萬丸燒肉 (已結業)

同朋友慶祝生日飯佢鍾意食燒肉揀咗嚟呢度試吓呀～點左一人套餐再另加海鮮其實食物質素係幾好嘅海鮮好新鮮美中不足係其中一個聖子殼爛咗套餐入邊有個紫菜飯我就好鍾意呀個蛋汁撈埋啲飯好香好滑～另外點左蔬菜籃可以包肉一齊食平衡下個油膩感蔬菜好青綠下感覺良好**可能平日夜晚啦真係唔多人好似得幾台客服務都非常殷勤

星期六冇book位 喺銅鑼灣街頭搵咗好耐結果見到餐廳有得Walk in 就馬上去咗 根本連食評都冇仔細睇但食完之後覺得係出乎意料咁好味👍🏻👍🏻今日揀咗嘅套餐係 梅 $488（因為一開始估唔到咁好味 冇諗住寫食評 所以下面張圖係已經開始食嘅時候影）牛展 牛舌 同埋豚肉有4件其餘嘅都係兩件喺開始燒肉之前 店員會比一舊牛脂 可以防止啲肉癡底先講牛舌 一開始見到佢咁薄 完全唔期待 點知食完之後俾佢嚇親 雖然唔會好似厚切一樣咁有口感 但係好重牛味 同埋酒脂都好豐富 上面有少少蔥花 所以燒完之後食會覺得好滿足不論係用餐廳附送嘅燒肉汁或者 點少少檸檬汁我都覺得好好食之後就係牛小排 係用咗汁醃製既肉 汁嘅味道係偏甜 所以食嘅時候唔使點餐廳附送嘅燒肉汁 食落一啲都唔韌 之後就係背峰 係一啲薄切嘅牛肉 正正常常 普通和牛 雪花均勻 好食👍🏻而放中間既日本和牛 就唔係切片 感覺係厚厚地嘅長方形 師傅喺肉上面𠝹左花 所以食落去嘅時候口感會豐富一啲 油脂係個口到爆開既感覺好正牛入邊 我覺得最麻麻嘅就係牛展 無咩油脂 燒出嚟嘅肉覺得 好柴 無咩牛味 豚肉 一開始冇任何期待因為覺得都應該係普通嘅五花肉 但係

今天中午食左壽喜燒和牛肉眼定食及壽喜燒和牛三角腩，和牛肩定食另再加牛舌6切，白桃梳打，芝士蛋糕配柚子雪糕2 個定食內的食物都完部食晒，和牛肉質素有水準，係粉紅色有光澤，唔係雪到瘀紅色個D個人比較壽喜燒和牛三角腩，和牛肩，唔係因為壽喜燒和牛肉眼唔好食OR質素冇咁好，NO只係我唔係好識燒呢類薄身肉，三款肉各有各好味牛舌有D厚到，唔係果D風吹得起，食到有脆口的感覺，好味白桃梳打正正常常，芝士蛋糕配柚子雪糕好好味值得推介，員工有教我地點食係最好味呢到D員工服務態度好好，由介紹食物到幫我地燒的燒肉到為主動式，因為我同朋友掛住講嘢，佢地一路觀察住驚我地燒燶，直接出手幫我地，不過今日中午唔係好多客，不過之前D食評都有讚服務好的，我都欣賞佢地唔會好hard sale，會介紹完食物就行開，比你自己諗下。總結今天食物不只和牛有質素，其他食物都有水準的服務態度好好，有禮貌環境空間大，清潔點解冇相睇?因為食物同佢個社交平台餐牌內D相係一樣咁靚，今日2個人LUNCH食左700 元，唔平但值得呢個價格，我同朋友都諗住下次同班朋友再食晚餐，推介可以星期日LUNCH嚟試下，因為佢平日做商業區，反而星期日中午會有位。

同同事黎哩到食lunchLunch set有燒肉套餐同定食揀價錢都好合理唔貴有湯，小菜，沙律，飯，同自己燒既蔬菜拼盤不過跟餐野飲要加$15同埋選擇比較少，得汽水檸茶職員服務都好好-我哋一行10人，都差唔多試晒個menu燒肉套餐好食過定食我最鍾意係壽喜燒和牛定食🤤🤤$228好香，送飯一流，有埋生蛋俾你點黎食有個壺漬牛肋條配牛小排都好正$158一個set，相對好抵睇相就知肉量好足夠，唔係hea你我地仲好無聊係個爐上面切咗個心形

