華嫂冰室 (皇廷廣場)

營業中

休息中

第二次拜訪觀塘華嫂冰室，兩次去都係傾盆大雨，唯一好啲嘅係今次唔需要等位。被安排到坐近門口位置，店員忘記幫我哋探熱。😅我一心黎係想食佢嘅秘製撈米線，佢個汁酸酸辣辣真係好開胃，配料又多，包括有我最愛嘅紅腸、豬扒、午餐肉、芫荽、酸青瓜，略嫌啲青瓜鹹得滯，同埋食到底嘅時候啲汁好多好咸，其他野都好好味😋媽媽叫咗個招牌菠蘿包，等候時間有啲長，食落冇咩特別，就係菠蘿包夾住個蛋同蕃茄。另外叫咗杯熱奶茶，茶同奶嘅比例適中，飲落好滑👍👍會再為秘製撈米線而番黎🤣 希望會係晴天☀️

由元朗開到出觀塘，以後食都可以方便啲，唔使走到去元朗咁遠🤪。平時排隊好多人，咁啱今日放假係平日，梗係要去朝聖下😃，仲要揀的無人既時間😍。地鐵站行到過去身水身汗💦，好彩真係唔使等位即刻就有得入去食😍。食個包加個蕃茄通先🤪。🔻招牌菠蘿包🔻鬆脆微暖既菠蘿包，夾住蕃茄雞蛋，再加一片冰凍既牛油🤤，一啖咬落去，冷暖交集🤤，牛油喺口裏面溶化，加上少少酸嘅蕃茄香，好正👍🏻。🔻蕃茄豬扒通粉🔻超濃蕃茄湯底，配一塊香煎豬扒，豬扒掛滿蕃茄湯🍅，啖啖蕃茄通粉同時帶有豬扒香，正👍🏻

星期六朝頭早專登出觀塘拜訪華嫂冰室，食一個邪惡嘅早餐。平時一定大排長龍，今日十點幾去到竟然唔使等位，非常難得。入到餐廳亦少有地冇乜人，坐得舒服。鮮油奶多💰$16厚切多士烘到有微微焦香，因為夠厚嘅關係，表面香脆而入面保持到軟熟唔乾，夾住半溶嘅牛油同煉奶，咸甜香口，真係好邪惡。最欣賞嘅係多士飛左邊，食落更加軟糯。咸牛肉蛋雙拼三文治💰$17有別於大部份茶餐廳，華嫂嘅蛋牛治係熟反蛋，之後再放咸牛肉喺蛋上面，同出面通常食到嘅炒蛋咸牛肉有啲唔同。加多左1蚊轉多士，三文治嘅麵包就比起鮮奶油多嘅薄啲，咸牛肉份量都好多，所以食落咸香又juicy。熱奶茶💰$16 熱鴛鴦💰$16奶茶非常香濃幼滑，有回甘香。鴛鴦有濃濃咖啡嘅香味，不過略為偏酸，奶茶味偏淡。總括食物質素都唔錯😋，不過因為全部單點冇套餐，價錢略為少貴。

疫情底下返工都好少再出去食，有時去買下外賣就算。平日華嫂lunch超級多人，呢日早去買就五分鐘攞得。叫咗個秘制撈米線，不算辣，帶少少惹味，醬汁夠濃同埋會幫你撈好哂。重點是配以紅腸、午餐肉、豬扒，咁唔健康好難唔好食㗎喎。如果可以多返少少健康啲嘅配搭會更好，好彩叫有啲青瓜平衡少少。同埋全部野已經貼心地切絲，一隻叉搞掂懶人必點。米線略為過淋，可能外賣唔係即食嘅關係，如果店家可以因應外賣更稍作調整會更好。

