自家點心 (已結業)

今日同我老公係旺角行完街,打算去食野,點知我老公話想飲茶但下午呢個時候飲茶會很多人所以我用電話上網睇附近有無點心食點知睇到一間自家點心姑且去試試,去到剛好有位,不須要等,正合我心意鋪面不是很大,座位大約四十個,地方乾淨,服務員態度有善。我地叫左燒買,蝦餃,叉燒腸粉,雞扎,雞球大包,蟹籽沙律盞,香杧糯米糍我最欣賞每碟點心出來都係熱辣辣吾似酒樓有些出來係暖的而且服務員不停倒茶。再令我驚訝係燒買,蝦餃係逐粒計我地兩個可以叫兩粒,甘又幾好喎可以食多幾樣野。呢間D點心較酒樓相對大份,餡料有多和味道亦相對好味。食完埋單,嘩百蚊鬆D,原來唔使加一茶錢$2一位抵食,下次要約埋朋友一齊再去食蟹籽沙律盞和香杧糯米糍,仲要試椰子桂花糕,流沙包,雪山叉燒包...等等:唯一唔好係要搭枱

今天同家人行花墟,行完當然耍找地方去醫肚. 後來見到間新的點心店,來個一盅兩件都唔錯.進入舖內發現裡面面積不大,只有十張檯左右,但環境清潔,冷氣亦ok.這裡無得選開甚麼茶,但每位茶錢只收$2都抵啦! 睇佢舖仔細細,原來都有超過35款以上的點心選擇,真係拍得住大酒樓.哈哈!後來被我發現雪山叉燒飽,蝦餃和燒賣都可以2隻起叫,方便喜歡淺嚐同細食的人.雪山包 ~ 叉燒軟軟的, 內裡夠熱,好味!懷舊雞球大包! 不但令我有一份童年回憶,而且有出乎意料驚喜 (包內真材實料有雞肉,火腿,菜,菇,蛋黃.......),而且只係$13超抵!不過奉勸1至2人就唔好試,因為好飽肚!脆米炸蝦腸 ~ 好脆! 蝦亦新鮮,不妨一試!沙爹蒸土魷 ~ 沙爹味幾香, 土魷夠臨!不過值得一贊,墊底用了烏冬,D味都幾夾喎!甜品方便:香芒糯米糍 唔太甜, 夠凍,ok!總結食咗8款點心,大約$120可以落樓,係今時今日都算抵啦!

第一次寫食評, 希望大家多多支持下尋晚9:00幾10:00, 同朋友係太子行街, 見到附近開左間新既點心專門店, 一於入去試試!雖然地方唔係太大, 不過夠光猛, 坐又坐得幾舒服,員工服務不錯, 不斷幫我地倒茶食物方面1.雪山叉燒包食物上台速度快, 唔需要等好耐, good!皮鬆軟, 又熱騰騰, 正!!2. 燒賣, 蝦餃飲茶少不了燒賣同蝦餃啦梗係!依兩種係逐粒逐粒計錢既, 食幾多叫幾多好足料, 至少有3-4隻蝦特別係蝦餃, 皮好薄, good!!3. 叉燒腸, 流沙包, 鳳爪好驚d包好黏口, 不過依間既流沙包不錯, 唔單止唔黏口, 一咬仲即刻流沙, 正!!叉燒腸都唔錯, 皮又薄又滑,見幾枱都叫鮮蝦腸粉, 望落個樣都唔錯, 下次要試下先得!當我食得7788個時, 仲不斷有人入黎食,睇黎收好晏下, 適合夜鬼一族!

果日家庭樂行完花園街，同D細路搵嘢食，見到呢間鋪新開，門口又有姐姐介紹點心有特色，入去試咗佢所講嘅特色，雪山叉燒飽又真係可比美百樂門，蟹子沙律盞食落透心涼，脆米炸蝦腸有特色，蝦餃、燒賣續粒叫，又可以食多兩款。正~~~好過去酒樓。茶錢加一都要廿蚊個頭，一家四口食足十款二百蚊有找。抵~~~~