臥龍正宗成都麻辣火鍋 (已結業)

約左幾個麻辣控既朋友仔黎呢間打邊爐🤤其實都預左天氣咁凍應該好早full哂點知我打去竟然有位比到我地，so lucky~個鍋係上到枱先加湯，中間係白湯，圍住個邊係麻辣湯，好邪惡！過左9:30有海鮮送，是日係醉蝦，仲識郁😂叫左頭號麻辣好伙伴，蓮藕片！吸哂d麻辣湯，勁正😋😋😋D肉真心靚，叫左黑毛豬，羊同埋手切牛，因為我唔食羊所以冇評價，但黑毛豬好有肉香味😝至於川粉我覺得好難夾上黎，係咁周圍彈d湯，要小心d件衫，個嘴越食越麻🤤我地一致認為個即炸魚皮勁好食，一黎到我就拎左塊黎食，熱辣辣好脆口，不過都路平，好似要八十幾蚊，四寶丸就一般般冇乜特別。今次我地4個人食左每人三百零蚊左右，其實個價錢同質素係正比，所以我覺得值既！

好耐無食麻辣火鍋，於是就約朋友去食。朋友搵到呢間話想試，於是就去試下。一上到去，地方唔算大，但裝修唔錯，好有feel。我地點左個鴛鴦鍋，造型勁吸睛啊，牛油係麻將甘，好得意。比你影完相就會加湯，食左個湯底，真係勁辣啊，不過唔麻。呢個係手切黃牛頸脊，好好味，牛味好重，而且唔會鞋，好食。脆鲩魚片好失望，勁多骨，同埋好似腥腥地，價錢唔平但得幾片。呢個四寶丸，無麼特別，普通肉丸。鬼馬油條，好味，油條仲係脆噶。面頭分別係蝦滑同墨魚滑，個人覺得蝦滑好味d，蝦味好重，又夠爽口。冰豆腐，好失望，雪味好重，辣味都掩蓋唔到果陣雪味。黑毛豬肉片，有驚喜，無豬腥味，反而有淡淡肉香味，而且切得夠薄，涮兩下就熟，唔會鞋，仲有小小滑，好味。

今天帶了上海同事去試一下香港的重慶火鍋，我自己也有去過成都食過當地出名的火鍋，這家真的是較正宗的，材料也新鮮，尤其推介我的必食之選"炸魚皮"👍整體來說這家店是可以再來的

天氣開始涼，我地又想打邊爐喇！好彩大家都係食辣之人，去過四川成都食過正宗既蜀XX麻辣火鍋後念念不忘～咁啱香港呢一年不約而同地開左幾間正宗成都麻辣火鍋，一於去試下係咪正宗先！首先，成都注重鍋底麻而餘要香味俱全，唔係一味辣，每間火鍋店都有自己既秘製配方，不過主要材料都係大同小異～小妹只係去過成都幾次，唔熟悉佢地既獨有食材，淨係知當地麻辣火鍋開到好似7仔咁多，總有一間係左近！而四川有好多唔同辣椒品種要配合煮某個餸先至最夾！用返四川專有既辣椒當然唔少得啦！其次，食麻辣火鍋當然用至地道既食法，點芝蔴油+芫茜！據說係令食物無咁辣又增添香味！而呢度又真係同成都一樣，用一罐罐既調製蔴油，配上香蔥芫茜等等，成為我地打邊爐食既‘油碟’～我地揀呢間試第一次香港既成都麻辣火鍋，因為男朋友點名想試！入到去古色古香，四人卡位佈置幾靚幾有私隱，我地一坐低揀鴛鴦鍋之後不久就上檯！嘩！好有睇頭！大銅鍋配上金龍頭，牛油以麻將造型，湯底配料唔怕比你睇，相機食先再注入清湯，等湯底融開橙色既特製辣牛油就可以淥野食！湯底麻而不辣，香得唔同層次，食得出有落藥材但唔重味！辣度無得指明，不過一般食得辣既都會食到，事關佢有牛油保護，食落

今晚六點幾去到，比了卡位的位置我們，十分闊落的。全晚都係得三臺客，平日可能比較靜D 。我們叫了鴛樣鍋 ，一個辣一個唔辣。白色個湯其實好淡，而辣就一般，唔算好香。反而佢個醋汁好好味。😆😆跟住叫了即炸響玲，魚皮，係好食既，脆卜卜好香口。我地已經無叫牛肉或特別其他海鮮，就係叫d雜菇，四寶丸，油麥菜，日本蟹柳，枝竹，召粉，水魷魚，秋癸。兩個人賣單成 $ 1200 蚊😂😂😂好貴。去一次就夠。