我印象中華嫂之前好似唔係呢個位置。但唔緊要現在位置都唔算難搵。今日來這邊上堂。所以就來一次試食行動。因為我只得一個人，所以搵位都比較方便。門面比較簡單。如果唔係因爲門口人多。和有心搵這地方。可能過咗都未必知道。我今日選擇了一個雞翼通粉。都考慮咗很久。因為一開始時以為有豬扒雞翼通粉⋯但原來只可選一款食物，再多一款就要加錢。還要唔只加幾蚊⋯所以都係食一款就算。但又怕自已唔夠食，還怕如果那款唔好食，個午餐就要餓肚子走人了最後都想試吓秘製雞翼。豬扒⋯下次先再試啦食物送到都算快捷。可能大部分人都只點幾款。比較習中煮好。本來我只想選凍奶茶。因為天氣熱。冰室出名的奶茶熱飲都會覺得無味呀但點完後發覺還有一個選擇。就係冰花奶茶貴點都要試一試。送上來時就知道原來是沙冰呀。我有沒有後悔？當然無後悔。因為這個天氣飲凍飲真係非常吸引。沙冰味道都幾好。當然這個又比沙冰快溶點。但佢的味道又比沙冰濃一點。點都比凍奶茶只有冰好很多值得一試再試。雞翼通粉都很大份。足夠飽肚有餘。雞翼就當然唔夠⋯因爲太好味。口感似瑞士雞翼。但又唔會太濃。我覺得佢哋特登。因為太濃都無咩用。放在湯粉上都幫助不大。雖然放在通粉上。但你好明顯食出兩

上次夜晚到來先知晚上唔開，小店相當有性格，結果我地白走一趟。今次未死心中午再來終於食到。估唔到餐廳咁出名，兩點來都仲咁多人幫襯要等位，幸好等了不久就埋到位。餐牌得兩頁紙一眼望晒，主要分左米線頖和麵包頖，價錢經濟貼地，環境乾淨，坐位空間有限，真係為食而來不宜長坐傾談。檳城喇沙湯米線配豬扒　$49豬扒厚切肉質鬆軟入味，湯底好有椰奶香味，好多豆卜好淋好索湯汁，米線軟熟份量唔少食完滿足。招牌蛋沙律多士 $23多士四件，個樣似足公司三文治，厚切蕃茄咬落多汁，蛋黃撈左美味沙律醬蛋香突出，好有心機將蛋白切成碎粒，加埋火腿多份口感，簡單好食要俾個讚。咸檸七 $12原粒咸檸檬一開二，好多冰七喜自己灌，炎炎夏日飲番啖，爽呀！

華嫂冰室以前要入去元朗先食到，而家都開多左分店，最近我都係觀塘區呢間，佢位於觀塘工業區，比較近麗港城嗰邊，如果係食晏時間難免要等位，如果非繁忙時段就都唔使點等，但提下大家佢只開星期一至六8點至5點，星期日休息，呢次叫左自選組合豬扒魚肉公仔麵同鮮油奶多，豬扒鬆軟香口魚肉彈牙，鮮油奶多麵包比一般厚外脆內，麵包既熱力令牛油處於半熔狀態，食既時候比較難控制，好容易整到隻手污糟，不過都值得一試，太太就叫左碗冬陰公米線，佢都話好好味

官塘華嫂冰室主打米線，位於敬業街55號皇廷廣場，地點不太顯眼，但每日午市總是大排長龍今次點了豬潤、肉眼筋米線，配東陰公湯底肉眼筋還是初試，有意外驚喜，像豬頸肉咬落諗身！餸款選擇不算多，但款款精選，不怕中伏！店員招呼也很有禮，和熟客仔談笑風生！

之前元朗屏山坑頭村搬遷後，都無再食過華嫂冰室了。今日難得去到觀塘，就試下觀塘分店有冇保持住華嫂水準觀塘屬於旺區 人流十分多加上不少上班人士在觀塘工作，我係午餐時段來到已經看見人龍，可見華嫂冰室果然名不虛傳，無論咩時段都咁多人店鋪內裝修以落地大玻璃設計，比起之前的元朗屏山坑頭村分店 少了一份懷舊的味道，不過一場來到 主要都係為華嫂既食物。首先第一時間一定係點華嫂最出名的既「招牌波蘿包」當初我一試就愛上了，一直想食番，今次終於有機會啦 必點!!!波蘿包入面夾住厚切既牛油、煎蛋同蕃茄，平時食開既港式波蘿包係冇餡或者只係加片牛油，但華嫂「招牌波蘿包」加入左煎蛋同蕃茄，蕃茄又可以中和了菠蘿包既甜味，冇諗過原來甜酸既波蘿包係咁夾，水準依然保持住 正阿!!芝士咸牛肉蛋豬仔包豬仔包做到香脆同好鬆軟，入面再加上咸牛肉同芝士簡直係絕配，絕對係重口味人士之選。鐘意食咸牛肉既你一定要試蕃茄豬扒雞翼公仔麵超濃郁既番茄湯，飲得出好新鮮 好開胃 正相比其他店用茄膏湯 華嫂較為真材實料 ，所以湯底會偏酸，如果唔多鍾意食太酸既朋友仔可以叫其他，但我自己就好鐘意華嫂既番茄湯總體既講: 華嫂無論總店同分店都保持水準 值得欣

