萬豚屋

營業中

休息中

男朋友帶我去左呢間人氣日本餐廳。環境裝飾幾靚，有四人卡位坐得都幾舒服。我點左碟蟹肉脆煙肉carbonara 烏冬，蟹肉係用蟹柳切碎代替，烏冬有彈性，整體口感creamy。佢要左滑蛋吉列豬扒飯，不過不失。小食要左炸蟹餅，外脆內裏很creamy，正常水準。

今日去尖沙咀，位置於赫德道嘅人氣石鍋烏冬萬豚屋。餐廳裝修好吸引我望多幾眼，餐廳牆上有手繪好多隻小豬既圖案同菜式既名。點咗店舖既招牌的香菌濃湯底，配厚豚肉稻庭鳥冬，香菌湯底鮮味濃郁，菌湯既菇味勁出，仲有好多菇係到，保持水準，厚切豚肉有層層的口感，食到唔停得口，石鍋裝住烏冬仲勁滾，勁熱，仲有好多菜苗，烏冬好滑身仲好彈牙，啱哂我個胃。山葵醬油鮮蝦毛茄山葵醬油鮮蝦毛茄既醬汁酸微微，勁開胃，同秋葵又真係幾夾，做前菜食佢先簡直一流。加上切粒既鮮蝦+蟹籽，好新鮮呀。黑松露冷豆腐豆腐幾精緻，味道唔錯。我仲叫咗一杯凍檸茶。

本來個烏冬係好食既，冬天食熱辣辣。但今日31/12一入到去坐底，睇睇個餐牌，節日餐牌，全部烏冬加hkd20+。大佬，我返工食個晏，你咩料，食個烏冬做lunch都要有個節日餐牌純加價已經九唔搭八，但坐底左費時煩照食。差唔多食完，見到有小強係牆行，大驚，先醒起上次食完都有見到小強，唸住都算，點知個調味架同筷子盒又走多幾隻出黎買單走人，點知佢個節日餐牌有一碗烏冬打錯價錢，打左103，係無同我地提過打錯價錢就收左123，到我地問既時候，佢堅持唔退錢，只係係張單寫叫我地下次當20蚊用。（係喎，仲要無退加一）衞生同態度咁差，又唔平，難為咁多香港人仲排隊食佢。香港人唔好委屈自己啦

讚1.大學時成日食，家下食既係回憶2.湯底同以前一樣，夠濃夠豚骨油香，烏冬煙韌，豬肉鬆化，價錢今時今日黎講實在唔貴3.咖啡好飲彈1.漏左單，餓到死都未有野食2.點左豚骨湯胡麻醬，最好提提顧客要搞伴先食，因為胡麻醬係好難融化既野，食到最後，一堆醬係碗底，唔得噃

今次已經係第二次嚟食萬豚屋啦！自從上次午市食過一次之後就一直心思思想食第二次，今次嚟到可以滿足吓口癮。我地打電話book咗位7點嚟嘅，一入到嚟舖頭都唔算好多人。以下係晚市嘅menu朋友因為下午茶食得太飽嘅關係，所以淨係嗌咗一小碗鮮蝦秋葵當主菜，有啲可惜，不過酸酸甜甜都幾好食嘅！值得推介之後就嚟到我最期待嘅厚切豚肉手打烏冬（黑蒜油豚骨湯底）！一送上嚟成碗都仲喺度沸騰緊嫁！冬天食呢啲熱辣辣嘅野真係正！本身1516諗住試新野嘅，話哂上次都試咗呢個，但左諗右諗都係想食返第一次食嘅呢碗，所以就無試到新野。下次嚟嘅時侯會再試！

雖然近呢幾個月氣氛唔算好  不過跟親愛既鄰居仍然keep住每月一聚飯局 忙裡總需要偷閒 還是需要亙相打氣 網遊時發現呢間萬豚屋頗受歡迎 於是跟鄰居二話不說去一看究竟以精選豚肉為主打材料及熬製成濃味湯底的手打烏冬而打出名堂 當日所見 未到六點半時店內仍有位可以入座 不過不算多七點後嘛...已經開始大排長龍了裝潢精緻簡約 頗有老舊日系感覺坐位間其實頗窄 基本上連包包擺放都存在問題 所以空間感是不存在的...望一下餐牌 主打懷燒料理 以石鍋裝住烏冬同湯款式都不少 湯底都有4款可選 實在令人心大心細除左烏冬拉麵仲有冷麵小食 梗有一款合心水吉列豬扒香菌濃湯手打烏冬鄰居超愛豬扒 本來想點吉列芝士豬扒 可惜當日仍未有 有點小可惜 不過上枱仍不失禮 大大塊頗厚身新鮮即炸熱烘烘 外脆內軟 粉漿不會太厚 咬落肉汁豐富 軟腍適中湯底好香好濃郁 帶有鮮菌香 味道豐富 雖然價錢不算親民 不過用料卻是十分足料大阪風 黃金胡麻担担石燒手打烏冬用擔擔面既湯底配合烏冬確實好有新鮮感 胡麻味道相當香濃 食落帶點少辣惹味 唔會太滯亦唔會膩 口感層次十足豚肉厚身有咬口 肉質細滑唔鞋口 油香味濃 食落甘香可口 