比人老屈一碟無上過枱嘅 “燒白鱔” 就真係廿五年來第一次。未上嘅菜，其他嘅上哂，通知A侍應生該菜式無上，我都食完所有，唔使再上cancel。佢竟然話廚房話出咗，你應該食咗。嘩，我唯有叫佢再check ..佢再跟B侍應傾完，兩人無再回應。到我等到悶，叫埋單，問B侍你地傾完查完應有咩回應，佢竟然話個 “燒白鱔” 上咗，係用個碟裝住。話不過佢已經void 咗個菜式我只好話無上過無食過叫佢check CCTV。佢先話唔好意思什麼什麼。無心情再同佢傾，埋單走人。呢一刻，係佢欠我兩個甜品。當然佢應該都會話上咗。係用個碟裝住上。希望佢有查CCTV 。我坐個位側邊頂位有CCTV ，無奶油影唔到。

Nouveau restaurant japonais à Causeway Bay. Merveilleux barbecue avec musique japonaise contemporaine. A essayez absolument !New Japanese restaurant in Caseway Bay. Marvellous barbecue with Japanese modern music. You must try absolutely !

服務環境優質 還會教你如可燒唔同嘅肉是最好味大讚Mike非常細心介紹 好專業 當然和牛質素非常高 唔同部位 細嚐到其分別 安格斯和牛必試 另外 三筋肉 入口鬆軟而不膩 自家調製嘅醬油好匹配 洋蔥黑椒配料好香 更可以添加 推介嘅清酒更一流 燒完肉 完全唔覺得身上有臭 好有空間感 會再次光顧 最後甜品推介更有驚喜 日本直運 好香嘅椰子雪芭 同埋好開胃嘅蘋果雪芭 畫上完美句號還有小食前菜 試了雞軟骨 鱈魚乾 都很不錯沒有限時 由小食飲生啤 再慢慢燒肉清酒 最後甜品 不得了 正

本來諗住去格離間姐妹店打邊爐，點知行錯咗去萬丸燒肉，同朋友把心一橫忽然就改咗食燒肉🤣🤞🏻可能因為係新店，所以裝修好舒服同埋好乾淨😝香蒜蕃茄沙律 ($68)酸甜醒胃就一定㗎啦，但我覺得最出色既係佢係無皮的🥹 我最鍾意食無皮既蔬果💯💯💯燒鱈魚乾($58)魚乾燒到扑扑脆，好有口感，咸咸地點啲沙律醬都係前菜既好選擇😝 柚子醬雞腿肉($88)本身嚟依度都係諗住食和牛的，點知試咗依碟雞，勁震撼😂 原來雞肉都可以咁好食！首先雞肉好鮮嫩好滑~伊比利亞梅頭肉($88)口感咬落去比較實，但因為油脂分布比較平均同埋比例恰當，所以一食就知道係用咗靚豬肉👍🏻安格斯牛小排($118) 味噌牛肚($88) 和牛肩胛肉($148)安格斯牛小排咬落口感較煙靭，但牛味重~ 牛肚醃製得好入味，而且肉質好軟淋！ 和牛扁胛就當然係我最期待同最出色既😝 一口咬落去完全無筋，油脂味重🥰萬丸牛肉湯泡飯($118)未上枱先聞到佢陣香味🥹 好鮮濃郁既牛肉香，而且而且!!好多塊牛肉呀😝 超抵食走既時候見到間餐原來係有private room俾一大班朋友有啲私隱度咁傾下計~ 都幾好，好鐘意依度既裝修所以會再嚟😎

這間餐廳位於銅鑼灣，地理上還算方便快捷，距離地鐵站只需要五分鐘左右，位於商場之內，內裏冷氣十分充足，環境寬闊又舒適，真是一個和朋友聊天吃東西的好去處。餐廳主打的一定是燒肉類，雖然不是任食的，但這更令我對食物質素充滿著期待，前菜方面，簡簡單單的魚兒，十分美味，香脆可口，口感極佳。肉類果然超水準，和牛級數就是不一樣。最後溫泉蛋紫菜飯，分開呈上的，本來還擔心蛋裏會不會過熟，打開一看流心蛋就是這樣的出色，烹調時間剛剛好，極度推薦。

