茶跡 (已搬遷) 新店位置

尖沙咀韓國街原來開咗間飲品店叫「茶跡」，天氣開始熱，嘆番杯冰凍茶飲真係一流。餐廳飲品種類都幾豐富，除咗醇茶、奶蓋之外，還有近期大熱的手打檸檬茶！此外店舖還設有茶座，可以堂食，更有小食供應！整間店舖都充滿了油炸味道，令人食慾大增😆🥤奶蓋烏龍茶 $28奶蓋都幾濃厚，配上冰凍嘅烏龍茶，解渴一流！而烏龍茶底都唔錯。🧋芒果益力多 $28非常多料，除咗有芒果肉還有爆珠，好有口感。味道係益力多的味道，當然會比較甜，如果鍾意飲甜野嘅人會好鍾意。

琴晚同朋友喺尖沙咀附近食飯，去到韓國街附近發現呢間小店～天氣咁熱，買杯凍飲真係救人一命😆😆我地試左：🍹招牌手打香水檸檬茶 少甜果然係招牌！ ！ 香水檸果皮輕薄，果香清新，以搗爛手打榨取檸檬汁，加上香甜既椰果，唔加任何添加劑，真係好健康同新鮮！茶味同檸檬味好夾，我唔中意飲太甜，所以微甜啱啱好，飲落去好舒服，又解渴！🍹金萱烏龍奶茶朋友係個螞蟻人～ 平時叫台式飲品已經好鍾意，叫多甜🤭今天禁止🚫！ 嘗試要佢健康少少～她說regular 的甜度勉強可以接受🤣（大家可以省略呢句🤣）茶底香濃，入口順滑！奶同埋茶的balance 做得啱啱好！ 餐廳除咗飲品之外，仲有小食，環境幾舒服～可以坐低打吓卡！門口仲有兩隻大大隻公仔，超可愛(⁎⁍̴̛ᴗ⁍̴̛⁎)在我們由韓國街行到厚福街～兩杯嘢飲已迅速見底( ´▽｀)

係韓國街買完嘢食, 天氣咁熱就想搵個地方涼冷氣坐低飲杯嘢, 就比我見到原來附近就有間茶飲店, 竟然仲有位坐, 啱曬我地啦, 係歇腳嘅好地方👍除咗有飲品賣之外, 仲比一般茶飲店多咗小食同糖水賣, 所以我都加咗份小食同朋友邊食邊飲返杯先😀🔸️招牌手打香水檸檬茶寫住係熱門推薦，排行榜首, 就埂係嗌杯試下先, 店員即場制作, 樁碎檸檬果肉, 釋出檸檬香, 仲加入咗椰果，咬下去帶甜味, 中和咗檸檬嘅酸味, 飲品夠曬冰涼都幾解暑🙂🔸️大甲芋頭鮮奶 朋友試了芋泥系列, 話芋頭份量都幾多, 入面仲有芋頭粒粒, 飲完都幾飽肚☺️🔸️一口炸花枝丸一份有5粒, 夠熱辣辣又彈牙, 配埋芥末醬食, 口痕之選😉

平時飲開珍珠奶茶，沙冰感覺悶悶地。今日係尖沙咀行街食飯，經過見到呢間新開嘅台式飲品店，門口仲有2隻大大公仔🧸好吸睛。除咗主打手搖飲品，仲有小食同糖水選擇～仲有幾張枱提供堂食。行街行到攰又想舒舒服服坐低飲杯嘢，確實不錯！🍋招牌手打香水檸檬茶 $36🍑手打檸檬蜜桃茶 $38Top1️⃣人氣招牌飲品，我同朋友都選擇手打檸檬系列🍋香水檸檬茶好特別，散發一種獨特香味，有點似香茅味，相比一般檸檬茶更清香，甜度適中，以四季春作茶底，好清新！呢排天氣熱🔥解渴一流，配料加上Q彈椰果粒粒，更有咀嚼感。

係最近大熱的香水檸檬手作檸檬茶啊～尖沙咀都有，唔洗排成個鐘先飲到尖沙咀茶跡係正加拿芬道後面韓國街，買完杯野飲坐係餐廳休息下都不知幾soft~又有冷氣嘆，又有應援，天氣熱買番杯手作檸檬茶都咪話唔解暑。-茶聊的手作檸檬茶，用上香水檸檬現打現磨，香水檸檬比黃檸檬，酸度鮮明，粒粒果肉不會澀，招牌手打檸檬茶鮮酸開胃，茶香十足，清爽的檸茶味覺加倍，清醒提神！✨ ...-仲有另一款芒果益力多都係大推嚴選新鮮芒果，把芒果打成汁，再配搭益力多，底下仲有粒粒爆珠，酸香醒胃！🥰🥰易入口味道不錯