✨✨ 薄切豚肉手打烏冬🍜🍜🍜✨✨ 厚切豚肉手打烏冬🍜🍜🍜上次嚟萬豚屋食咗厚切豚肉手打烏冬，今次就試吓個白薄切豚肉手打烏冬，口感唔錯！只係肥膏部位太多，略嫌肥得滯，假如肉部份可以多一點就好！其次嘅係，佢個湯底好好飲，叫咗魚介湯底，好鍾意連埋粟米一路食一路飲湯，湯底極濃，忍唔住飲哂去，加上蛋黃令烏冬更滑，食咗三分二已經好飽，好期待下次再去試埋小食！由於係用石鍋器皿裝住，食到最尾都覺得熱辣辣好好食🤩✨✨

三味豚肉手打烏冬（魚介湯）$84湯味極香濃，每吃一口烏冬亦要伴著湯來送，吃了半碗也不覺口乾，證明湯裡面沒有味精。豬肉內臟亦是新鮮，咬了一口，豬味便充斥口內。喜愛吃內臟的朋友一定要試一試。卡邦尼蟹肉脆煙肉手打烏冬 $82卡邦尼醬汁沾著烏冬，又濃又杰，芝士味亦很出。店家放蟹肉沒有很小器，份量算多，沒有發霉的感覺，如果一個人獨自吃一碗的話，相信會很滿足。木魚豚肉玉子燒 $52本以為只是卷蛋，沒想到裡面全都是滿滿豬肉。豬肉加上香料令本來蛋味香濃的玉子燒口感更厚重，不會覺得淡味，胃口小的女生吃這份也會覺得半分飽。燒活鰻串 $46是真鰻魚，沒有欺場，咬下真的會彈牙，沒有骨。燒汁亦很配得上鰻魚的鮮味。重點是這價錢不貴，可以一試。

位於尖沙咀一個比較隱秘的位置，在好多酒吧中間的一家餐廳，因為朋友介紹，所以找到了這家日本料理。一進門口感覺舊舊的，好像開了幾百年的舖，我們當時去的時候時間還早，但沒想到裡面已經超級多人，等了10分鐘左右剛好有人走，我們坐下沒多久，外面已經開始要排隊了，它們每一樣東西都做得很細心，連一隻杯都要打有自己店的名稱，最重要每一樣東西都非常乾淨，這就是日本料理店。－上級牛肉手打烏冬配菌湯－先來介紹我的石鍋烏冬，來的時候超級熱，最喜歡石鍋就是可以一直食一直都是熱的，上面的菜我不知道是什麼菜，但是好爽好清甜，記得每一鍋裡面都有一隻蛋，如果不想食太熟的，要盡快拿出來！菌湯是用好多茹類做成的，如果喜歡黑松露味道的話，一定要叫這個湯底。－璣燒海鮮盛合冷烏冬－嘩。。上菜的時候真的嘩一聲！！什麼可能可以做一個冰碗放烏冬，這個就是真正的冷烏冬，聽說這個碗要用一個鐡碗，放冰箱冰兩天才可以做到，所以每天都是限量，我們最幸運，因為是今天的最後一個！－醬油豬手－這個豬手醃得非常好，一整隻都非常入味，就連裡面的肉都是滿滿的醬油味，肉質更加捧，已經煮到好淋，一切開就可以食，好細心。食到最後外面還有好多好多人在等，下次在來食

從未試過食日本餐廳卡位要搭枱，兩pair人打對面迫埋一張卡位度，出面已經無人排隊差唔多成九點。d位又迫，又唔係食魚蛋粉茶餐廳，咁嘅服務真係好差。之前每次都係試烏冬，今次叫左燒十勝豚肉丼同豚角烏冬。呢度嘅飯係唔好食嘅，d沙律醬超多，蓋哂豚肉嘅味道，而且溫泉蛋成pat野咁，外觀好唔討好。烏冬用熱石碗盛著，有黑松露嘅香味，熱辣辣真心好食。但個位咁迫，我隻手俾佢淥親幾次... 日本餐廳一向重視服務質素，咁差嘅體驗就算d食物幾好食都無用。😡

天時暑熱☀️，要吃些涼透心的食物，我即時會想起冷麵/冷烏冬，喜歡入口後由口開始冰涼到胃，夠消暑，為炎夏降降溫❄。🥢冰碗磯燒海鮮盛合凍稻庭烏冬 $118冷烏冬由手工冰碗盛住，呃like 一流👍🏻，烏冬口感彈牙，配冷麵汁一齊食，好醒胃😋📌但記得要趕快食，因為冰碗會溶啊～磯燒海鮮盛有北海道帆立貝、紅蝦 x 2、醬燒活花甲 x 3 、雪國蟹柳，🐙🦑🦐 即叫即燒好滋味，夠鮮味。🥢上級牛肉凍稻庭烏冬 $86 烏冬口感彈牙，牛肉多汁又濃🥢北海道燒帆立貝 (2隻) $68 一客二件大大粒帆立貝，即點即燒，帆立貝燒到表面微焦，加上滑溜的旦王醬，十分香口。

