茶檔

營業中

休息中

本身都住香港仔，諗住近近地落樓下買下午茶食。點知就勁失望！買外賣都等左20分鐘，侍應重要問返我買左啲咩，之後重要比少左個餐我。其實我一次過落單買左2個餐，佢地又無比飛仔我等叫號碼，又唔記得我叫咩外賣，成件事好呃錢！返到屋企一打開，好真係諗左一諗係唔係雞脾，同埋似係無炸過的雞脾。到啲薯條，完全係油撈薯條蓉，一啲都唔脆！個餐叫炸雞脾薯條，好質疑佢係炸定係將雞脾薯條放落油鑊拖一拖油就算。。。。真係不可一不可再！

快樂茶檔，一個幾正嘅名，朋友介紹， 附近可以泊車！我哋特登幾家人宿營前一齊來試，地方唔吸引，只係一間簡單快餐店嘅格局，摺枱膠櫈，我哋6家人來到，佔咗8成位置！人多嘅好處係，乜都可以試到！牆上食物圖片圖文並茂，特別吸引！大家都選咗自己想食嘅share!食物以茶餐廳為主，但又加了點新碗素！有特色！ 熱檸水：正常唔澀 凍檸茶：夠凍好味！凍柚子蜜：唔會太甜！柚子味清新！ 豬扒菠蘿包：菠蘿包面唔夠脆！豬扒夠鬆軟！加埋蔬菜好味！ 瑞士汁雞翼：雞翼炆得入味，肉質滑！瑞士汁好香甜！ 蜜汁豬肝：蜜汁炆得入味，豬肝爽口！一啲都唔膩！仲好好味！溫泉蛋餐肉牛扒乾撈麵：簡單又好味，牛扒鬆，餐肉煎得香！公仔麵煙韌！瑞士汁牛河：瑞士汁炒得均勻！河粉滑！牛肉正常！溫泉蛋餐肉雞扒撈麵：餐肉煎得香！雞扒juicy, 蛋汁撈麵好食！ 叉燒肉鬆炒飯：叉燒唔算多！炒飯飯粒鬆！但味道唔夠！ 牛扒煎蛋飯：牛扒唔韌，蛋滑！燒汁好味！白咖哩豬扒餐肉湯麵:咖哩汁夠濃微辣惹味！餐肉煎香，豬扒鬆軟唔乾！麵有咬口！ 白咖哩煎蛋雞扒湯麵：咖哩汁微辣惹味！雞扒唔乾有肉汁！麵有咬口！食品好吃，店員態度幾好！欣賞攞碗餐具都好爽手（講真好多餐廳唔想招呼

來到香港仔, 吾想食連鎖快餐店, 就試下間特色小店啦!WALL掛滿食物的POSTER, 設計得好精美, 其實見到都想食餐牌係海報既MINI VERSION選左個和風汁牛肉絲炒鳥冬, 烏冬夠乾身, 吾算落好多油, 質地硬度適中, 我吾鍾意太淋的, SAUCE 已經包圍住每條烏冬, 甜甜地, 幾入味, 唯獨牛肉絲吾夠多, 多啲會較好, 份量吾算太大碟, 岩晒我啦~~

入到去餐廳好好彩唔洗等位，因為見佢本身都坐無虛席！ 一坐低就嗌左蜜汁豬肝，煎蛋豬頸肉撈麵同蛋牛治先講蜜汁豬肝，有驚喜！事關一直都係食粥既時候先會食到，無諗過佢可以以小食既形式呈上，第一口咬落去有少少似食緊鵝肝添！ 第二樣就係煎蛋豬頸肉撈麵，佢係menu上面寫住自己係同新記芝士麵同一班底所以係有d期待的！可惜一食落口就知佢係用印尼撈麵既麵同包粉 即刻扣哂分！所以38蚊一個麵我覺得有點貴... 可取之處就係佢個豬頸肉煎得幾脆口！ 最後就係三文治同凍檸茶， 同街出面果d差唔多啦！ 總括黎講間野係好唔錯的！店內環境ok 食物款式多 所以我一定會再番去！