華麗耆素 (已結業)

突然想吃素食，就上來這裡吃三餸飯，有是日精選和是日靚湯當日的是日靚湯是霸黃花、雜豆和粟米，另外還有無限量飯、粥和麵，是可以無限加食，也是自肋式，自己可以拿自己食到份量，不要浪費也不會拿得過量三餸飯($50)可以自由選，配飯一流，飯是健康的紅米白飯，別看餸份量少，其實配飯一起吃是飽的，抵食又健康的食物，在這裡做的都是年長的人，多了一份親切感，他們也很友善，吃完之後要自己收拾好碗筷

起火炭區工作嘅朋友都知，真係無咩好選擇，來來去去都係茶記最多～不過好彩有間素食餐廳，初一十五可以同同事去食素，無去一排原來佢已經悄悄換新裝！Menu除了招牌菜同小食，仲有五款每日精選～可以隨意揀三款，感覺有啲似hall can～哈哈！不過佢d飯麵同湯都係任食！今日試食三餸飯($48)，叫左冬瓜豆卜、椒鹽蓮藕片同甘筍雙耳鮮竹，份量唔算多，不過就可以食多幾款，都幾滿足～因為飯麵個啲都係任食，拉上補下其實一定夠飽～是日素湯就係霸黃花粟米什豆湯～好清甜！椒鹽蓮藕片好香～我本身好中意食炒藕片，所以一定二話不說揀哩款！另外，兩款冬瓜同鮮竹都好入味，不錯！不過點都覺得有啲可惜，因為無咗石鍋飯T_T，不過整體味道仍保持中上，環境可能因為多咗野任食，客人都活躍咗，出出入入拎野食～好似去左食buffet～哈哈！

雖然我本身唔係一個素食者，但只要係美食都好願意去食吓～朋友就帶我去喱間隱世素食店，既係社企又只開午市，位置仲起山上面一樣（因為真係要行一段路），走入工廠區有一種探險感覺，同埋真係唔會諗到入面有餐廳，門口係湖水綠，份外醒神！入面雖然無咩華麗裝修，但因為側邊兩排窗，仲要係對住山，所以好光猛，自然光俾人感覺都好舒服。午餐選擇好多，揀了蒜香韓式石鍋飯($78)同印度咖哩雜菜($60)，石鍋飯一上枱炸炸聲～熱辣辣！d肉碎係用新豬肉代替，無論口感同外型都同豬肉碎好似，真係幾可亂真！個辣醬係微辣～朋友唔食得辣都食得到！而聽講佢地都用有機菜，咁叫咖哩雜菜實無錯！入面有最愛嘅茄子！仲有啲椒、瓜同薯仔，咖哩味夠濃，一樣唔會太辣～除此之外，哩道有免費自助素湯任飲！今日係「西洋菜粟米南北杏羅漢果蜜棗湯」，原來素湯係好清甜咖！我地都係咁添飲～店員伯伯好搞笑～不停叫我地飲多d同食埋d湯渣～話好有益，得閒個陣又嚟問下我地岩唔岩～味道雖然唔係誇張到一鳴驚人，但係無論食物定服務態度，都有家嘅感覺（仲要係媽媽拿手菜個種～）～同埋店員們真係好親切！

🥗👴🏻👵🏻😋😋♿️黎到火炭🙋🏻同一個輪椅朋友黎到想試好耐的 @gingko2005 銀杏館😍去餐廳條路有d驚險同斜😂門口有一大級😩要去到工業大廈的後門搭lift但係都係wheelchair accessible ge🙋🏻 不過輪椅唔夠馬力的朋友就要小心啦😂👇🏻👇🏻👇🏻👇🏻蒜香韓式石鍋飯🇰🇷ft. 新豬肉黑松露雜菌意粉🍝無味精蟲草栗子紅腰豆湯😋實在太好味啦😍所有野食都好好食個湯更加係神來之筆😍😍飲左好多碗😂👴🏻職員好好人咁問我地好唔好飲 重叫我地飲多幾碗😋超級推薦👍👍👍👍一定會再黎😋😋#長者就業 #豐盛耆年 #無障礙好去處 #無障礙 #無障礙找素 #素食 #素食餐廳 #vegetarian #veggie #foodie #hongkongfoodie #hongkongfood

第一次來昵到食飯，以為糸平常工廠餐廳貨色，一入到去就有驚喜，後面張枱傳來陣陣石窩飯的香味，侍應老伯伯態度很親切，環境清潔，整齊。今天我叫左紅燒素肉獅子球飯，超級香，好好味！

依間隱藏於火炭商廈既社企素食，入面全部工作都係公公婆婆，營業時間都係開到2點，佢地d素食係新派菜，又豬扒，咕嚕肉，但食落去同肉冇分別，我食落去都好似食緊肉咁，個老火湯又任飲，店員都好親切

