興記雲吞麵

營業中

休息中

今日落住毛毛細雨，無咩胃口，唔知食咩好，又唔想入附近太安樓搞到d衫一陣油煙味所以就選擇試下去電車路呢間街坊小店食碗雲吞麵就算。見到個價錢本身無咩期望，但雲吞居然咬落唔腥，比想像中好，份量正常，油菜都只係$11碟！係依家經濟通脹既環境下$35一碗麵加一碟菜真係好罕見了！

很久沒有寫食評了，西灣河電車路大街這間興記雲吞麵鋪，應該有十年歷史了嗎？所有單拼只二十三蚊 ，係23蚊！雙拼就28 蚊。 現在茶餐廳吃一個午餐起碼五十幾六十蚊了。這個價錢真係抵食。我叫了一碗雲吞麵，因為天氣太熱的關係，再加6蚊 叫了一樽凍豆漿。幼麵幾爽口，反而欣賞麵冇乜鹼水味。雲吞一碗四粒不大不細，size適中。雲吞入面有蝦有豬肉，蝦肉爽口。雲吞幾好味。但印象中很久以前去過筲箕灣巴士站興記雲吞麵，它的雲吞十分大粒。下次有機會再試試吧。凍豆漿都幾好味。湯應該是大地魚湯，味道不錯，不是太濃不是太淡。整體價性比黎講，抵食。埋單$29蚊。

而家係香港地要搵一間食野唔超過$40 又夠飽又有菜既食肆的確有啲難度今日係西灣河搵到呢間老字號舊式雲吞麵 價錢相當貼地 我叫左個雙拼河 一個通菜 都係$39份量係夠飽鯪魚球雲吞河$28咁平民既價錢但佢個味道唔會馬虎鯪魚球大粒 味道好 雲吞同樣大大粒 入面有蝦仔 而兩款都係各有三粒！河粉份量同平時出去食既都係差唔多如果覺得湯清淡可以自己加辣椒油/醋調味腐乳通菜 $11份量都係有一整碟滿滿菜新鮮唔係老或者爛的，值得一讚！有時候簡單一餐都好好🫶🏻

位於西灣河電車站正旁邊一間地方小店，以價格親民為賣點，已在當處營業多年。其營業時間短，晚上才八時左右便看見店員收拾清潔，也許是客群對象以街坊一族和學生為主吧，反正西灣河區的外來食客較小。煮麵區在門口一側，食客能夠清楚看見。食物款式跟其他粉麵店大同小異，魚旦河、雲吞麵、淨牛腩，就是沒有米線提供，地道感可見一斑，哈哈！調味料在每一張餐桌都有，不過我吃魚旦粉向來都要清淡，為了純粹體驗那吸收湯水的河粉，黏黏滿滿。接著一口魚旦，不斷在滿足和彈牙中游走，算是多年來我在此類食店的最愛選擇。今次點吃鯪魚球和魚旦雙併河粉。魚旦選用潮州款式，爽口和魚味因為鹹鮮令感覺更直接，味道風格亦跟傳統雲吞麵湯更匹配，不過新鮮度經已超過最好階段，有點失望，吃下去質感較乾。相反鯪魚球新鮮又大粒。他們所選魚肉供應商不錯，沒有碎骨殘流而且沒有半點腥味，吃過多次尚算質素穩定。豆漿還好啦，跟坊間一樣都會比較甜，方便入口。另外提示各位，食店有供樽裝可樂，對於嫌棄 鋁罐包裝不夠氣的你絕對是一大福音，反正市面提供樽裝的買小見小了。相片在別人剛離開急忙閃拍，沒有機會執整好不要見怪啊！

The food was gross. Found an insect in wonton noodles. Would give it a zero if I could. You should be serving food sincerely with dedication not just to get money

由出嚟開始返工就幫襯到宜家，裝修都無咩點變，價錢屬於公價。雲吞質素咁多年都keep住，蝦又夠爽，最緊要都係4粒大大粒雲吞，但湯底比起以前就無乜大地魚味道，淡左啲。

興記是我的私心推介真正的街坊食店因為平靚正. 鋪頭細細,幾條長枱都算乾淨企理. 有生料可以買返去打邊爐不過我最常是放假去食個快午餐. 我叫牛腩肚淨食加碟菜,姐姐好好同我講不如食粉麵啦平好多. 我當然堅持要淨食因為休息日要對自己好一點. 況且甘大碗淨食都只係$45 真係平過出面好多. 牛腩同牛肚係切得有點碎但份量足夠,有牛肉味夠冧個湯頭都好香.菜亦大大碟但我忘了幾錢應該都係$10-$12

唔理質素，唔理用餐環境，廿蚊一碗雲吞麵仲可以要求乜嘢？興記嘅雲吞麵，一碗有4粒雲吞，至於雲吞嘅體積只係屬一般Size，每粒雲吞裡面有一隻蝦，但食落唔算爽口，而且雲吞本身亦都比較鬆散，但食到有大地魚嘅香味，唔錯，麵質夠爽，呢個價錢食得過，呢度D麵食真係好平，單拼$20，雙拼$25，淨食各款牛類，每款都只係$40，淨食各款丸類，每款$20，好、好、好！

