芝心糖人街 (已結業)

朋友釣咗條野生黃鱲倉，約去九龍城開餐，新鮮幾斤重嘅海魚真係食到停唔到口！食飽飯，行咗半個鈡女友話要去食甜品！揾咗間裝修簡潔，選擇又多嘅舖頭入去試！本來諗住基本动作，但估唔到有驚喜！涼粉係我食甜品嘅首選，可能係童年回憶關係啦！但更確切嘅應該係佢獨特嘅口感！呢碗雜果涼粉一放埋嚟就好想食，因為一睇就知D生果係新鮮挑選過嘅！如此配答勝在夠清甜！海帶綠豆、腐竹意米，可能係最經典，最傳統嘅中式糖水！係小時候老媽子最經常煲嘅！好少在外食中式糖水，因為多數偏甜，但見阿姐誠意推薦，即管一試。果然甜度適中！海帶綠豆勝在足料，海帶份量夠多就自然清甜。腐竹意米就勝在腐竹味夠濃，意米又煲得夠火喉、夠滑口！各自食咗部分之後，女友建議試吓两溝。哈哈！唔試由自可，一試就番唔轉頭！睇嚟我以後都会咁食法。

響附近食完飯, 朋友仲想食甜品, 就隨街搵間甜品鋪. 見呢間選擇幾多元化, 而且坐位多, 唔洗迫住又唔會有時限, 一於試下. 要左個雪糕香蕉船$38, 可以3個雪糕球, 要左雲尼拿同朱古力, 其實仲有其他味不過我無揀. 呢個價錢有咁多個球, 好抵. 香蕉船當然有香蕉, 底收埋兩條, 而且旁邊仲有哈蜜瓜, 蜜瓜, 西瓜等生果, 確實好多材料又夠大粒. 生果新鮮爽口, 唔算太甜, 唔會浸過糖水, 食完夠清新. 雪糕雖然唔係咩大牌子, 但食落都幾滑, 朱古力幾濃, 而且唔會太甜. 仲有兩條朱古力棒有伴菜, 令成個甜品錦上添花.

早前, 因朋友介紹也到了附近, 有空便去吃甜品.喜歡吃榴槤班戟的我, 到了第一次來的甜品屋, 少不了一定要叫一碟來試試看,還沒吃, 外觀有一種飽滿的感覺,一旦切開已經嗅到一陣陣榴槤的味道飄過來,吃下去還是有濃郁榴槤的香味, 對比下Cream也不會過多.喜歡吃榴槤的朋友, 我推薦大家可以試一下.$35 價錢可能大家會覺得有點貴, 但吃下去大家會覺得是值得的.另外, 木瓜燉雪耳 $28, 中等價錢.很多料, 清甜又甜而不膩, 雪耳有一點點彈牙.此外, 老闆員工的服務態度非常好. 環境亦清淨又整淨, 雖小但讓人感到舒適.

九龍城也是我的飯堂......這天便來了芝心糖人街開餐了！因為連晚餐也未吃，也叫了一點飽肚的食物！XO醬炒腸粉蛋（$28）XO醬味道不會太重，只聞到其香味，加上炒得十分乾身香口，味道很好！芝士蛋白流心吐司（$27）這絕對是心機之作！吐司香脆⋯⋯單單煎香已經要15分鐘，蛋白打得鬆化，蛋黃流心......夾著一起吃，絕對是天下美食！ 加分是蛋白上的烤芝士，很香，很好吃！芝士哈哈笑薯圈（$20）這個雖然是買回來的，但炸得十分香口，加埋芝士醬一起吃，美味便是這些了！海帶綠豆沙（$18）中式糖水絕對是my favorites! 有海帶的香，綠豆沙也起沙的......加上不是太甜，絕對是我的口味！

響呢頭開工, 做到攰攰地食D野補充體力, 見呢間糖水小食鋪夠多選擇, 一於試下先.小食最鍾意香口野, 所以試左"台灣鹽酥雞(不辣)"$30一上枱已經好香, 熱辣辣, 等左一陣先可以食, 以免辣親. 過左度熱氣, 一啖咬個外皮好鬆脆, 鹽既味道剛剛好, 唔會太咸. 雞肉就好嫩滑, 啖啖肉無骨夠晒肥美. 呢個小食好惹味, 食極唔覺膩, 送酒或者送果汁都一流, 一冷一熱.另外要多個"芝士吞拿魚吐司"$27, 吞拿魚下有層芝士, 焗完之後有芝士既咸香, 唔算太濃, 但同吞拿魚兩者好夾. 配埋吐司焗到邊位脆口, 但包身鬆軟, 幾樣加埋口感豐富, 係一個又飽肚又有營養既下午茶.

