茶木‧台式休閒餐廳 (屯門市廣場1期)

營業中

休息中

太掛住台灣呦🥺好想去果邊掃夜市🤤諗諗下就會想食台灣野最直接就諗係茶木掛住蚵仔煎 諗住叫返份蠔餅解下相思之苦但....佢果日所有蠔嘅食品都冇😭我都唔知點解 但餐牌一整板都冇賣可能佢果日冇貨返掛最後叫左個牛肉肉燥飯有我最鍾意嘅唐心蛋😝整體味道同佢最初開店時相比差左dd喔🤔再叫返杯黑糖珍珠奶茶🧋$33味道都okay 唔會太甜珍珠有咬口草莓🍓香草蜜糖磚塊 $58（8周年回味價😍太吸引 所以就叫左）呢個抵食 🤤👏🏻值得叫返個甜品

餐牌見佢住懶人系列，我自問都算一個好懶嘅人。基本上係可以做到「可以hea的話，不會郁」見佢個名咁似我做人嘅宗旨。就望下你有咩食啦原來係手工拌麵，然後有我鍾意食嘅鴨血。仲要成個set都係麻辣添。簡直成個餐就係為我而設咁😂咁就決定叫你啦。個餐到喇。賣相都幾好。首先講個拌麵，食得出係彈牙嘅。然後就到牛喇，牛唔會話煮到太淋。而且即使佢係用麻辣汁浸住啲牛，都唔會話掩過啲牛味。最後就係鴨血喇，鴨血完全唔蘇。同埋唔會一夾就散晒。成個set都好驚喜

一路都係茶木嘅fans，黑糖珍珠奶茶好好飲！我會因為一杯嘢飲唔過嚟食嘢，當然去其他食物都唔錯今日偶爾經過原來佢哋下午茶好鬼抵呀！38蚊有炸雞髀重配埋黑糖珍珠奶茶添而且賣相又精美講真㗎咋畀我就覺得一般啦，唔算好嫩，粉都好厚！甜品會出色，賣相好靚呀！唔會太甜當然最正係配黑糖珍珠奶茶啦！茶味和奶味啱啱好，珍珠Q彈，出色😋

🇭🇰#屯門 【#茶木 】午市套餐🍱台式麻辣半筋半牛肉 $68台灣直送麻辣鴨血拼素鴨，自家製椒麻拌麵味道其實只係少少辣嗰個人都好啱食然後個牛肉雖然唔係好硬但係得幾塊 拌麵就有驚喜嗰隻椒麻食落好吸引想不停食 仲有隻溫泉蛋 性價比好高送 黑糖薑母茶入面有好多薑碎 冬天飲啱晒成個人暖返晒

疫情下，商場人流就好少間間食肆都唔多人唯獨呢間茶木要排隊下午茶時間到，仲要甜品有優惠牛丸手作面——雖然係下午茶，但有5粒牛丸，算係甘啦， 不過面就少d既， 普普通通，唔係特別好食!有杯熱飲☕️台式肉鬆蛋餅——講真同台灣既蛋餅差好遠來到唔夠熱，散散地，麻麻地，下午茶有配埋野飲，算抵， 叫左黑糖珍珠奶茶🧋珍珠好硬，奶茶無茶味， 好差最後叫左甜品—草莓香草蜜糖面包磚好彩呢樣無另我失望好食面包來到仲脆脆地，配合埋雪糕一齊食，好正囡囡都話好味😋疫情價$58，下次來只食甜品

未飲過咁難飲既珍珠奶茶，其實吾係奶茶，只覺得係水一杯，淡到咩味都冇。 一間咁大間既台式野食店，一杯咁基本既珍珠奶茶都9吾搭8，仲要33蚊一杯，實在令人超級失望了。

我最喜歡這個三層厚多士配雪糕，cookie and cream雪糕香滑清甜，而且很大球，份量很足,多士有蜜糖味同埋脆口,士多啤梨新鮮夠結實而且唔酸，$64 已足夠兩個人食得飽飽而且很滿足。而且平日下午4點左右唔洗等位，必會再encore!

平日諗住冇甘多人，去左間次次都要排隊既餐廳-茶木teawood.今日都要排隊，不過排左幾分鐘就入得啦！隔一排去食都有新野，今次就係鹽酥雞！點左芝士味，好香好酥脆。 加分既小食😋😋主食點左套餐，有溏心蛋，茄子，菜，半筋半牛肉，肉燥飯。未失望過，好入味又易入口。讚！飲品係酸梅汁，開胃消暑，生津止渴😚食完好夠飽，大滿足。

