花椒子 (已結業)

今日同朋友出去行街，順便食個lunch，朋友想打邊爐就搵咗呢間試，裝修好有特別，大空主題，有打卡位，我哋嗌完嘢食就不停影相！我地嗌左個精選二人套餐，湯底係酸菜白肉鍋同養顏花膠雞鍋，真係無揀錯，花膠雞鍋雖然要加$48，黎到成半隻雞原煲上，份量十足，雞肉嫩滑，連個湯底都好好飲，打邊爐前就先滋陰下。每個店員都好有禮貌，先比圍巾我哋怕啲湯彈到我地，喺我哋面前再將半隻雞剪件，另外酸菜白肉到好多料，呢個時候我哋已經驚食唔晒，啲雞件好正好味道，先上什菜拼盤，手工丸同牛小排，牛小排好好食，牛味濃肉質淋滑而且超大份，見到d紋路而家流晒口水，鮮蝦丸同墨魚丸都夠哂好彈牙，第一次食梅菜豚肉丸，好特別好似食緊梅菜蒸肉餅咁🤣🤣什菜拼盤份量十足，最後黎埋海鮮拼盤，吸睛又非常新鮮，有蝦，珊瑚蚌，鮑魚，扇貝等等，好鮮甜😋最後烏冬同薯粉都嚟埋，已經食唔落喇，呢個二人餐連埋湯底啲料四人食都可以，簡直超值，上星期係太子食差唔多份量嘅嘢要過千，所以我諗住下個月生日嚟呢度食生日飯就問店員有冇房，佢哋好好禮貌帶我去睇啲房，原來仲有得唱K，正啊，可以一邊唱k一邊打邊爐，即刻book埋房先

春天成日想食辣嘢！今次去火鍋之友推介嘅花椒子火鍋專門店🥘！餐廳以太空為主題，裝潢用心！餐牌主打吃煲三步曲！首先快炒方式炒勻鍋內食物，食完仲可加入肥牛或西班牙豬肉，最後加入少量清湯打邊爐；主題鍋有少見嘅魚頭鍋！ 🌶️湖南辣椒炒雞🍗 $198 🥣我揀左小辣，滿滿青色嘅椒同雞件，一上枱店員會立即炒幾下，香氣撲鼻！雞肉鮮嫩，青椒味十分特出，我估有兩種唔同嘅椒，口感爽脆新鮮又惹味！一齊炒嘅配料有蒜頭🧄、菇類等🍄！醬汁包住啖啖雞肉刺激味蕾！小辣辣度啱啱好，雞嘅份量都幾多！推介！🍖西班牙黑毛豬 $168：切得厚薄適中，肉質紥實，豬味香，好快熟又夠淋！相當唔錯！🦪九孔鮑魚 $48/2隻 & 大扇貝 $68/4隻：軟嫩嘅九孔鮑魚好新鮮，大扇貝爽彈同樣好味！ 🍢黑松露貢丸 & 梅菜豬肉丸：黑松露貢丸口感扎實，一啖咬落去慢慢滲出黑松露味； 梅菜豬肉丸口感軟嫩，滿滿自家製的味道！🥤飲品點了自家制竹蓆茅根水 $68，清甜又夠凍，啱哂用黎解辣！花椒子 (旺角)📍旺角彌敦道639號雅蘭中心地庫B102號

上星期同朋友一齊去食麻辣火鍋，試吓呢一間有太空造型特色嘅麻辣火鍋店，入面嘅環境好似入咗太空艙咁，有特色。鴛鴦鍋-酸菜魚/花膠雞湯酸菜魚湯底的酸辣程度都啱啱好，仲有好多塊魚，幾抵食花膠雞湯鍋是比較清淡，但雞味濃郁，唔會太油。花膠都幾大舊，食落爽口火山肥牛擺盤係幾有特色的，肥牛幾大份，都抵食，同埋雪花好靚👍🏻👍🏻推介帶子帶子都幾大隻，我將佢哋擺咗落去花膠雞湯，都幾夾 唔錯 同埋帶子好新鮮👍🏻👍🏻鵝腸朋友好鍾意食鵝腸，所以就叫咗一份，份量都幾多，我哋都食唔晒，擺入去酸菜魚湯底，就更加口感豐富稻庭烏冬真正的稻庭烏冬，入口好滑！非常之入味，配合雞湯，簡直係一流享受總括而言，呢度嘅環境真係令人覺得好舒服同埋relax，總會有茶飲，第一次食麻辣火鍋唔係中國嘅裝修，而係太空做主題，真係好