近排好耐冇食燒肉，想同朋友book牛角食，但次次都唔駛止意book倒！近排睇ig睇倒有人介紹呢間萬丸燒肉，睇相都已經覺得牛肉會係好正，於是就book左同朋友3個一齊食，我地一行3人，想食多d唔同款式既肉，所以散叫黎食！見好多人推介里脊肉同三角腩，於是叫左黎食，真係超吸有肉味，三角腩都入口即溶，另外，平時食厚切牛舌都會又乾又柴，但呢度唔同，會有肉汁同好有咬口！朋友都話好食！仲有我地叫左溫泉蛋紫菜飯，好食到食完再每人叫多轉食😋最值一提係經理都好照顧好地，又會介紹每款肉同教我地點食會比教好，仲送甜品俾我地食！真係值得一讚！經理唔講唔知，原來隔離既火鍋都係同一個老闆經營！等我下次再同朋友一齊試下先！

同朋友仔撐枱腳，諗住食好啲，今日揀左係銅鑼灣食日式燒肉。好，坐低睇吓有咩好食先。香蒜蕃茄沙律，蕃茄好新鮮，一陣食肉，點都要食啲蔬菜夠balance燒鱈魚乾，餐前小吃，食落好脆，有魚香味，送酒食都唔錯。蔥燒炭火雞腿肉，呢個雞肉燒岀黎好嫩滑，因為雞肉比較厚身要燒耐一點。壽喜燒和牛西冷，呢個和牛牛味重，兩邊輕燒一下就可以，食落油脂感爆發。鹿兒島豚西冷，試完牛，都試下豚肉，呢個豚肉雖然厚切，但食落肉質軟腍。味噌牛土，預先醃製好，基本上都係熟嘅，燒嘅時候控制自己喜歡嘅時間，平時我唔太好牛肚，因為岀面食嘅都好韌好黏牙，但呢個係爽脆，而且一咬就開，好食！我地仲各自試左，萬丸牛肉湯泡飯、炙燒牛肉茶漬飯，個牛肉湯好好味，飯粒又粒粒完整，有咬口。燒肉燒到熱辣辣，飲杯巨峰提子梳打、荔枝梳打，正！

/ 𝐌𝐚𝐧 𝐌𝐚𝐫𝐮 𝐘𝐚𝐤𝐢𝐧𝐢𝐤𝐮萬丸燒肉銅鑼灣坐得舒服又好味嘅日式燒肉🥩哇!好耐無食燒肉啦🤭 銅鑼灣廣場二期新開咗一間日式燒肉店, 裝修都幾典雅, 大部分座位都係4至6人嘅梳發卡位, 地方乾淨又坐得舒服👏🏻 店員好好服務, 一坐低已經遞上餐牌茶水小食同醬料👍🏻 🇯🇵香蒜番茄沙律 $68酸酸地嘅醋加上炸蒜粒同番茄一齊食, 好開胃就算食食吓燒肉想解膩都好岩🇯🇵燒鱈魚乾 $58香脆鱈魚乾沾上蛋黃醬食, 無論送酒定餐前小食都一流🇯🇵梅一人前＄488和風蒜子番茄溫泉蛋紫菜飯（1份)和牛膊肉（2切）和牛腩排肉（2切）安格斯小排（2切）牛舌（4切）蒜蔥牛展（4切）日本豚腩片（4切）錦爽雞腿肉（2切）蔬菜(4切）蕨餅個人覺得尼個梅set幾抵食, 有和牛有雞肉同豬腩片, 仲有個紫菜飯😋 兩款和牛肉質都幾厚實, 唔會太肥膩, 特別鍾意食佢個豬腩片, 唔係平時嗰啲得舊肥膏, 係爽嫩彈牙嗰種👍🏻🇯🇵灸燒牛肉茶漬飯 $98有4塊牛肉, 茶漬飯味道幾清淡, 可解油膩感🇯🇵柚子醬雞腿肉(6切) $88醃咗想柚子醬甜甜地幾好食🇯🇵壺漬牛肋條 $98個人最鍾意食呢個, 好長嘅完整一條牛肋條放入壺入邊醃製, 燒完肉