本身都鍾意食辣 一直搜羅香港好味辣野見同事介紹呢間就同屋企人過黎試下過往接觸麻辣火鍋反而是在外國讀書的時候由於中國學生多 在外國經營川菜餐廳深受留學生歡迎亦不難在同學家中吃到同學從家鄉帶來既私伙火鍋湯包返香港後就無再食過麻辣火鍋嚕 經openrice訂位 留言講左有小朋友 但可惜去到都無bb凳 失望入到去已經聞到好大陣騷味 餐廳設計古色古香 有卡位 有圓檯環境安靜 有塊玻璃會見到有位師傅係入面切牛肉同包餃子 保證即叫即整坐低之後就立即叫左個鴛鴦鍋 因為唔辣果邊可以比小朋友食個鍋一上黎 個個就爭住影相啦 📱📱📱個鍋的確好霸氣 必影！橙色果啲係辣油辣果邊特登唔倒湯住 比大家影相先好特別 有花過心思 除左可以比客人睇到自己點既湯底有d咩料仲代表左佢地D材料新鮮 辣油唔會翻用 值得一贊👍🏻至於火鍋醬料 無得自助 幫你調好曬味 朋友想加麻油都要比錢買一小罐之後陸續上菜啦 響鈴千祈唔好浸落辣湯底 成個都係辣油 曬左一個😩湯底好味夠辣（特登叫左加辣） 但就太油 唔關我叫佢加辣事 佢加辣只係加左辣椒同花椒ja👎🏻冬瓜切得太薄啦 無口感 👎🏻牛肉一碟要$288 要左一碟黃牛頸脊同肉眼邊各半 兩隻都唔好

冬風吹起，今日最低氣溫跌至14度，邊爐癮又起啦，約齊人三個人打邊爐去，圍爐而食，人在爐邊，桌上堆滿盤盤碟碟，按次序放入鍋內，先黎牛跟著再放薯粉、蔬菜，根住啤酒飲品，爽皮一大盤椒、指天椒、花椒。麻辣膏，在一堆辣椒，店員將鍋內的麻辣湯與椒一同放入已㨂選的調味料中，混得好#朋友點了幾款罕見的牛牛有牛頸心 ，牛白肉，吊龍伴，牛味香濃，放入清湯鍋也是美味#蔬菜盤是必須要，有健康的番茄，粟米，娃娃菜，生菜同皇帝菜，只放入清湯，食落更顯鮮甜#帶子雖然不是很大隻，但也是新鮮#午餐肉煎香再與醬香麻辣，吃得汗流浹背，才叫圓滿#成都苕粉最好食，弾牙香滑尤其沾上麻辣香味這間臥龍裝修很特別也有心思，彷似置身於古代

是晚食宵夜，麻辣火锅底好特别，除了辣也带出食物的鲜味。牛颈脊有牛味，点了兩碟。醉鸡有酒味，可惜太夜去没有海鲜盘，后来老板特送花甲一碟。墨鱼丸也不错，手打的。会收开瓶费。蔬菜也不错，可惜分量少一点，尤其是白萝白！員工服务态度不错，环境坐得舒适，比较宽敞，价钱略贵一点点，但也可以接受。最后结账有点小插曲，就是单总数和实际计法不同，后来你第二天去問問，老板也很欢然的解释，给他一个赞！宵夜有八折，酒水不打折，人头酱料费不打折。

天氣轉涼，即時相約銅鑼灣朋友打邊爐，選擇臥龍主要是朋友介紹並想再來一試，這裡交通好方便，臨近銅鑼灣港鐵站，步行對面馬路兩分鐘內已經到！按電梯11/F，𨋢門一開看見中國古代味甚濃，古式古香已經讓我期待不已。鴛鴦龍鍋氣派非凡，吸晴外並十分應題，這個麻辣火鍋非同凡響，內裡材料有非常特別的麻雀形的麻辣磚，以及各式香料，另外自製特色調味醬，分別有黑白香，醋，醬油混以及其他蒜香，辣響鈴邪惡的淡黃色響鈴，炸得薄脆，光吃很酥脆，不過我還是喜愛泡浸湯底的味道，吸收了湯與麻辣味，絕對一流。蔬菜盤$88番茄，粟米，娃娃菜，生菜，皇帝菜蔬菜新鮮，皇帝菜更是一種營養非常豐富的菜，而且味道獨特，濃郁。桂花魚$268(大)桂魚為魚中佳品， 肉質豐滿，細嫩肥美，且骨剌極少，沒有亂刺，配上麻辣更惹味牛類分別：牛頸心 ，牛白肉，吊龍伴牛頸心是牛耳對下的頸位，雪花紋細緻，嫩滑有咬口，最適合我們的打邊爐牛白肉一般火鍋店更少見的部位，白雪雪的一片並不是脂肪，原來是牛胸下的軟骨，與麻辣也是相當㚒吊龍伴牛肉味重同時也油香比較重，一樣是罕見的部位之一