-🍴🍽🍴🍽🍴🍽🧋🧋🧋🧋🧋🍴🍽🍴🍽🍴🍽食完飯覺得好餅，就喺尖沙咀閒逛消化下。行到韓國街見到開咗間新新地嘅茶飲店，門口有兩隻「門神」坐鎮，店舖亦有幾個座位俾客人坐低邊傾邊飲，亦可於嗌埋佢地嘅台式小食過下口癮😋。🥢招牌手打香水檸檬茶 $36 🆙第一次聽呢款喺香港好少見嘅香水檸檬。佢嘅學名叫枸櫞，香味比普通檸檬更出，聞落有少少香茅味。檸檬茶係即叫即打，檸檬味濃郁又唔會好酸，茶底方面用左四季春，冇苦澀味，加埋椰果感覺好清新😋🥢白桃益力多 🆗益力多乳酸味幾濃，就算走左甜都有益力多嘅甜味，甜度岩岩好，加左爆珠個口感更加豐富👍🏻。-🥸評價 𝗥𝗮𝘁𝗶𝗻𝗴𝘀🥸食物 𝗙𝗼𝗼𝗱 8/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 7/10服務 𝗦𝗲𝗿𝘃𝗶𝗰𝗲 7/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7.5/10整體 𝗢𝘃𝗲𝗿𝗮𝗹𝗹 7.375/10-🍴🍽🍴🍽🍴🍽🧋🧋🧋🧋🧋🍴🍽🍴🍽🍴🍽-🗺茶跡 (尖沙咀)尖沙咀金巴利街3號金利大廈地下A號舖-#bakdiu尖沙咀 #bakdiu台式 #bakdiu茶飲

晚飯後喺韓國街發現一間手搖飲品店好抵飲。平均都係20幾蚊一杯！開頭以為20幾蚊應該係中杯size，估唔到兩杯都係大杯裝😋我點嘅係招牌手打香水檸檬茶， 香水檸檬味道似青檸，果肉大粒而唔會過份酸澀。睇住店員即切同樁碎檸檬果肉，配上清新茶底，味道開胃清新，我特別叫左無糖，加埋椰果飲甜度剛好好啱我😋😋😋男友點左奶蓋烏龍茶，只係$28蚊，超抵飲！茶底香濃，並冇因為價錢而沖淡，面層嘅奶蓋好綿密，帶少少咸香而且唔漏😋😋

茶跡係尖東站附近，交通方便，店內環境舒適，仲有幾個打卡位，仲有幾張枱可以坐低，播住歌，氣氛非常chill! 試咗佢哋嘅招牌手打香水檸檬茶。茶跡嘅茶飲都係手打架，唔加任何添加劑，真係好健康同新鮮！可以要求唔加糖，去冰，內有新鮮椰果肉，非常清新爽口。茶味同檸檬味都非常搭配，唔會太甜，飲落去好舒服，又解渴！除咗茶飲，我仲試咗佢哋嘅小食炸豆腐。炸豆腐外脆內軟，配埋芥末醬，好惹味！熱騰騰嘅十粒只係二十五蚊，物超所值！下次想再試其他小食！

手打香水檸檬茶喺我哋試過嘅茶舖中絕對係頂級！杯裏面有新鮮檸檬肉同埋檸檬皮，加埋清新嘅香水同冰凍嘅茶底，真係味道清新怡人，飲落去好舒服。而且佢哋用嘅茶葉質素都唔錯，唔會苦澀，反而飲落去有淡淡嘅茶香。 除咗手打香水檸檬茶之外，我哋亦嚟試咗佢哋嘅珍珠鮮奶茶。呢一杯茶就係一杯經典，茶底係用烏龍茶製成，加上新鮮鮮奶，飲落去有稠稠嘅口感，奶香同茶香混合落去好香濃。珍珠都煮得剛剛好，有彈牙嘅口感，同埋未煮過爛，真係好好味。

