茶檔

營業中

休息中

喺香港仔做嘢做咗一段時間，基於疫情，經常都會喺附近嘅茶餐廳買外賣返公司食，食過咁多間，就係情有獨鍾呢間叫茶檔嘅茶餐廳。《干炒叉燒河》🐷🔥間舖頭只係小店，座位只有幾枱，但係日日都爆滿坐，嚟買外賣嘅人都非常多。論價錢，呢一間茶餐廳唔係最平，但味道一定係附近之中最好嘅。食過佢幾款午餐，都係情有獨鍾佢嘅干炒叉燒河。食得炒河就唔會怕佢肥膩，反而係怕有啲餐廳用唔夠油炒，而呢度嘅炒河就做到條條河粉都非常分明，唔會好似某啲餐廳咁炒到有啲河粉一舊舊。河粉方面，餐廳用上幼河粉，一般嘅餐廳都只會用呢種幼嘅河粉嚟做湯河粉，但而家攞左嚟炒，反而有驚喜，我覺得仲好食過用粗河粉。至少呢間茶餐廳唔似其他咁誤將貴刁同河粉混為一談。雖然只係小店，但係佢嘅炒河真喺非常夠鑊氣，及得住大排檔，而且佢嘅用料都非常足料，叉燒、韭黃、芽菜、芝麻同蔥全部有齊，連同河粉落鑊大火炒起，香氣十足，就連我附近嘅同事聞到都口水直流。最後再配埋一杯標準嘅港式茶餐廳香滑奶茶，為我整個下午差足電。

快樂茶檔係香港仔都開左好多年，食物質素一直都保持得好好。平時最鍾意嚟呢度食叉燒滑蛋飯，今日唔算好肚餓，但又口痕想食少少野，所以就食咗份量細啲嘅菠蘿豬扒包。豬扒煎得好香，一啲都唔硬；菠蘿包嘅外皮好鬆軟，好香好脆；如果淨係食個菠蘿包同豬扒，其實會幾dry，所以配埋番茄同生菜，會fresh 啲，最正既係入面個醬汁，令成個豬扒包好食左勁多。下午茶叫番個豬扒包配埋杯凍檸茶，夏天熱辣辣，入泥嘆住冷氣咁食，真係一流

快樂總是與我擦肩而過。多少年，沒進來過也沒幫襯過，種種理由；個個藉口。趁今早陽光倒瀉滿地，遲了起床的我，決心突破。拖曳著不聽話的腳步，懶散地移到百步梯口，想嚐嚐小店的名物 - 雞蛋咸牛肉菠蘿包。早餐（$30）包一杯熱飲，駱駝行路，不貴也不便宜，是香港仔街坊小店的一般消費。傳說中菠蘿包是超大個的，但店員送上的，卻只是一個普通小號的包，而神話化的滿滿是蛋；滿滿是咸牛肉的餡料，也令我的心往下沉，雞蛋該有一顆吧？咸牛肉則少得可憐…是哪一回事呀？是昨天民主派初選失利？抑或是庖丁解牛時出了差錯？信心丟了一半，姑且試試。幸福好味道。麵包軟軟的有點塌，一口咬下，先嚐到的是香香甜甜的菠蘿酥皮，再啖到嫰滑的雞蛋，最後是咸牛肉的似有還無…哪既甜又咸的滋味，趕走從前有過的、對菠蘿包的種種陰霾猜想；舌尖上的感覺複雜亦單純；矛盾復一致，口中塞滿包屑；嘴角溢出蛋汁。生命中某天的早餐，好吃！又一個眷戀香港仔的好理由，叫我他鄉走過，記得當初。怎的待在這小漁港30年，箇中多少事…說來話長；話長不說。

身處內街吾顯眼既小店！叫左豬扒菠蘿飽同咸牛肉炒蛋熱狗。先講菠蘿飽，我對吾住塊番茄呀！佢喺中間架！佢真係存在架！你地吾好以為實係太細塊睇吾到啦，錯喇，係個飽太大咋！飽、生菜、番茄新鮮，個飽外脆內軟！我諗淨係做菠蘿油都已經好好食！豬扒都係豬扒無乜驚喜，可能加少少黑椒或者洋蔥會好食啲。反而想講講芥末+沙律醬，個人認為堅好食，實有人會話咪又係現成野咋嘛，咁都要岩比例先得架！我都見到有人話個咸牛肉吾咸，但我反而覺得岩岩好，炒蛋可以生啲就仲好！食食下，見到對家個英式早餐勁吸引又大份，下次一定要試！同埋牛角飽！

