英記美點小食 (已結業)

都有年幾前, 我同朋友成日係新蒲崗打等,本來日日都食面同打冷, 有次佢話有間好野介紹,帶左我黎, 都唔知食乜, 緊係搵好好笑容既老闆娘介紹,一人一個豬油撈 雲吞又菜又野飲 , 埋單仲平過平時既一人價錢, 爭住比錢 !!食完之後次次去新蒲崗都食, 撈面得黎又無咩蜆水味, 好鬼彈牙之後我食得最多係雲吞、水餃, 因為成日見佢係後面包, 知道一定新鮮製造 !今日食完, 覺得要POST 上黎等多啲人去試下 ! 老闆娘, 我無忘記你, 因為我不能忘記你 ... 啲麵 !

通常一星期中離不開3、4餐麵，早陣子電視上看過此店的介紹，頭尾去過3次，結果都是一樣，味精太重。第一次試食雲吞撈，結果是性價比高，賣22蚊，碟頭夠大，雲吞材料也ok，將就一下地方好了，但食後非常感覺口乾，以為是自己問題。第二次試食60年代撈麵加雲吞，其實係豬油撈，再外賣牛腩回家，食後亦非常口乾，証明絕對係味精作怪，湯及雲吞都落重料。第三次試食豬手，預重味精，無飲湯，反而重可接受，一齊去食的朋友中招，都有投訴太重師傅，下次唔再去。下次都係去番周邊其他舖幫襯，無謂比電視一個推介就誤導。

自從7月公司搬到新蒲崗，就幫襯過 n 次，現在才回來補個食評，基本上雲吞、水餃、牛丸、牛腩、牛根、豬手、墨丸什麼都吃過。不過個人首選還是水餃，牛腩、豬手太一般，不試也罷。以前我去麵檔，為慎重起見都是吃米粉，自從老闆娘推介過銀絲麵後，真的愛上了，完全沒蜆水味，又彈牙油菜都係５蚊蝶，而家都真係好難搵到，不過真係「油」菜，油個人覺得是有點多，蠔油亦偏咸很欣賞他們是用自家制的腐乳，跟外面的有點不同，帶一點甜味及酒味。 唯一的問題是靠近洗腕的位置有一陣異味，生人儘可能不要靠近希望店家繼續努力

剛剛去新蒲崗買凍肉（Ａ－Ｇｒａｄｅ），個老闆話附近有間雲吞麵好得而且早兩個星期有個電視台拍攝完節目，於是立即買完凍肉找完數去見識一下，一行四人；叫了一碗雲吞麵，一碗水餃河，一碟豬水，一碟牛腩和一碟腐乳通菜。值得一提就有兩樣野食！第一樣要食雲吞麵，每一粒雲吞裡面都有（地魚碎加蝦子），梘水麵一定疏左大約１２粒鐘氣，因為得好少梘水味，唔係個個師傅控制得到；因梘水麵一定要疏走六至七成梘水味先，客人才可以接受，如果太重梘味會好難入口，但無梘水味的麵係唔會爽。另一樣一定要食腐乳通菜，通菜當時得令個個都知，但個腐乳醬；唔係一般雲吞舖做法將腐乳開水就比客人食，我問過老闆，佢話一定要用淡口腐乳加少少燒酒及私人配方，最後一提；枱面有樣唔使錢架小食都好好味吓！

這間店子外觀看起來毫不起眼，入內見到大大隻字寫著巷仔雲吞麵加上桌上那樽醃物，看來此店也不是普通貨色的平價麵店。先叫一碗雲吞麵加上一碟通菜，不消一會兒食物就送上。先說那些醃物，爽和酸做得不錯，算是有水準的開胃小食。5元一碟的通菜份量當然比不上其他地方那些十多元的油菜，不過一個人一碗麵一碟油菜這個份量還是足夠的。另外他們下腐乳、蠔油的份量十分重手，每一條菜也能沾滿腐乳、蠔油不喜太濃味的朋友要注意一下。最後自然要說一說雲吞麵，麵沒有甚麼鹼水味，麵也煮得爽口彈牙，湯也不似普通店子般淡然無味。至於雲吞，一口一粒大小算得上正宗，餡料吃得出有豬肉和蝦肉，可惜蝦肉沒有甚麼味道，絕對是此碗麵的一大敗筆。當然以14元的價錢，這碗麵絕不是甚麼驚天動地的作品，但也是一碗有心機有水準的店子。

招牌菜:餛飩、水餃、牛腩 特色: 餛飩肉味同蝦味相當配合，SIZE也啱啱好，唔似市面上其他麵檔一味SELL大隻水餃味道一樣咁好, 除左大隻之外, 調味亦非常好牛腩牛筋都OK, 水準一流, 先十幾蚊一碗, 貨真價實!除左食物品質好之外, 服務態度都相當好, 老闆娘及伙計都好NICE, 去多兩次都會記得你食開D乜, 夠晒醒目.食餐LUNCH平均都係$24-5, 有麵有菜又有野飲...超抵!!!久唔久去食野仲有明星睇, 早幾日經過仲見到電視台有人去果度拍野添! 改善: 門口有中式小食, 但味道品質一般, 可以不理 (應該唔同老細的)