今日去左火炭一間素食館, 見佢傳單上有不同的素食及說到是支持長者就業的社企餐廳,就決定去一試, 環境都算唔錯, 坐得幾舒服, 意外的是長者們都好有活力,同埋佢地服務態度好好呀J佢地每日都有唔同既湯任飲, 今日湯料有老王瓜, 雖然係素湯, 但滾出黎反而比起有用肉煲更鮮甜, 個湯正呀XD佢地每日都有唔同的精選餐, 今日嘗試了白汁蘑菇素雞排意粉, 白汁味道就淡左小小, 不過素雞排可以話係重頭戲, 一聞到就覺得好香,, 再加上煎得非常香口, 但味道反而同煎魚餅更相似,哈哈 

今日因家人推薦, 去了一間充滿著人情味的素菜館「華麗耆素」是一間由社企「銀杏館」開設出來的分店, 因其理念是鼓勵長者就業,所以裡面員工都長者居多, 但每一位都老當益壯, 服務態度好到一流, 一進分店已經好親切地打招呼, 點餐前又推薦你今日有什麼好食, 點餐後更會主動叫你去飲湯, 即時心裡充滿著溫暖, 再加上背山的環境, 令其感覺更為舒服, 不論工作期間或放假, 都值得去去, 令身心更加舒暢今日飲左個青瓜木耳花生粟米湯, 超足料, 飲落口充滿著淡淡的木耳同青瓜甜味, 到第二次再添時, 味道亦不會因加水而變淡, 有別於外面任飲湯的餐廳, 店內更標榜無味精, 每淡湯都清甜無比而主食方面嘗試了店內較為特別的素石鍋飯, 原個熱辣辣的石頭鍋煲出了小量的飯焦, 令飯底更香脆可口, 再配上用冬菇磨成的仿肉燥, 味道略鹹, 提升飯的味道,再加上由他們自家農場種植的新鮮蔬菜, 包括爽甜的翠肉瓜, 口感十足的大豆芽,波菜, 調味剛好的酸蘿蔔, 還有我最愛的泡菜, 泡菜不會太鹹太辣, 不會搶走其他蔬菜的味道, 總括而言, 整個飯在味道方面各樣配料都掌握得很好, 最重要是, 全部都無味精!!!飲品方面選了有機咸

放Lunch既時間無意中係火炭工廠區發現到一間素食餐廳。因為身邊有朋友茹素的關係，所以對素食好有興趣。那就當然要去試一下啦。原來這是一間銀杏館社企素食餐廳，侍應們都係一班銀髮既哥哥姐姐們~佢地都好友善，充滿活力的。想不到餐牌有很多選擇，入面有好多款素食餐單的，仲以為素食係得好少選擇~今日就試左個招牌台式素肉燥飯，素肉燥飯仲加了紅糙米，味道同真的肉燥飯非常似，不錯不錯！每一個套餐還配送了半自助的無味精素湯，粉葛赤小豆扁頭湯，清甜又去濕~性價比極高呀。入面仲有個迷你市場仔可以掃下貨呀~平日番工成日出去食，食肉食得多呀，有時候都要平衡一下，吃頓素菜，感覺都健康了不少。估唔到係工廠區會發現間咁好既素食餐廳。同埋呢到好有意義呀，可以提供到工作機會比佢地~ 幫到一班長者就業! 值得支持 吃素原來都可以吃得很有營又有意義，下次一定要再黎到食過呢。

約了在火炭工作的朋友午餐，他推介「華麗耆食」，便去試試。「華麗耆食」是杏林館的副線，據聞已開張了幾年。它開在工廈四樓，裝修簡單，與大部分工廈食堂無異。這裡提供免費水及湯，是半自助式，要自取。落單有專人幫手，全是長者，態度親切。我們選了西檸素鴨飯（$55）及港式蜜味素义燒（$60）。餐湯雖然免費，但很清甜及足料，用咗佛手瓜丶紅蘿蔔，很清潤。我與朋友在飯前飯後，都飲了一碗。😍😍😍西檸素鴨望落與真鴨有幾分似，最開心有糙米飯。檸汁做得稀稠剛好，甜甜酸酸的，好開胃。素鴨其實是腐皮卷，味道ok，略嫌較為肥膩。蜜汁叉燒是用豆腐做成，口感完全不似豆腐，食落有咬口，味道亦調較得很香甜，與真义燒有7成似，值得推薦。👍🏻👍🏻👍🏻總結來說，我是滿意其味道，但亦希望它能提供一些傳統齋菜，如羅漢齋丶什錦炒豆腐，因發覺很多菜式，尤其是中式菜，都是以炸為煑法，變得無咁健康。