長假期， 出街又驚多人，始終都驚武肺瀨嘢， 都係繼續打麻雀之前叫咗壽司， 今日就簡單d食茶記， 附近有呢間茶檔， 就叫外賣~ 之前屋主話佢唔送外賣， 但係而家外賣app有得叫， 咁就緊係叫外賣， 打多幾鋪， 唔駛行去買外賣啦~我地叫咗8 個飯， 連嘢飲，送埋上門， 真係算係咁~ 作為一個雞脾控嘅我， 見到有雞脾， 多數都會揀， 所以我今次叫咗生炸雞脾飯~ 好味！！ 雞脾好juicy 佢個菊花露都好好飲， 估唔到有薑味， 啱晒我~我地又有叫叉燒滑蛋飯， 隔離飯香， 睇樣好吸引， 我諗我下次會揀呢個嚟試我地另外叫咗個豬頸肉芝士撈面嚟share， 個芝士汁好好味呀 一人一啖， 光速清晒總括嚟講都ok, 咁嘅價錢， 連埋嘢飲， 送埋上門， 冇得彈

喺黃竹坑做完嘢就揸車去左香港仔食lunch，唔係好熟香港仔，見到呢間茶餐廳係良心食店，就決定幫襯！店內嘅牆都貼滿左menu，好似全部都好好食咁😍，老細空左一個位出黎，貼上嘅係「願榮光歸香港」嘅月曆😽，唔細心留意都差啲見唔到，好低調嘅一間黃店。👍🏻🐽蒜蓉汁豬扒意粉🔸我覺得份量算細，男仔未必夠食🔸味道正，汁唔會太鹹🔸豬扒煎得好林，唔記得叫碎上添🔸連火腿都好味，本身唔鍾意食，但佢嘅火腿有少少唔同唯獨係檸茶🍋叫左少甜都仲係好甜囉🤣大家一齊撐又好味又有良心嘅黃店，唔好放棄！💪🏻

行完山落到黎又餓又攰，咁岩又到三點三🤤🤤緊係嘆個下午茶啦！舖頭細細，似係做街坊生意既小店😅呢啲時間坐滿人，咁岩有人走左，我地三個就立即狗衝😂😂😂⭐️豬扒菠蘿包⭐️咸牛肉蕃茄牛角包⭐️特濃西多士⭐️紅豆冰黎到啲野係熱既，抵讚👍🏻豬扒菠蘿包賣相吸引，蕃茄生菜流心蛋增添清新感！豬扒肉質稔但感覺太油😌而菠蘿包唔會食到周圍係碎，總體ok la😅牛角包揀左配料係咸牛肉及蕃茄，包都係暖暖地，唔鬆脆，但都ok ge😅反而咸牛肉真係一啲一啲都唔咸🤣🤣🤣只係一pat無味肉碎，同埋有啲唧唔勻既沙津醬🤣呢個真心麻麻地呀～😋西多士熱辣辣炸起，我地揀左糖漿，以為會係另上，之後自己落，點知佢好人到已經幫我地落左，咁樣會浸林左影響口感🥺🥺而且仲覺得太甜呀。中間有薄薄一層花生醬，如果唔係林左，或者會更加分🙈跟餐+$10轉紅豆冰，叫左少甜但依然好甜🤧睇黎平時真係甜到飲糖水咁😂😂😂紅豆大大粒又稔，幾滿足🤪

星期日既早上係香港仔舊大街附近食個靚早餐。叫左呢個歐陸早餐。價值$33有啲咩食呢？我叫左吉列魚柳。本來expect有茄汁焗豆同埋燒番茄同腸仔的，如果唔係邊度叫歐陸早餐呢。不過$33包野飲都唔應該期望有太多花款。黎到係一大片蘑菇炒蛋，一細個牛角包，仲有主角炸魚柳。牛角包係莫名其妙地切開左一半，想問可以夾啲乜落去？個炒蛋點解好似煎蛋咁咁平既？炒蛋（即scrambled egg)唔係應該一團團？唯一正常係魚柳，配Egg Mayo算既脆幾好食。野飲叫左熱鴛鴦。正常茶記質素。

我愛到屋邨茶檔，感受那份獨有的鄰舍人情味，很有親切感。懷舊常餐 $39火腿奄列及牛油多士－蛋漿處於仍未熟透的狀態，保持嫩滑質感。多士烘烤至完美的金黃色，吃一口鬆軟的麵包，聽著夥計與熟識的街坊打招呼，讓心裡暖暖的。豬扒福麵－豬扒厚度適中…為何我於食評中經常提到食物份量？因現時租金高昂，餐牌上的價錢大部份都是用來付租金的，食物份量及質素就相對下降了。所以「份量」這項目也是一間餐廳是否「划算」的衡量條件之一。現時供應福麵的餐廳不多，我看到後想也不用想便選了這麵底，吃的是那份「懷舊味」、兒時回憶味。麵質比最有名的那日本即食麵牌子軟，湯底味道也較傳統，就是味精湯啦，哈哈！奶茶－是我愛的濃厚奶茶阿！靜止一會，表面就像雙皮奶般會形成一層「奶茶皮」的。我愛挑起它來吃掉！你是否也懷念這些舊式茶檔風味呢？餐牌

午餐黎食過兩次,一次食豬頸肉芝士撈麵,另一次食椒鹽豬排飯.豬頸肉芝士撈麵真係麻麻,個芝士有d怪,份量又細,重寫到話推介.椒鹽豬排飯就好d啦,幾香口同幾大份,雖然感覺上偏油.

