花子舍 (已結業)

不經不覺已經轉咗工五個月，忙到有啲透唔過氣，年尾前仲有四個Business trip要去。星期日真係要畀自己嗰腦休息下，慢活一日。A姐好善解人意，話帶我去返銅鑼灣後花園花子舍Florahouse食餐好。蕃茄雜菜濃湯我就一向都最鍾意飲湯，呢個蕃茄雜菜濃湯茄味濃郁，加埋紅腰豆、西芹、紅蘿蔔等雜菜，非常足料。沙律新鮮沙律菜加帕爾馬火腿，再配自家製沙律醋，真係非常開胃！燒老虎蝦蒜片辣椒墨魚汁香草醬扁意粉虎蝦大大隻，燒得好香口，一人一隻，唔洗爭。扁意粉煮得啱啱好，煙韌彈牙，每條都沾滿墨魚汁，加埋蒜片同辣椒，真係好香口。慢煮加拿大八安士豬鞍架配紅莓汁話明慢煮，豬鞍架非常腍身，尤其近脂肪位。另外，紅莓汁幾特別，吊出豬鞍嘅鮮味。配菜一啲都唔馬虎，薯仔切成細細粒，再加黑椒炒過，非常惹味。（記住Like同Share畀朋友）

本來都有期望.....每一位員工表現都好唔自然，係人都知新開😐😐😐無可否認我係比佢個訂座5折吸引到黎既，但結果係點，相信大家都估到，一定係叫原價餐抵啲。餐湯+餐酒（白酒）湯係ok,不過凍左啲，我中意熱。白酒~~~~唔中意飲酒既一定唔中意飲，中意飲酒既都唔中意飲。主菜，羊扒加德國咸豬手羊扒其實都幾好食，因為我中意肥。但我中意點薄荷醬既羊扒多啲。豬手就可以再脆啲，爭少少，但又講不出爭啲咩。如果個價錢老實少少，會食得開心啲，價錢從來不是問題，感覺像被騙。 建議一個叫餐，其他就散叫吧。

約左朋友食生日飯 就揀左呢間cafe試下 食物選擇唔多 但每款都幾特別 最特別係環境 木製嘅傢私加上田園風裝飾 比人好舒服嘅感覺 靜靜地 可以慢慢傾下偈我地叫左德國咸豬手 個皮好脆 咸度適中 好大份黑松露帶子risotto 賣相吸引 但個意大利飯質感有D奇怪 醬汁欠缺黑松露味 有D失色...黑松露炸薯條即叫即炸 入口脆口得黎又有黑松露粒 點埋黑松露醬真係無得輸😍Very berry smoothie & mixed berries iced teaSmoothie帶果肉口感好好 iced tea果味充足最後仲叫左件homemade rose cheesecake, 有好濃嘅玫瑰花味 cheesecake質感適中 值得一試

因為朋友生日，加上見呢間餐廳都幾多正評就黎試下。本身怕walk in會冇位，點知我地食到8點左右都係得2-3枱客。環境都ok，門口既花花位最掂。我地叫左牛排同軟殼蟹飯。都好快上，樣望落都唔差，但其實就係得個樣。牛排係薄牛排，朋友share左幾舊俾我，食完林法係覺得花園餐廳仲好過佢，非常普通。軟殼蟹飯好咸，份量少，食完我都唔飽。飲品我叫左花子冰，開頭第一啖酸酸地都幾好，之後再飲就正係得梳打味。我唔知點解佢地咁多好評，但問我，我一定係覺得唔值呢個價錢，食物都好普通好普通。唔會有下次！

