味道更加好呢！最後結賬還給了我們九折（可能因為老闆看到我們友人帶來的滑板勾起年輕時的回憶😂今次的用餐十分愉快，除了食物，這裹的洗手間十分整潔乾淨！！絕對是大商場的質素，本來我還以為老飯店的洗手間應該是較簡陋😅但可惜我們只掛著吃都忘了拍照😂 😂大

探完兩個靚仔，今次是第一次由好朋友帶來這燒鵝店鋪 “能記“，看看招牌，好有懷舊感覺，五六十年代先會這麼製作吧，現在要搵師傅識做，我估都難，深井燒鵝，有好幾間出名老店，我們點了 燒鵝，燒鵝，肉質肉汁鬆軟入味，非常美味，比起其他有名氣店絕對不差，熱騰騰上檯又已經加分，可以推薦， 掌翼尚算肥美，但太硬，如果煮久一點，入味多些就更佳，鹵水汁亦不見出色，普普通通。鮮魷粉絲，新鮮，咬一啖，彈牙，推介菜，膽固醇，一碟幾個人分享就啱㗎啦。鹽水豆腐，師傅掌控時間差一點，久了一點才在炸鑊離油，令豆腐轉乾。豬頸肉，入味又鬆軟，好味道。豆豉鯪魚油蜜菜 ，足料，唔錯。

突然好想食好味熱辣辣既燒鵝，決定同老公入深井揾下，順便拍下拖~~可能去到時間尚早，周圍都冇咩人，行來行去都唔知揀邊間好，行到能記門口，見到只有一枱客，本來唔諗住入去，點知老公話見到蘇民峰。。。張報紙，原來蘇師父去過，咁就跟師父試下囉~~hehe...入到去只有一位伙記，佢非常之熱情，係咁介紹，己經推過佢幾次話想自己睇，但因為成場只有兩枱客，佢緊係唔放過我地啦，只好拿拿淋叫了三樣餸先來半隻肥燒鵝，好好食，皮脆多汁肉滑，雖然唔係熱辣辣，但暖暖地都算係咁，能記燒鵝，唔錯呀~~再來雙菇西蘭花，um...好普通，雙菇唔入味，水水地。。。最後就係我最愛既豉椒蒸鱔，啖啖肉，好肥美，個汁好好味，大家不防試下