茶木‧台式休閒餐廳 (黃埔天地)

營業中

休息中

黃埔呢一間既茶木非常方便，一出地鐵站行1分鐘就到呢間分店既裝修好有cafe feel!每個位都非常寬闊一坐低見到menu，即刻忍唔住要叫呢個新出既羅氏蝦龍蝦汁手作面！望住個圖已經覺得好吸引我地一黎叫左兩杯野飲，分別係熱既先同一個先熱既木柵鐵觀音奶茶，同凍既朱古力脆脆拿鐵，同埋一份鹽酥雞因為佢個menu太靚，忍唔住拎佢同d野食影左幾張朱古力脆脆拿鐵個我地叫左無糖，想講佢個味道非常特出，朱古力味好濃郁😆而且佢個latte係好順滑，完全唔會覺得好膩然後我最期待既主食出現啦！除左我個份羅氏蝦龍蝦汁手作面，我地仲叫左烏魚子元貝手作面我覺得呢個兩面最出色既係佢個汁收到好濃，食落味道好出，而且佢個面既質感非常厚實，好有口感最後當然唔少得係甜品！我地叫左個曲奇味雪糕配草莓吉士可頌窩夫呢個窩夫好香脆，同埋佢個吉士醬好好食，而且唔係好甜！讚呀！

食過好多次既茶木，今日都係食茶木😋呢間茶木好似同平時食個d茶木好似有d唔同，個menu都有d唔同，唔知係咪d咩特別分店🤔晚餐都有set,個價錢都幾抵，不過有d小食set menu冇，最後散叫😙😙我地叫左黑醋味冧豬軟骨碗珍珠飯 $82豬軟骨都整得好，唔會話好硬，冧冧地，個汁配飯都好開胃另外叫左兩個小食，有金黃鹽酥雞同埋櫻花蝦花枝餅鹽酥雞同平時既差唔多，都炸得乾身酥脆，櫻花蝦花枝餅一上檯好香櫻花蝦味，食落都幾重味😍另外，再叫左個干貝龍蝦汁黎麥飯，平時都比較小點d西式既食物，食落都有小小漏😂每人仲叫左杯野飲，檸檬愛玉茶同埋芒果奶蓋冰，愛玉好多😋😋最後我哋仲叫咗一個甜品，冰淇淋拼草莓吉士可頌窩夫，完滿的一餐

台灣美食風味😆冇得輸茶木有好多分店，每間都有質素保證，每次朋友聚會總有人提議茶木，性價比高👍🏻☺️晚餐: 鹽酥雞扒肉燥飯鹽酥雞扒勁大塊，而且炸到金黃色，賣相幾靚，炸粉都薄，十分惹味和好食😋肉燥飯好香，送飯係一流，少少肥豬肉和肉粒，十分好食🤤伴碟仲有半隻流心蛋🥚少量酸菜和青瓜羅氏蝦龍蝦🦞汁手作麵龍蝦🦞味超重，超好食，手作麵🍝十分掛麵，索曬啲汁😆小食類，可以加$22一份，$42兩份，份量都ok，同朋友share係不錯👌黃金鹽酥雞好食🤤蒜香麻辣豬耳🧄黑麻油雞翅都幾大隻，黑麻油入曬味😋黑朱古力🍫杏仁可頌窩夫🧇晚餐仲包甜品🍮超正😋自家製台式烤香腸整體係幾高分，性價比💯

茶木都算系本港知名度比較高噶臺式餐廳啦，相信好多識食達人都幫襯過距地。今期行開黃埔，又見茶木，一於去食翻碗臺式牛肉麵啦。裝修一如既往，燈光夠溫馨，位置又闊落，加埋半開放式水吧，妥妥文青風。餐牌價格相當貼地，仲有二人套餐添，性價比超高。紅蔥番薯燜牛腩，牛腩勁冧，咬落去都唔需要咩力，味道濃郁，腩汁配埋白飯，真系夠曬飽肚。美中不足系番薯麻麻地。牛肉麵只需$88，勁大碗。湯頭夠濃，牛肉睇落大舊，但系咬落又唔會韌，牛味鹹香，面都相當有質素，有勁道。距地茶飲都相當唔錯，水果茶飲得出系新鮮水果整噶，茶味清香，唔會好甜，贊。黎得茶木，就肯定唔少得距地招牌，多士磚！每次必點，超大件，賣相滿分。多士外脆內軟，加埋草莓雪糕，真系甜而不膩，勁滿足噶甜品。其他食物都非常唔錯！現整鳳梨酥真系好得！！推介！！！