星期六跟好友行完山，落到香港仔搵左呢間茶檔食少少野。我地一人叫左一個炒蛋煙肉菠蘿包餐，第一次食有餡料既菠蘿包，熱辣辣新鮮，幾特別幾好食！仲有杯野飲跟埋，凍飲加3蚊。另外我仲叫左碗火腿通粉，略嫌過鹹，但味道還是不錯的，仲有幾條生菜。值得一提的是，店主好好禮貌，同埋見我帶住bb都會問我驚唔驚啲通粉唔夠淋（因為有比bb食），好貼心。

住香港仔真有口福，好味魚蛋唔使講，仲有呢間的瑞汁大雞肶，真係羨慕死人咩！蔥油瑞汁大雞肶飯：大大碟，熱辣辣、蔥油好香唔咸，隻雞肶大過塊面。肉質堅實好新鮮，好入味，瑞汁唔杰好惹味，真係想𡃤埋隻碟！奶茶紅豆冰：好飲唔太甜，兩樣嘢好夾，下次試咖啡版，再下次試鴛鴦版！一定再來食

今日喺灣仔行山行到去香港仔， 本身想食艇仔粉， 但原來星期日冇開， 打開openrice搵附近最近嘅餐廳， 發現到呢間快樂茶檔我哋3個人，叫咗1個2號餐，1個3號餐，1個 黑椒乾炒牛肉意粉 ， 呢個熱奶茶，一個正常嘅紅豆冰 同一個依度出名嘅招牌奶茶紅豆冰黑椒乾炒牛肉意粉好有鑊氣， 午餐就比較普通 ， 2個都係黑椒汁意粉， 只係豬扒同雞扒嘅分別我自己飲普通嘅紅豆冰，要加九蚊， 紅豆煮得好林， 我自己就覺得好好味我朋友飲熱奶茶， 佢話呢度嘅奶茶有90分另一個朋友就飲紅豆冰奶茶， 佢話冇諗過個未到咁夾，都好好味呢間快樂茶檔 地方好細， 得幾張枱， 食完之後門口好多人等位，我地拿拿聲就走啦

叫了瑞士汁牛河卻來了干炒牛河, 但唔肯換不特止, 後尾仲夾硬話其實係瑞士汁喎...其實係咁o既...本身呢間食肆其他食物我覺得其實都算ok (唔係話超好食但又唔差), 個豬扒菠蘿包都叫做有d gimmick, 但到加單想叫個瑞士汁牛河食...點知食咗第一啖發現根本無瑞士汁味...其實無理由瑞士汁同干炒個汁都分唔出, 瑞士汁甜好多嘛...於是同落單個阿姐講, 佢話: "啊, 咁呀...可能錯咗, 不過你要唔要呀? 不如照食啦!" 我心諗: "咁都得? 我本身見佢話瑞士汁雞亦出名, 但唔想食雞亦咪照叫個瑞士汁牛河試吓, 你炒錯咗換都唔肯換?"...跟住我哋話都係想食瑞士汁...佢先好不願意拎入廚房, 點知隔咗一分鐘出番嚟, 夾硬改口話: "哦, 唔係...原來呢個係瑞士汁...!"嘩, 你有無風趣d...頭先自己都認炒錯啦, 點可以隔一分鐘想屈人食咗你炒錯碟嘢夾硬話係瑞士汁...呢種手法唔要得喎, 無論你幾好食都係咁話 (何況只係普通質素唔算好食)...一睇個顏色再食第一啖都知錯咗啦...錯咗唔認仲要逼人幫你食咗炒錯嗰碟嘢, 食到一肚氣呢d真係無論幾好食都唔會再encore! 

非愛喝凍檸茶的我，差不多走遍港九新界，也找不到一間合口味的。現在竟然可以在我家附近的茶餐廳找到！太幸福了！😌凍檸茶不用叫少甜，因為甜味適中，而且夠茶味。😋茶檔老闆非常細心，我是熟客，每次一踏進店舖，未點餐已經為我送上一杯涼涼的凍檸茶了！超讚！👍🏻👍🏻瑞士汁雞肶飯超級正！大大隻雞肶非常入味，還配上可口的蔥油，非常惹味！還有叉燒滑蛋飯丶紅菜頭沙律，也令人再三回味！茶檔已經成為我的飯堂了！😊