芽莊越式料理

營業中

休息中

本身都諗唔到食咩好，但見到依間晚餐時段都唔算好多人排隊就決定食依間，點知原來唔洗等，一講兩個人就即入啦好野！Pho combo(2x)揀左生牛肉同雞絲個湯幾濃味，牛肉都算厚身大塊，河粉唔會熟到爛晒，值得一試！燒牛肉撈檬有兩大條牛肉，好似平時係街食嘅牛肉串燒嘅味道，但入面仲係粉紅色，仲好嫩滑添！檬粉汁擺左係枱邊隨意添加，仲意加幾多都得好自由🤪炸軟殼蟹新鮮炸出黎，熱辣辣咖，都幾多肉，唔算好細隻。牛油果沙冰一啲都唔似一般嘅沙冰，飲落好幼滑，仲好濃郁添，又唔會太甜，真係好好飲，必試！

食過幾間芽莊，多數去尖沙咀嗰間，雖然間中要等好耐位，啲阿姐忙到叫極都冇人理，但起碼食物味道ok，上菜速度好快，阿姐態度普遍都友善啲。但銅鑼灣呢間真係完全相反，食物冇其他分店咁好，員工態度差過茶記，對上一次黎呢間分店都係有不愉快經歷。明明晚飯時間都係得幾枱客，而樓下間間餐廳都坐滿咁濟，都已經覺得奇怪。最奇係成間舖啲阿姐都係圍埋一齊嘻嘻哈哈緊，不時傳來令人覺得煩厭嘅喧嘩聲。當班阿姐耍樂嘅時候，點揚手都無人理你最後有位阿姐黑晒面行埋黎，落完單等左半個鐘乜都未有，眼見隔離枱遲過我地都已經食緊，先叫個阿姐幫忙跟進。點知俾我地聽到原來冇落到單，當然落單嗰位阿姐就話唔知喎明明得嗰幾枱客，漏單都算，態度仲咁差以後都唔會再嚟食

UA時代廣場13樓睇戲 , 見到戲院附近入口處， 有一間越南餐廳叫作芽莊 ，原來係連鎖集團，都有幾多間 ，有七間鋪頭 。下午茶2點半至到6點半， 下午茶 選擇咗 一個set, 內裏包含A+B+C， 點咗2個set , A.西貢牙車快沙律 , A.燒豬頸肉沙律 , B.河內生牛肉粉 , B香茅雞肉撈檬 , 飲品order咗，C.青檸梳打 及 C.咸檸檬梳打。 牙車快沙律即係雞絲、 甘筍絲、青瓜絲mix一起沙律， 魚露味道清爽蔬菜 唔錯還有好多雞絲。 燒豬頸肉沙律，燒製好豬頸肉切片加青瓜件，味道同牙車快沙律一樣，只是材料不同。 河內生牛肉粉3片牛肉都好靭，麻麻地。 湯嘅味道唔夠濃郁但係都算熱辣辣。 雞肉撈檬，雞肉加入香茅醃製，之後炸，有香茅味入口又香口。 青檸梳打好大杯，夠曬份量好足夠，夏天炎熱的天氣解喝。 咸檸檬唔夠咸味 。 兩個人埋單180蚊再加一18蚊， 算係好超值，座位亦都好舒服，人流又唔係太多， 喺銅鑼灣區，係一個唔錯選擇，約朋友傾計，食野。 招呼服務方面，多位服務員都ok , 有禮貌, 做事好快手。只係一倆位員工比較晦氣D語氣 。 大致上都唔會影響再嚟嘅感覺 。

親身去過芽莊越南，對那當地的新鲜食物十分讚賞。对芽庄这两字有美好回忆，尤其是那美食！ 理所当然当看见芽庄这两字在Time Square, 就兴致勃勃地冲进餐厅！点了fish cake noodle, 满怀期待的尝试第一口，然后愣住了，难以置信的在尝一口....随之而来的是一阵的失望😔。可能被芽庄这两字冲昏了头，对食物的期待太大了，但想想其实也抱着因为不是在越南所以怎样都会有差别而放低门槛了。但，这fish cake 感觉像放久了，味道不鲜嫩。我没法吃完，留下了照片中的分量... ... 带着可惜的心情离开☹️。