今日喺尖沙咀行完街，經過見到好大間手搖店😍 裝店內潢好靚 好有特色，一於試下~ 主打香水檸檬茶系列，仲有多款小食😚 店內有位置坐，方便客人 可以坐底舒適飲返杯~ 一人消費：$36 🫧不設加一服務費🫧💖💖💖食評💖💖💖招牌手打香水檸檬茶 ($36)✨ 可選擇甜度、冰度店主推薦一試，果然好味！香水檸檬味道比起一般檸檬更香甜，飲落好清新，酸酸甜甜，消暑解渴，啱曬夏天飲😋 再加上杯底好多椰果，口感好豐富😚

尖沙咀就是美食的集中區，放工約朋友吃飯，時辰又未到，行行走走，在鬧市的周邊，發現Anson Lo…poster😂作為鏡粉，怎樣都入去走走，一個大大的公仔最吸晴，原來這是一間手搖茶專門店，他不是普通一間外賣店，可以堂飲亦都有小食。鈴聲響起，朋友打來說口渴「有冇咁岩得咁蹺」😅🍋招牌手打香水檸檬茶發現越來越多飲品店會用青黃檸檬作主打，全因青黃檸果皮輕薄，而果香較黃檸檬更清新，用新鮮嘅檸檬切片，以搗爛的形式榨取檸檬汁，完全釋出檸檬的果香😍加上椰果，咀嚼的期間延長了檸檬的香氣感🥔芋頭芋圓烏龍鮮奶茶芋頭及芋圓仿效珍珠的大小去製作，芋圓口感緊實彈牙，咀嚼時有明顯的嚼勁，芋圓內含有芋頭的香氣，配上原粒芋頭，釋放出濃郁的芋頭香氣👍

落雨絲濕咩都唔想食，又無心機搵餐廳。最好就係買小食飲品返屋企宅一宅😂😂平時飲多奶類手搖飲品真係好肥肥。今日試呢到皇牌手打香水檸檬茶，茶底唔算好濃，但咁樣更能配合個新鮮青檸，好清新，有少少青檸皮嘅澀，但唔會反感，反而好獨特。酸味中帶甜和甘味。另一杯要左奶蓋四季春茶，奶蓋軟棉棉，甜中帶咸，味道多變化，唔會甜到漏，加上茶底清新，感覺一點都不肥，零罪惡感🤭🤭🤭聽呀姐講要埋個炸豆腐，配個芥末醬好新穎特別。豆腐炸得好鬆脆，入面熱辣辣又夠滑，正呀

係尖沙咀食完dinner 但係又頸渴想飲嘢諗起之前經過依間台式飲品店佢除咗有醇茶，奶蓋茶，益力多系列等等，仲有啲小食，更加有啲糖水添，都幾多元化而且店入面仲有枱凳，行得攰可以係嗰到hea下都無問題 茶飲即叫即冲，望住佢整，shake 下，都幾正叫左杯奶蓋四季春青茶 （$30）佢茶底比出面濃，好欣賞呢點，茶味係濃郁，就算溶左啲冰都好出茶味，芝士奶蓋咸香十足另外朋友叫左杯 鮮奶烏龍茶 （$28）偷飲左一啖，茶味都係好突出鍾意茶底既人（好似我咁🤣）應該好鍾意呢間

📍茶跡🗺️尖沙咀金巴利街3號金利大廈地下A號見到佢哋檸檬茶系列用嘅係香水檸檬🍋而且已經包含椰果，好吸引就試下😍 除左飲品仲有小食同主食系列提供⚡️招牌手打香水檸檬茶 $36好大杯🤩 檸檬都比得好大方，有三厚片！香水檸檬果然香啲，飲落好清新，啱曬夏天飲🥳 ⚡️手打檸檬蜜桃茶 $38呢款多左淡淡蜜桃味，檸檬同蜜桃嘅搭配都好特別😌 加埋椰果增加口感，正啊😋整體黎講，行街行到口渴就黎試下佢嘅檸檬茶啦🍋💕 仲有三張枱可以坐～

招牌香水檸檬茶👍🏻👍🏻👍🏻👍🏻👍🏻係鋪頭嘅招牌茶之一，檸檬混合埋香濃茶味 ，加埋新鮮椰果，酸酸甜甜，消暑解渴，好啱夏天行到身水身汗飲番杯🙈🙈芝士奶蓋烏龍茶 👍🏻👍🏻👍🏻👍🏻👍🏻因為個日食到好飽就無叫到最鐘意飲既珍珠奶茶，叫左芝士奶蓋烏龍茶，奶蓋好厚，味道濃郁，好邪惡😈😈唔記得左走糖，但都唔算好甜🤣🤣呢間鋪頭仲可以坐係度飲，聽下店內播既廣東歌，休息下♨️