同朋友都熱愛麻辣火鍋，所以黎臥龍暢食一番，每一位都有一份醬料，樣樣有。我地叫左個鴛鴦鍋，佢個鍋好特別，麻辣係外圍，中間係清湯。最特別係佢個麻辣鍋一上枱係還沒有加湯，只看到非常多既麻辣配料。加湯後的麻辣湯底，滾滾滾～～

最近天氣終於轉涼，岩哂打邊爐！朋友話有家新開嘅四川麻辣火鍋，帶我去挑戰下食辣！裝修好靚，好強嘅中國風！用上大紅色，又掛哂大紅燈籠，非常有特式。店員一早已經為客人放好圍裙，唔怕整污糟衫褲。仲要圍裙圖案好搞笑咖！每人會有一個大碗預先放咗一啲醬料嘅配料，店員推介如果食得辣可以加火鍋鍋底嘅辣油，就一於試下！我地叫咗鴛鴦鍋，中間係清湯，帶少許杞子紅棗味。周邊係麻辣湯底，一舊舊好似麻雀嘅係辣牛油，非常惹味。手工四寶丸每樣兩款，有豬肉丸，黃牛丸，墨魚丸同蝦丸。手工製法非常彈牙，而且夠新鮮同味道濃郁。咬落保持到肉汁。本地手切黃牛頸脊叫咗份細嘅，肉質粉嫩，帶小許雪花。輕輕淥幾秒，牛肉肉味濃，帶小許咬勁！成都苕粉好似闊嘅薯粉咁，口感煙煙韌韌！吸咗麻辣嘅湯底，辣辣地帶小小麻好食！唔需要煮好耐就已經夠淋同入味。大蜆店員推介是日新鮮海鮮！蜆夠哂大隻，厚肉鮮甜。而且唔會有沙，淥落清湯保持到原有鮮味。萵筍第一次打邊爐食萵筍，吸咗麻辣嘅香味非常惹味！口感帶小小爽口，清清地幾特別！質素不錯，而且裝修特別，係值得一試嘅新店！

識我都知我無辣不歡，咩辣都想試，尤其四川麻辣。所以一聽到銅鑼灣開左間正宗成都麻辣火鍋，就迫不及待同朋友一齊來試試佢。呢間臥龍正宗成都麻辣火鍋開係洛克道，好易揾，都方便放工可以即刻去。上到去，見到裝修已經覺得間鋪唔簡單！店鋪行中國風，古色古香，給人高貴典雅既感覺。裡面有分半開放的包廂同大廳，坐係包廂入面就好似穿越回到古代一樣，不過我地去到既時候太多人，只可以坐廳T_T。之前食海底撈有圍裙，呢度都有！男士就係超人圖案，女士就係美少女戰士，好盞鬼！呢度既鍋底得兩款選擇：臥龍特色滋補鍋/正宗成都麻辣鍋（＄138）當然，都可以兩溝變鴛鴦鍋（＄148）！選擇少係因為主打正宗成都口味，貴精不貴多。鴛鴦鍋（＄148）出去食成日擔心唔知d火鍋湯底用咩材料，呢度就唔洗驚，全部show曬俾客人睇！個鍋端上來既時候，我哇左出來，一來個鍋好大仲有兩個龍頭係兩邊（超有氣勢），二來麻辣鍋既配料非常多，單係花椒都有三款，聞上去非常香！店員會係我地面前加湯，然後就慢慢煮滿滿既麻辣香料。值得留意既係其實佢中間個滋補鍋都好香（雖然會俾麻辣鍋味道蓋過哈哈）唔食得辣都絕對ok。本地手切黃牛頸脊（細）（＄188）打邊爐點可以冇牛