同屋企人去黃埔買新年野，經過呢間餐廳，突然又好想食台灣野，就入去食啦。我地叫咗幾樣野share食，有台式滷水拼盤，台式肉鬆起司香蔥蛋餅，鹽酥排骨肉燥米粉，羅氏蝦龍蝦汁手作麵同草莓香草蜜糖磚塊歐軟。~~台式滷水拼盤有好多種類，包括有雞翼，豆腐，牛肚，牛𦟌，五花腩同糖心蛋。樣樣都好好味，滷得好入味，特別係牛𦟌，好軟腍。~~台式肉鬆起司香蔥蛋餅即叫即整，食到好濃既芝士味，同埋肉鬆一齊食，好夾。外皮好脆口，好香蛋味。大推~~鹽酥排骨肉燥米粉排骨好大塊，炸得好香脆，食落脆卜卜。個台灣米粉好細滑，勁好味。~~羅氏蝦龍蝦汁手作麵每條手作麵都充滿咗龍蝦汁，好好味。隻蝦都好大隻，肉質爽口彈牙，好新鮮。~~草莓香草蜜糖磚塊每次去茶木必食，勁中意食。即叫即整，要等15分鐘，但真係好值得，多士勁脆，配埋士多啤梨雪糕，係絕配。

創新台式 出色手做麵 今次搵食嚟到黃埔新天地 已經有一段時間冇食茶木 小小掛住佢 今晚再度到訪😘 店舖裝修簡約舒適 係我鍾意嘅木色裝修 好有現代感 好舒服 而且選擇都好多 最近仲推出新菜式 梗係要試吓啦😋😎 黑醋味醂豬軟骨飯$82豬軟骨炆得好腍 同埋好入味 脆骨嘅部份都可以食埋 仲要跟個細爐一齊上枱 可以保持溫度 好細心 正🥰 黑麻油雞翼$58好香麻油味 唔會太咸🥰😌 軟殼蟹龍蝦汁手作麵$138軟殼蟹炸到好香脆 炸粉唔會太厚 蟹肉鮮美 手做麵彈牙 推介🥰 🍹佛手柑水果茶$46水果茶有好多款唔同個時令水果 味道清新👍 🍹草莓櫻姬（凍）$42似草莓奶昔 冰凍滑溜👍 🍨甜品草莓香草蜜糖歐軟磚塊$78呢個甜品真係分量十足 講明係磚塊真係似磚塊咁多 下次真係要留肚食呢個🤣有3塊厚多士咁多 焗到好香脆 上邊仲有雪糕 棉花糖 同埋忌廉 疊到勁高 好開心好滿足🥰🥰 🎈茶木‧台式休閒餐廳 (紅磡)紅磡黃埔天地美食坊(第8期)1樓113號舖 kfoodie #hkfood #hkfoodblogger #hkfoodlover #香港美食 #香港必食 #hkfoodpic #hkig #food #fo

茶木喺黃埔美食坊好多年的了，本來喺舊位置現在換了新位置都係一樓。靚裝修後價錢自然升級。之前服務幾好㗎依家升咗級反而服務麻麻。嘢食就同之前差唔多啦，不過就唔係好夠熱；飲品唔錯。最奇特係佢一坐低就叫你手機落單，但係鋪位裏面Wi-Fi訊號超級弱，永遠都落唔到單。食物水準7分囉如果10分係滿分。

平時鍾意飲台式飲品但係真係冇點約人出街食台灣菜, 今日行完黃埔aeon就過咗黎對面搵下有咩食,見到好大間Teawood裝修得偏文青風俾客人打卡,港女朋友當然話要入去食٩(˃̶͈̀௰˂̶͈́)و佢有唔同嘅lunch set亦都可以散叫,今次我哋特別想叫其中幾樣,最後選擇左散叫開心D😬—————————————————————📍 茶木‧台式休閒餐廳地址: 紅磡黃埔天地美食坊(第8期)1樓113號舖✍🏻/食評/◍TeaWood® 香辣牛肉麵🌶️ $88麵底非常掛汁,闊麵同蘿蔔都吸曬牛肉湯,牛肉湯非常香濃, 而牛肉都係大大舊又超級無敵淋身◍軟殼蟹龍蝦汁手作麵 $108份量好多加上每條麵都掛滿龍蝦汁,軟殼蟹分咗兩份,肉質滑嫩又多肉,如果女仔比較細食十分之建議呢個手作麵2個人一齊分黎食,一個人食曬超級飽(^^;;◍紅油抄手🌶️ $62$62有8大舊,叫咗少辣,餃子皮好滑,入面豬肉餡料同其他配料combine埋好好食好juicy!隔離仲要紅油青瓜粒😝◍金黃鹽酥雞 $48估唔到份量都頗多,熱辣辣鹽酥雞炸得酥脆香口,同出面鹽酥雞比較teawood做得冇咁鹹,味道調得啱啱好🤏🏻◍冰淇淋拼草莓吉士可頌窩夫 $58◍冰淇淋拼