作為一個雲吞愛好者，由中學時期開始光顧興記，見證著時代的變遷，隨著通漲，雲吞麵的價格亦跟住通漲上調。然而，在這百物騰貴的世代，這裏一碗兩餸麵也只是$25，簡直就是窮人恩物!!! 這次我選擇了雲吞牛腩麵，雲吞十分大粒足料，裏面的蝦也很鮮甜，大件夾抵食牛腩煮得很淋，而且入味，以這個價位來說完全是超班之作

上面嗰句野唔係講笑，真係17蚊碗麵，只係可惜掛住食冇影到價錢牌由於我本身好鐘意食墨魚丸，所以基本上可以話係去到邊食到邊，食過嘅更加係數唔到咁多款，今次已經唔係第一次尼，之前都食過好幾次哩間啲墨魚丸勝在多墨魚肉，食落又唔粉，有口感，一食就已經知係手打嘅，粒粒形狀都唔同，如果想知咩係機打出尼嘅話，好簡單，去超市買包四海嘅，試完你就知，食唔出有咩分別嘅話咁恭喜你，你啲口感應該係被麻木左，我成篇野你都可以唔駛理，繼續食你嘅機打墨魚丸。對我尼講食機打嘅墨魚丸好冇口感，寧願唔食好過。而湯底好清，好鮮仲好有蝦味，味道仲有少少似龍蝦湯，就算成碗飲哂都唔覺油膩，仲有啲想加少少尼飲。豆漿跟餐加3蚊杯，原價5蚊。其實本身已經幾好，只係我個人尼講唔鐘意飲太甜嘅野所以覺得略甜。即使由兩年前嘅15蚊碗食到宜家17蚊碗，都仲係覺得好平，喺出面一碗雲吞麵閒閒地都講緊話25-30蚊碗嘅時候，試問仲有幾多間能夠做到哩個咁平嘅價呢？

一個人冇胃口，又頭痛吾舒服，去了街坊小店，一碗雲吞麵，只售$21，有4粒超大粒雲吞，每粒雲吞有2隻小鮮蝦，蝦肉鮮美彈口，豬肉用料新鮮，食得我好暢快，麵底一般，份量都夠，勝在無鹼水味，再加小小茘枝醋，正! 另叫一碟菜，$8，感覺健康多小小，晚餐消費共$24，抵呀～

星期五晚上6:50, 2個人去此街坊小店，各自叫一碗雙併，再加碟菜，共$5O，價錢超低。食物質素不錯，我叫了碗牛腩牛筋雙併。牛筋夠林，大大條，可以補充下骨膠原。牛腩超入味，份量夠多，鋪滿整個碗面，牛腩有濃郁牛肉味，咬落口感豐富，牛腩八分林卻不會散開，當中帶兩分彈牙卻又不會過硬或過嚡，河粉夠油份幼身彈口，牛肉湯㡳味道濃郁卻又不肥膩，整體而言，牛腩牛筋河美味難忘。朋友叫了牛腩魚皮餃雙併河，食了朋友一粒魚皮餃，我認為有少許油膩，餃皮也吸收了不少油份，令人有點罪惡感。菜就是一般貨色，沒有什麼特別。5O元換來2碗河粉+青菜一碟，加上多多高質素牛腩牛筋，一定要推界啦～

小妹屢次路過興記，見有不少街坊捧場，也見過阿姐新鮮即場包雲吞。今日決定繞路去幫襯，以支持街坊小店。店子不太，店外店內可用「乾淨、整齊、企理」來形容，實屬難得和少見，抵讚﹗門前玻璃窗清楚地貼著食物清單和價格，除了粉麵外，還提供火鍋生料。粉麵單拼$15一碗，雙併$20，配豆漿須另加$3，最貴的牛筋、牛肚、牛肉或肥牛也不過是$30，走平民街坊路線，難怪客似雲來﹗小妹要了一杯凍豆漿$3，夠冰凍，帶淡淡的豆味，不太甜，OK。猶豫了好一會兒，不知揀何配料是好？最後還是決定叫碗阿姐親手包的雲吞河粉$15，方能為小店作中肯的評價。小店的雲吞河粉有4粒大小均一的鮮蝦雲吞，普通貨色的河粉則下得較為闊綽，份量頗多，不免予人粉多湯少之感﹗搯了一口湯淺嚐，湯底入口頗淡，帶有淡淡的蝦味，估計是以蝦殼煲湯底所致，幸吃罷不會有口乾之感﹗雲吞水準蠻不錯的﹗入口深覺雲吞皮薄而滑，餡料有爽口而具彈性的蝦肉，再加了少許的豬肉提味，調味也恰到好處，雲吞鮮爽中帶鹹香，十五大元四粒的雲吞確是值得一試之物﹗