三時一刻下午茶的時間，選擇去了時代廣場13樓的芽莊，同友人一行4人選擇了4個Tea Set A+B+C$88/位，再加了兩款小食順化蔗蝦、河內魚餅⋯在入座時已知會我們必須於16:30離座，食下午茶的我們當然沒有問題啦！食完就立即走人⋯環境不過不失，幾光亮！可惜是次沒有安排半邊的梳化位給我們，要我們坐著近門口的方枱位！PS.其實算埋我們這枱才只有4枱客人！😔食物方面都不錯，友人的香茅豬扒飯的豬扒真的比想像中大，有一點驚喜！另外，小食蔗蝦真的好吃，可惜一份只有3件，不夠我們分配

第一次寫食評 本黎冇Account都忍唔住要開黎寫呢篇野 4雖然食物有問題唔係第一次遇到 但呢間野真係要寫寫佢...呢間野 一望個Menu都好Tempting 兩個人食左牛肉Pho 蕃茄蟹肉粉 味道一般小食就有軟殻蟹米卷同炸春卷炸春卷好食到我要Encore之後本黎叫左佢Menu僅有既兩款甜品一個係班蘭味越式蛋糕 一個係咖啡味Pudding點知佢話兩樣都無 不話個蛋糕就有原味咁好啦叫黎試下 上碟個陣朋友去左洗手間 我就講緊電話 諗住等陣先一齊食 望望下見到件蛋糕個底好似有一點深色既野 諗住係燶左 咁就打平件蛋糕睇真D佢發左毛囉 綠色幾撻咁 好在冇拎上黎就即刻食姐件野仲要熱熱地架 即係你有拎去翻熱啦 我都明冇乜人叫可能會擺耐左變壞 咁點解翻熱個個人都唔會望下有冇變壞先拎比客食埋單同個職員講 佢淨係問我 你仲要唔要 同你換大佬 蛋糕都係成個架啦 切一件出黎發毛唔通隔離個件唔發毛咩 我話唔洗要多件佢就拎走然後唔計個件蛋糕錢唔好意思都冇句 跟住見到佢地入左廚房 然後拎左盒野出去 可能就咁直接處理完就算唔係好明你開係Times Sqaure 又唔係大排檔點解食物質素可以咁 求求其其 食物有問題好似

係times square睇完戲已經差不多九點，肚餓到打曬🥁，其實食通天都有好多餐廳揀，不過唔想周圍搵嘢食，於是就係旁邊既芽莊食晚飯。1️⃣河內魚餅ᴴᴷ$76(4pc)味道：🌟🌟🌟🌟外面煎得香脆，咬開入面仲係好濕潤，魚肉無腥味，少少彈牙，混雜一點香草🌿味道，更帶出魚味！😋😋唯一缺點係有d油。2️⃣燒乳豬ᴴᴷ$198味道：🌟🌟🌟份量都幾大，似西班牙燒豬既煮法，乳豬肉偏厚，但唔夠嫩，偏硬；皮都算香脆，不過皮下脂肪比較厚，乳豬皮放涼左就變腍，所以記住一黎到就快d食啦！😆3️⃣生牛肉河粉ᴴᴷ$68味道：🌟🌟🌟每次食越南粉都會先飲一口湯，味道算濃郁，加少少青檸汁同埋幾粒辣椒，咸咸酸酸帶點微辣，好開胃。牛肉上檯時仲係紅色，馬上放入湯中灼熟，不過湯不夠熱，牛肉仲係粉紅色。牛肉切得偏薄，易咬開，唔會韌。4️⃣蒜蓉炒芥蘭苗ᴴᴷ$42味道：🌟🌟🌟🌟其實與其話係蒜蓉，不如話係香炒芥蘭苗，因為綠油油既菜上鋪滿了炸乾蔥絲、炸花生粒同埋炸細隻櫻花蝦，連埋嫩菜苗一齊食更香口味濃！🉐️環境：🌟🌟🌟🌟座位之間都尚算寬趟，唔會同隔離檯痴住。價錢：🌟🌟🌟價格屬中間位，以上價錢要另外加一架。整體中規中矩，有機會都會encore！ƪ(˘ᴗ˘)┐

