茶檔

營業中

休息中

老公話帶我去香港仔試下間茶檔，話食完實會有驚喜。呢間茶檔係近去田灣嘅樓梯附近，門口唔算好特出。坐低睇下個餐牌，我地各自好快俾兩款野食吸引左啦！老公叫左生炸雞脾飯配蒜蓉汁，雞皮炸得香脆，雞肉算嫩，有肉汁，而個蒜蓉汁充滿超多蒜蓉，非常濃味，食完包會🙊我就叫左芝士豬扒煎蛋撈丁，芝士汁算幾香滑，出前一丁係爽面，食落唔會覺得膩，不過豬扒煮得有點過火，有點偏硬。兩款野食都包一杯飲品，奶茶不錯。呢一餐整體嚟講都唔錯呀，價錢唔貴，店員嬸嬸亦好友善呀。

聖誕假期風和日麗，輕舒腳步走了一段香港仔水塘郊野公園，落到香港仔來一個下午茶。發現大部分都是集團式茶餐廰，等同要吃中央廚房（工廠流水作業）製造，很難吃到真正廚師手藝。找了很久，很不容易才在山腳口找到這間小店。點了兩份下午茶。星洲炒米：簡單材料，包括义烧，洋葱，芽菜，火腿，...。咖喱味道不错，只是炒得还是不够乾身。豬扒菠蘿包：首先菠蘿皮夠香脆，麵麭新鮮又軟熟。主角豬扒肉厚腍滑又大件兼帶点肥，煎香後仍然保留肉汁，配料有蕃茄、生菜和沙律醬；食落非常有滿足感。

呢間野換左手之後門面差不多，但食物進步左。就算係一個小小既茶餐一隻炸脾都頗出色，食得出有心做。比以前加左少少價，但物價上漲冇辦法。40零蚊黎講算合理，頗親民。叫左滑蛋叉燒飯，賣相唔錯，可怕碟頭較細，女士岩哂，男士或者發育中既青少年要打孖上。叉燒屬正常出品，蛋都係。最正係配料，蔥油好香，個是油都係，好香好野味，本身一個普通既飯就係咁升左幾個層次，有心就係呢d。雖然上野食比較慢，但店員不斷主動幫手跟，我冇吹佢，係佢主動問，幾好。可惜地方依舊迫d。總結：有心做既街坊食堂，價錢親民，食品有質素，可番食。

在香港仔近田灣村的一角，有一間簡約的茶檔，眼看好像賣著普通食物，但看著餐牌卻發現此地也有不少特色小吃，例如cafe式的全日早餐，芝士汁溫泉蛋撈丁等，而本人亦一嘗介紹多時的豬排菠蘿飽。不只是有豬排一塊，香脆的菠蘿飽也包含著蕃茄生菜等蔬菜，除了這種清新感覺，本應是甜的菠蘿飽亦塗上沙律醬/蛋黃醬作調味，兩種滋味卻能收互相協調之效，配合香煎肥美的豬排，飽滿之感充斥口腔，倍感疲倦的身軀添上能量。除了豬排，亦有其他例如餐蛋等菠蘿飽配搭，但要注意雖然菠蘿飽的多種配搭陪感滋味，若叫豬排的話，是頗為大塊且沒有切骨，也有一點肥肉，大家都可按自己喜好做出合適的配搭，享受屬於自己的菠蘿飽。這裡的員工亦很好，多次主動問我要否加水，點綴充滿陽光的下午

某個周末，獨自到香港仔辦事剛巧想吃All-day breakfast之類的東西，奈何香港仔的Café實在少之有少（其實香港仔有Café嗎？=0=）後來想起有間茶餐廳有「All-day breakfast」，便決定再次光顧位於香港仔舊大街的茶餐廳 - 茶檔已試了好幾次，食物質素不錯由於事隔一段時間，餐牌可能跟現在的有所不同價錢亦可能有出入午餐也有不少選擇，都是40多元，是合理價錢每次到茶餐廳，都要點奶茶總覺得奶茶是評價茶餐廳優劣的重要指標，哈！茶檔的奶茶不算太差，茶味及奶味適中雖然茶檔的英式早餐不及Cafe的貌相精美但食材也有蛋、腸、茄汁豆、煙肉及薯餅等等，十分足料建議牛角包要轉多士，因為牛角包質素一般酥皮表面不夠香脆，牛油味不足而且略嫌整個英式早餐的油分太多（但應該是大部分英式早餐的通病吧？）雖然對牛角包及用油量有點意見，但我認為這算是抵食英式早餐只需HK$39有如此質素，絕對是合格有餘同場加映之前在茶檔試過的東西先有奶油脆豬，烘得金黃，外脆內軟奄列餡料有芝士、煙肉及火腿沒有驚人的「拉絲」效果，但也能在口腔感受到半溶的芝士蛋沒有煎得太老，亦沒有「油溢」味，感覺不錯爆蒜椒鹽豬扒飯蒜粒炸得