同朋友行完街後，總想找一處舒適的地方係黃埔朋友最鐘意黎，舒適茶木，坐得舒適，環境亦不錯店門外更具有特色茶飲及設置了萃茶示範紅燒牛肉麵牛肉燉得軟淋，入口即溶，加上口感軟硬適中的麵條，配上濃郁香甜的湯頭，很不錯台式麻辣半筋半肉手工拌面麵條煙燒靭，拌面亦都非常入味，牛筋腩入味嫩淋路邊灘小食大大份，有台式烤香腸，鹽酥雞排，鹽酥福州魚丸，兩個人share剛剛好草莓香草蜜糖磗塊歐軟黎到茶木必定會叫蜜糖磗塊，中間蜜糖多士切成大小適中的骰子形狀，方便食用外脆内軟，真係大滿足黑糖瀑布珍珠奶茶鐘意飲珍珠奶茶一定要試水果茶，茶底有得選擇入面有不少新鮮水果，鮮甜味濃，唔會太甜

好耐冇食茶木，今晚黎到黃埔美食坊搵食就見到佢即刻試下😋😋宜家晚市有套餐，主要係主食加30蚊就有飲品同甜品，仲可以加配小食添晚餐Teawood 紅燒牛肉麵 ($118)朋友好鐘意食紅燒牛肉麵，一入到黎就話要叫，有3大塊紅燒牛肉，份量十足🐮🐮台式滷味拼盤配地瓜米粉 ($116)🍜我就想食滷味拼盤，跟餐會變左可以跟飯/地瓜米粉，有牛肚，牛展，雞翼，豬腩肉，豆腐，蛋等等，份量勁多，其實兩個人share 更好🤣🤣甜品叫左呢兩個，我覺得配住黎食更好，可頌窩夫點住雪糕食更正😍😍白朱古力抺茶可頌窩夫紅豆抺茶冰淇淋🍨🍨黃金鹽酥雞（$22)🐔🐔加配左小食半份，份量兩個食岩岩好，唔會太大，仲有好多款可以揀抺茶鮮果流心歐軟 ($88)黎親茶木都會叫佢既甜品，今次見到抺茶味就揀左，表面好似有d 抺茶奶蓋既感覺，配佢既包食幾好食，仲有好多鮮果添🤩🤩餐飲冬瓜茶正常味，仲可以加錢轉其他，都幾flexible😝 📍 茶木‧台式休閒餐廳 (紅磡)紅磡黃埔天地美食坊(第8期)1樓113號舖 #香港美食 #香港必食 #hkfoodie #hkfood #hkfoodblogger #hkfoodlover #hkfoodpi

叫了一個黑醋味醂豬軟骨, 本來想叫柑桔醬鱸魚柳玉龍果 (網上看到). 但不知為何, 現場的餐目卻沒有這一款... 而且, 餐目很舊很少數量. 這很影響人士外賣.舊址為現coco一番屋, 新址需再走過2間舖. 燈火通明, 很有格調, 還有高挑的美女服務員~~原來餐是配飯或粉; 但收費員往往等人客提出要甚麼, 而不是告訴客人有甚麼選擇. 這些小動作也或會成為客人會否再來的因素.黑醋味醂豬軟骨很多配菜很豐富, 和地瓜米粉拌一起來吃, 簡直滋味無窮~~因下了單才改為米粉, 美女侍應也問清楚是否要米粉, 而不是飯 (單印著是飯)收費員說要等15分鐘, 但只等了10分鐘. 這類餸菜都要等15分鐘的話, 就有點那個...

