茜廊餐廳 (天盛商場)

營業中

休息中

朝早本身抱住輕鬆心情黎到食早餐，怎知因為餐廳安排坐位一事令到好不愉快，希望餐廳能夠改善坐位上既安排...兩大人一B黎到,拎飛仔拎3人位，之後輪到我地號碼入，埋到位時，入面職員才通知門口，唔夠位，因有BB車，我亦體諒，冇怨言地出返門口等，再等一陣，再次安排入座，但超失望，因為職員竟安排埋牆兩人卡位，我第一反應問職員：咁BB坐邊？職員一味問我bb車收唔收到，我心諗就算收到，BB亦都需要有一個位，之後職員才拉開隔離枱，死死地氣話要睇下有冇BB凳先，因我在門口等位時已發現有張吉凳，咪同職員講門口有張，但佢態度不太好，覺得我窒佢咁==今次我想透過呢度反映下本人意見，平時黎食下午茶都覺呢間餐廳同事不太滿足客人要求，時時按佢地意思迫客人點坐，但都要合理地安排，如今日我是一大一B黎，是否會安排一個位比我呢？一間餐廳除了食物合人心意外，想令客人食得開心，其實服務都好緊要，我只是想餐廳改善一下，沒有什麼惡意既攻擊，因為我相信日後還有更多既媽媽們會帶BB黎食野，因為呢間餐廳的確裝修環境都不錯，但就是欠缺了一樣。如不改善的話，咁同一般茶餐廳有咩分別呢？

有時和屋企人吃下午茶都是幸福，茜廊光顧了不少次 ,我覺得茜廊真的OK呀！上星期六又和屋企人去了茜廊下午茶，而家有買1送1,叫2個餐，平均59元 ,尚算抵食 ,我和屋企人叫了意大利海鮮飯，我和屋企人都覺得好好味,海鮮略為少佐Ｄ,個飯份量好足夠，個汁又不是過咸，蒜容包稍為硬咗些小，並不夠鬆軟,忌廉湯好濃郁。個湯夠杰身,羅宋湯夠夠濃,酸酸甜甜剛剛好，根據屋企人說熱檸檬水都幾好飲，凍奶茶夠茶味,奶味夠香滑兼濃郁，服務開了1年依然只是－般,可能人手不足夠，叫寫野同埋單反應真是慢，環境真的幾好

天盛商場大裝修之後，新開左好多特色餐廳，包括呢個天水圍難得既"高級"西餐廳點解話高級餐廳呢，首先係裝修好靚，樓底夠高，菜式都好似出面西餐廳咁，但價錢好平民見到人地個一米長PIZZA好吸引，但我地唔夠多人所以下次先試啦黑松露Pizza，一上台就好香黑松露味，薄薄餅底，唔會食到太膩食唔到其他野，好香脆；帆立貝配意大利飯，粒帶子好巨型，仲配好多BB帶子，意大利飯濕濕地好易入口；飲品我地叫左fruit punch 同朱古力雪香，唔係好特別，正常味道不過不失啦

天水圍最愛之早餐!因為這裡有我最喜歡的斑尼蛋，最緊要唔貴之餘又近丫嘛~所以都滿常跟家人,朋友來食的~早餐選擇繁多~有經典羅宋湯粉 ‧ 煙火腿 ‧ 雙蛋牛角包 跟餐飲 HKD35 (同系列也是HKD35~38而已)也有因《愛‧回家》而HIT起的黑松露炒蛋早餐XD煙火腿 ‧ 黑松露炒蛋早餐 跟餐飲 HKD37 (同系列也是HKD37~39而已)當然唔少得既就係.......煙三文魚 ‧ 班尼蛋早餐 跟餐飲 HKD43 (同系列也是HKD42~45而已) 喜歡食班尼蛋早餐的人都知道在外面的餐廳應該很難可以以這個價錢食到吧!? 就以HK43可以食到這個配搭的早餐就已經很實惠了~ 而且除了味道不錯之餘，賣相更加不錯~ ⇣ ⇣ ⇣這簡直可以說是天水圍街坊的新熱點~

