臥龍正宗成都麻辣火鍋 (已結業)

唔記得慶祝D咩，總之朋友仔帶我食左餐好環境裝修好靚、好有特色~ 打卡一流餐具都好有心思龍頭盤仲有bikini女郎和壯男圍裙食物都好高質! 海鮮拼盤好抵食，$400有花蟹、鮑魚、貴妃蚌、醉海蝦和花甲。手切牛都好諗好好味~ 仲有白肉添~ 可份量的確少了一點另外叫左唔係度度有的窩筍、鴨血... NICE!打完邊爐無一陣油煙味咁落樓~ 可見餐廳抽風好、冷氣夠! 下次要帶屋企人試先~

平心而論,食物質素，環境，股務態度都係唔錯湯底亦幾正宗價錢比一般火鍋貴少少但可以接受始終係銅鑼灣問題係食物既份量真係細得.......我係香港火鍋界咁多年真係唔太接受到貴野份量少，理解但如黃喉，肉丸可以比番正常少少既size只怪大家唔match要比較肯花錢的客人可能無咩所謂平民客估計回頭機會不大

基本上..., 味覺享受 不錯..., 視覺享受 不俗..., 可惜...員工 培訓 不足...1) 經常 偷偷地 調細 火力..., 令到 鴛鴦鍋 的 麻辣部分 就是 不滾...;2) 小碟 上 還 有 幾件 蟹未吃.., 就 把 枱面的 垃圾 都掉到 小碟 中 收走...;3) 沒有 排 蒸氣 的 管道...;

今次第二次去呢間食！第一次選擇都係open rice search 火鍋，無意中發現，而咁啱又有位！第一次食有驚喜，首先係個湯底，做到一個個麻雀樣，原來係辣膏，會慢慢溶左變成麻辣湯底。如果怕食辣朋友都唔緊要，因為中間會有一個湯底係唔辣，要食菜時候都唔怕啲菜吸晒辣湯，到時連菜都食唔到！！食物新鮮，半隻雞，煮耐左都唔怕過火，仍然鮮嫩。叫左一份牛（唔記得名）都幾特別，黎到好似肥糕，其實唔係，口感係爽既！其實最緊要唔會有限時，可以慢慢食慢慢傾。環境尚可，但地毯需要換過新比較好，洗手間可以再整潔多啲

有心之作，之前去廿多間辣辣火鍋，都無甘得意。佢哋啲辣椒膏係招財貓貓，同麻雀仔。我最喜歡係佢哋有炸午餐肉，我一個人都食四碟，女仕至愛嘅。老闆招呼又好，麻辣鍋控一定要試♡

人生難得搵到班鍾意食辣既朋友！經常性組團去試唔同既麻辣火鍋店 當中卧龍係我地一致認為最惹味既！湯底牛油味好重 唔係一味地咸同辣🌶火鍋配料選擇多 配苕粉食真係一流！黃喉係我地食親麻辣火鍋必叫既！推介大家一定要試！價錢黎講比起其他賣行廣告既麻辣火鍋親民啲 裝修好似皇宮咁 坐位十分舒服！仲有啲好搞笑既圍裙著🤣寫完心思思又想再去食喇🤤

天氣乍冷，火鍋癮起！相約好友，挑戰新店，《臥龍正宗成都麻辣火鍋》！意外發現，驚喜重重，必再光顧。地點方便，環境優雅，古色古香，猶如宮廷。特色包廂，氣派非凡。😋鴛鴦龍鍋龍頭雙飛，盡顯霸氣！麻雀辣磚，創意十足，視覺一流。各式香料，花椒八角，自製味醬，黑白香醋，香味四溢！😋臥龍海鮮拼盤豐富拼盤，琳瑯滿目，上等海鮮，各吃所想，味道鮮濃，吃個不停。😋牛頸脊 ，牛白肉牛頸脊：雪花細緻，咬口嫩滑。牛白肉：胸下軟骨，坊間少見，白雪軟滑，入口爽脆。😋響鈴魚皮端放於架，賣相矚目。淡黃響鈴，薄脆酥香。浸泡湯底，混合麻辣，更是一絕！魚皮厚身，鮮味香脆。😋 鴨血夠曬爽口，而且一啲都唔腥， 用嚟配搭麻辣鍋，最夠傳統，風味十足。😋竹蔗茅根火鍋良伴，解渴解辣，足料清甜，一飲再飲！總結食評：臥龍正宗，正宗臥龍！好火鍋者，不能錯過。

好特別既餐廳...因為之前抽獎抽中左個湯底..今日就試下..一入門口已經被裝修吸引左..成間都中國風...影左一輪相...就點野食..嘩.個煲一黎到..真心覺得要豪返次...野食都特別既...食同環境都一流既

上網見到呢間餐廳既食物圖片好吸引，係睇圖已經ＦＥＥＬ到隻麻辣感今日同朋友黎食。果然滿足哂兩個鍾意食麻辣火鍋既人。嘿嘿鴛鴦鍋，睇下個湯底！好有層次感，氣派。指天椒、花椒。麻雀造型既麻辣膏！中間係清湯。有Ｄ杞子紅棗。不過留意返要一直滾住個湯如果唔係會乾左成層油係面。嘿嘿醬料都特別，係淋Ｄ麻辣湯上去！嘿嘿即炸既嚮聆，落麻辣湯果邊真係辣到好正！吸哂Ｄ味，嘿嘿所有配料都新鮮，有Ｄ特式既手打丸，彈牙！食到後面已經麻哂了，要食下清湯果邊，嘿嘿花鵰雞腳小食，好入味！