用餐前一晚才和朋友臨時決定要出來見面，所以我們一起上網找有甚麼好吃的。在Openrice找了很多不同的餐廳，最終被這間裝潢漂亮，而且食物評價都不錯的餐廳吸引了。加上看到在「開飯」訂檯，晚餐單點有七點，所以便訂檯試試看了。等朋友收工後一起出發，地點不難找，由於用餐當日大家都趕著賀中秋，所以看到坐巴士會塞車我們改坐地鐵，在天后落車行去都很近及易找。  多次在附近逛街路過，入來這條街找吃的還是第一次，在對面已望到門面很漂亮，去到門口望入去見到裝修得很優雅，入去跟店員說前一天晚上上網訂檯的。然後看到我的名字被刪走了，原來當日下午店員用手機致電給我確認，因為不在座位聽不到電話響，然後因為是不認識的手機號碼，也沒有留言甚麼的，也有找過不是在openrice看到的店舖號碼，所以便沒有回電。。。我想下次店員需要confirm booking可考慮留言或用返在openrice登記的電話號碼。幸好當日人不太多，而我們只有兩人，所以有檯給我們。我和朋友最後點了兩個SetDinner，沒有用單點優惠。我點了新西蘭羊架，朋友點了德國脆咸豬手。點餐後，餐點不用等太耐便到。首先到來的是餐湯，南瓜忌廉湯，很香甜，不會

找間好的咖啡店食下飲下係放假一大樂事，地點雖不是位於中心地帶，但都好易找，係中央圖書館前少少位置附近，店內環境很優美, 因為有花作裝飾，座位之間闊落，陽光射進店內，很舒服，我叫左海鮮蕃茄扁意粉，同一杯green tea latte,意粉是一般，味道不太夠，偏淡，海鮮雖然份量不少，但相信係雪藏的，因為小魷魚係淡茂茂，蝦係大隻又爽口，卻沒有鮮味，蜆更不用多說...蕃茄味淡，意粉好碎，掛汁力一般，可能係我期望太高，有點兒失望幸好杯latte好好飲有好重的回甘味，綠茶味芳香濃郁，而且唔太甜，奶和綠茶份量調配得剛剛好，不錯

服務真心好好 店員動作輕 說話態度又溫柔 可以感受到係真俾心機在做 食過幾多餐廳 一進門就可感受到呢個可謂是宜家餐廳裡一股清流 一位店員小哥非常在意店內細節 不停來回跑擺正桌物餐具關門 我覺得很舒服再說食物勒 我覺得都很nice 量真的很足夠 做法也很有自家特色 非常非常好吃 我一個人都食到冇野留！醬汁 食材搭配 同做法很有自家製味道！可以感受到小店是在努力俾心機經營非常清爽可口 完全唔同滿大街相似的菜單和它們千篇一律的令人失望的味道 真的非常值得一去

因為女朋友一直嘈話想食牛扒，上網見到哩間餐廳好評唔少，就諗住約佢去試下。怕星期六多人，所以就事先係openrice訂左位。我地本身book左八點半，早到左三個字，但見有空枱就直接入座。餐牌比想像中少選擇，無奈都坐低左，唯有都睇下有無咩岩心水啦。餐湯幾好飲，但覺得啲薯仔煮到有啲沙，搞到喉嚨成日都好痕煙三文魚沙律最好食就係佢了！原隻軟殻蟹墨汁意大利飯個汁好稠...然後個飯........其實女朋友點哩個飯都係為左貪玩啫...😓軟殻蟹一開頭食口感都唔錯，但食到後面啲炸粉吸哂啲墨汁，女朋友頂唔住都將佢放埋左一二邊美國頂級肉眼扒（12安士）老實講，我唔知邊度有12安士，再加上啲筋多到佔左成塊扒既三分一，基本上我同女朋友兩個人每人食左三四啖就已經搞掂左佢。因為同女朋友都對花茶無咩興趣，所以都一人叫左杯coffee黎飲，唔錯不過係食飯途中見到隔離枱點既都係德國脆皮咸豬手，我地食到一半其實都明點解了...其實有啲唔明點解哩間餐廳歸類為扒房，成張餐單得一個餐係食牛扒，而且味道......所以主要都係食個環境我諗哩啲就係真正既可一不可再了😭仲要到最尾兩個人都食唔飽💀然後又要再搵多間扒房氹返佢開心啦