午餐晚餐都食過 係唯獨未食早餐。早上7點15分到去到餐廳 餐廳都時剛剛開了一陣。客人都有5至6台客。點了吉列魚柳早晨全餐。魚柳無肉 好硬 藩茄和磨菇凍蛋都只係有少少暖。都唔係好明白點解剛剛開門 D食物可以一D都唔熱。

今次第3次去茜廊餐廳 今次係去食晚餐。點了龍蝦牛扒和一份兒童餐。今次就非常失望。味道但牛扒有點硬 龍蝦無肉。比起我第一次去食牛扒水準下降了很多。無第一次咁好食。唯一還keep到水準就個湯和個塊麵包兒童餐就一般沒有特別。唯一吸引到小朋友就是甜品兩支超迷李雪糕筒。

餐廳環境唔錯，地方尚算寬敞，裝修亦精緻。格局都比連鎖的西餐廳舒適。焗日本鱈魚配檸檬忌廉汁意大利粉 $58（午餐）（連加一63.8）鱈魚好大份，淋滑，已去骨，啖啖肉，外皮香脆，配上燒汁煎香再焗加上柴魚碎的味道，好有日式燒魚的感覺。至於意粉，口感軟硬適中，汁略為乾了一點，已吸收在意粉上，味道係普通忌廉味，食唔出檸檬的味道。配料亦係一般的紅黃椒，洋蔥粒。勝在意粉份量都頗大，好飽足。凍飲超大杯，奶同糖可自己加。而餐湯同烘法包賣相不俗，法包上還加上罌粟籽，外觀更吸引。食落亦不俗，法包脆口，而羅宋湯亦鹹淡適中。

由於太懶關係，係自己地頭搵食，之前見朋友食過，好吸引咁，於是決定來試啦！原本4人，一直等其中一個朋友，後來因她家中有事來唔到，剩下我們3人，叫嘅食物就少左羊架、燒雞沙律、千層麵、薯條配黑松露醬。黑松露醬幾香但唔係好夠，薯條夠粗；羊架香口帶點羶味，唔羶就唔好味啦，呢個啱啱好；燒雞沙律都唔錯，菜夠新鮮，雞就無咩特別；千層麵都ok，但由於太飽，最後食剩4分1千層麵囉

好少走入天水圍甘遠食飯，甘岩去塭個朋友就順便醫下肚。呢間好似周圍都有分店，不過之前未食過，又見裝修幾靚，就同朋友試下喇。整體而言，價錢非常合理，我地幾個都食得好飽我覺得呢個好似乳豬，哈哈，但最好食係呢個。無論係賣相，味道，口感，各樣都做得好好，我比9/10分！牛扒目測唔知幾多oz,不過真心夠大份，肉質幾腍，都幾有誠意。小食嗌左個青酒煮蜆，個湯汁幾有鮮味，蜆都尚算ok,不過不失。呢個意粉喜出望外，有少少辣，幾岩我胃口。見到有一米長pizza好吸引，不過考慮到我地無甘大個胃，最後嗌左個細pizza,唔算好出色，𣎴過真係有幾隻青口同蝦，感覺有誠意，加分！總結價錢真係好抵，質素幾好，又坐得舒服，服務唔錯。

