蓬瀛仙館齋廚

營業中

休息中

上星期六心理衛生會搞活動，到蓬瀛仙館吃素，好好味，所以趁今日我生日，一於和媽媽及叔叔來這兒吃吃素，順便清清腸胃，不想殺生！除此之外，另一個要來這兒吃的就是懷念以前細個係蘇杏旋開的齋館必吃的－法海圃團，此餸是我細個每逢跟大人去食齋時婆婆必定叫的－一塊大腐皮，包著各樣齋菜，蒸完然後下油鑊炸，再用髮菜舖上面，用素蠔油打獻淋上面，每次吃的時候都必有一番風味。所以，今次再來，我們三人一定要叫！法海大圃團－和我們以前吃的大有不同，他們不再用大腐皮包著各樣齋菜了，是一個個腐皮卷來炸，但一樣這麼好味，而且有一些花菇在面上，在加上髮菜，正呀！素春卷－正呀，我上次跟心理衛生會吃過一次，所以我今次亦叫一歙，春卷包著蘿蔔絲來炸，雖然是熱氣了點，但也好好味！紅燒素翅－不錯，好多素翅，好似真的吃碗仔翅，正！菜遠生根－不錯，ｄ生根好好味，因為我好喜歡吃生根！齋滷味－是叔叔臨時話叫的－麻麻地，因為已太凍及齋燒鵝已淋了及不夠脆！服務不錯呀！

星期6一行6人去吃,那天只供应套歺,6人歺合理價錢330元5個小菜1個羹,白飯和粥任食雖然是齋食材簡單但仍做色香味俱全平凡白粥好香陳皮味炸物用料丰富而又不油齋田螺外型口感很近似真的其他都以新鲜箛類和菜為主菜式很大碟足夠6人有餘

端午節暨阿姨的生日. 太太的一家人就選擇了於週日, 舉家來蓬瀛仙館遊覽及食一餐上乘的齋菜. 說起蓬瀛仙館, 是一個道教的寺院, 中國的道教, 正式來說也是推行食齋的. 因為道同佛既道念都是不殺生, 為己修行. 所以真正的道觀, 也是不食肉的. 雖然蓬瀛仙館交通方便, 就在火車站旁邊, 不過對上一次來, 已經是20多年前的事. 當年星雲法師來訪香港, 老媽在馬來西亞的表親隨行, 有緣的被邀請至蓬瀛仙館與大師一起共進午餐. 當年的味道只能從媽子的口中得知, 而且當年是由星雲法師的御用廚師製作的齋菜, 說真, 那次的經歷是特別的.今天, 我以遊客的再次來到了蓬瀛仙館, 位於山腰上的蓬瀛仙館, 多了不少便民的設施. 如升降機, 方便輛椅人士自行出入的斜道. 由火車站至山上的飯堂, 推著BB車, 推著老人家, 也不用費太多的勁.呢一類寺院飯堂, 大多都是白飯白粥任食. 而且價錢上是極之經濟同大眾化的. 我們一行剛好16人, 叫了兩個八人套餐. 兩圍齋菜上齊時, 先同阿姨說聲生日快樂. 我們, 就拼命的去食了.一上, 就上齊了套餐的所有餸菜, 我們打了飯, 打了粥, 就開始分發是日的湯羹. 百花粟

