茶泰 (健威坊)

營業中

休息中

每次行過茶太呢間餐廳都會見到有好多人排隊。所以好幾次想去試都一直未有機會。今日就喺OpenRice嗰度見到佢有外賣自取，款式選擇都幾多，又唔駛去到現場排隊，咁我就訂下啦。最後我揀咗呢菠蘿炒飯，喺OpenRice上面顯示要30分鐘先有得攞，不過其實我早左到都已經有得拎。呢個餐$68，除咗個飯之外，仲有一杯奶茶，個奶茶味道同一般港式奶茶有啲唔同，我相信係泰式奶茶，比較香唔甜。味道都好吸引。至於個炒飯材料非常之多，基本上每一啖都有海鮮，亦都有啲菜，份量亦都非常之充足。作為一個平日返工嘅午餐，我覺得呢個算選擇都唔錯。我下次會試吓佢嘅咖喱炒金邊粉，應該都唔錯，亦會試下堂食，望落間舖幾乾企理，坐係入面食應該唔錯。

泰式船河真係唔係每間泰國餐廳都會有呢碗cha tai 船河係我至愛😋如果去北角我都會食👍船河勁足料！有扎肉，生牛肉，牛丸，豬肉丸同豬扒而且仲有脆卜卜既炸豬皮😆😆一著河粉加埋啖濃湯🤤無得輸My favourite 🥰不過由於北角附近無咩街行,所以作為新界友既我真係未必會特登出去食🙈

水門雞🐔 油飯油飯味道濃郁，好味ge飯量對我黎講有d多雖然我覺得有d鹹雞肉嫩滑！醬汁份量剛剛好湯份蘿蔔好好味～整體感覺不錯可惜唔係泰奶價錢適中lunch time都要排隊等位

下午茶好好食好抵食！連星期日都有下午茶。原諒我肚餓到唔記得影相。我叫左輕量生牛肉船河，唔辣，湯底入味，仲有炸豬皮，輕量的只是河粉，但牛肉片有5-6塊！呢碗麵好抵食！友人叫左輕量豬扒船河，香茅豬扒有3大塊！豬扒入味，又淋又鬆化，好食！輕量驚唔飽，小食叫左牛油雞翼，好香牛油味，炸到金黃色，外脆內多汁，鬆化好味！杯裝芒果糯米飯，好迷你，但作為餐後甜點 份量足夠了。同出面食到的椰汁配糯米飯不同，這杯只有芒果蓉做topping, 但芒果蓉酸酸甜甜，配合糯米飯也是一流！雖然飯底非常結實。總結，我會多d 幫襯，真係好好食同好抵食！

一直都覺得呢間既下午茶好平好抵食 雖然份量係輕量啲 但味道真係唔差 幾滿足😀(茶)輕量泰國臘腸扎肉雞粒炒飯 $38炒飯粒粒分明 唔會太乾太濕 泰國臘腸肉又非常惹味 加埋啲蔥粒調味簡直一流(茶)輕量泰式咖哩炒金邊粉 $40味道濃、超多料！ 札肉、蝦肉、洋蔥、蛋，再加埋惹味咖喱，個味道少少似星州炒米feel，但金邊粉麵質比米粉較硬身，幾鍾意金邊粉既質感下午茶餐都會跟野飲，熱飲唔洗錢，凍飲加3蚊，但相當大杯😀凍鴛鴦熱椰香咖啡兩杯都會有咖啡粉碎擺面，香濃細滑😋

是日泰一泰叫咗個二人套餐都好抵食148包2款小菜 2碗飯我哋就叫咗水門雞有半隻 雞肉都好嫩滑另外雞皮都好香好彈分量雖然唔係話好多 不過勝在真係幾好食同埋原來水門雞同海南雞嘅分別在於水門雞係用甜豉油醬汁而海南雞就係酸辣汁另外我哋仲叫咗個鐵板煎蠔蛋豪都算新鮮 唔會有腥臭味煎蛋唔會太油另外套餐可以追加湯加$10就可以叫到椰子燉雞湯超重椰子香味 仲有啲椰肉喺入邊 呢個$10好抵呀一定要追加 同埋唔算好多味精 食完唔會口渴另外仲叫咗個燒豬頸肉豬頸肉半肥半瘦 爽口彈牙 點埋甜酸醬非常開胃仲有啲炭香味題外話叫套餐可以半價係杯嘢飲我就嗌左凍鴛鴦$10都幾平

呢間泰菜係自助落單，scan QR就得, 好方便! 👍👍👍我叫咗午餐set〈香茅雞扒配脆邊煎蛋飯〉，老實講有d失望!唔知係唔係整定有關，好快就已經送餐過嚟! 但係隻煎蛋熟到呢，有d難食囉! 塊雞扒就ok，不過不失啦! 😜😜😜食完行出嚟，先留意到原來近門口有一排display柜，放咗好多泰國食材/食品/醬料可以買，呢樣要加分! 食完shopping 埋都幾好喎!👏👏👏

