芝心糖人街 (已結業)

因為上網訂了東西要到九龍城取今天晚上和老婆仔來到她以前的工作地點很熟悉卻充滿傷感因為老婆仔之前的工作是一份苦差取了物品後決定在這裡晚餐看到這間以芝士為主題的餐廳又是這種很邪惡的食物但我們卻很想試試所以就在這裡晚餐吧大部分熟食都是芝士類食物很吸引我們點了一份40元的All Day Cheerzfast包括有芝士炒滑蛋+司華力腸+芝士蒜蓉厚多士一份20元的芝士魚蛋再加一個特濃芝士撈脆皮腸一丁非芝士系列也選了一份30元的台灣鹽酥雞還有28元的楊枝甘露作為甜品先是這個芝士魚蛋吃起來有點似芝心丸也難怪因為裡面真的有濃濃的流心芝士再在外層加沾上芝士醬真的充滿了芝士特濃芝士撈脆皮腸一丁也是一樣芝士其實和出前一丁是很不錯的組合加上這裡的芝士非常多每一口麵也被芝士包圍喜歡這種芝士帶來的邪惡感All Day Cheerzfast比想像中簡單不過那炒蛋確實也是充滿芝士味蛋味每芝士味更濃更香不過略嫌不夠滑而司華力腸也欠了點香味應該是蒸熟的若果把它煎一煎會更香還好芝士蒜蓉厚多士補充了味道芝士和蒜蓉味很突出增加了不少分數作為非芝士類的台灣鹽酥雞吃起來也很突出滿口芝士下吃點香脆的食物本來就已經很獨特而且這個雞很香感

去完朋友屋企玩, 想食埋宵夜先返屋企, 就響糖人街食, 因為呢度有熱既糖水, 啱晒咁凍既天氣.確實天氣咁凍, 又乾又涸, 所以要左個<木瓜燉雪耳>$28, 以型補型.放上枱係熱辣辣, 一飲直頭暖入心頭, 糖水唔會太甜好滋潤.  材料亦好多, 雪耳大大舊, 咬落爽口. 木瓜就燉到夠腍入晒味. 食完呢個甜品成個人都暖晒, 唔會dry.<芒果脆脆>$35, 呢個甜品見到個圖已經感興趣, 班戟食得多, 脆脆諗唔到係點. 一上枱咁似春卷既? 起初以為成條好熱, 但一咬原來外熱內凍, 口感好過引. 外邊炸得好脆好香口, 一D都唔油膩, 而入面就係cream同芒果肉, 食落唔會太甜, 原來呢個配搭好夾, 食完仲想食多幾條.

工作多個月，終於有時間抽出黎寫下美食。等到年尾收爐，當然要報告一下我呢個九十後係呢幾個月食左d咩啦！先講下呢間最近期食過既甜品。你話佢係糖水甜又得，話佢係一間充滿地道香港特色既CAFE亦得。今次我先唔講環境，講左野食先！桑寄生茶 $25+$5蛋作為一個不折不扣既九十後，正常都唔會叫呢d咁傳統中式既糖水食，今次我反潮流，叫左個熱食。原因有二，一黎未食過，想試下；二黎天氣凍左好多，叫個熱食先對得住自己。不過最重要既，可能係因為人大左，知道凍野對自己身體，始終唔係幾好，係時候要學下養身！#特別我係女仔呢！老闆招呼我講都話呢個係其中一個餐廳賣點。原來桑寄生茶既營養價值都唔少，係公認既女仔恩物，對養陰好好！仲有袪濕，保血保氣既功效！訓都訓得好d啦！糖水一到，味道係有種苦澀帶甜，食唔慣就預左，但總算比我想像中易入口，飲多兩淡就慣，而且仲開始中意左佢個陣茶味。係個底度仲搵到好多黑豆，夠哂健康，隻蛋蛋仲好入味！食完之後個人即刻暖返哂！另外，我亦叫左個All Day Cheerzfast ($40)查實係因為我呢日開夜遲左收工，仲未食晚飯，想飽肚d。估唔到呢個多士先係全晚驚喜！好香好重既牛油果味，宜家諗