很久沒有同表哥見面，近近地搵左天水圍西鐵站附近的商場食晚餐。我地大概八點鐘去到，餐廳已經坐滿左大半人，幸好不用等位而且有卡位坐。Menu:一坐下來，店員馬上為我們遞上Menu同水。餐廳的碟子很有特色，還以為自己在高級餐廳吃飯呢！來之前看過餐廳的資料，原來這裡的招牌菜是1 Meter Pizza，可惜我們兩個人一定吃不完。唯有下一次再叫吧！望望餐牌，食物不算太貴，八十多元已經有一個Dinner Set。Dinner Set 有前菜 (什菜沙律/餐湯) + 主食+ 餐飲。我點了一個美國牛柳薯菜 配黑椒汁 $148 表哥點了一個韓式鐵窩飯（牛肉拼雞肉）$85首先送來的是前菜，一份什菜沙律，一份餐湯跟餐包。我們加了錢轉飲特飲，檸檬薏米水跟朱古力雪香。超推薦大家要點這個檸檬薏米水，用玻璃器皿裝著而且大大杯很足料。朱古力雪香一杯朱古力冰上面擺著雪糕球，不過不失吧！韓式鐵窩飯（牛肉拼雞肉）$85份量很足的石頭窩飯，飯面都擺滿了牛肉跟雞肉。飯粒被煮得粒粒分明，只是牛肉跟雞肉煮得太乾了。美國牛柳薯菜 配黑椒汁 $148牛柳沒有雪藏味，肉汁頗多的，只可惜份量有點少。呢餐食左大概二百元左右，有質素而且價錢中

本身住開天水圍既我已經對附近既野食開始厭厭地 呢幾個月天盛商場開左幾間新餐廳其中一間就係呢間西餐廳😚平時都有食開佢既早餐 其實選擇唔算好多但勝在夠平又唔收加一 今日咁啱有時會可以試到lunch 但因該成3點先食所以我地3個人嗌左2個餐share都算ok!茜廊既環境其實都算ok 睇得出有用心去配搭過d顏色同擺設都幾靚 服務方面唔係rush hour都算唔錯又幾快 早餐個陣真係麻麻 落單個陣粗聲粗氣好似鬧人咁-.-...講返佢既野食我地嗌左2個set分別係雜菌繪天使麵同埋煎蛋雞排煙斗粉配蒜蓉包再加左杯朱古力雪香特飲首先上既係雜菌燴天使麵($42)+朱古力雪香特飲(跟餐加$20)佢上菜都好快下10分鐘都冇就上左仲要係熱熱既😋份量都好充足啖啖菇 再加上天使麵既口感好滑食落口又香又滑溜溜既好正 佢唔係多汁既但食落又唔有乾既感覺👍🏻但就咸左dd好彩佢唔係好多汁如果唔係一定超咸xox之後上左杯朱古力雪香特飲 佢個杯好高好grand但又唔係好特別同普通朱古力沙冰冇乜分別😂但睇落係幾靚既 而且飲落都唔係淡 朱古力味適中😛最後就係煎蛋雞排煙斗粉配蒜蓉包($40)佢一上台已經好吸引 因為佢擺碟擺得好靚😆個塊

住在天水圍已好多年，都沒有吸引的餐廳，通常都是去屯門或元朗吃東西，看見商場的變遷，天盛商場開了一些新餐廳，終於有一些新意。綠茶雪糕紅豆冰有別於茶餐廳的，紅豆大大粒，有些少甜，十分冰凍，感覺不錯。烤百里香春雞的香味烤得很香濃，肉質鮮嫩，能夠鎖著肉汁，不會感覺太乾。西式焗田螺味道又很不錯，田螺面佈滿了薯蓉，再焗至金黃色，外觀十分吸引。內裡的田螺大大粒，與薯蓉十分配合。這餐廳最特別最創新的食物就是這個，一米長的Pizza, 放上到檯不禁嘩了一聲，要兩張檯才可以放到這長方形的Pizza,這Pizza有三款口味，有黑松露野菌，羅勒蕃茄及皇后薄餅，一米長的薄餅，已經切好了一份一份，每一款味道都各有特色，薄薄的批底，口感很脆口，普通薄餅吃到沒有新意，可以約多幾個朋友一嘗一米巨薄餅。看又吸引吃又吸引，特別開胃。餐廳的甜品也很有特色，這個蕉焦朱古力布朗尼雪芭的設十分吸引，朱古力和香蕉的配搭很合適，香蕉有焦香味，增加香蕉的味道。這餐廳格局很舒服，食物又很創新，味道又不錯，天水圍終於有間不錯的餐廳了。