今日約咗四個fd出黎交換手信，順便食個lunch。我朋友揀咗timesquare呢間芽莊，因為貪佢呢個商場可以免費泊車。呢間係食越南野嘅，我地叫咗個扎肉雞絲糯米飯，仲有河內生牛肉粉（medium rare），仲有燒春雞半隻，炸龍利魚卷，就五個人share首先一定要提炸龍利魚卷，真係超級好食，佢外邊好脆內裡好軟好林，點埋佢配個醬（好似有少少辣嘅千島醬）好好食，唔食得辣都接受到，個底用咗炸鳥巢去盛載，都可以食埋，側邊仲有其他菜，生菜火箭菜，有個酸汁應該係配埋菜食。整體幾好。燒春雞：好好食，味道好似炸子雞但冇咁咸，佢配埋蔥油，但唔會好咸，就算冇點蔥油都好好食，不過美中不足嘅就係雞皮上面有dd毛扎肉雞絲糯米飯：雞肉絲好似肉鬆嘅感覺，唔係想像中一絲絲咁，幾特別，側邊有扎肉同埋臘腸，食起上黎都幾好味河內生牛肉粉：正正常常，要快手試試d牛，怕浸得太熟唔好食。個河粉會另外配上香葉，應該可以自己再配味，但我地冇加上去，總括而言呢間野算好食唔錯！

今日捻咗好耐先捻到食乜，平時真係好小有機會食到呢間芽菲越南菜，因為平時去睇戲，經過呢好多似通常都要等位，但因為今日要早食飯之後去睇戲，所以一到晚飯時段一開門便有位了，真係好彩😄😄這是第二次光顧這間店，食品真的不錯，雖然店內太大，但環境也很舒服☺️食品速度也很快👍🏻我最喜歡是牛肋條，D汁連肉一起食，超級正，非常美味😋😋牛肉牛腩河忘記了影相，也很不錯！比個正佢😋😋😋👍🏻👍🏻👍🏻下次一定再來！

昨天晚上七時半到時代廣場芽莊用膳. 食物和服務都很差.  1. 生熟牛肉河-昨晚天氣泠, 希望吃碗熱騰騰的牛肉河, 但食物上桌只是暖, 連生牛肉也不能靠湯熬熟.2. 只有一款熱菜, 是芥蘭苗.  入口卻完全是泠的.  菜只是水煮熟後上面放上蒜片蝦米.  通知服務員菜是泠的, 但她堅持是因為我沒有立刻吃.  菜端上來十分鐘就冰冷, 咬下去連中間也是冷的.  爭持一番後她把菜拿去叮熱.  再來的菜被叮至完全軟哂, 對食物質素完全沒有保正. 3. 咖哩牛腩沒有咖哩味或香味, 失望!4. 八時半過後, 已走了幾枱客人. 服務員推了駕執碗車出來, 大力的把幾桌客人用完的碗碟倒進盤子, 很是嘈吵.  而且這類執碗車通常只在food mall 或平價酒樓推出樓面執碗, 把食物推在一起很是噁心並發出異味.  芽莊的管理層容許員工這樣做, 那他們如何把餐廳定位? 大家心中有數.  我就不敢再去!5. 食後很口渴, 食物應該有味精.  總括來說, 是食物差, 服務差, 環境氣氛差!

同媽媽去食好野墨魚餅，師傅將鮮墨魚切粒，好有咬口，食得出鮮味，唯一唔慣係有紅椒喺裡面。香茅魚，燒得好好，比想像中大條。但條魚有少少唔新鮮，啲肉散散地。芥蘭苗好嫩，份量亦算正常，一定要揀。雞肉串燒，上枱個樣好吸引，好香，啲沙嗲汁唔錯，但雞肉俺得太咸，個汁救唔到幾多。以80蚊3串黎計，唔好搏。香茅牛肉撈檬，又係一敗筆之作。牛肉咸到爆炸，加幾多酸汁撈都唔掂。仲有，一樣超級難食嘅小食：綠豆蓉蝦餅只能用2個字形容：垃圾。

除了越式湯河之外一概不愛麵食車仔麵 譚仔 米線完全絕緣拉麵也是近年才吃越式湯底滋味 是唯一之選平常也會到訪芽莊貪人少又可簡單解決晚飯餐牌選擇很多但只會點生牛肉湯粉老公會點撈檬 外加牛油雞翼及咖啡奶簡簡單單擺盤是簡單乾淨的也配有青檸一碟甚麼時候開始大家不再放金不換?左邊的是凍咖啡奶 底層是煉奶右邊的越式凍咖啡但味道其實相似被我攪拌過的生牛肉粉很喜歡過牛肉骨煮出來的湯底是一碗湯粉的靈魂河粉不會很稔 牛肉也吃的出手切的味道加上蔥段及洋蔥 吃到熱暖的感受檬粉因很討厭沒有湯的粉麵一直沒有試但老公每次也點這個 應該不難吃牛油雞翼 不是每家都做得好吃皮脆 肉多汁水嫩 也很大隻是味道有點甜甜的 不是一般死鹹加上青檸汁 4隻都被我KO了對不起老公埋單310左右算是簡單而豐富的一餐還是會再來