銅鑼灣渣甸中心相信大家也絕不陌生，上一次經過時看到有家新開火鍋店，當然是叫辣妹和我一起來試吧！一於相約放工後來吃！到達後一出電梯，裝潢充滿了中國風味，色調以黑和紅為主。由於朋友一早已到了，到埗時那個鍋也剛好上桌。中間小圓桶內是藥膳湯底，味道十分清。則邊的是麻辣湯底。遠看麻辣那邊有12粒橙色的磚，近看發現原來每粒都在模仿麻雀，很用心呢！其實紅麻雀的原理就是當熱湯倒入時慢慢融化麻雀紅油。雖然湯底已夠濃，但也是堅持要點醬料。個人推介醋，加一點香蒜和蔥花，芝麻油加一點就十分夠了。食物陸續上桌，牛和豬都是小不了的！牛肉嫩滑爽口，好吃！還有鵝腸、貴妃蚌、韭菜豬肉餃、手工四寶丸、魚蛋、魚片頭、鴨血、時令雜菜籃等。極力推介成都苕粉！索汁力極高，口感雀煙韌韌，好吃！還有推介響鈴，即叫即炸，非常新鮮！推介愛吃正宗辣鍋的朋友（前提是不怕很油）！哈哈！

呢家位於銅鑼灣嘅《臥龍正宗麻辣火鍋》，裝修非常有中國特色。抬頭見到寫住「臥龍」嘅牌匾，加埋雕工精細嘅屏風，有如入咗故宮一樣甚具氣派。麻辣火鍋採用嘅鐵鍋可謂突顯出皇上皇嘅感覺， 金色嘅金龍帶有畫龍點睛嘅作用， 配上金黃色的牛油， 非常吸睛。麻辣鍋入面放有大量花椒、胡椒、辣椒乾， 加埋一磚磚嘅牛油， 煮滾後麻香味十足。牛油溶解之後，形成一層紅油， 令到花椒同胡椒裏面嘅香氣盡出。【手打四寶丸】 集合咗牛丸、墨魚丸、蝦丸同豬肉丸，牛丸牛味十足，夠曬彈牙， 墨魚丸夠曬爽口， 蝦丸則蝦味濃郁， 至於豬肉丸就加入咗芫茜，香氣十足，亦夠曬juicy多汁。【 一呎鮮鵝腸】鵝腸肥瘦適中，鵝腸裏面嘅脂肪油香十足， 輕輕灼熟至收縮硬身後，就可以食用， 千祈唔好煮得太過火， 如果唔係就變成橡筋啦。鵝腸入口爽口兼彈牙，十分肥美。【 鴨血】 夠曬爽口，而且一啲都唔腥， 用嚟配搭麻辣鍋，最夠傳統，風味十足。【即炸午餐肉】 午餐肉呢樣comfort food，用嚟打邊爐，實在夠曬邪惡。【成都薯粉】 闊身嘅薯粉超級彈牙，而且夠曬索味，放入麻辣湯入面， 吸收曬湯底嘅精華， 但緊記唔可以淥得太耐， 煮到剛剛透明就最Q彈喇。【

呢排新開左好多麻辣火鍋店，本身都係愛辣之人，咁岩今日黎到銅鑼灣，即刻試試呢間臥龍，睇下係咪真係咁正宗😋閒日7點左右去到，都唔算好多人，店內環境好有中國feel，好似真係返左成都食火鍋咁 😝叫左個鴛鴦鍋，中間係藥膳 外圍先係麻辣火鍋，鍋入面既麻辣湯底，睇真啲原來係麻將咁既形狀，仲係一副十三么！等緊既時候餐廳仲會準備啲前菜俾客人，酸酸地幾開胃。個醬汁都會幫你調配好，侍應仲叫我地落啲佢地既香油，會令食物更香～Order左手切肥牛，唔會丸多脂肪，肉質都好嫩。側邊有4塊白色既係牛白肉，侍應話係牛橫隔膜下面既脂肪，滾兩三下已經可以，口感好爽，第一次試，幾有驚喜😋呢個雙色鬼馬油條，係油炸鬼+墨魚滑。即炸出黎，熱辣辣，又脆，同朋友清哂👍🏻另外仲叫左黑毛豬，牛餐肉，四寶丸，豬紅，豬紅一啲腥臭味都無，唔錯。整體黎講，唔會太過辣而食唔到，侍應既服務態度好友善會同你傾下計，而且價錢公道，有機會會再同朋友黎食試埋海鮮👍🏻1