去完嘉年華就落九龍城食飯, 貪呢邊多選擇. 食完晚飯朋友都仲未夠皮, 話要食埋糖水先走. 就是但響附近睇下有咩選擇, 見呢間有中西式糖水, 雪糕, 特飲咩都有, 一於試試.晚飯都食得幾飽, 所以都係要碗生果系統糖水清一清, 一來無咁飽, 二來玩左成日好口乾, 吸收返D水份. 要左個什果楊枝甘露($33), 份量好大碗, 好足料.什果包括有西瓜, 蜜瓜, 哈密瓜, 芒果, 款款都有幾粒, 加埋即係十幾粒, 食完都幾飽. 生果新鮮清甜, 芒果唔會太酸, 糖水底西米露夠晒淋. 糖水唔太甜, 加埋酸酸地既沙田柚肉中和下, 兩者剛剛好. 食完個人好清新醒胃, 減卻左食晚飯既飽濟感.

九龍城梗係食泰國菜，但鬼屎咁多人，排隊排到肚打鼓，本想食小小野醫下肚，路過呢間甜品店，好光猛乾淨，似乎新開，入去食咗先算，我地見到個餐牌竟然瘋狂咁叫🙈 除咗甜品，仲有小吃，麵食等，一於決定食飽佢，店員推介台灣鹽酥雞，炸漿一D都唔厚，雞肉唔乾又滑，有辣，唔辣選擇，好有台灣feel ,encore 又encore ,一流👍，芝士魚蛋，用咗五種魚打，都算彈牙，巨形恐龍蛋，芝士蛋白流心多士，全都好有創意，味道唔錯，吉列豬扒湯烏冬，豬扒夠大夠厚, 又鬆脆, 餃子雞翼就稍遜，味道唔係好夾，飽咗八成喇，未食甜品呀，食唔食到呢？唯有叫小D喇，芒果脆脆，類似芒果班戟, 將班戟雪凍，跟住炸，外面脆，內面厚厚凍芒果肉，好得意, 可惜要即食，外賣既話個皮就會淋，唔脆，再叫咗芭菲杯share , 賣相好吸引，材料好豐富，有多種生果粒，西瓜，蜜瓜，芒果，小丸子，粟米片，涼粉，仲可揀選雪糕味道，食埋飽哂好滿足，雖然今晚冇食到泰國菜，竟然冇失望，相反大滿足添😋

晚飯後，同朋友逛街，向左走向右走，發現九龍城有好多間甜品店舖，不知道怎樣選擇自己喜愛的甜品？？？很難！！！結果，行下行下，見到一間店舖，裡面有多款小食，又有中式、西式甜品。我朋友叫了榴槤 pancakes，我想的……以前我曾經食過新鮮榴槤，我就飽了兩日！今次我一定不會再食！！估不到我朋友勸我試下，於是我抱住不死既心情試下！估不到竟然愛上了榴槤 pancakes！ 忌廉不膩，加上榴槤味很香濃濃的，有入口即溶既感覺，一碟也得不夠！另外，我哋又叫了一碟芝士魚蛋，魚蛋炸起來漲卜卜，不油淋淋！咬落去有流心芝士流出！肉質很彈牙，再沾上芝士汁，令人唾言欲滴！可惜的是，我不能放所有食物進到我的肚子內！下次，我一定要來試下其它甜品

番左成日工，放工當然同朋友嚟到九龍城鬆一鬆啦！第一次嚟到芝心糖人街，呢間店主打芝心系列小食。望一望menu ，深深被呢個吐司吸引左，即時心心眼order左一份。芝士蛋白流心吐司 - 金黄嘅蛋白雪山鋪係脆脆多士上。看似好普通，但當用刀切落去……蛋黃岩漿慢慢流出嚟，淨係睇都已經好正，食落去意想不到好好味丫！軟綿綿嘅蛋白+粟米粒+蛋黃漿+芝士脆吐司，good~~~價錢又抵，值得一試丫