原隻軟殼蟹墨汁意大利飯 呢個價錢唔使太著意 皆因去食果陣咁岩做最後一日單點六折優惠 實情跟set連餐湯餐飲正價都係$16x左右咁對呢客risotto大致覺得ok 軟殼蟹有兩邊方便share食 脆脆地身唔會淋左 墨汁係會整黑個口果種 飯身軟硬度算中等 有些少配菜咁 不過黑媽媽影相就難啲影得靚花子舍熱香餅 $69本來諗緊叫兩份main course定一份加side dish 見有熱香餅就點左 落單果位會好心提你使唔使食完主菜先上我覺得呢份係幾純粹既熱香餅 好特別又講唔出 但鍾意熱香餅之人應該都岩食 表面淋有糖漿同朱古力醬 醬既份量適中唔會過甜 側邊有粒士多啤梨同有啲cream 如果嫌有啲dry就可以連cream一齊食 pancake入面有香蕉 生果配pancake黎講香蕉都算係幾fd既配搭 撇除本人有點對熱香餅偏愛 呢份算係中規中矩standard quality 六折左食算係咁玫瑰芝士蛋糕 $39又遇到驚喜之作！cheese cake食唔少 不過第一次食啫喱面既cake 仲要係幾特別既玫瑰味 雖然啫喱層唔算厚 但係玫瑰味都幾出下 我係鍾意啫喱連cheese cake同餅底一齊食 可以稍減

原本睇相睇食評覺得尼間好似好靚好多花咁🌺🌸🌷🌹🌻🌼 姐係食野個陣係比花圍住咁 但完全吾係😂😂😂 只係門口個位有啲乾花咁 坐到入去基本上冇乜花我同朋友嗌左一個carbonara同一個玫瑰蛋糕🌹Carbonara係好好食！仲要勁抵$59包野飲😋😋意粉好creamy又濃味 份量吾算好多食完都吾覺得好濟👅💦推介推介玫瑰蛋糕都幾好食🍰 我平時吾太中意食任何花味既野 但竟然都覺得尼個蛋糕出奇地好食🤤 有好清新既玫瑰味🌹而且環境坐得幾舒服 🌸

今天同朋友來銅鑼灣上course,上完之後就搵個地方TEA一TEA,  但銅鑼灣太多人啦，行下行下黎到呢度，靜中帶旺的小街上，竟然有一間似花店的cafe, 又有tea set 提供，所以就入左去坐啦。門口的佈局真係好似一間花店，好吸引店內各式各樣以花為主題的擺設~真的很有花店的氣息~開水有薄荷葉很清新~我們的下午tea set 我們點了兩款三文治, 而每款可選兩個口味1.火腿芝士2. 番茄雞蛋多士拱得很香口, 熱辣辣材料很豐富，滿滿的，咬落去很有口感另外我們再點了個蜜汁焗雞翼蜜汁甜甜的，很惹味, 4隻for 我地2人剛剛好tea set 每人包一杯飲品，或可以半價換購特飲。薰衣草伯爵茶特飲好香的薰衣草味道，加入香濃的茶味頓食味覺新享受~我們各點了一杯凍飲特飲，解渴又怡神~

上網睇 鋪頭裝修好似好多影相位 不過現實可以影相的位都是門口一個 我去時候是夜晚 不是太多人 入座都有8成 我同朋友叫左兩個set dinner 個湯係南瓜湯 好欣賞湯都有拉花 仲幾靚Tim 味道不錯 仲有個煙三文魚沙律 我沒有影 但味道正常 我同朋友分別叫左個軟殼蟹墨汁意大利飯 同埋豬手 味道都唔錯總捨黎講 值得一試小店