久不久都會食吓「芽莊」越南菜，唔同分店都去過，食物水準同服務大致差唔多。今晚想簡簡單單食個晚餐，就想起越南粉，原來已大半年無去過嘅銅鑼灣時代芽莊。咁耐無嚟原來餐廳已小裝修過，枱櫈、碗碟等餐具全部換哂新，環境比前整潔舒服。服務依舊有禮親切，經常主動添水，值得一贊。今晚各自點了個湯粉(檬)、兩個小食，可能連食物製法都有調整，有啲食物比前總有啲不同！河內生牛肉粉：粉比前幼細咗，牛肉鮮嫩，味道一樣，但口感之前好啲。河內蕃茄蟹檬：差不多每次都會食嘅蟹湯檬，蕃茄配蟹糕蟹肉湯鮮甜，一小件蟹，但其他配料豐富，檬又係比前幼細咗，不過一樣好食。炒高麗菜：即腰果炒椰菜，完全唔油，幾好食。芽莊牛油雞翼：這個就比前有明顯分別，以前雞翼大隻啲又無咁燶、皮較香脆肉多汁，而家的燶又乾身、似炸雞翼。整體食物比前有點遜色，幸而服務&環境仍舊保持到，「芽莊」依然係我久不久會食嘅越南餐廳！

#fridayla_cwb⠀⠀⠀⠀⠀⠀⠀⠀⠀⠀⠀⠀⠀⠀⠀⠀🇻🇳芽莊越式料理🔸🔸🔸🔸🔸🔸🔸🔸🔸🔸🔸🔸🔸🔸🔸🔸🇻🇳Nha Trang Vietnamese Restauran🔸🔸🔸🔸🔸🔸🔸🔸🔸🔸🔸🔸🔸🔸🔸🔸 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀越式料理我地一向都幾中意🤤因為料理中大多都會用左新鮮香草蔬菜😍而且調味豐富，魚露醬油幾乎喺必蘸！⠀⠀⠀⠀⠀⠀⠀⠀⠀⠀⠀⠀⠀⠀⠀⠀越南料理中，最常見既肉類系豬牛雞及各種海鮮呢D大部分都喺我們的最愛😝⠀⠀⠀⠀⠀⠀⠀⠀⠀⠀⠀⠀⠀⠀⠀⠀今次就試左芽莊既幾樣菜，想知係點就睇下面既食評啦😝 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘快人快語💘💘💘 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣唔講唔知，原來越南飲食因受中國文化影響，喺東南亞中，傳統上唯一用筷子作為食具既菜系，唔怪之得連口味都甘受香港人歡迎😳 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣言歸正傳，芽莊整體裝潢明亮而舒適，完全沒有老餅的感覺，而佢既菜式傳統得黎又會搞搞新意思，大致上都做到佢既宗旨：喺清新既飲食環境中，將傳統越式烹調的精粹展現出黎😍⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣拉椰葉

時代廣場食通天都開左好多野食，食越南野既呢間都幾多人係外面等位，之前食過一次都唔錯決定再Encore。入面座位唔會密密麻麻，感覺都幾舒服，呢個唔同色既窗組成既牆好有特色。準備食野喇，食河粉緊係唔少得呢個組合喇！越南野點少得河粉，《手切上等牛柳河粉》($88)，啲牛柳超淋，你睇牛柳鮮紅浸多浸就食得喇，一邊食一邊可以飲埋個湯。最想食既《拉椰葉燒牛肉》($98)，一黎就聞到勁香，打開塊葉牛肉超熱辣辣，仲保留左啲肉汁係入面，見到入面牛脂迫出黎既油仲包住哂係度超好食。仲有個招牌《越式牛油蜜糖炒龍蝦球》($268)，牛油蜜糖甜甜地，龍蝦球仲已經碌好哂，食完仲要lam埋啲汁。《蒜蓉炒芥蘭苖》（$42），菜幾新鮮加上蒜炒好香口。當然唔少得要飲番個椰青同越式咖啡先夠喉喇。店名：芽莊越式料理地址：銅鑼灣勿地臣街1號時代廣場13樓1303號舖餐牌: