茜廊餐廳 (天盛商場)

營業中

休息中

同屋企人食飯，知道天水圍呢個商場剛剛裝修好，有好多新嘅食肆進駐，我哋都來湊下熱鬧！今次選左一間連鎖餐廳，好耐好耐以前響九龍灣食過覺得唔錯，價錢又大眾化就嚟試吓。晚餐都有十幾款，每款都係大約80至＄150，食得豐富又唔肉痛。晚餐包埋餐湯蒜蓉包同飲品，餐湯揀咗羅宋湯，材料十足，味道真實，唔會好似茶餐廳果啲咁過甜。蒜蓉包亦香脆。跟餐加$24可以玩鵝肝多士一塊，不過個人覺得味道一般，唔夠香，煎得過火有點燶。加$20有紅蝦一隻。肉質彈牙而且好厚肉！Dinner set 叫咗葡式烤豬配沙律！份量有四份一隻豬咁多，皮脆肉厚，肉質亦嫩，加上醬汁一齊燒，夠入味。重點係呢個餐只係＄148！扺！皮夠薄夠脆，肉質夠厚夠嫩！呢個係散叫嘅西西里海鮮意大利粉 ($98)，海鮮材料豐富，有大量嘅珍珠帶子、蝦、青口響入邊，意粉用上茄汁去炒，加上少少辣更加惹味開胃！呢個香煎鱸魚白汁菠菜煮蜆亦都係散叫，只係$118！鱸魚煎得皮香脆，肉夠嫩，白汁用奶油加白酒上湯製成，蜆勁甜又大！配上個醬汁十分好味！薯蓉焗田螺亦只係＄38！薯蓉焗得好香，有牛油味，而且食落creamy柔滑！田螺厚肉。而家佢哋仲推廣，登記成為會員每月有唔同嘅優惠

我想讚一讚您間鋪頭！我兒子從來不去吃早餐！只去茜廊吃！因為這裡有黑松露炒蛋、香脆魚柳！晚上的羊扒夠新鮮、都好好味！另外，有個一米長的pizza，送來時好有驚喜！

番左五日工好攰呀 懶洋洋 唔想出咁遠食飯 只想舒舒服服咁坐低食餐好嘅！經豬先生帶路 發現天水圍有間齋睇門面感覺幾高尚嘅西餐廳 再望一望餐牌 價錢都好合理喎 一於入去試下啦！晚上七時半入座大概已有八成入座率 地方好寬敞 感覺摩登而且富時尚感  以雜誌形式為藍本嘅餐牌 設計上大有諗頭 襯番餐廳形象  豬先生豬小姐叫左兩個dinner set 三款side dish同兩款dessert  dinner set嘅包包用蒜同黑椒輕輕調味 好香口 羅宋湯相當足料！有肉有菜 酸味味 再加啲胡椒粉 唔錯 有對比之下 忌廉湯比較普通 建議揀紅湯！有成十隻八隻藍青口 藍青口尼隻品種嘅青口 本來肉身就係細細粒 雖然如此 但肉質都算帶鮮偏甜 可惜白酒味未能完全滲入藍青口 鵝肝都算大舊 當然不能預期軟滑即溶 但香煎後配上脆脆多士 加上少量沙律菜伴碟 算係好抵食嘅餐前小菜 尼款薯條好特別 唔係將啲黑松露碎灑係面 而係將啲黑松露溝埋落個醬汁到 估唔到都幾夾 薯條粗切熱辣辣 加上特制開胃黑松露沙律醬 零舍滋味可口 放中央嘅珍寶帆立貝好搶鏡 食落都幾爽彈 除左珍寶帆立貝 仲會有啲小貝柱 雜菜 菇菌拌飯

網上話間野好食又走去試新野 落單落少左 落單時要等好耐先有人黎 D野食真系麻麻 價錢又唔係平 中位價錢 一個意粉要百幾蚊雞翼D汁系茄汁海鮮意粉 D海鮮吾夠味 焗薯上嘅肉粒香茅味 吾岩我食焗螺 D螺有D淋 冇螺味

同事推薦不用出城也有味道好、有特色的西餐。於是下班就一起去朝聖😬一到門口，裝修格局寬闊，燈光看上去很舒服。不到八點的時間已經坐滿了客。坐下看menu，有很多選擇。Set dinner 也有十幾個，還有吸引的兒童餐😍。看來應該不錯，很期待。惠顧套餐，餐飲可以優惠價升級至特飲。第一個是小食，意大利雲吞 $78平常西餐的義大利雲吞，有的太厚，有的汁太多，好膩。這雲吞皮厚度剛好，一口一啖，配合那清甜的汁，吃著吃著，就KO！再來碳燒西冷牛扒薯菜 $108有餐湯和多士，餐飲。我不喜歡吃蕃茄，所以平常絕對不會喝羅宋湯。但同事喜歡喝，那就試一下吧。喝進去有辣辣的，這做法第一次喝，完全沒有油浮面，好喝！再連著香脆的蒜蓉多士，配合很好。主菜牛扒，是今餐驚喜之作👍份量十足，比我的臉還大，而且厚度足足寸半！！我們order 了七成熟的牛扒，上碟果然是這個熟度。一切開，非常juice，入口即溶，濃濃的炭燒味，不加汁料，直接吃已經夠香的。如果想惹味一點可以加黑椒汁。$108 吃到這牛扒，很是驚喜！真系大件夾抵食👍飲品叫左日本紅豆冰，套餐轉飲+28蚊看上去普通紅豆冰的樣子，一喝就吸到大大顆的紅豆，很有咬口。重點甜度

今日同朋友食完。。個個都話唔會再食。。。。。。先講個前菜，個湯呢xxxxx hut仲好飲過佢，個蒜用包又硬，一樣都係鐘意pizza hut more......試左塊牛排苦嘅！叫5成熟又變左7成。。叫7成熟變左全熟😑😑之後薯菜又小塊排又乾，我俾100幾蚊去食我好無奈個日式咖哩蛋漢堡排翻得個辣字，漢堡排又乾，又冇牛味，飯又痴粒粒，好似隔夜咁。仲知真係唔會再去食。。。

仲有些時候會很懶 在openrice 看到哪間餐廳就去那間－美國牛柳薯菜 (黑椒汁) $148叫了Medium Rare 一切開就已經急不及待吃了一口牛柳的肉汁就在口中爆發 熟度剛剛好 不會煎得太老黑椒汁又不會太咸 而且薯菜的份量很多 伴著黑椒汁很好吃－因為侍應的極力推介 隨餐加點了這個芝士煙肉焗青口 ($18/2隻)芝士本來就與煙肉很搭 為較淡味的青口帶來了濃烈的風味 喜歡重口味的朋友可以一試－葡式烤BB豬配雜菜沙律 ($148)本來很害怕肉質會很硬 但一咬下去卻有驚喜 是嫩嫩的單吃這個BB豬的話可能會很濟 但配著那酸酸甜甜的醬汁 卻解了濟的感先 吃完一件又一件－四重芝士薄餅 ($105/普通批)甫上檯 就急不及待把它拉開 果然是有拉絲沒有令人失望 這個pizza芝士味濃 而且配薄底的pizza 脆脆的與烤到軟掉了的芝士 一硬一軟 很有趣的口感－西式焗田螺 ($38)田螺上有芝士超好吃Der 很惹味 田螺不會有腥味而田螺下的薯蓉很綿滑三者配在一起超好吃～

自從商場裝修左之後,樓下街市豐富左好多,樓上亦多左食肆,估唔到仲有意外驚喜~竟然開左間叫茜廊嘅西餐廳,好嘍,第日想据扒唔需要出去周圍揾喇我久唔久都會喺度嘆番個靚早餐先至返工,皆因呢度環境優雅,坐得舒適,仲可以聽住音樂慢慢嘆,簡直人生一大樂事早餐我通常會揀煙三文魚班尼蛋或煙斗粉雞扒餐.後者湯底係我至中意嘅羅宋湯底,够曬濃郁兼有D辣辣地,好醒神開胃雞扒之前有時會食到有少少騷味,不過近排去食發覺冇左,仲滑左添,我諗應該係改良左烹製方法,廚師進取嘅態度值得一讚 今晚得我同囡囡兩個,不如偷下懶去茜廊嘆番個晚餐先…今日平日,同埋時間尚早,唔洗等位,之前睇過食評,有好多嘢都想試,耐何得兩條友,結果只係叫左三樣嘢~今次就試住咁多嘢先啦

今日再次嚟茜廊餐廳幫襯，我柯打左烤雞扒煎蛋湯出前一丁公仔麵而我朋友柯打吉列魚柳早晨全餐件雞扒鮮嫩多汁，非常好食湯底又夠熱，而件吉列魚柳又夠熱又夠香脆大大份，配冷熱飲品又唔洗加錢，真係抵食所以我同朋友今日享用左個非常滿足的早餐

放工後近近地去左天水圍搵食，揀左間近來網上平價不錯兼開業不久的西餐廳「茜廊」。係西鐵站落車行約五分鐘就到，頗方便的。.餐廳的環境充滿歐陸風情的裝潢，牆上有些薄餅裝飾，樓底夠高坐得舒服。.最前方這個位置可以睇到店員即製薄餅，今晚外賣薄餅買一送一，見到店員密密整不停！.部份餐牌.夏日炎炎餐廳推出左數款養生特飲，檸檬薏米水 (跟餐+$16)及越南清葡涼 $36。兩杯飲品都用透明的玻璃小樽載著，飲的時候直接將蓋揭開即可。而且望得出兩杯都好足料，薏米水內有不少薏米和檸檬片，甜度不高，有肋清熱去濕；他點的清補涼有綠豆、海帶，桂圓肉、紅棗和蓮子等，有肪清熱。.再黎跟餐羅宋湯同蒜蓉包，大力推薦個羅宋湯超足料好好飲好開胃；蒜蓉包微熱咬落脆卜卜幾好食！.西式焗田螺 $38田螺除左食到芝士和薯蓉外，仲食到一陣惹味的蒜蓉香，田螺有咬口，幾好食。.黑松露香脆薯條 $38薯條炸得香脆，不過所配的黑松露醬味道不夠濃。.巴黎鐵塔千層麵 $88這款千層麵同平時食開的有點不同，食開的千層麵裡面係夾埋肉醬一齊拎去焗。這裡的醬同肉分開的，兩旁紅色的係蕃茄醬，千層麵入面夾左不少肉碎和蘑菇，上面有少許焗至金黃色的芝士。小妹食左少

有看我的IG知道我成日光顧樓下西餐廳，我主要吃下午茶，早餐反而冇吃過，上星期一去看醫生，看完醫生之後返到屋企附近商場，又未吃早餐就決定試下這裡的早餐，我叫咗黑松露炒蛋+凍奶茶(37元),我由它開店光顧N次，這裡的早餐好唔得,黒松露炒蛋好少黑松露,炒蛋亦不夠滑,炒蛋口感有些小鞋,至於腸仔好咸,成份早餐都是微暖，凍奶茶都OK,,它開張到服務有改善，我覺得一般 ，這裡環境相比同區，裝修的幾靚 ，早餐真的冇下次，價錢真是幾貴 40元吃一個早餐不便宜，如果好味不介意俾貴Ｄ,這個早餐不好味呢,作為一個長期食客,希望它有改善味道黑松露炒蛋，它的黑松露少得可憐，味道又麻麻,炒蛋不夠滑,炒蛋口感仲好鞋,腸仔好咸,個包亦麻麻凍奶茶，冇特別服務已經有改善，起碼不用叫2次,店員服務都OK環境裝修的好靚,十分有情調價錢37元的確幾貴，早餐冇下次