在新蒲崗出完野外，飢火大旺，縱使拿着大包小包的東西，尋吃的心卻仍是火熱....來到這間位於康強街內的街坊小店吃一碗雲吞麵。之前略悉這兒的好評，十五個笑臉對零個喊樣，可是一個甚佳的表現呢....此處打正旗號以傳統風格的雲吞麵作招倈，令人甚為期待；另外聽說店門外擺檔阿姐賣的粉果也很有水準，於是也就預留了肚子一部份的空間給它....不過在吃之先，甚麼也不用說，先叫一杯凍檸樂來解解渴。一口氣吞下幾口入喉嚨，一股涼氣湧進胃裡，是一流的享受...喝之時看見枱上放了一大樽醃蘿蔔，登時大喜。放一顆進口咬，酸度控制得不俗，蘿蔔本身也夠爽，吃至嗦嗦聲的甚過癮，同時胃口亦因而大增...主角雲吞麵的水準又如何 ? 湯底不算很清且隱然感到有少許師傅存在，但一小匙豬油所帶來的香氣卻拯救了一切。許多講求健康的人都常視豬油為洪水猛獸，但老實說，又不是日日食天天吃，又有甚麼干係健康與不健康呢 ? ＋二分的同意葉一南先生的說話--- 對於那些見到豬油會尖叫，但又每天吃牛油多士加五香肉丁公仔麵的女士，真的是百思不得其解....雲吞包得比想像的大隻，蝦與豬肉的比例是一比一，不過可惜肉是偏瘦的，入口就顯得不太滑溜；麵條十分的爽

第一次去呢間野食.叫左碗雲吞麵同碟菜.食落d雲吞真係幾好食.唔係出面個d大大粒.但係有地魚味.配個個麵底好夾.我連d湯都飲哂0.0叫埋個菜埋單都係19蚊.下次有機會試下d水餃先得.

佢啲粉困真係唔係講笑,勁好食~~~賣果幾蚊,但日日都見到阿姐响度親手包雲吞ar、蒸粿咁~~~雖然環境好舊,但都好企理,唔會d筷子好油咁~~~個老闆仲幾熱情下，如果粉果都有得比賽,呢間都好難唔入三甲!!

午飯時間, 記得有篇食評說這裏的粉粿不錯,便跑來試試.英記本身沒有粉粿, 腸粉. 主要賣麵食及飲品. 門口賣粉粿, 腸粉的是另一位老闆娘. 顧客需自行出去購買.食店沒有甚麼裝修, 一般摺檯摺椅. 全店少於10枱, 一枱坐六個人, 乾淨. 閒日午飯頗多學生顧客. 下午一點前無需等位. 粉粿 - OK, 卻沒想像中的十分好. 可以蒸熱一點會更好. 雲吞麵 - 雲吞無肥肉, 蝦不算大但新鮮, 好味! 雖然只有4粒雲吞, 但只賣 HKD 13. 仲想點? 油菜 - 不過不失. 整個午餐兩個粉粿 (HKD 5 ), 一碗雲吞麵 (HKD 13), 一碟油菜(跟麵上 HKD 5). 共 HKD 23. 抵食 雙拚粉麵也只賣 HKD 17. 座上也有許多客人叫牛腩, 下次會試試.

本身我自己好鐘意食粉果的去親食野如果有粉果一定會叫的所以港九新界好多地方的粉果我都食過但係最好食的粉果都係呢一間其實呢度D粉果我真係由細食到大的因為我係住樓上的講返正題先~食粉果最怕就係個皮又厚又硬,料又唔足不過呢度D粉果真係做到皮薄餡靚SIZE大大粒,皮又夠薄入面D餡仲要好足料,唔會話成個粉果搵粒花生都無加豉油辣椒油一齊食真係好正價錢又平,抵我幫襯咁多年

e間野真係好有親切感,果陣重讀書番緊學已經成日黎食我呀sir仲勁,真係日日黎食平時行過都心cc想入黎食下云吞三隻字:好好食,可能係我第一次接觸呢類云吞只係食一粒,就可以感受到e間野經過幾多風雨......有幾咁用心有時夜夜地去食,見到呀姐係間口努力咁一路包云吞,一邊拉客真係有少少心up水餃女朋友最愛,次次都要食,好足料,而且皮夠簿佢最鍾意就係水餃河,,再加d辣醬係湯匙度慢慢點下點下黎食= =牛腩/牛根我成日唸,點解d牛腩唔買肥少少,如果係就更上一層樓啦不過我見多數都係上年紀的人黎食,所以可能少d肥肉辣椒油我去好多地方都冇e間咁好,每次黎食野都要落一落目的唔係要辣,而係佢有種辣椒的香味睇得出佢係連辣椒油都有花心機仲有個呀姐教我,食no麵果陣落少少湯會好食d

雲吞河$13 ~ 雲吞真的好味,細細粒,蝦多料足無肥膏. 河粉沒特別.水餃粗麵$13 ~ 水餃皮簿餡多,有少少梘水味.牛腩撈麵$17 ~ 此店多是瘦牛腩,要肥腩便早揚聲. 幼麵爽口,落了點豬油提升麵香.油菜$5 ~ OK椰菜餃+韮菜餃$5 ~ 幾特別,但好少椰菜在內.

揀左個1.雲吞麵 2.腸粉仲試左d肉丸 同凍奶茶 em...環境唔係話靚...不過食物就ok...服務唔差

I came here for wonton noodles and found YUMMY everything!The wontons here are EXCELLENT!!! The beef brisket (ngau nam) is super soft and flavourful.The dumplings (sui cao) are yummy too!!!The egg noodle (mein) is crunchy and fresh. YUMMY!!!LOVE this place =]