芝脆雞 (已結業)

下雨天,所以就叫pizza吃6:00pm打去落order, 店員話7點先送到, 誰不知6:35pm已送抵, 效率也蠻高這個餐都蠻適合第一次吃又沒有頭緒吃什麼的我們指定1+2組合(大批一個+焗飯/意粉/小食{3選2}) $148pizza:千島熱情 / 環遊世界小食:小食拼盤 / 炸雞4件飯or意粉: 香草烤雞焗飯 /肉醬意粉最終叫了千島熱情pizza 是由:千島汁, 洋蔥, 火腿, 菠蘿, 粟米和加倍芝士 組成的, 批身是麵包底, 吃下去鬆散,沒有麵粉香,但是拌著千島醬的酸甜加上分佈極多又極廣的芝士, 可以說這個組合很搭,反之一個由肉腸,煙肉等啖啖肉組成的pizza就要配上一個具咬口的批身, 這是第一次吃pizza而不覺得滯..(平時pizza box的吃1/8件已覺得很飽)烤雞4件 烤雞是它們的主打, 當然不可不試, 當時送到家時仍是暖的,雞隻大得驚人, 炸漿不太厚, 咬下去, 首先是香脆的炸漿, 然後是處理得嫩滑,入味的雞肉, 後來我放棄吃炸漿專心處理掉那多汁的雞件, 對比起kfc那些乾身的雞, cheese pizza當然是略勝一籌, 不過還是略嫌較油膩!香草

環球xx大批 (名字唔太記得) $75料 & 芝士很足2男2女 每人兩塊已經有d飽菠菜魚柳焗飯 $26無咩期望反而有驚喜 白汁味道唔錯,我中意魚柳挺好蘑菇烤雞意粉 $26有少少失望 !相比下 焗飯更好個汁應該係金寶湯開 ..唯一不足是每日飯 同 意粉太少選擇意粉只有3-4樣 飯只得1樣因為要睇佢是日精選總括而言,無咩可挑剔以咁既價錢可以食到唔錯pizza 每人都食到好飽!抵到爛啦 讚x3

中午叫左個外賣餐，有兩個大薄餅(厚批)、飯和意粉各一、小食拼盤等等。個薄餅真係拍得住必X客，價錢仲要平一大截! 飯和意粉則不過不失，小食拼盤都OK，不過那些咖喱角似乎太乾。總括一而言呢個餐好抵食，總共都只係二百幾蚊(我唔記得左實數)，但份量應該夠最少6個人食! 我地果日得4個人(2男2女)，完全食唔晒，淨返好多pizza，要留返下午茶再食過!下次要試下佢D炸雞先! 我見D食友話佢地個炸雞仲好味過K字頭連鎖店，一定要試下。

2/4(五) 2.30pm復活節長假的首日,善用港鐵的優惠,免費乘往大埔悠蕩一番.出站後,轉乘巴士前往大元商場,位置不太好找,特意到此薄餅店嚐其得手薄餅!點了下午茶組合二$23:肉醬意粉+炸雞及餐湯,五十五十薄餅$50,及加$3的Lipton芒果紅茶.餐湯--僅供濕口的忌廉湯屬罐頭作.炸雞--炸至外脆肉滑,滴油不沾的超水準炸雞!肉醬意粉--沒心裝在的收銀員忘了把意粉轉成表通粉;意粉,肉醬及蕃茄醬的質素跟連鎖快餐店相若,沒甚驚喜.五十五十--香草烤雞及櫻之花各半;香草烤雞以蕃茄醬作底;另配以雞蛋,蘑菇及加倍芝士.櫻之花則以千島汁,煙三文魚,洋蔥,粟米,獅子狗,蟹柳,紫菜,芝麻作主材.要了厚批,餅低鬆脆有韌度,非常到家!兩者的表現平均,材料豐富,醬汁充裕,個人偏好紅底的香草烤雞!此店跟PHD Pizza的格局及餐牌極為相似,是否乃其分支?

阿B一真大力推薦, 本身對炸雞真係毫無興趣, 一年都唔會食到一次. 但係呢間芝脆雞係真好得. 我地叫外賣, order左4隻雞加香草豬仔骨, 送抵屋企都係約20mins, 最緊要係仲熱辣辣.炸雞一d都唔亁唔鞋, juicy到不得了. 我最愛豬仔骨, 只要餐牌有, 我都一定會order. 呢個香草豬仔骨好食過好多餐廳.好入味, 並唔係灼過先烤. 下次要試下佢d pizza.