天氣太凍, 收工夜左總係想食D熱野暖下肚, 最啱就係食熱糖水, 我記得上次食過呢間有中式糖水, 所以一於行幾步過黎試下.要個"腐竹薏米"($20)+雞蛋($5), 睇見呢個糖水真係懷舊, 細路仔既感覺返晒黎. 呢個腐竹係一片片, 唔會散晒, 底有大量薏米, 煲得好綿, 糖水本身甜度剛剛好, 加雞蛋係一整隻, 食完非常飽肚.要多個小食"恐龍蛋"($25), 份量夠大粒, 外皮夠香, 脆脆地好惹味. 而魚蛋入面爽口, 軟腍入味.

拎完手信比親戚, 見有D肚餓就搵野食下, 唔想食太飽就入左呢間糖人街食小食.店內牆上貼滿食物相, 好容易就可以選擇. 抺香珍珠奶茶, 抺茶味香濃, 奶茶飲落夠滑溜, 亦唔會太甜, 珍珠亦煮得夠腍, 夠較口, 唔會太硬.恐龍蛋, 其實係魚旦, 不過炸得外面金黃色夠香口, 入面夠嫩, 一咬魚旦夠彈牙. 雖然得兩粒, 但好巨型.芝心蛋白流心吐司, 呢個賣相好靚, 熱辣辣. 蛋白發到好大, 配埋粟米粒多D咬口, 蛋白入面其實有蛋醬流出, 撈埋吐司一齊食當成蛋多士.

今日又到左九龍城出勤，之前都來過呢間小食甜品屋，今次發現推出左一d台式飲品，不過可能剛出，只係喺餐牌後面手寫，店員吾介紹都吾知，一於試下。叫左1杯白桃青蘋果綠茶，味道吾太甜，清清地，中間有d小黑子，幾得意，飲得台式野，當然要跟番個鹽酥雞，水準依然，但礙於要留肚同朋友食飯，只係食少少野就算。總結：食物吾係好特別吸引人，但會好feel到店子好用心，去過1次就會明白

同朋友叫左幾款糖水同小食,我自己特別叫左 腐竹蒠米糖水同芒果脆脆問老闆有咩介紹同點野食既時候, 好好態度<< 讚讚讚!!!!話說回頭, 腐竹薏米糖水 外觀實體望落算不錯, 好多好食既薏米, 但係淡左啲啲,鐘意食濃味少少既朋友會覺得太淡，鐘意清淡既朋友會覺得岩岩好。另外, 叫左 芒果脆脆. 雖然 $35蚊, 但即叫即整, 外脆暖內裡涼涼的.口感非常好, 味道亦岩岩好, 唔會太甜~皮脆脆地熱既加埋入面個心涼涼地既口感好正對於熱愛芒果既我真係覺得好正 << 讚讚讚!!!!鋪頭雖然有少少細, 但裝修okay唔錯, 很舒服. 所有員工既服務態度都好好.不仿去嘗試下.

行過被芝士系列所吸引~芝士魚蛋$20，係即叫即整，熱騰騰送上。送來時，本以為芝士係分開上的？點知咬落去……原來內有驚喜！有另一款芝士流出來喔！Wow~好味！ 內外都有芝士，仲要兩款都唔一樣，但又夾得來wo~另外，點了碗木瓜燉雪耳$28,冬天要滋潤一吓！好足料喔！大大件的木瓜，清甜滋潤。

上次食小食同甜品不夠喉！襯著今天午餐在九龍城食完晏，行街後，我同朋友決定再去幫襯多一次芝心唐人街！坐低後，我哋發現舖頭不單止有多款甜品外！還有特濃芝士麵！簡直係我至愛！麵加上濃郁既芝士，香噴噴！每條麵都鎖住芝士，放在口內，我感覺飄飄然！加上芝士波波腸，肥啫啫，很可愛！再嚟一個芒果脆脆，外面脆卜卜！裡面充滿忌廉同芒果，絕配！雖然舖頭細細，但服務一流！價錢便宜！