琴日同屋企人去食嘢，去到時1點45分，host話2點有下午茶，因湊住左個BB，問左話可以入去座住等下午茶。座低左問左其中一個女服務生攞個下午茶menu睇住先，佢就一開始已經態度好唔好感話下午茶要2點先有架!!!!而家俾你睇都無得落order.感我咪話我睇下有咩食姐，我會等2點先叫。過左ㄧ陣我睇錶點係58分，我見佢地已經將成個餐廳換哂所有下午茶menu..亦有客人入黎座低左睇下午茶餐牌啦，感我咪再叫同一個女侍應黎落order囉，點知佢一樣係態度好唔好感話重未夠鐘wow.跟住見佢重即刻走左去同另外一個著白色裇貌似高級過佢既男職員一路細聲講一路望住我地張枱一路笑囉!!!!!!!!我開始已經有啲嬲，你明明所有枱轉哂menu..其他客人亦座低左睇下午茶餐牌，而你地餐廳當時跟本得果5至6台客人左右。你行黎寫完order都夠哂鐘啦，你寧願企喺部pos機旁邊無嘢做都唔行黎service!!!!!後來可能有個女 supervisor見到唔對路，就走埋黎落單!!!我認為一間餐廳就算你啲嘢食整得再好食，但只要你啲服務態度差，再好都唔會有人黎囉!!!!!!呢啲餐廳真係唔會再去囉😡😡😡😡

很久沒有更新了！今次來到天水圍的茜廊餐廳，一坐低就聞到淡淡香味，原來是點了爉燭。 點餐後，很快有蒜溶包和湯啦!!! 我點了一份7成熟的牛扒 7成尚算有肉汁，肉質粉嫩，配上洋蔥汁吃，感覺一流，最重要是少筋呢，還有我好像吃到有碳燒的味道，可能是我記錯吧(P.S因太忙，此文章9月才打的) 由於三個人去的關係，所以有三杯飲品，左起朱古力味飲品，OK!!但味道淡了點，中間芒果味，有點像喝藥水，右手邊的是我點，綠茶雪糕配紅豆冰，是三杯中最好的一杯，可惜冰大塊了一點，改用碎冰會更好，還有雪糕溶太快了=.=

離開流浮山，我們在天水圍找東西吃。雖然住在天水圍的朋友也曾說過被大改革後的商場又不及以前平民，但天水圍的天盛商場內裡有很多新食肆又是不爭的事實。茜廊走的不單是平民化西餐廳，而且餐牌誠意十足，寫了很多不同的食品資料，最重要的是他們還自己的故事和創作意念都解釋清楚，充份看到那份餐廳與客人的交流。Set dinner款式也算多，價錢不貴。我們選了一個set dinner，然後叫了一些散叫的東西。餐湯和多士先來，白湯較咸，但煮得很熱，沾多士是一流的。白酒煮藍青口，味道不俗，白酒香味淡淡地散發出來，青口較細隻，但因為隻數多的關係，也是一道滿足的小食。黑松露醬炸薯條是浪子十分推介的小食，價錢不貴，薯條即炸勁香脆，顏色又不算太老，而且隔了油。黑松露醬則雪好了，但因為醬濃的關係，沾起上來很上醬汁。主菜來了，葡式烤BB豬，起初還以為相片只供參加，以$148一個set dinner來說應該不會太大份。誰不知與餐牌相片幾乎一模一樣，是一樣的大份。烤豬有點似中式乳豬，但不是脆口易碎那種，而是帶點煙靭的豬皮。脆口的豬皮下有著幾分厚的豬肉。香濃又爽肉的豬件份量頗多，基本上是2-3人份量的。跟來的沙律菜也十分新鮮，