從未食過主打麻辣既火鍋店，自問愛火鍋愛辣的我實在十分慚愧，原因係揾到班陪你食辣既人並唔係容易。呢度環境服務質素都好好，可以放心。湯底:因有人食唔太辣叫左鴛鴦，本來都有啲失望，因為唔係全麻辣。但原來只係中間一個圓圈仔係清湯，亦因爲有左佢，先可以休息一下唔洗成口都辣。橙色既麻雀係辣椒膏，佢其實係油，平時食到一半會無辣味，唔知係咪因爲佢，由頭辣到落尾。牛牛，價值$288，白色嗰啲係肥肥，記得食埋佢，因為麻辣肥肥好爽口的。仲有好多好食無影相，因為掛住食。留意!!!必食推介一尺長鵝腸、豬潤(啱啱好熟就無得輸)、魚皮、嚮鈴、冰豆腐、苕粉(即係薯粉應該)。仲有，千祈唔好空肚食咁辣，最好飲杯奶先食。我一定會再食。

一行7個friends聚會一坐低被通知限時2個鐘，我話從book 枱到前一日double confirmation call時無人提過限時（如果係一定唔會book)，個老細樣男人好串咁話「冇可能，一定有講，銅鑼灣都咁㗎」😡😡食物方面：牛肉唔錯之外其他各樣皆麻麻.. 湯底完全冇味，又唔辣又唔麻卻非常油！

其實我都係食完先知呢間係本地畺係從飲食男女麻辣火鍋比較 非常驚訝驚訝原因係佢完全唔會被大陸既火鍋店比下去仲比某幾間出聲佢地都係用牛油湯底 夠哂香值得一讚係 佢地既午餐肉係煎過香上加香 一定要試

其實一開始係俾個環境吸引咗，本身對麻辣都冇咩研究，最多都係食下烤魚，今次正宗麻辣係第一次食，上到去，環境幾好，兩個人都可以坐到卡位，叫個鍋要左小辣，一嚟到有好多一磚磚橙色嘢，聽返侍應講原來係油嚟，都覺得幾得意，湯底食落頭一兩啖都可以，愈食就愈油愈辣，可能我唔識欣賞，因為個湯底濃味到我食咩都冇味，得個辣字。另外叫咗有人推介嘅炸魚皮，老老實實係麻麻哋，係大塊但唔脆，無咩意思。肥牛就黑黑哋唔太新鮮，不過有牛味都算。整體係偏貴，兩個人食咗成千蚊，覺得貴唔係單純價錢，而係食物份量同質素，如果你好鍾意食辣，或者可以考慮一試，因為我食完頭嗰兩個又痾又胃痛，應該係太油頂唔住。

環境可以, 食物方面無咩特別, 睇張火鍋紙覺得價錢唔太貴, 但嚟到D 份量其實少到根本要繼續叫嘢食, 最終埋單價其實同食貴hot pot 無咩分別, 但如果咁既埋單價, 仲有好多更好選擇!雲吞同餃類有D 似超市買, 無咩料, 叫份細既桂花魚, 百幾蚊但得5-6塊完整既魚片, 其他都係帶骨既頭頭尾尾。本來想叫筒蠔但始終無叫, 因為俾$188 嚇親, 從未試過筒蠔要咁貴, 但因為無叫, 所以唔評論啦, 只係俾個價嚇親。不過服務態度認真麻麻, 見隔離枱唔知發生咩事同負責人理論, 雖然旁人唔係完全清楚哂件事, 但喺個客有不滿而其實無講D侮辱性說話情況下, 反而負責人黑哂面仲要鬧反個客咁既語氣, 見到都有D 驚訝, 而家既服務性行業雖然未必間間做到出色服務, 但話反個客轉頭真係好耐無見過。總括嚟講, 唔會再去, 亦唔會推介。 

我同朋友都好鐘意食麻辣、咁就想試下呢間餐廳啦！同行有個朋友係有左bb既、一開始佢開左壺水比佢、另外有一壺茶比我地、後來有個侍廳話唔夠水壺、要收走個水壺、要再加水就同佢講。食到咁上下、我朋友就想加水、個侍應就拎個玻璃杯加d100度既熱水入去遞比我朋友、我朋友接住個刻個杯都熱到一分為2、熱水已經辣到佢、爭d玻璃仲整親佢。除左個侍應say sorry同抺左將枱之外, 經過既老闆完成無理、最後我地拉左其中一老闆A過黎、佢話佢地有叫員工唔好用玻璃杯斟熱水、但佢地怕得罪我地所以照斟、都唔知咩理論、最後佢拎完燙火膏過黎就走左、連水都無斟返，再叫另一個老闆B過黎,想講斟返杯水，呢個老闆A仲係則邊極差態度咁話我地無叫佢斟返。咁係咪真係要教你斟返杯水？ 最後佢地仲好到係搭正2個鐘既收枱時間拎將單黎叫我地埋。真係好有time management 呀！最後將單打左8折、不過睇醫生都唔夠、真係多謝哂！所以決定唔會再幫襯。希望大家都諗清楚先幫襯。