華嫂冰室 (觀塘)秘製撈米線 觀塘限定依家都依然好多人排隊平日大概1點鐘黎度 排咗半小時左右可以接受 因為天氣唔熱難得華嫂係觀塘開分店唔洗去元朗先有我地去到都一次過試咗好多野其中一樣就係觀塘限定的撈米線啦佢有多樣配料紅腸 豬排 火腿 同餐肉絲配料除咗豬排特別入味同軟嫩之外都較普通米線有少許淋咗 但都依然彈牙同有咬口但黎度扣咗少少分😢因為米線都係個重點最後就係個撈汁 個秘製豉油汁甜甜地 加上辣椒同芫茜好香 好開胃 不過個汁可以少d因為食到尾 就太多啦 太甜而且香料可以再多d 會再香d😛整體 非常唔錯 真係會食唔停口 如果可以我可能寧願就咁豬排撈米線就可以了😂😂 畢竟豬排最突出黎度的茶走 我覺得做得都非常唔錯非常滑 奶味好重 茶味亦唔會苦澀欣賞黎度仲有冰花奶茶tim!😋下次有機會會試下😆半個鐘 都算值得排ge下次大家平日黎食tea的時間就差唔多唔洗排架啦😂Overall🌟: $ 42 ( 8 /10) ------------------------------地址🎯: 觀塘敬業街55號皇廷廣場1號舖地區⛳️: #igfoodtaste觀塘餐廳類別🍴: #igfoodtaste中菜價錢類別💲

華嫂冰室不嬲都係出名，但我咁大個仔都未去過，今次經過灣仔一定要試下。第一樣要介紹嘅一定係依度嘅菠蘿油，所有人入到黎一定會食。雖然係好邪惡，但唔試唔得。真係名不虛傳，好脆好好食！第二樣要介紹嘅係佢嘅蛋牛治，雖然話即炒嘅就基本上冇得輸。但佢炒得啲蛋好滑，真係好少餐廳做到，落雨都炒到蛋！再叫左杯凍咖啡，正常水平。最後講下依間餐廳嘅服務。侍應點菜上菜時非常殷勤，不時幫我地倒水同問我地有乜需要，所以服務上我俾滿分！價錢黎講我地兩個人食左大概$50。以咁高質素嘅食物黎講算係物超所值。所以整體黎講我對今餐嘅評分係9分！

呢個故事教訓我真係唔好再食辣野🙈🤢華嫂嘅冬陰公湯底豬扒米線真係好入味 碗麵黎到已經好香食幾啖已經食到佢好夠辣 而且有成兩大塊厚豬扒🙊 不過本人個胃太差 一食完就即刻胃痛😂下次都係食蕃茄湯算🥺食得辣嘅人可以一試🤪

📍 華嫂冰室 (觀塘)📍觀塘敬業街55號皇廷廣場1號舖華嫂可以話係有代表香港既茶餐廳之一，好多明星及藝人都讚不絕口。今日我係下午茶時間黎，係門口等左一陣就已經可以入座。平時見到午餐既時候都好多人係門口，所以專登選擇係下午茶時段黎，要注意既係華嫂係吾會做晚市，下午5點就會關。招牌菠蘿包 $20 顧名思義招牌當然要叫下黎食， 一上碟賣相已提算食慾，好清楚能夠見到菠蘿包中間夾住厚切牛油，脆邊雞蛋，老實講以$20呢個價，絕對對得著街坊。招牌芝士鹹牛肉豬仔包$23 另一個招牌豬仔包當然要叫，鹹牛肉嘅份量配合得相當好，豬仔包烘熱外邊脆口。

喜歡華嫂已經一段好長時間屏山總店我未去過 去得最多就係觀塘店每次去親都要等位 不過鐘意食又無計啦😅個人最鐘意食嘅係佢嘅蕃茄湯 而我一定會配通心粉 因為每一啖都可以連湯一齊食今次揀雞翼 但比較下豬扒更加好食

好唔開心亦好嬲，其實可唔可以聽下客人想食咩?! 為免中伏，其實落單時已經再三叮囑要米粉，你出到黎俾公仔麵...,你係有心以客為先的話，你可以主動換過一碗俾客，唔係話你收少我3蚊再出單俾我（因轉丁麵加3蚊）。食左兩啖，氣難下，難再幫襯！請緊記，尊重一下，以家咁嘅營商環境，要識分邊D人係你米飯班主lor!