良記

營業中

休息中

每次經過寶琳慧安，都會好想試佢d餃子，不過每次都好多人排隊，見到條龍都唔想排😂今次經過見佢準備開門，前面得兩個人排，我緊係即刻排埋一份啦！不過因為佢即包即煎，成間鋪都得兩個人，做到冇停手，前面果d又會叫勁多隻，所以排第三都等左成二十分鐘。受歡迎，係因為佢d煎餃平絕全港，兩蚊隻咋喎！我一個人食唔晒，佢仲可以比我單買兩隻，超好人唔好以為平野冇好野，熱辣辣已經先贏一步，外皮煎到脆卜卜，餡料又夠多，食完之後真心覺得排隊買係值得既！

在周日外出搜尋美食，無意間在將軍澳慧安園商場看到一間小鋪，遠遠傳來香味。鋪頭以餃子最出名，鋪外人龍（約有10-15人）都是買煎餃或蒸餃。餃子全以蔬菜為餡料，即包即煎即食，入口熱辣辣並帶有蔬菜的清甜，加上惹味辣椒油，就算等了一陣都值得。

呢間野相信係喺寶林讀書嘅學生放學掃街嘅至愛！招牌煎餃係必食！想健康可以揀食蒸餃，都係咁好食！每次去都要排隊，今次等咗十幾分鐘度，大家都好耐心等，證明好食啦！餃子配料全係蔬菜，如蘿蔔絲，韮菜等，睇到都新鮮！飲品櫃好多選擇，我會揀唔係度度有嘅荔枝玉露。今次一個人食tea，買咗十隻，都係18蚊咋！留意返，食店內同附近都無位坐，咁點算呢？俾個建議你：緊係行去附近嘅寶翠公園，坐喺公園啲長櫈食啦！

今日同fd行街, 行到有d肚餓, fd提議去新都附近既慧安園商場食最近幾出名既煎餃, 我未試過, 當然去試下。叫左20蚊新鮮熱“辣”, 粒粒都有幾多餡, d餡有蘿蔔, 個皮又煎到微脆, 幾有口感, 唔錯唔錯。不過可能太出名同星期日, 都幾多人排隊, 要等15min先買到, 不過都值得一試既

假日lunch時間黎到，大概有十幾人排緊隊，長長既人龍已經係意料中事！隔住舖頭玻璃見到老闆埋頭苦幹包餃子，老闆娘密密煎餃子，一盤盤餃子即包即煎，完全冇機會可以停落黎，因為條隊長排長有，一方面慶幸兩口子生意好，另一方面都戥兩位老人家辛苦…等左大約半個鐘終於買到！同朋友一人一盒煎餃，11隻都只係$20…呢個價錢係香港去邊度搵！餃子即煎即食非常香口，辣椒油好香，一定要加！餡料有沙葛，蘿蔔，韭菜，食落索索聲，豬肉就應該冇乜，但已經物超所值。$20食到飽一飽，係呢個百物騰貴既年代，真係好難得！

話說見到某飲食節目介紹，唔好講笑，原來喺屋企附近居然有隱世美食。星期日傍晚排隊，見到前面有十零廿人排隊，最後都真係等左接近一個鐘。黎呢度梗係試煎餃，出名平之外仲即包即煎。甘除左煎餃，仲有蒸餃同可以飯屋企自己整的生餃。除此之外，仲有魚旦、腸粉，豬油渣粉仔.....店仔細細，無堂食，只係做外賣。排左甘耐，終於就到，喺店外望到老細兩口子一個包餃，一個煎餃，合作無間。D餃真係即叫即包的，老細真係勁快手。煎餃就煎好之際，見到老細先喺外賣盒加左少少甜鼓油墊底 (非常細心)，然後至放煎餃，再落多次鼓油喺面，佢會問你要唔要辣，記住要辣，如果唔太食辣可以叫小辣，有辣油正好多。HKD20有11隻煎餃，餃子煎得好香下，等左成個鐘點都要即刻試味。食小食往往醬料係可以做到畫龍點精效果，帶出小食的生命力，而呢度個甜鼓油同辣油個配合真係天衣無縫。餡料包括有葛絲、韮菜絲、紅蘿蔔絲，少量肉，味道清甜，唔會太飽「濟」的感覺，餃子皮尚算薄，但在邊位有少許乾同硬，不過以呢個價錢同整體去睇仲係可以接受。雖然唔算係好嘩一聲的感覺，但唔知點解，呢幾日都仲係有少少掛住d餃子，好想再食。

小店位於寶琳既屋邨小商場入面，如果唔係之前見過雜誌介紹，我真係唔會自己發掘到黎依到😂見到老闆一邊煎餃，老闆娘一邊密密包餃子，非常熟手，感覺兩夫婦分工合作好溫馨🙈馳名煎餃($20/11隻)，我盒煎餃係見住老闆即包即煎，非常新鮮👍🏻餃子煎得外脆之餘，仲皮薄饀靚，入面有韮菜、蘿蔔、沙葛等，有d似潮州粉果既材料😂食到蔬菜既鮮甜肯定冇味精，加埋豉油同辣油，好惹味啊😋

慧安園既煎餃 已經被好多文章讚過 呢間餃子店 我由中學開始食 食極都唔厭 琴日同女朋友行過去慧安園到 掃街 必去既緊係呢間小店既煎餃 雖然可能對於食肉獸黎講 入面既肉唔多 但係外脆內軟既口感 令到我非常深刻 加上小小既豉油 已經可以食到入面既鮮味 最好就趁熱食 如果唔係餃子皮會軟左 食唔到個精髓 另外 呢間小店既飛碟都做得非常出色 個人鐘意蟹柳配沙嗲醬 感覺都好新鮮 又夠飽肚