今晚約了朋友去九龍城食飯，食完飯當然要去吃糖水，成餐飯先圓滿，在九龍城這個食肆多如繁星的地方，要找一間入去幫襯的糖水鋪，真是有點選擇困難，所以最終行下行下，就走了入【芝心糖人街】，鋪頭不算大，但是都算整潔舒適，最特別是天花吊滿水晶雀仔，又有一個標把做裝飾，兩三個朋友一齊吹水食糖水就最適合。坐定定，就揀下想吃的糖水，我諗都無諗，就叫了我的最愛芒果甜品"香芒三重奏"，既然個名叫三重奏，應該有三樣不同款式的甜品，出來的賣相令人食指大動，包括有脹卜卜的芒果班㦸，閃爍爍的芒果奶凍，香飄飄的芒果雪糕，新鮮的芒果粒，淨看都覺得好幸福。班㦸軟棉棉，奶凍又溶在口中，芒果香及甜味，由舌尖滲入喉嚨啶，再吃雪糕及芒果粒，簡直絕配。吃完甜品，我的幸福指數上升到最高點

是日路經九龍城約六七点左右，肚仔未餓，但又想食少少嘢，又想食甜品之際，眼見唔洗排隊就沖咗入去，店員服務態度非常貼心，見我哋樣樣都想食就見議我哋先食少少小食，最後先試甜品。小食極力推介台式鹽酥雞(有辣有唔辣選擇)，因為一共食咗5碟，所以再極力推介多一次，仲有吉列芝士豬扒(可以跟湯烏東，湯麵或炒烏東)，一定要試吓芝士流心蛋白吐司。至於甜品就有更多選擇，芒果脆脆，榴連脆脆，芭菲杯，芒椰椰西，芒果鮮奶都係不二之選。

響九龍城買完野, 攰攰地又口乾乾, 搵個地方坐低抖一抖, 行過見呢間有糖水, 小吃, 種類好多, 一於試下先. 未到糖水時間, 所以人唔算好多, 可以慢慢坐.睇睇餐牌, 芝士類型有好多小食, 而糖水系列就中西式都有.睇左一輪都係食D野, 所以要左個All Day Cheerzfast $40, 唔太貴又可以食幾樣野.芝士滑蛋, 淡淡芝士香味, 融化既芝士配合滑蛋兩者非常夾, 滑蛋亦夠滑, 唔會太稀.芝士蒜蓉多士, 好香芝士同蒜蓉味, 多士焗到好香脆, 簡單既材料味道已經好唔同.司華力腸夠大條, 唔會太咸, 外皮脆香.仲有跟餐既西瓜汁, 夠凍唔會太甜, 西瓜味夠, 仲飲到打出黎既西瓜肉, 果然足料, 飲完好清新.

今日同朋友去左九龍城食泰國菜，食完之後朋友話想食中式糖水，經過太子道禁啱見到一間新開嘅(芝心糖人街)，在門口睇睇下就比店員介紹左入去，好啦，見店員咁有禮貌就同朋友一齊入去試下啦，我地四個人一人叫一個中式糖水同榴槤班戟，芒果班戟一齊食，綠豆沙,桑寄生, 腐竹薏米同木瓜燉雪耳,真係估吾到，給我們一個驚喜，d糖水味道真係好好味，完全好似在家食的感覺，好足料，我沒有食綠豆沙，但聞到好香好香臭草味道，真係好小糖水店有這種香味，下次一定會試，我食左木瓜燉雪耳，食得出真係好用心燉，有D好香好香杏仁味同木瓜味，木瓜好新鮮好大，好好味， 腐竹糖水睇得出好足料，重有要講埋個榴槤班戟，未食切開都聞到好勁濃厚味道，如果吾食榴槤的人，我諗真係頂吾住，真係好香，總知呢間糖水真的可以一試，由其是中式糖水。

一班朋友聚會，走入新開的店，位於九龍城，主打芝士，每種食物都用不同的芝士，不太愛芝士的還有其他小食甜品特別推介：芒果脆脆，外脆內凍，厚身芒果台灣鹽酥雞，皮薄不會太厚身，雞肉香滑，正！

唱完K, 見到有間標榜「糖水, 小食, CROSSOVER」既舖頭, 喺正Neway下面, 咪試下, 叫左個鹽酥雞, 可以加辣, 皮很脆, 肉都幾滑, 好食過KxC, 另外仲叫咗個腐竹薏米, 腐竹味好濃, 而且吾係煲到爛晒, 個人幾鍾意, 女朋友就叫咗個喳咋, 味道甜咗少少, 但可能係女朋友怕肥所以鍾意淡口d, 最後就係榴槤疏乎里, 店員說是用d24榴槤, 外表其實吾靚, 但咬入口很鬆軟香口, 比想像中好食, 而當時店內都有吾少客人, 樓面就得一個, 所以都要等一陣, 但店員幾好禮貎, 總結係值得再去既