今次就約咗朋友一齊去食邊爐！發現旺角呢間邊爐都幾抵食，仲要餐廳係有太空主題！都幾搞笑～嗌咗呢幾款都幾值得試吓🫶🏻湯底方面-我就揀咗鴛鴦鍋（$346）養顏花膠雞鍋（半鍋）飄香酸菜魚(半鍋）花膠雞湯勁濃郁，飲得出雞湯嘅鮮甜完全唔覺得有味精，再加上佢啲雞件都好嫩口唔會好鞋！清清地攞嚟齋飲湯都幾正🥰酸菜魚湯建議大家可以食咗啲魚件先，啖啖肉之餘仲要好新鮮冇腥味😆😆跟住大家就可以攞嚟碌自己想食嘅嘢～～湯底偏濃，烚嘢都會比較入味。稻庭鳥冬烏冬係邊爐必食🥰 鵝腸處理得好乾淨，唔會有污糟物食落去都好爽脆，冇任何異味 大扇貝好滑肉質一絲一絲！火山肥牛打邊爐一流 份量都幾多下！

今日去旺角食飯，搵到哩間以太空作為setting，睇落好似好有趣就簡左黎試。之黎落到去先知哩間咁創新嘅餐廳其實係一間川菜火鍋店🤣最後我地簡左打邊爐🍲養顔花膠雞鍋(全鍋）（$298）養顏嘅火鍋湯底都試唔少，呢隻原隻雞咁足料既湯底真係好令人驚喜，令雞湯湯味好濃，而煲咗咁耐嘅雞肉一啲都唔鞋，仲好滑身。海鮮拼盤 （$238）食完啲雞同飲完個湯就可以打邊爐，呢個海鮮拼盤啱晒兩個人食，包括有龍躉片，九孔鮑魚，海蝦，𠝹花魷魚，帆立貝，廣島蠔，珊瑚蚌，翡翠螺，豐富又新鮮，一次過試晒唔同海鮮，食完已經好夠飽！紅糖糍杷（$48）另外推介大家要食嘅係呢個紅糖糍粑，口感煙煙韌韌唔會好甜，外皮又香脆，食完一舊忍唔住要食第二嚿，食飽晒都會好想食🤭另外呢一度都有好多港式雪條，打完邊爐食啱曬，而且仲有自家制竹庶茅根水可以下火，唔驚熱氣啦！藦爵曲奇（$12）鷹嘜奶條（$12）自家制竹庶茅根水（$22）

今日同朋友嚟咗呢間火鍋店，叫咗精選二人套餐，好豐富好啱兩個人食，最正係鴛鴦鍋底，一邊係人參雞湯，有埋好多滑雞件，一邊係麻辣湯，好適合唔同口味嘅人食😋😋手切牛小排 ($148)牛肉好鮮甜，切得幾薄幾嫩，幾有肉味，好好食三式手工丸 ($68)三款丸子份量好大，而且好有彈性，手工墨魚丸幾彈牙，梅菜豚肉丸仲有梅菜嘅香氣，手工鮮蝦丸有蝦嘅鮮甜，好好味海鮮拼盤 ($268)海鮮份量好豐富，龍躉片又厚身又新鮮，九孔鮑魚，海蝦，𠝹花魷魚，帆立貝，廣島蠔都新鮮好味，珊瑚蚌肉質爽脆，仲有翡翠螺，真係好豐富😍😍蔬菜什錦拼籃 ($68)蔬菜新鮮，有生菜，油麥菜，萵筍同埋薯仔等等，仲包埋魚皮同響鈴添，好適合火鍋食跟餐仲有稻庭烏冬同紅薯粉實食到勁飽😆😆跟埋兩罐飲品，我地揀左可樂同王老吉用黎打邊爐岩哂☺️☺️📍 花椒子 (旺角)旺角彌敦道639號雅蘭中心地庫B102號#香港美食 #香港必食#hkfoodie #hkfood #hkfoodblogger #hkfoodlover #hkfoodpic #hkig #hkfoodie #hkfoodies #food #foodie #foodstagram #foodb