相約一班舊同事去交通方面的黃埔地鐵站附近打保齡，玩完保齡球之後，她們提議到食肆林立的黃埔天地美食坊覓食;無意中發現原來在1/F也有來自台灣的茶木餐廳在此開了分店。裝潢清雅潔靜，環境舒適，燈光柔和。用別緻煲盛載的古早杏鮑三杯雞配珍珠飯，配上菌🍄類、支竹、洋蔥和紅椒，雞肉鮮嫩，珍珠飯粒粒軟熟香口。健康之選是培根樹子炒椰菜花也同樣也選用洋蔥和紅椒做伴菜配珍珠飯。台灣小吃必吃的路邊攤小食，可以吃齊三款不同口味的小吃，包括入味的台灣香腸、台式肉丸和香脆肉嫩的雞扒。餡料豐富和爽彈的櫻花蝦花枝餅香口。精心炮製的糖心蛋是我至愛。香滑且充滿濃郁芒果味的金萱鮮芒果奶蓋冰，甜度也適中。必吃茶木餐廳主打之一的甜品草莓香草蜜糖歐軟磚塊，不單止外型吸引，味道方面也同樣出色 ！

以前喺公司附近有茶木，時常放工同埋同事一齊去幫襯，吹吓水，八吓掛，非常開心。真係三五知己嘅休閒處。現在，轉了公司，已經好耐無去了。今日同朋友在黃埔行街。見到對面馬路，美食廣場有茶木招牌，應該都有一間喺裡面。同朋友就嗱嗱淋過馬路去對面，試吓呢間黃埔茶木得唔得先。我們兩個人叫了4個菜，兩個飲品。有滷水併盤：豆腐，雞翼，溫泉蛋，牛肚，牛展。味道帶甜。豆腐裡面好滑。櫻花蝦上湯娃娃菜：櫻花蝦🦐🦐🦐份量都唔少，部份浸在湯上，部份又鋪在菜上🥬🥬🥬，上湯充滿櫻花蝦味。菜又吸埋湯。一起食。都唔錯。😋💖💖烏魚子元貝手打麵🍜：寫有台灣直送烏魚子，所以試一下。粗麵條好彈口，醬汁好濃，元貝兩面煎香，正。😍麻辣豬珥：豬珥切幼條，食落就無咁膩。我叫左少辣，但仍覺得有點辣。😁高地巨峰烏龍茶：茶有淡淡巨峰果香，與烏龍好夾。而且飲具好靚，一面嘆茶，一面談天，也不錯。佛手柑果茶：甜甜的，鮮果味濃，很易入口。總括而言，茶木仍能保持一貫水準。價錢亦算大眾化。值得再來的。

除咗口罩令, 今日乜令都取消晒, 即刻約兩個老友出嚟傾吓計先.茶木地方闊落, 坐得舒適.好清靜, 啱晒三五知己聚舊.軟殼蟹龍蝦汁手作麵大大隻軟殼蟹, 手作麵好煙靭爽口, 龍蝦汁味超濃.黑醋味冧豬軟骨, 配香軟白飯豬軟骨好淋、好入味, 又夠瘦.佛手柑水果茶, 有柑、鳳梨、火龍果、青檸檬, 好香甜嘅水果茶 有機台灣高山巨峰烏龍茶, 老友平時鍾意嘆茶.木柵鐵觀音珍珠奶茶, 我都係鍾意珍珠奶茶多 d 除咗珍珠, 可以揀寒天 or 仙草.草莓香草蜜糖磚塊歐軟, 粉紅色賣相好吸引 上面係棉花糖、雪糕.由三塊香脆多士層層疊, 第二塊 cut 咗中間嘅麵包出來, 砌粒, 烘好後又擺返好. 整得咁靚, 唔忍心食佢 不知不覺就嘆咗兩個幾鐘, 好開心

細細個時成日食TeaWood，原來佢地紅磡都有分店！我平日晚刻去都好滿座，可見頗受歡迎😆.🍝羅氏蝦龍蝦汁手作麵 $98新新地嘅台南海鮮系列，手作麵口感彈牙，醬汁好濃郁，佢地仲加咗蛋黃營造出漿口感，正！🐮紅蔥地瓜燉無骨牛腩配珍珠飯 $82牛腩炆得幾腍幾入味，牛肋黏口滿滿骨膠原感，餸飯食一流！同埋佢地有個蠟燭令食物keep住熱，有誠意👍🏻🥬櫻花蝦魚湯浸娃娃菜配地瓜米粉 $70娃娃菜清甜唔油膩，櫻花蝦亦令整體鮮度再提升🦐🍢台式烤香腸 $48自家製嘅烤香腸甜甜地好香口，夾蒜片另有一番風味！野飲方面，我地嗌咗養生嘅熱玫瑰紅棗桂圓茶同熱有機臺灣高山茉莉龍珠茶，必須大讚佢地嘅純萃茶，飲落口清香帶花果味，好治癒🍵🥰