昨日與朋友外出吃晚飯，路經此店。好友嘴饞想去吃甜品，我便跟隨進去。因晚飯吃太飽，我只叫了他們新出的飲品，再吃一點朋友點的食物。話說回來，我叫的是香芋珍珠奶茶。有一種淡淡的香芋的味道，微甜而不膩。雖然沒有叫少冰，但冰的份量不算太多。是足以令整杯飲品都夠“凍”，而且是打出來我，所以會有泡泡，但不會構成很大的影響。唯一一樣是，喜歡吃珍珠的朋友或許會覺得，珍珠太少了，但我自己就覺得份量味道調配得不錯。值得喝一下。

同朋友行過呢間芝士做主打的甜品店，二話不說就入去啦！😍由於其實未食飯所以叫主菜！芝士撈麵！熱辣辣，淡淡芝士，真係好好味！都係$27蚊ja，食個下午茶都唔只，抵到喊！大量粟米唔會「漏」!叫野食當然要叫野飲，呢個芒果野莓水果茶，我自己就覺得剛剛好唔太甜，清清地。最後係呢個榴蓮pancake, 超厚，超多料，好味！ 見到舖頭仲有好多芝士野，下次一定要繼續試！推介呢間舖頭俾芝士控！！

無咩胃口既情況下，去咗屋企附近哩間甜品店諗住食少少野。發現哩間糖水店好多好味既小食，叫咗個芝士笑哈哈薯餅，個外形好得意，即炸既熱辣辣，外脆內軟。 另外叫咗個雞翅餃子，d汁好特別，好似用瑞士汁加蜜糖既味道。好棒棒! 仲有個特飲，白桃青蘋果味都幾好飲!下次要再黎試下其他芝士小食，好似都幾正咁!

放工約朋友去九龍城食泰菜，之後比個甜品胃叫食甜品，本來想去好出名果間合X , 但經過呢間甜品店，好光猛乾淨，於是入內一試，原來主打芝心系列，樣樣都好吸引,芝士蛋白流心吐司 - 創意之作，其實係蛋白雪山鋪係多士上面，好似好普通，但當你用刀切落去時，D蛋黃流心咁流出嚟，好得意，仲好好味，而且D味道好夾，仲有台灣鹽酥雞，炸漿唔厚，雞肉唔乾又滑，有辣，同唔辣，好鬼香脆，好有台灣feel ，個芒果脆脆亦都好特別，有D似芒果班戟, 將佢炸至脆脆，但入面就凍凍芒果肉, 幾得意, 如果加Cream 係裏面，唔知會唔會更加好食呢😁

九龍城比較偏既位置比我搵到間主打芝士小食既糖水鋪，岩岩食完晚飯，食個糖水就岩岩好喇。晚飯食到好飽，所以無叫小食，2個人叫左2個甜品，楊枝金露加丸子同埋芒果脆脆。原本以為芒果唔係季節，所以會唔甜，但係呢到個楊枝金露出乎意料好甜好好味，加埋d酸酸地既西柚粒，真係好正，另外既丸子唔會太甜，又有咬口，成個配搭都好match。另外芒果脆脆就更加正，完全做到外脆內凍，脆脆皮夠薄，卷左2-3層，入面有芒果加cream，口感真係唔錯，甜甜地咸咸地。呢間甜品鋪值得一試，決定下次再黎試埋佢地既芝士小食。

去完朋友屋企玩, 諗住響附近食埋糖水做宵夜, 見呢間夜媽媽仲燈火通明, 地方寬落, 啱晒我地成班嘩鬼.睇完餐牌, 有懷舊糖水, 有涼粉, 有西米, 黑糯米系列, 唔鍾意水野, 仲有雪糕, 班戟之類.細個果陣亞媽成日響街市買舊涼粉返黎做甜品, 長大成人都已經好少食, 今晚一於懷舊下要個<西瓜涼粉>$30. 份量好足, D涼粉同西瓜多到爆出黎, 西瓜新鮮爽甜, 食落起沙, 涼粉質感韌韌地. 而糖水底係花奶, 唔會太甜, 入口夠香滑.仲有同朋友share<鹽酥雞>$30, 件數都唔少, 炸得夠香口夠脆, 乾身唔油膩. 肉質幾滑唔鞋, 肉汁鎖死響雞肉入面, 仲有甜酸醬可以調味.