最近好想搵啲特色嘅川菜嚟食吓，經過雅蘭中心見到呢間新開嘅花椒子，裝修以太空為主題，好特別！仲要有我哋平時都好鍾意食嘅酸菜魚、鴨血鍋，所以我哋都想試吓😍入面嘅裝修好靚，好多以太空為主題嘅霓虹燈，好啱打卡👍🏻🌶飄香酸菜魚拼麻辣鴨血鍋兩樣我哋都好想試，店員介紹原來有得揀鴛鴦鍋。雖然係鴛鴦鍋但係份量一啲都唔少，酸菜魚都有好多魚肉，粗略估計都有十幾塊，魚肉爽滑彈牙冇骨，配菜有好多酸菜、粉絲、金菇，湯底味道濃郁，好好食！ 而我哋另外揀嘅麻辣鴨血鍋，湯底有好多嚿鴨血同豆腐，豆腐係蜂巢豆腐好索湯😍而鴨血都好好味好似以前喺台灣食過嘅味道咁！食晒入面啲配菜仲可以打邊爐🌶火鍋配料火山牛肉真係好啱打卡，成座山咁嘅牛肉幾乎每一台都有叫！牛肉好新鮮好啱打邊爐😍豚肉花又係好啱影相，豚肉喺豬頸肉，砌到成朵玫瑰花咁，豬頸肉都好爽！韭菜餃粒粒都好大隻，韭菜味好濃內餡豐富！最推介係廣島蠔，一碟有6隻，隻隻都好飽滿好新鮮，超級推介👍🏻薯粉同午餐肉都係打邊爐必食😋🌶甜品我哋叫咗最鍾意食嘅紅糖糍粑同玫瑰冰粉，呢兩樣嘢都係食川菜必叫嘅甜品，糍粑好煙韌外脆內軟，配埋黃豆粉同黑糖汁真係食到停唔到口😍而玫瑰冰粉可以超解油膩，啱晒食完重口

经过旺角被这家店门口的太空人和彩虹🌈霓虹灯吸引，忍不住去探个究竟店面非常有设计感，门口有一面大大的千层镜，配上蓝色科幻的灯光，潮味十足里面的装饰也是满满的未来感，墙壁上光彩夺目的潮句，充满童趣的扭蛋机，略带中式的装修及餐具，带来了视觉上的冲击。🐸美蛙鱼头锅我们点了「花椒子」主打招牌川菜美蛙鱼头锅，鱼头比我的脸还要大，肉汁鲜嫩的美蛙与新鲜鱼头一起烹煮，配上麻辣锅底，与普通的火锅不同，有点像烤鱼的锅底，里面还有许多配菜，有我称之为机器人菜的豆芽（广东话叫银芽）、爽脆莲藕片、莴笋等，越吃越过瘾，整道菜层次分明，更想不到美蛙配上鱼头有说不出的味道。🦑海鲜拼盘海鲜拼盘看上去很新鲜，分量十足，让人很有食欲，尤其是大大颗带子，我可是超级带子爱好者，里面还有鲍鱼、生蠔、海蝦、龙趸片，怎么吃也不会肥。🐂手切牛小排不得不赞一下这个大大份的手切牛小排，油花分布均匀，肉质鲜美滑嫩，咬上一口，嘴里就充斥着满满的牛肉香味，牛肉爱好者不能错过哦～

👍佢哋嘅招牌菜「花椒魚頭鍋」唔單止選用新鮮大魚頭，湯底仲用多種辣椒同香料調味，麻辣濃郁，真係夠味啊！😋仲有受歡迎嘅紅薯粉條、蓮藕片等配料，煮得好啱啱好，啖啖都係滿足感啊！👌如果大家想試下其他菜式，試下「花椒子」嘅湖南辣椒炒雞啦！🐔佢哋嘅獨特吃煲三步曲真係好有心機，先品嚐鮮嫩雞肉，再加入美國肥牛片或西班牙黑毛豬肉片，最後加入少量清湯或啤酒，真係一鍋三味花椒子嘅菜式都份量足夠，真係好適合同朋友、家人一齊去享用呢！💕

太空上的美味喺旺角搵到呢一間--花椒子地點非常方便， 而且裝修非常型格， QQ太空風， 實屬少見。招牌酸菜魚非常有質素，用上鱸魚，雪白魚肉，嫩滑口感，酸菜酸味充足，配合辣味剛剛好，有紅辣椒點綴，配菜有窩筍及粉絲均非常入味。到另一重頭戲湖南炒辣雞，服務員在我面前下鍋，份量非常充足，落鑊時雞肉已有7分熟，輕輕快炒3分鐘，雞肉非常入味，青椒的辣味配搭洋蔥的鮮辣，看得出廚師們的精心配搭，而且嫩滑，雞味亦非常充足，整體十分協調。將辣雞加上湯轉打邊爐，不會浪費廚師的心血，四寶丸每一款均非常有鮮味而且彈牙，不得不讚的蝦丸，就像是活著的鮮蝦不無兩樣，本人最為推介。鮮蝦雲吞，蝦爽肉嫩，大地魚粉醃得非常出色，加上雞煲的湯，包令你一世難忘。廣島蠔，雖然是冰鮮的，不要小看他，經過輕輕一灼，蠔味極濃，蠔身亦非常大隻，而且亦非常爽滑，真係好蠔食