相約舊同事飯聚，佢提議特色小店花子舍，第一次使用OPEN RICE 訂座優惠，非常方便，而且又有優惠！步進小店就被花朵和植物包圍，就像城市中的小花園，把人從煩囂的城市帶到清新及輕鬆的國度。這裡的桌椅都是木材，檯上會有花或是燭光，非常適合和姊妹們相聚或情侶拍施的地方。進入秘密花園我們點了一個set Dinner, 再使用open rice訂座優惠散叫了漢堡包和飲品。 Set Dinner會附送餐湯、沙律和飲品，點了一份軟殼蟹墨汁意大利飯。先上沙律是三文魚雜菜沙律和青豆湯。沙律正常表現，但青豆餐湯真的不太合我口味，而且湯唔夠熱，所以影響了整體表現。至於軟殼蟹墨汁意大利飯，軟殼蟹唔夠脆，墨汁意大利飯就普普通通。漢堡包份量都幾大，配的薯條都香脆，而且漢堡有肉汁，所以係值得試！經店員推介下，飲品叫左花子舍的名物- 花子冰，就係冰入面有Ｄ花，但其實野飲比想中心差左少少，無花香又無咩味。玫瑰芝士蛋糕賣相好靚，有粒士多啤利花做伴碟，影相一流！上層係玫瑰味JELLY，下層係芝士蛋糕，甜品超乎預期，為整餐飯生色不少！

我們逛完香港中央圖書館，老公在OpenRice尋找餐廳，看到這裡有間以花為主題的餐廳，就和我來試試，這間餐廳鄰近香港珀麗酒店。花子舍是一間小小的餐廳，裝置了很多盆栽。未入去就已經覺得有好香的花味，十分精緻，是情侶撐枱腳之選。廚師介紹有八種Set Dinner ，我們選了慢煮香煎三文魚和德國鹹豬手，個餐仲可以揀餐酒，我們選擇了一杯紅、一杯白。餐湯是番茄什菜湯，送來已經聞到番茄味道，入口酸、香、甜，口感一流，胃口大開。讃👍煙三文魚沙律，蔬菜好新鮮，加了黑醋汁，入口十分清新。慢煮香煎三文魚，魚皮烤得好香、魚肉好滑，配菜有翠肉瓜、紫茄子、薯蓉，又新鮮又好味。德國鹹豬手，豬手皮焗烤得好香好脆，廚師已經幫手起左骨（貼心的服務），豬手肉嫩，入口爽脆、咸香，完全唔覺得肥膩。淋上芥辣醬有不同的口感呢，仲有些酸菜伴碟，令到胃口大增。飯後點會少了甜品，見到有玫瑰草莓巴菲，當然叫了一個，我好鐘意個presentation，好靚又好味。整體來說、十分滿意，是一間可以推介嘅餐廳。

上網睇為食友d 飲食blog, 最近一直想試呢間心水食店, 小店裝修以可愛裝飾及花花為主題, 食物擺設都非常精美吸引, 今晚終於可以同王子嚟食飯及參觀一下進入了童話世界花花擺设.....氣氛浪漫又舒服今晚我同王子約會的浪漫一角, 完全自成一角, 真系講乜都冇客人聽到, 做乜都無客人見到....Set dinner 包餐湯、煙三文魚沙律、主菜、紅酒/白酒或飲品, 今晚叫咗兩個晚餐開心 share。餐飲 ~ 白酒白酒微酸, 果味不濃, 幸好入口清爽, 唔 dry, 無苦澀口感及餘韻。是日餐湯 ~ 羅宋湯清甜蔬菜湯, 味道適中。前菜 ~ 煙三文魚沙律清新爽口沙律菜, 配甜酸果醋汁, 酸酸甜甜, 開胃醒神, 煙三文魚柔滑。煎帶子香茜意 ($159)意粉充滿麥香, 煙韌彈牙, 以橄欖油、海鹽及香茜汁撈, 蒜香十足, 好香新鮮香茜, 比A數字意式餐廳更好吃刺身級大帶子, 以大火煎香鎖住帶子汁, 香口得嚟不失帶子肉鮮甜爽口, 帶子質素很高, 鮮甜度同口感拍得住新鮮的帶子, 意外驚喜德國脆皮鹹豬手 ($198)餐廳用中小型豬手醃製後再焗, 豬手皮脆爆程度可媲美乳豬的脆麻花皮, 脆嘅程度比乳豬皮有過之而