這間日本烏冬店長期有食客在店外排隊，每次經過想嘗試，但都被長長的人龍打消了念頭。這晚決心排隊去試一試這間人龍店的秘密。.墨魚炸彈（$48）墨魚包着半熟蛋炸脆外皮，上面唧有沙律，賣相吸引🥰，可惜未能吃到墨魚的鮮味，整體上味較淡，反而旁邊的炸蟹柳更好吃。.蟹肉脆煙肉卡邦尼路手打烏冬（$82）卡邦尼烏冬十分吸引，味道香濃，口感濃厚，想不到煙韌的烏冬與卡邦尼如此相配💕。當中以蝦🦐、椰菜和蟹肉絲🦀做配菜，蟹肉不但量多，鮮味亦十分突出😋。另外配上兩片香脆的牛油多士🍞做點綴，沾上醬汁同吃十分美味。.吉列豬扒稻庭烏冬黑蒜油豚骨湯底（$94）吉列豬扒很大塊🐷，炸得香脆不油膩，可惜豬扒未夠軟嫰，欠缺調味，味道普通☹️。稻庭烏冬質感偏腍，不過十分滑溜，黑蒜豬骨湯底的黑蒜味雖然未夠濃，但仍不錯吃。奶茶意想不到的得出茶味香濃，口感柔滑，而且賣相可愛，值得一試👍🏻。.柚子豆乳芝士蛋糕（$32）Yuzu & Soya Cheese Cake柚子味很重🍊，感覺有點像雪糕。可惜太細件，價錢過於進取。

😋😋🍲 是晚又係食万豚屋， 我一向冬天都好鐘意黎呢度食， 因為佢個🍲石窩烏冬可以係keep 住好熱， 當你食到最尾個啖烏冬仲係出晒煙㗎， 唔係度度有啦，冬天食完可以暖笠笠。但而家咁鬼熱真係好想食冰凍野， 今日黎到万豚屋發現佢有個冰碗烏冬， 之前應該無咩留意 +多數食熱食， 真係後知後覺呀。 佢盛烏冬個碗真係用冰做㗎， 所以係會溶㗎， 但咁樣個溫度可以keep 住凍， 係炎炎夏季係真係一件好正嘅事， 食到最尾個啖都係透心涼嘅， 超正囉！！！👍🏻👍🏻👍🏻👍🏻👍🏻1) 冰碗Daily Catch海鮮凍稻庭烏冬2) 香菇湯配上級牛肉稻庭烏冬3) 北海道磯燒帆立貝 (2只）Encore 指數爆⭐️⭐️⭐️⭐️⭐️

萬豚屋算係我同身邊人最成日食嘅尖沙咀餐廳之一，雖然每次黎都要排隊，而且坐嘅位置都有啲迫，但係每隔一段時間就會心思思想食番次架喇哈哈！每次黎都必點厚切豚肉x香菌濃湯x稻庭烏冬！！香菌濃湯其實係豬骨湯底，一上枱熱辣辣嘅湯卜碌卜碌咁跳動，加埋啲菇類，沙律菜苗，粟米同流心蛋都吸晒啲湯~ 熱辣辣好好味！稻庭烏冬因為係比較手打烏冬更加扁同幼，所以係另上，咁就唔使怕會浸淋晒喇。醬油豬軟骨x黑蒜油豬骨湯x稻庭烏冬 係另一個推介。豬軟骨好入味，數量唔少都有4大舊，啲肉一咬就開好淋好好味。黑蒜油豬骨湯唔會好油，但係有一股蒜油嘅香味，同香菌濃湯比較之下，黑蒜湯更加香。燒鰻魚串係第一次食，因為口痕嘅關係好想食啲小食哈哈！兩串嘅鰻魚都有烤過，個底仲脆脆地添！肉都算厚身無泥味，加埋鰻魚汁甜甜地都幾不錯。不過記得上枱就即刻食喇，放耐左凍左就容易會有腥味喇。

今天出糧日跟同事再encore 萬豚屋，發現有新產品，黑魔女担担手打烏冬，名字吸引便order了試試，甫上桌翻滾而黑卒卒的湯底，翻起了濃濃的黑芝麻味道，非常吸引，店員親切的指示最好是搞拌過才吃，因芝麻會沈底，湯底香濃養生，有美髮美顏之功效，烏冬彈牙爽囗，非常好吃。同事點了店子招牌的野菌濃湯底配厚豚肉稻庭烏冬，湯底依舊保持水準，豚肉層層的口感令人一口接一口的，減肥計劃也拋諸腦後，吃過烏冬還意尤未盡，再添加了木魚豚肉玉子燒，玉子一層層的，非常好吃，還鋪上沙律醬，邪惡的美味！乳酸爆珠都好好飲吃完挺飽了可是甜品胃還未滿足，再來一碟百爵茶芝士蛋糕，茶味清新，一點也不覺膩，兩位女仕竟然可以全部吃清光！一個字，正！