呢間餐廳今次我都第2次泥，見佢宜家轉左主打係火鍋，有更多既邊爐料可以揀，又有海鮮食，一於約朋友泥多次🤣1️⃣豐富的海鮮拼盤🐟🦐🐙🦪呢個海鮮拼盤不得了，$238可以有咁嘅份量同質素係超抵🤣分別有扇貝、廣島蠔、珊瑚蚌、𠝹花魷魚、龍躉片、翡翠螺、鮑魚、海蝦同埋勁厚肉既帶子！ 十全十美呀🤣2️⃣手切牛小排呢個份量係細份，但係一啲都冇欺場，又係食到飽飽，新鮮有油花香🥰3️⃣野菌冬瓜雞湯上枱見到有半個冬瓜，之後店員會過嚟幫你切開、湯底好清甜、好適合用嚟打邊爐淥海鮮👍🏻4️⃣團團丸丸拼盤有蝦丸，墨魚丸花枝丸仲有好特別嘅梅菜豬肉丸，係手打嘅唔係嗰啲急凍貨、我最鍾意梅菜豬肉丸😍好特別🥰5️⃣紅糖糍粑最後呢個紅糖糍粑畫上完美嘅句號，煙煙韌韌又有紅糖香同黃豆粉，一個人都食到成碟😝環境：🌟🌟🌟🌟價錢：🌟🌟🌟✨推介：🌟🌟🌟🌟

呢間係我最近食過一間好正嘅酸菜魚餐廳！佢哋嘅魚肉好新鮮有口感而且酸辣度啱啱好，唔會太酸太辣酸菜同魚肉比例都好好，同行友人都覺得好食如果你想試下好食嘅酸菜魚，呢間值得推介

次次經過旺角都會比佢個大大霓虹廣場牌吸引注意力。今次終於有機會一探究竟，原來係一間太空科技感裝修嘅火鍋/雞煲鋪頭。雖然得2個人去食，但係啲職員都安排咗4人枱比我地，好抵讚，等我地食野都舒服啲。由於我地2個都驚食唔晒，所以就無叫雞煲啦。下次多啲人一定會叫雞煲，勁香lol 。於是叫咗酸菜白肉湯來打邊爐，呢個湯底勁有誠意，啲白肉分量好多仲要塊塊都切得幾大下，勁似成個單叫嘅item 咁👍🏻-手切牛小排（細），其實估唔到細份都咁多，係4個人嘅份量。而且啲肉都都好新鮮又厚切，油脂分布平均，食落好嫩滑，好高質，勁有誠意-寛條面，呢款面有少少失望，無咩彈性。-牛柏葉，好新鮮，而且好彈牙，索晒酸菜白肉湯汁，食落好開胃。

早幾日經過旺角，見到間餐廳，裝修非常特別再睇吓個餐牌，原來係火鍋，忍唔住，一於入去試吓🤔入到去，餐枱碗碟很有中國風化，霓虹光管，太空人，擺設，又很有太空feel👨‍🚀，兩樣加埋真係好特別👏👍餐廳除咗麻辣之外，原來仲有花膠雞喎，一於兩樣都要，鴛鴦鍋🌶️🐔😁麻辣血湯渦，有不同的香料，辣得有層次，湯底入面仲有鴨血和凍豆腐，真係唔錯👍另一邊湯底，花膠雞窩，半隻雞和花膠，淨係飲啖湯已經好好飲🤤午餐肉，係我嘅至愛，浸落啲辣湯度食，好正😄菜肉蝦雲吞，鮮蝦彈牙，包得好紮實，高水準🦐油麥菜，新鮮爽脆，幫助消化🥬食到辣辣地，梗係開支啤酒嚟㗎，解下啦😅

垃圾到冇人有 又貴 啲野又唔新鮮 人均仲要500幾 我去啲濕9街市都好味過佢 真心難食 行高檔路線 又唔新鮮又冇野選擇 啲裝修又九唔搭八 希望大家睇到我個評價 唔好黎呢間垃圾食野 完！