煎餃 即叫即煎，韭菜馬蹄紅蘿白，煎得又香又脆，大大隻熱辣辣，勁抵食，食十隻已經好飽！見到個阿姨摩打手咁包，真係好強。必食之選。蒸餃味道上同煎餃一樣，但蒸既特別之處就係做到皮薄餡靚，蒸完出黎會皮會明顯薄左（煎係做唔到呢種口感）亦無咁熱氣，所以蒸餃都好好味😋！加埋佢個辣椒油，唔算好辣，但會豐富左個味道，一流！

不時想再吃良記的那種煎餃，可是在外未見類近，自己也懶得包，始終要入寶琳再嚐良記的招牌餃子。約下午5時到良記，有一客人連要了兩大盒煎餃，老闆娘忙着煎，老闆則密密包餃。看着老闆手起餡落，用匙羹舀餡料落餃子皮，將餃子皮對折、掐好，不消幾分鐘，一隻隻放在大盤上，引起自己那舖包餃癮。約等了5分鐘，前面兩大盒餃子煎好，向老闆娘要了$15/10隻煎餃。即叫即煎，煎好，老闆娘問要醬油、辣油否，要了醬油和醋。良記的招牌煎餃煎得偏身，餃兩邊酥脆金黃。餃皮包得薄身，煎後透徹，可瞥到內裡的餡料─菜、馬蹄、紅蘿蔔、肉碎等。咬下去，些許肉汁，不往再來。

對於手工餃，有著一種偏好。眼下這個祟尚速食文化的空間下，還有多少人會閒時在家自己包餃子？到樓下超級市場買一包包現成雪藏的，不是更方便快捷嗎？之前在油麻地那頭返工，自自然在那裡搵食。有緣撞進一間小規模的地舖，專賣各式各樣的即製手工餃，尤其愛吃它的大蔥羊肉餃，以及牛肉餅。朋友聽說我偏愛吃手工餃，向我推介他居所附近的街坊餃子店。這日不怕遠，為嚐餃子，一入寶琳。地鐵站與慧安商場確實有一小段距離，但在黃昏時分走這段路，伴著微微涼風，值的。慧安商場有別於市中心泛濫的倒模商場。略略逛了一圈，麻雀俱小，是我對慧安的印象。不過朋友提醒，這些街坊舖都比較早收，要宵夜，是不可能了。平日閒來無事包餃煎餃果腹的，當然要一嘗良記的招牌煎餃。去到良記店外，看到老闆娘密密包餃子，而老闆負責收錢煎餃。以前我倒是老實地包起餃子，自己煮來吃，過過癮，近來少了。包過餃子的，總會知道包餃子不是一兩次便懂。皮要薄，餡要多，把餃子皮對折、捏好，挺像樣吧。一煮，便知包得如何。包得不好，餃子都散開，皮與餡一下子分離。只能靠一次次失敗來改進。良記的招牌餃子，即叫即煎，熱騰騰的送到你手上。餃子煎得偏平，兩邊酥脆。皮薄得透身，都可瞥到內裡的

今日放學好肚餓翻屋企經過慧安商場以前就 $5/6隻 冇幾耐就 $5/5隻依加$6先得果5隻 =_=味道都冇乜變過 咁多年黎都係一樣不過食左咁多年都好難搵到一舊肉淨係得齋 紅羅白 蔥 黑色一條條ge野 馬蹄但經過間舖果陣真係好香d 辣椒油超好味超香因為間吾中都會去買野食 老闆同老闆娘都認得我好friendly tim 如果撞正放學時間 好多學生幫襯要等10-15分鐘不過即刻整 熱辣辣 好味

煎餃$5/5隻 $8/8隻 $10/11隻煎餃真係成意推介呀老闆娘親自包~~件件都咁足料煎ge工程就由老闆自己做啦件件都咁香口正!!!!!!!!!!!!!!!!fish ball $3/7粒 $5/15粒都唔差~~勝在又便又多個可都幾多人排隊ga仲之好味啦~~

咁岩阿妹去慧安園剪頭髮，就特登send個msg叫佢買煎餃比我食。真係好耐冇食過呢度既煎餃，對上一次已經係差唔多一年前既事。果時仲係附近返學既時候幾乎日日都會食，因為真係有種一食就上癮既感覺。而家啲煎餃比之前貴左小小，不過物價係咁升，啲野賣貴小小都好正常既。買左8蚊黎食，有8隻。煎得幾香口，唔會是是但但煎果一陣就賣比人，啲料食落去有種爽口既感覺，可以清楚咁分入面有咩料。簡單黎講，同以前食既味道一樣，冇乜點變，食左依然會有種想再去買黎食既感覺。個人覺得果度既老闆人好好，成程都好好笑容，基本上你叫佢多豉油或者辣油佢真係會落多啲，唔似某啲店咁，比多兩滴就當比多左你咁。總括黎講，如果係去慧安園既話，值得一試。

每次同朋友係新都城行行下想搵D野食下.都會不期然諗起依間D餃子..次次都會買煎餃食!煎餃既價錢有幾種~$5至不等$~木耳,蘿蔔,韭菜總之食落好爽口啦有次同班同學落慧安園食飯帶佢地食餃子.結果之後落親去食飯.實有人話 我去食餃子啦~~睇黎大家都上癮啦