看到其他人說這兒的食物水準很高,所以媽媽生日就叫了外賣回家試要了三人餐,一個千島海鮮薄餅四件雞和白汁雞飯千島海鮮薄餅 材料不算多,千島醬味道不太濃,水準一般餅底像一般面包,感覺像吃面包店的pizza包一樣,自己不太喜歡炸雞 可能拿到回家已經涼了點,所以不是十分的脆,肉汁還是有的,但不夠咸雞味欠奉是當然的了,但個人覺得還是雞記的比較好吃白汁雞飯出奇的好味! 本來覺得都是一般貨色,對它沒有很大期望,但原來是美味的白汁很香濃,卻不會有很膩的感覺加上雞肉 洋蔥等,令我吃不停口呢!不知是不是抱了太大的期望來吃這頓飯,感覺沒別人說的好還是覺得連鎖薄餅店的薄餅比較好吃食物款式這兒算是很多的了,但食物水準再強一點才會更得人心呢!

一直都有聽聞呢間芝脆雞好好食架啦，好想黎試下，不過間店響呢個位，我諗如果唔係好食同埋住響附近，都真係唔知佢既存在。同男朋友食一個餐，個餐有三隻炸雞，一個pizza，一碟小食。炸雞真係勁勁勁好味!! 夠脆!! 唔係d油炸但係個皮lum哂既炸雞，而且好有味，要落芝士粉!! 記得要自己去後面個櫃都拎芝士粉，我地食食下先記得真係好食到我一路食一路狂話好好味，好似大鄉里咁Pizza 我覺得可以叫做OK，個皮太厚同lum，有d似食麵包，唔難食，普普通通。 小食反而麻麻地，有咖哩角、春卷、炸魷魚圈，炸魷魚圈唔知點解咬一啖就成條魷魚蚊左出黎，得返個炸殼，我同男朋友都係咁，好好笑不過overall黎講都唔係好好味，辣醬唔夠辣，似甜醬，所以下次如果再黎食既話，都唔會嗌小食。咁多野食都係每人43蚊到，好味又夠飽，抵過食M字頭同K字頭既快餐啦!

今日lunch叫左呢一間"芝脆雞"，叫左個"輕便套餐"同女友一齊食,普通批一個(千島熱情)+炸雞三件+兩罐可樂-十二點鐘司機先返工, 所以十二點半先至送到黎公司,首先講下pizza先, 未開已經聞到好香"芝士味"仲有個餅底先誇張, 內裡超鬆軟, 而外面又好脆,個餡料極豐厚, 芝士極多!!!超好味!!!!!!!!!而個炸雞呢, 好大件, 大件過k記, 冇咁多油, 食落唔肥膩,正!!誠意推介!!!!!!共hk$95

本人曾在加拿大留學，其中一種我十分喜歡的當地美食就是炸雞。除了香港最為熟悉的肯德基之外，還有兩間專賣炸雞的餐廳：一是Brownie's，另一是Church Chicken（http://www.churchs.com/index.html）。後者乃本人最喜愛的。因為Church Chicken的炸雞，皮脆肉嫩，咬入口時還有肉汁滲出，簡直是肯德基那些粗糙的肉所不能媲美的。十年前從加國回來的時候，本人曾想過若把Church Chicken引入香港，一定有利可圖。當然直到今天還未有人這樣做。但本人吃過Cheese Pizza的炸雞後，認為都有八成相似，實在令我有點感動，好像帶我回到加國一般。Cheese Pizza的老闆，你做得很好，本人會繼續支持貴餐廳。加油！

我地6個人一早叫了外賣...有人生日,叫了一個$120既餐...請埋生日朋友,一人都係$24,超級抵.......外賣送貨準時,個個哥亦耐心等候!餐包括一個大批(環遊世界),好多料,有8件. 兩件雞,好大件,幾好味,同kfc差唔多,有ketchup俾埋會好d... 蒜香牛肉長通粉,唔得,好咸食到病既咸!!!同埋唔係牛肉黎既,係一d好幼既牛肉腸. 蒜容包,正常)所以總括來說,食物質數唔錯,價錢超值,送到上家,方便快捷!!!!!