看到大家在網上對蓬瀛仙館的評價不錯，加上平時外出吃飯多肉少菜，不太健康，於是決定清清地一試久未光顧的這間齋菜館。 這兒鄰近粉嶺地鐵站，從地鐡站步行至此只需五分鐘，十分方便。 由於我們二時才到達，客人不多，比較安靜,加上空調充足，坐的自然舒適，讓我來介紹此館的齋菜吧。 　二人套餐己加價至一百二十大元，包三道小菜和飯及粥，免茶芥加一。對於不算大食的我倆，三大碟齋菜已十分足夠。　三大碟齋菜包括豉椒素田螺、羅漢會上素和春卷併酥卷。每道素菜均份量十足，足夠三人進食!　豉椒顏色鮮艷，配以素田螺的彈牙，加上我愛吃的草菇和豉油芡汁，正好下飯。　羅漢會上素的菜心清甜，加上美味的玉米心和雪耳，是為健康有益之選!　春卷併酥卷香脆足料，美味的令人不禁多吃幾件!　蓬瀛仙館的粥和飯是自助免費提供的，在白粥中竟然發現陳皮! 這使白粥不單調,不錯吃!　這兒給我的感覺是寧靜安心，拋開世俗的繁瑣，細味自然，反璞歸真，是難得的寫意！ 這兒收費合理，是為滿意的一餐，大家可以一試! 希望各位品嚐齋菜後，以仁心處世，實可積福。

本來想去雲泉仙館,行錯左,來左蓬瀛仙館,真係錯有錯著,呢間仲好味過雲泉!火車B出口,已經有指示,行左5分鐘,蓬瀛仙館已經係眼前,沿樓梯上係左手邊有個飯堂,再上一層,已經嗅到好香的齋菜飄逸,真係好想快D去試下!因為得2個人,都唔會叫好多野吃,但飯堂真係好細心,佢有2人的套餐,都有3個小菜,都係$120,咁平,但好多人來吃,坐係有冷氣的房吃齋,真係好涼快,白飯,白粥任食,D白粥仲有果皮,好好味!5分鐘左右,已經有菜上,素鴨拼春卷 - 素鴨好鮮甜,春卷外脆內甜,D蘿蔔絲好甜,仲好吃過D酒樓春卷,就連我老公唔吃春卷,都吃左3大舊,可想而知,真係好掂!豆豉炒素螺: 素螺好爽,三色燈籠椒一齊炒,上碟好Colourful,好入味,呢個一定要推介! 炒羅漢齋:菜心底,菇類雪耳雲耳木耳等的食材,好足料!2個人仲話太多吃唔哂,點知太好吃,一陣就吃哂啦,仲吃左3碗粥,真係好好味!

認識蓬瀛仙館齋菜係我二姨丈去世後在此設解"惠"宴開始,大家都對該館的齋菜十分滿意.我家喜愛齋菜,所以有時我0地帶一個鄰居專誠搭車光顧.我0地order佐 二人套餐( $105,免茶介加1 ) and 齋鹵味 ($ 30)炒素螺: 素螺彈牙,配合燈籠椒,草菇(難得不腥),豆豉異常地夾,芡汁不會太多,太稀和太杰,份量又足,次次都好早清哂.炒羅漢齋:份量足,菜心甜,菇類雪耳雲耳等可口,芡汁有髮菜碎,唔錯. 如果芡汁少D就好,就算髮菜少D都 "大丈夫"(冇問題).蘿白春卷X素鴨卷: 其實都唔錯, 脆,香,足料, 但如果可以俾客人改其他炸物(eg.荔卷,素炸雲吞,最好有芋頭魚la) 或者取消(eg.有D唔食得炸物)就最好齋鹵味:款式多,不會太甜太酸,尤其素鵝珍硬中帶軟,表面香甜,好! 比市面齋鹵味出色.粥飯自助免費提供,粥有陳皮,頗有果皮香,粥又綿,不錯.

家人放假,好多時都會想起來蓬瀛仙館呢度食齋,因為,好味又抵食,而且,呢度既粥及飯係任食的(因為茶芥粥飯是以人頭計,忘了5蚊還是8蚊位,但....兩位兒童沒收費呢~)今次叫了"荔芋拼素腿卷","蜜汁煎酥卷",脆皮乳豬件",金菇扒豆苖""百合腰果花枝炒什錦",最好食的當然係"乳豬件"囉,每次來都必食的.

星期日跟家人到粉嶺逛逛, 途經蓬瀛仙館, 突然想起食齋菜的念頭, 詢問家人意見, 皆無異議, 便一起走進館內。時值午飯時間, 館內食客不多, 待應很快便為我們安排座位。我們點了一個三人套餐, 有四款齋菜, 價格一百五十元。齋菜款式有以下:- 羅漢會上素- 杏鮑菰扒時蔬- 菠蘿生根球- 春卷拼酥卷另白飯及白粥無限供應。齋菜味道一般, 跟街外齋菜館的味道相約, 不過白粥的果皮味很突出, 我一個人吃了兩大碗。但白粥配上酸酸的菠蘿生根球, 感覺怪怪的。整體來說, 齋菜很清, 對於平日吃得太多肥膩食物的我而言, 偶爾吃一餐齋菜, 清清腸胃也不錯!!

呢間幾好食架，地方又寬敞，雖然唔係好靚仔！呢間响粉嶺火車站附近，因為呢間好早關門，所以最好就係下午(兩點後，六點前)，所以星期六，日就好D。地方都大架，果日去食，得一圍大枱，同幾個人食，所以如果我地去，都可以拍兩張大枱，大家圍埋一齊，吹下水。嘻嘻~~呢度既食物，唔會太油膩，都OK的！價錢都算合埋，我地果日三個人，平均每人60元，食得好飽，所以都可以少叫一個菜的 ^^。西蘭花，呢D菜係我地必叫的。新鮮，唔油，好食！腐皮卷，雖然係炸物，但都唔會好油膩。唔似上次去MK果間 "青X" 假齋舖！原本想叫齋嚕味架，但賣晒呀，我地都仲聽到好多客想叫，都無。但又想食甜酸野，就叫左呢個：菠蘿生根。好似酸齋咁既。我地原本就只係叫左呢三個菜，三個人都好夠架啦，飯粥任食。朋友鐘意食脆卜卜既食物，叫多一個芋頭魚，好味呀，又係至受的甜酸汁。芋頭魚，上層好酥，中間好鬆化，入口即溶，好味道！！！白飯任裝！白粥任添，好味呀，陳皮好香~~~正~~~呢日食得好飽，飽到上心口，~~好抵食！抵食！

四月一日午膳時間，我們三人到過蓬瀛仙觀食齌，因為"懶"，所以依家先寫食評。我們叫了「三位套餐」，有羅漢會上素、杏飽菇排時蔬、菠蘿生根球、春卷拚酥卷、粥／白飯任食，盛惠$150。每個菜式都是平均水準，味道適中，吃完不口喝，證明無落味精，職員態度極友善。上班時間平時在外食得太好，好想再去食多次，食得清清地，睇落健康D。

媽媽鍾意來食齋.叫我陪佢....我係一個基督徒有少少抗拒去食齋一去到點了羅漢齋.同冬菇麪...又唔錯羅漢齋料又多.冬菇多....的汁又整到幾好食...個麪冬菇同菜都多...係個汁有油唔好...湯底胡椒味....我食齋經驗唔多....唔係幾識評.......但呢度幾抵白飯,白粥任食的........而最好食的反而係飯.......環境唔錯,係個厠所麻麻地,鍾意食齋的人......呢個地方都係一個好的選擇

09年10月11日 星期日今天天氣很好, 天高氣清, 還有陣陣涼風送上, 於是我跟老公約同媽媽中午時份到粉嶺蓬瀛仙館吃齋菜, 到逹仙館已是2點半了, 實在餓得很, 也不知是不是這個原因, 覺得今次的齋菜份外味美, 我們3人點了3餸1湯, 埋單每位約$70. 1. 羅漢八寶湯 ($40)內有紅腰豆, 腰果, 花生, 蓮藕, 蓮子, 紅蘿蔔等, 成個湯煲到起晒沙, 夠晒火喉, 真係估唔到無落肉既湯都會咁好味濃郁, 結果所有湯及湯渣都全部吃清光.2. 素菇扒時疏 ($50)這個餸用上了多種菇類, 值得推介給喜愛吃"菌"的朋友們. 內有冬菇, 金菇, 雞脾菇, 秀珍菇及菜芯, 菇大大塊, 切得厚厚的, 可以盡情地大啖大啖吃菇確實很暢快, 菜芯非常新鮮爽脆, 可惜略嫌芡汁過濕. 3. 銀芽蛋白炒素翅 ($50)店員推介這味餸用上了滑滑蛋白炒素翅, 於是點了一客. 誰知一拎上枱, 己發覺油光滿瀉, 吃一口, 滿口也是油, 全因蛋白及素翅先經炮油, 再快炒, 實在下太多油了, 我們各人只吃了2啖就全碟放棄. 4. 荔茸卷 ($40)這個荔茸卷做得很出色, 應該是先將芋頭煮熟壓成茸, 再卷成粗

從港島來到粉嶺，同朋友二人誓要到此仙館一嚐這兒的齋菜。這裡適逢舉辦百日齋宴，一桌一桌的坐滿了公公婆婆，非常熱鬧。菇扒時菜採用草菇，香味不夠。羅漢豆腐與一般齋菜的不同是這道菜明顯地有麻油香。兩碟齋菜，真難分別它們的不同之處，材料都差不多，都有時菜菇類，所以麻油幾乎是分別它們的要素。這兩道齋菜都用了較多油，容易入口，但朋友較喜歡靈隱寺的齋菜，可能因為這裡的商業味道比較重吧？但無疑這裡的齋菜是比較抵食的。這齋廚的另一特別之處是粥飯任添！

上星期餞別即將退休的同事，有位同事提議去蓬瀛仙館吃齋菜，記得年前在蓬瀛仙館也吃過數次齋菜，但已有二年有多没來了，所以即時和議约好齊齊食餐素菜。 從粉嶺火車站向山那邊過橋後再穿入隧道横過粉嶺公路，一出隧道口便是蓬瀛的大門口，再爬上一道不太高的樓梯，從石级頂左手邊的路直入便是齋堂的位置，應該不難找到正確位置。之前多次去蓬瀛吃飯都見客人不多，但這天下午抵埗時已高朋滿座，齋堂內大部份都是大枱，所以我們四個人也要搭枱，但無須等候立即可入座，菜牌上有客百多元的四人套餐，我見菜式較一般，決定散叫幾道較有特式的素菜，在這裹無論是散叫還是吃套餐，白粥和飯都是任添任食的，看過菜牌後叫了四味菜。火龍果炒素蝦仁這味素菜以火龍果入饌，口味非常清新，加上鲜百合、荷蘭豆炒素蝦仁，蝦肉色素蝦仁上面有蝦身上的红色横紋，造型和口感都極似真蝦，賣相和食味也不錯，大家都猜想究竟素蝦肉是用什麽食材來造。鮑魚菇炒白菜鮑魚菇不算平價食材，但碟中鮑魚菇份量很足，在白菜仔的面上鋪滿一碟，茨汁夠薄不是成碟油的素菜。五柳素葫蘆本想叫五柳素魚，伹看遍菜牌及套餐都不見有素魚，侍應介紹了這味食材、味道跟素魚一模一樣的五柳素葫蘆，只是没有魚的外

補回12-1-2009 食評下午一點幾,大姐夫來接我們,再去了粉嶺"蓬瀛仙館"吃齋菜~呢間已來過好多次了~這兒的白粥又綿,白果及果皮味好重.齋菜水準也很好的,今次我們叫了香煎腐皮卷,酥炸荔芋卷,西檸煎酥卷,素乳豬,黃耳百合炒蜜豆,羅漢齋,而素乳豬的味道更幾可亂真的呢~~好有趣~~味道仍keep得好好~正~~照片參考 : http://hk.myblog.yahoo.com/kitypanghk/article?mid=17427