呢間泰國菜望落都幾好食... 午餐價錢都ok... 一於入去試吓!呢度係自助落單... 只要scan QR就可以order! 我叫咗午餐set【泰式咖喱炒金邊粉】... 唔駛幾分鐘炒金邊粉已經送到嚟... 上枱速度奇快!🤭🤭🤭 色水同味道都唔錯... 非常惹味... 而且份量亦夠!👍👍👍 不過... 杯飲品【芒椰西米冰】就... 到食完先到!🤣🤣🤣 其間真係幾口渴!🙊🙊🙊 如果上飲品嘅速度可以改善吓就好la!

雲南米線專門店多但泰式粉麵店好似少啲同媽媽食下午茶呢間平平地可以一戰睇名睇相真係幾吸引上到枱果刻都依然抱有希望因為超超超大碗我叫左個喇沙香茅豬扒麵一飲落去唔覺得係喇沙味只係一個好濃嘅湯啲豬扒都幾咸而且切得唔好好多碎骨唔太適合小朋友老人家同埋點解個粉咁搞笑一半係米線一半油麵？泰國係咪都咁食架？我真係完全唔知冬陰功湯底係好好多嘅起碼個味都似返先牛油雞翼炸得好熱好香脆個外皮的確唔錯入面嘅肉雖然嫩可惜無咩味得個皮有味鳳爪都幾好食全餐最正居然係杯凍奶茶好滑有茶味又夠香甜如果有機會再幫襯絕對唔會再叫喇沙湯底不過我都明白咁嘅價位唔應該expect啲咩

今日下午經過健因我威坊，行到茶泰餐廳便去食個下午茶☕️揀咗香茅雞髀和炸薯條🍟再以優惠價$10加一客椒鹽炸豬皮，豬皮炸得剛剛好，而且又脆脆，香茅雞髀和個薯條也炸得剛剛好，非常好味道！

傳統新派兼備的「茶泰」，炮製出正宗味道又能滿足港人口味的泰國美饌午餐時間經常都大排長龍，今次難得唔駛排隊，點都要試下佢既味道食品方面:泰式咖哩炒金邊粉 : 炒金邊粉有口感入味，味道偏辣，加上其他配料，辛辣惹味椒鹽炸豬皮 : 炸豬皮灑上椒鹽同辣椒粉，香脆可口

見商場新開既泰國餐廳🍴諗住快食，點知覺得好有驚喜！！我地係星期日晚餐時間，唔洗等位直接walkin 點左三個送。1. 豬頸肉 （$3X）超級抵食！上盤有個熱個鐵板keep住豬頸肉熱辣辣，雖然唔厚但好彈牙，調味都唔錯，超級有驚喜！👍🏻👍🏻2. 炒pad thai個麵偏辣，香料味幾特別，而且都係熱辣辣，味道中上👍🏻3. 豬排喇沙麵個湯好夠味，豬排就普通無特別，份量都適中，比我預期出色！最後我地都有價錢點左野飲，普通茶餐廳指數，奶茶咖啡都ok👍🏻

Cha Thai is a Thai restaurant part of a larger group of restaurants best known for serving cha chan teng food. But now they've ventured into Thai and there are several restaurants in malls around Hong Kong.Seating is very spacious and far apart so you don't feel cramped. They have a wall of Thai food items for sale. Things like chips and spices. I wonder does anyone really buy anything? I saw many take a look on their way out to pay.During tea time, they offer only a tea time menu. Menu is in En

見到呢間野好多人排隊，結果吸引到我呢個排隊黨去食😍雖然話要排隊，但其實5分鐘已經可以入座🥰🥰🔸生牛肉扎肉船河🔸$56一開始俾佢個餐碗嚇親，因為都比較大，而且有啲仿舊效果，感覺餐廳嘗試營造泰國特色風味，船河湯底濃郁，面上嘅豬皮脆卜卜，浸左落湯底就會比較Un難咬啲，生牛肉同扎肉恰到好處，配上河粉味道好夾，值得再嚟食😍👍🏻環境方面，感覺餐廳想打造Vintage x Thai feel，但係可能因為今次搭枱，感覺好似茶餐廳咁，抵讚嘅係門口仲可以買其他泰國醬料以及肉類返屋企烹調，價錢適中，將美味帶比屋企人分享

5：50坐低諗住未夠鐘叫晚餐就等左一陣～期間隔離檯已經話張單等左20分鐘😑～心知不妙。。6：05夠鍾就即刻落 order, 等到6：30都未有野食已經又知出事～原來真係漏單。。