我最愛茶木兩樣主食，分別是紅燒牛肉麵及蚵嗲肉碎泡飯，久不久就會心思思去吃。今日一心想吃牛肉麵，在茶木及老媽拌麵兩家餐廳中徬徨，最終還是決定去茶木。記得以前週末是沒有午市套餐，但今日有供應，剛好有我想吃的紅燒牛肉麵，就來一碗，飲品選了黑糖薑母茶。飲品很快便到，再過15分鐘麵才到。 碗最上面一把芫茜，下面雪菜，三塊份量不輕的半筋半𦟌，一件白蘿蔔，原本還有兩件紅蘿蔔叫不用上。湯頭清澈濃而不膩。 半筋半𦟌用料佳，烹調火候恰到好處，入口輕易可咬開。 白蘿蔔裡面很甜，懷疑用糖煮過，皮刨得不夠深，仍有少許纖維。 標榜的手造麵有嚼勁，美中不足是有些麵條疊在一起，下鍋時沒把麵條弄散。黑糖薑母茶大大一杯，薑味足，是不錯的飲料。 紅燒牛肉麵保持水準，心滿意足的一餐。

上次去食老媽拌麵, 可能當時啱啱新開未掌握, 覺得好難食, 今次去食茶木好似覺得自己去咗天堂😅🤣! 今日去食茶木, 我叫店員攞對筷子, 唔知係咪我太細聲, 佢好似冇理到我 (其實我嗌咗兩次😔😔😔) -1分我有儲開佢嘅積分T factory 今日換咗寶島三小碟, 原本仲有生日優惠, 送甜品一個! 不過可惜我冇用到😔!佢嗰個背景幾休閒, 不過因為要呈現上下顛倒嘅情況! 當然有啲困難, 好似缺少咗啲嘢。我好鍾意食茶木, 每次入到去都嗌牛肉麵加珍珠奶茶, 佢啲麵好煙韌, 而且自己整唔到! 珍珠奶茶好有質素! 我好推介 (PS: 我諗應該好多人都食過🤣)

疫情底下堂食到六點唯有整個下午茶啦！見到茶木啲T set都幾抵喎唔係太肚餓嘅情況底下好啱因為跟餐可以揀珍珠奶茶揀咗個心太軟份量唔算多但係賣相就一流另外叫咗個柯仔麵線跟涵牛肉包，個包OK嘅個波仔麵線食咗兩啖就冇食啦完全冇台灣嘅味道而且屙仔係腥但珍珠奶茶就依舊好飲

最近天氣開始熱，拍拖時最好就入商場，涼住咁shopping。行到攰攰地，又有d餓，但下午茶廢事食咁飽，所以就入左 喱間茶木 諗住食個甜品，休息下。入到去，花多眼亂，有主食，有野飲，有甜品。見到個草莓香草蜜糖磚塊（78蚊），個樣幾靚，食完又唔算太飽咁，岩哂我既選擇，就簡左喱個試試。野食黎到個草莓香草蜜糖磚塊樣子真係整得幾靚，粉紅色，好少女風，睇落都幾多，兩個人先食得哂。到食落去，個草莓太甜，甜到有d似藥水既味道，而個吐司磚塊又太過磚，係要用好大力先咬到果種。感覺上都普普通通既一個甜品，好好食又未到，好難食又唔算，78蚊既價錢，坐個半鐘休息下，都算係咁

父親的在這裡吃午餐，今次點了酥炸排骨肉燥飯$77希臘式優格英國保濕豬扒燉藜麥飯$82帆立貝培根奶油手作麵$82柑桔醬鱸魚柳肉龍果$68紅豆薏米水 跟餐送濃香咖啡☕️ 跟餐加$9黑糖胚牙奶茶 跟餐加$9另外用積分換了寶島三小碟流心起司竹炭吐司這裡的食品飲品質素都不錯，而且經常有新菜式，就是服務一般，尤其這次其中一位服務員的態度非常惡劣，落單的時候用積分換了菜，要在手機先點算及讓他輸入店舖號碼，但他的態度非常之不耐煩，問還有沒有。點甜品的時候他也告知要等20分鐘，我們都說到時再通知上甜品，然後他問是否全部才可以上，我們說是，怎知其他食物還未來，就先上甜品，上菜的店員就説幫我們先放雪櫃，但那服務員還走過來跟我們爭論，說是我們講了可以全部菜也送上。😡這是什麼態度呢

我覺得呢間台式料理都開得好多分店試咗一下佢哋嘅芋圓⋯⋯我覺得芋圓味道冇咁好⋯⋯希望其他會比較吸引份量都比較少當然價錢都唔係特別平啦不過聽講佢哋如果係食牛肉麵會好味好多⋯⋯下次同朋友都係唔好食下午茶食返夜晚比較好⋯⋯

今日跟朋友一起逛街，剛巧有朋友送了一張優惠卷，$50現金卷，就想起茶木的甜品，決定來一次下午茶。草莓香草蜜糖磚塊$80首先是外形很漂亮，擺盤很高，有點難切。不過一切就知道麵包烘得非常香脆，能夠聽到「卜卜」聲，口感亦非常鬆脆，再配合軟綿的草莓雪糕和忌廉，真是很棒，難怪成為熱門甜品。吃完已經半飽，而且回味無窮。