第一次，沙爹牛肉米，完全無沙爹牛肉，唔比咗咩，伙計分別唔到，就比我拎走；第二次三次；芝士腸，又比咗其他嘢，三次都回公司才發現，不能追，所以之後決定不再幫襯佢，食不到自己想要嘅嘢，失望

難得平日放假，下午茶時間緊係要食個tea啦！雖然唔係好肚餓，但係都心思思想黎食個豬扒包，好似上左癮咁！😂😂😂下午茶餐，菠蘿豬扒包，包飲品，31蚊唔算貴！個菠蘿包睇到都流口水，熱辣辣，個皮又脆脆，好正！裡面夾住塊豬扒，兩片蕃茄同生菜，一D都唔油膩，仲好fresh添！😋😋😋如果塊豬扒走埋骨仲prefect! 除左下午茶時間，試過朝早想食豬扒包都有得食，不過冇餐，只有散叫，29蚊。下午茶包埋野飲就抵D啦！不過如果癮起就冇辦法啦！🤣🤣🤣

睇個menu 睇得好開心，好多香港人鐘意的食物（有點罪惡的食物）！有牛角包、菠蘿包三文治、厚西多，仲有芝士撈面、溫泉蛋撈面......最後點左豬扒煙肉蛋菠蘿包同炸脾+茶走。炸脾食得出真正生炸，皮脆有肉汁，無雪味，醃得很有層次，又香又惹味，仲難得炸得熟（切開好怕見血）。奶茶非常出色，雖然叫茶走，但係唔會過甜，非常滑，after taste 無苦澀味，唔似浸左成日果d茶。招牌豬扒煙肉蛋菠蘿包，港式味十足，豬扒夠冧，炒蛋熟得剛剛好，加兩塊蕃茄係入面，真係好食到不得了！繼續支持小店！

豬排菠蘿包 $28Pork Pineapple bun呢個菠蘿豬排包, $28我覺得已經定價偏高...如果好食都算啦, 點知上到來見到個樣, 心都沈一沈, 同之前人地post 既未免相差太遠了吧? 😨😨咬落去, 菠蘿包極唔新鮮, 上面腍哂... 中間塊豬排只有薄薄一小片, 得包既2/3左右, 蕃茄同sauce 都消失左. 野飲仲要散叫, 一杯要成$16😑😑 食完真係唔方唔快樂🌚🌚

餐蛋菠蘿包 $26好正呀！好正呀！好正呀！ 重要既野要講三次 如果你又鍾意食 菠蘿包 又鍾意食 餐蛋治，咁我推介你食呢嗰菠蘿包我一向都係菠蘿包控😍，只要係有菠蘿包我就會搶呢間茶餐廳既菠蘿包水準真心唔錯👍，🍍包夠曬牛油香脆、熱辣辣午餐肉有兩大塊😆，炒蛋好滑，極具蛋味😋唔好睇呢嗰菠蘿包得咁少野驚食唔飽，其實食佢好飽好滿足

炒蛋餐肉菠蘿包.用菠蘿包夾著炒蛋和餐肉😈 炒蛋嫩滑 而餐肉已經煎香 微微香脆 本身已是不敗的配搭!😋 菠蘿包經烘熱 質感鬆軟 上面微甜的脆皮與咸香的餐肉交替 簡單卻是一流的滋味😍