平時晚市經過茜廊呢間西餐廳都好多人排隊,今次特意一試。餐廳鋪位都算大,裝修都好有特色,牆身有pizza圖案,亦可以見到廚師製作pizza,加上餐廳有長枱位置,方便party,同家庭聚會。睇到餐牌,非常特別,好似雜誌,排版好靚,側邊仲有食材介紹。點了dinner set, 葡式烤BB豬配雜菜沙律(Roosted Suckling Pig In Portuguese Style with Mixed Vegetables Salad)$148,羊膝拼鱈魚柳薯菜(Lamb Shank and Fish Fillet with Vegtables and Potatoes)$118,巴黎鐵塔千層麵(Lasagna bolognese)$88,以上lunch set都可配沙律或麫包+湯(忌廉/羅宋湯)麫包係蒜蓉包,好脆,+羅宋湯,好多料,店員仲細心問需唔需要黑胡椒調味,不過就算唔落,羅宋湯都已經味道濃郁,酸度剛好。沙律菜的份量都多,前菜不馬虎。小食串燒沙爹(4串),非常有特色,估不到西餐廳都會有咁特別既菜色,店員遞上小火爐,雞串本來已熟,而且有花生碎係上面。但餐廳仍細心有小火爐供我地去燒,迎合自

天水圍終於有啲好野食 雖然我最愛係北江既譚X 但今次帶屋企人出街食 就搵左間西餐 開心下好鐘意依啲雜誌復古風既Menudinner menu 質素ok既話依個價錢我接受到 未食之前有少少期待嗌左2個set 一個係係dinner set入面 一個係menu再加28蚊配套餐再加錢轉特飲 飲品分別加左16蚊同14蚊 檸檬薏米水同埋越南清補涼 一問之下原來我嗌依兩杯都係餐廳自己煲既 而其他就沖出泥 甘我當然揀健康既 俾屋企人飲薏米水勁健康 成日見人係台灣買個啲即沖既番泥 但忙到甩轆都無乜機會食到 今次係餐廳飲到都好啊 仲有紅棗添 岩晒女仔 篤下檸檬仲有啲增添左個層次 吾洗齋齋薏米水味 唯薏米用左大薏米 仲有粒芯係度 咬落有點苦越南清補涼 清補涼甜甜地又多料 有海帶 龍眼肉(我最愛) 同埋啲qq粉絲 好清涼set入面既湯同蒜蓉包 包好脆 但皮稍硬 可以點忌廉湯食 羅宋湯有辣度 好耐無飲過依隻正宗味道羅宋湯 平時有啲就無辣 有啲就淨係似蕃茄湯 酸到呢婆婆鐘意食魚 就係menu度揀左依個 香煎鰽魚柳配配溫室菠菜煮蜆$118 魚質吾會太淋 有口感 而蜆既海水味咸左啲 但口感一流 因為吾會煮到over左

是晚我的朋友預早同我慶祝生日，所以就揀左近我屋企又新開張既餐廳---茜廊😎門面設計很時尚🤗內裡裝都很年輕😚連餐具都各有特色😝很浪漫❤️❤️❤️先看餐牌，都有幾多選擇播🙄因為始終都有兩位猛男座陣，所以我地都叫左三個set dinner + pizza，另外叫多杯野飲😛先來的是餐湯同蒜蓉包，相信佢個蒜蓉包都係即叫即整，所以可以keep到咁鬆脆，而佢地個羅宋湯都整得好出色，入口食到有濃濃既蕃茄味道外仲有些少辣味～到main course I-葡式烤BB豬配雜菜沙律BB豬外皮烤得好脆，而且油脂分布都好平均，配埋黑醋食，入口冇左個種油膩感！😜Main course II-烤百里香春雞隻雞烤得好乾身，入口唔會成口油，而且佢啲雞肉醃得好入味！外皮同樣烤到好脆口，但內裡既雞肉一啲都唔老，仲好嫩滑到main course III前先來個pizza先😎Pizza個餅底有別於平時食開個啲，佢呢個入口有點似餅乾既口感，而芝士分量都幾多，岩曬芝士控既朋友仔😍Main course III-美國牛柳拼薯菜牛柳入口唔算太韌，而且食到有淡淡既炭香味！唔錯唔錯👏🏼👏🏼除左食又點少得野飲呢⋯⋯左：檸檬薏米水右：比利時朱古力雪香