專程到訪新的和牛料理店，這家店充滿氣派，裝潢富麗堂皇，跟價格高尚的和牛很配這家新店的服務很好，對富良野來的和牛介紹十分充足點了幾道傳統的日本菜跟燒肉，水準甚高燒鱈魚乾$58爽脆！簡單的鱈魚乾配上蛋黃醬，鹹甜交雜，超強下酒菜！蕃茄沙律$68相當清甜的沙律，番茄入口相當甜美，配油膩的燒肉吃10分相襯鹿兒島豚梅頭一人$88深紅色的豬梅頭入口不帶絲毫羶味，吃下去豬肉鮮味濃郁，還帶點肉汁！蒽燒炭火雞腿肉$98怎麼燒也10分多肉汁，上面的炭火汁令雞肉更加具備炭烤的味道，肉香令人驚喜連連和牛背峰$168今晚的高潮，富良野和牛入口即溶，多煮也不會出問題，好一件無敵的新晉和牛！飯：一人前精選$288一人餐有沙律、大量的菇菌，香蒜蕃茄等開胃小品 肉類方面有牛小肋排 安格斯牛板腱 牛舌 錦爽雞 鹿兒島豚腩 蔬菜最好吃的是牛舌，七分熟就相當好吃，入口爽脆牛板腱帶一條根但入口爽脆，牛味10分香濃 錦爽雞入口彈牙，有走地雞的感覺，亦沒有過肥當然，豬腩肉也相當肥美厥餅非常傳統的日本小食，入口像啫喱的黃豆粉甜料理

宮崎牛，神戶牛，松阪牛大家食得多，呢間燒肉店就提供平時較少接觸嘅富良野牛，一樣咁出色！多得為食姊妹鍾意周圍試新嘢，今日又搵到間好嘢食！踏入店舖見到暖色燈光同木系裝修，已經俾人一種舒服嘅感覺，而且所有座位亦都非常寬躺舒適！經理仲話而家岬新開張，3間VIP房暫時都未設有最低消費，想自成一閣嘅朋友就要快手嘞～侍應服務貼心，除咗幫客人用油脂開爐之外，仲不時查問客人對食品嘅意見，欣賞佢哋對客人嘅體貼同用心！我地點咗份一人前，另外再加一點散叫，既可以比較兩者嘅質素，又可以試多啲唔同款式！食燒肉當然要來清新一點嘅沙律，呢度嘅香蒜蕃茄沙律，用上紅卜卜又多汁嘅新鮮蕃茄，配埋新鮮蒜蓉，即時令人胃口大開！燒肉方面，先講餐點嘅燒肉拼盤，有牛小肋排，安格斯板腱、牛舌、錦爽雞腿肉、鹿兒島豚腩同埋野菜～當中最鍾意嘅一定係牛小肋排，油脂部份非常豐富而且肉質又夠結實，燒完特別香口，但又唔會靭！安格斯板腱油花較少但比較均勻，肉質軟嫩但不失彈性。另外單點和牛肩胛肉，整片都充滿着均勻嘅油脂雪花，燒好後入口柔軟，肉味香濃但又唔會太油膩，好啱我！咪以為呢度得牛肉好食，套餐入邊嘅錦爽雞肉同埋另外單點蔥燒炭火雞腿肉，燒好後一樣軟嫩

呢間燒肉可算是銅鑼灣高質燒肉之選，肉類款式選擇眾多，環境雅致乾淨，通風系統不錯，食完都唔會成身油煙味。我點咗和牛上膊肉，肉質嫩口，油脂分布適中，燒至粉紅色微微焦香就夠，好味🤤另外和牛腹脇肉牛味會重一點，而牛舌爽口，厚薄適中。蔥燒炭火雞腿肉燒出嚟肉質依然嫩滑，只要控制好火候就可以了。還有豚肉，可選擇五花腩，比較重油脂，配搭蔬菜包着食更加爽口，可以減輕油膩感，而且加入了洋蔥和蒜頭更加惹味。前菜有麻辣青椒，偏辣，爽口；和蕃茄沙律🥗夠晒開胃，最後還有日本蕨餅做甜品😁