香港仔好似一個自成一角嘅小社區咁，倒模式大型商場欠奉，但就出現好多…主打街坊生意，充滿人情味嘅小店食肆！其中呢間喺舊大街嘅茶記 ，就發現咗個好出色招牌豬扒菠蘿包…新鮮菠蘿包做香脆，入面有蕃茄、生菜、煙肉、煎蛋…仲有塊超厚身肉質嫩滑Juicy香煎豬扒，面頭仲有芥辣同沙律醬，份量超大件 而且勁足料！如果嫌佢太大份，仲可以自由配搭入面嘅配料，跟餐都係$26起！賣相可能唔會特别砌到好靚，未必滿足到一班相機食先嘅ig foodie ，但味道就攞足滿分，好食過好多出面嘅茶餐廳，而且老闆勁nice勁好人，吸引咗好多街坊熟客仔幫襯！

隱世懷舊小店之新潮菠蘿包，夾乜都得你話事！菠蘿包非常外脆內軟，香甜酥化的外層，加上豬扒鬆嫩多汁的肉感，一般的豬扒包都完全比下去！唯一缺點是連骨豬扒太大塊，吃起來有點狼狽呢！若不喜歡豬扒，你還可以自選你的煙肉鹹牛火腿蕃茄芝士炒蛋菠蘿包！雙拼連飲品，全日都只是$25，有得輸嗎？如果華嫂咁隔涉又要排隊你都肯去，咁香港仔其實好近姐。豬扒菠蘿包 $25

星期一假期的下午，來到香港仔，沒有預設的節目，也沒有預定要吃甚麼，於是走到了快樂茶檔，食番個下午茶。茶檔沒有甚麼裝修，只是一間似是茶餐廳的茶檔，當走入了這茶檔的時候，這裡的店員與食客，似真的很熟悉，看來亦是做街坊生意。看看餐牌上都是以粉麵飯為主，亦有三文治和小食。在沒有河粉情況下，點來一客瑞士汁干炒牛肉烏冬。瑞士汁也許就是甜醬油，把牛肉和烏冬炒得烏卒卒，這碟每一條烏冬沒有是白雪雪的，而牛肉也是吧。當每吃一口烏冬和牛肉，都是帶有甜甜的味覺沒半點兒鹹味，而牛肉的軟腍烏冬的彈牙，都不錯吧。餐飲熱奶茶，具備了茶香茶味和醇厚，沒有加上包裝糖，可以喝到茶的原味。小小餐室，也許多了一份人情味，街坊與店員的熟悉，或者可見一斑，亦可能因為這樣，店子取名快樂。

雖然小店地址是舊大街，但其實位於舊大街附近的樓梯側，走進舊大街的話是找不到的。店鋪外表平平無奇不起眼，與一般舊式茶記無異，但當你走進去，就會發現，菜式新潮，連年輕店主都親力親為！先來的當然是飲品，由於天氣冷，我們都點些熱飲。熱奶茶超乎一般茶記水準，非常香滑，甘而不澀！而熱菜蜜則比一般的要更重蜜糖味，會稀為甜些。懷舊小店有新潮菠蘿包，夾乜都得你話事！菠蘿包非常外脆內軟，香甜酥化的外層，加上豬扒鬆嫩多汁的肉感，一般的豬扒包都完全比下去！唯一缺點是連骨豬扒太大塊，吃起來有點狼狽呢！若不喜歡豬扒，你還可以自選你的煙肉鹹牛火腿蕃茄芝士炒蛋菠蘿包！雙拼連飲品，全日都只是$25，有得輸嗎？如果華嫂咁隔涉又要排隊你都肯去，咁香港仔其實好近姐。除了有豬扒菠蘿包，還有日式溫泉蛋配港式印尼撈麵！🤘🤘營多友！撈麵火喉控制得好，麵身仍有嚼口，溫泉蛋更是茶記以外的水準！切開後蛋漿緩緩流出。配以特別香的脆皮紅腸及脆嫩雞扒，很不錯的！蜜汁豬肝是這裡最富特色的食物！誰想到茶記竟然賣豬肝？雖然不是鵝肝，但一大碟上來，價錢便宜，想吃鵝肝但銀包乾涸時，這個絕對止癢！蕃茄薯仔湯麵，湯底是自家真材實料熬煮，而不是茄膏、果精，很有