今日有同事生日 佢平時鐘意食素 所以突登搵左間素食🙈🙈環境唔錯 入面職員都係一幫公公婆婆 d店員都好有禮貌 仲好有心同我地講湯水任飲 完全無味精味素 點左5個餐 最驚喜係石鍋飯同素漢堡 賣相一流 份量十足 可以2個人share一齊食 d菜都係有機菜 自己農場種出黎 十分新鮮 石鍋飯 里面有好多豆芽同菜 素肉 漢堡 有沙律 蕃仔同蘑菇等等 好健康 但鐘意濃味d既 可能唔鐘意食完野出面仲有有機產品同農作買 唔算貴呢間無論係野食定係店員 都會比likelike

最近因工作原故，多左接觸素食，呢一日有幸黎到O Veggie-華麗耆素，佢係銀杏館旗下嘅一間素食餐廳，位於火炭工業區，開業約兩年多。佢地呢個集團專門聘請長者工作，豐盛人生～我欣賞佢地既理念係提倡素食，希望將健康訊息宣揚出去係呢餐既過程中見到店長同員工都好享受工作，會樂於介紹新產品比客人，又會同客人分享開心事除咗提供食物，仲有售賣銀杏館自家品牌嘅一啲素食材料同埋食材佢哋有自家農場種植有機蔬菜，供應返比旗下餐廳，冇化學肥料，保證天然每日有29款菜式選擇，中西泰日韓乜都有!我同幾個同事黎食，叫左好多款式，每一個都印象深刻!.港式蜜味素叉燒配地道薑粒菜脯炒飯  $58呢個係最受歡迎嘅菜式之一，叉燒整到同真嘅一樣，如果瞌埋眼食，都未必分別到外脆內軟，外層仲塗上左蜜糖，酸酸甜甜咁好滋味。個飯係糙米，紅米，珍珠米，最特色加入左薑米，菜脯粒，增加口感因為菜脯粒咸咸地，所以令個飯都有味道，但唔會over左。是日餐湯 冬瓜薏米甘筍粟米湯簡單，家常，好味道，呢個就係幸福既感覺加＄5就可以無限享用湯水同埋咖啡/茶湯清甜多料冇味精!!我會想日日都飲到，仲好消暑！日日都唔一樣添樂活素漢堡  $68夾住兩塊由黃豆

鋪頭響火炭工廠區世界既盡頭，如果唔係同事帶真係唔知有呢間店。比較少去素食餐廳，第一次黎到覺得款式都幾多，有burger 石鍋飯都少聽到既素菜。最後揀左個烏冬，幾好食既，清淡得黎有d三色椒點綴下。不過食到一半先記得影相。。仲有雜菜湯任飲，加杯咖啡都係$5！抵食員工好nice, 會主動問你冷氣凍唔凍呀。食唔哂駛唔駛打包咁。很有心的職員！店入面仲有賣d有機產品呀，果醋咁。香港少有的有誠意店鋪，值得支持一下！

近來經常到火炭區工作，同事提議食素，從前的素食店，總是給我一種死版、沈悶之感，但看過餐牌後，這些感覺完全一掃而空。食物選擇也不少，不過有些食物會限定數量，如石頭鍋飯每天只限售15個。價錢尚算實惠，而且餐湯及白飯可無限添飲/食，咖啡也只需付$5 亦可無限添飲。另外，香港素食者也有不同種類，如不吃五辛、不吃蛋奶，這方面餐廳就手非常貼心，在餐牌上註明哪一樣菜含五辛/奶，值得稱讚。石鍋飯： 有很多大豆芽，超美味！而且那個肉也太像肉了。焗豬扒飯： 我相信豬扒是麵筋來的，口感跟真的肉相若，我覺得這個飯比某集團的招牌焗豬扒飯更美味！漢堡： 這個漢堡份量太得驚人，女孩子應該吃不完，$68 太划算了。店內職員全是長者，很有禮貌，亦非常有活力，值得繼續支持！

一個地方，既是食肆，又是商店；可以吃，又可以購買健康食材，一樂也😍座落於工廠區，但窗外一片青蔥，草色入簾青，我們説的「清心寡慾」完全在這食肆中滲溢著。店員溫馨親切，就如家人般，慇切熱情。素食款式多樣化，有喇沙、石鍋飯、漢堡飽...中西並陳，但全素！飯未來時，可自行取湯：）清甜可口的湯，材料十足，但卻任飲而免費！我叫的是鱈魚飯，朋友叫的是义燒飯，彼此分享後，便成一飯兩餸。鱈魚炸的香脆，加上日式胡麻醬，原想飯後來個甜品，這兒的芝士蛋糕聞説極可口，只惜緣慳，店員告知昨天已賣光，只有拍照留念！有機菜，吃過喜歡還可以即場買回家，晚飯再煮來吃。健康食品及有機食材多的是，吃完飯後，更可即場選購，不少來自自家農場，有機種植。