巳經第二次去食啦..水準仍然無變!呢日同朋友去食.食左個4-5人餐..本身仲以為一定唔夠仲打算單叫其他小食.意粉!點知食下食下就知唔需要再去買.因為大家都感覺到太多分別就有一個大批..我同朋友就簡左香草烤雞焗飯同炸雞5件同豬排骨.真係好飽..朋友仔都話唔錯..打算第日D MEETING打算黎呢到食..我個人認為PIZZA墨西哥香辣真係幾好食...本身自己同朋友都係食得辣既人黎..所以覺得野味.值得一讚.價錢方面.185蚊.6個人食真係夠食!!下次一定會搵下其他野食試下..走果陣.其中一個朋友話買個迷你批比佢啊妹食..最後朋友簡左個千島熱情.奇脆底!!比佢個妹打包番去..聽番朋友講.佢個妹成日去買黎食!搞到自己都好想試下..

中秋翌日昨天與親朋戚友吵吵鬧鬧的過了一夜本想與女朋友靜靜的宅在家中無奈我倆身為「無飯」情侶直到晚飯時間終於忍受不住,被迫外出用膳。由於近日得識住所附近新開一間賣PIZZA的,因此抱著姑且一試的心態入座。然而,一開始卻擺了一個大鳥龍,實在不好意思本向伙記招手,示意打算落單,然而對方卻一面禮貌的,示意我和女友應先到門口處買飛。服務態度之好,固然值得一讚。然而,更大的驚喜卻仍在後頭。因為人數不多,只有我跟女友兩人,故隨意地點了一個二人A餐雖然當日正是星期日,食物在即叫即整的情況下等待時間仍然可以接受。大約十五分鐘過後,食物一一出現在我們面前。6寸的超簿千島熱情有點少不過只是85元還包括了一個pizza跟兩個食物,還可怎樣?而已pizza本身絕不兒戲,在餐單中介紹千島熱情的加倍芝士一項絕對不假之後來了一個豬排骨在就想吃太多炸物之下點的,打算試試(雖然後來看到每台客人都點了炸雞也使我倆有點躍躍欲試而已豬排骨一來也使我跟女友大為驚喜,豬排骨本身看上去很乾身然而咬下去的一刻肉汁立即湧現,而且味道很濃,我個人認為這絕對要一試!!!最後因為飽不夠飽的關係點了一個焗肉醬意粉不過到傳菜時女友早已有點飽滯..

上去佢地網頁睇MENU見到大胃B餐應該就係4人餐LA不過一個大PIZZA+2個飯/意粉+DRINK好似會唔多夠食咁所以我地4個人就叫左個C餐(FOR 5人)黎左就後悔LA,原來係食唔哂,我地真係高估左自己正如之前D食評所講,送貨好快手,話45MIN,30MIN就到左我地叫左個櫻之戀PIZZA,有三文魚,有蟹柳,紫菜等等,好彩叫左薄批,如果唔係就食死人勁多CHEESE,好味!!叫左個蒜香牛肉通粉,夏威夷豬飯,小食拼盤呢D就一般LA,估唔到連牛肉通粉都好CHEESE,飽死人咩???我地轉左D DRINK做炸雞5汽水=5炸雞,勁抵炸雞好GOOOD,炸得好脆,入面又唔會乾埋單220,真係好抵AR!我地根本就食唔哂,PIZZA可以做埋早餐

叫左個大胃A餐$135,五個人食。雖然接線生說要1hr,之後大約45mins送到。 真係估佢到!!特色燒烤薄餅(燒烤汁,洋蔥,青椒,粟米,雞肉)：普通size,有六件,咁size先合理ma!好似「P H」的,mini mini…..唉….。燒烤汁好正!因為佢批厚,好足料。蒜香牛肉長通粉, o個D芝士汁+香蒜,估唔到的好食!牛肉粒腍腍,五香味呢~~蒜蓉包,都幾香蒜,不過就太小了分唔平均因得4件有一個冇得食。炸雞三件, 超脆皮雞件,不用再說,皇牌! 同KFC冇得比鍾意佢既餐,所提供的選擇,唔一定焗你要汽水(飲品/蒜蓉包/餐湯)。老實說,叫外送,屋企都有野飲啦,而家可揀蒜蓉包幾好~PS . 如果冇野飲你跟餐都可以加$1 轉荔枝玉露得我下次叫下先因比出面平 ( $1罐邊道搵 )

近日見有間新PIZZA店~SET都OK平~叫左個C餐~$220有一個大PIZZA~叫左個啖啖肉好多料!又多CHEESE~~好好味真係仲有2個意粉~都好濃芝士味~好食~!仲有5件炸雞~大件又好味過K*C~我無食炸皮~D肉都仲嫩滑~GOOD~~!仲有蒜蓉包~好多牛油蒜蓉既法包~好脆可能我本身好鐘意食芝士~所以呢餐好滿足到我~我得閒又會再叫外賣食*送貨要9個字~但半個鐘左右就到:>