蓮香居 (已結業)

早幾日去咗陸羽茶室 激到成肚火收我30幾蚊茶錢竟然俾個不鏽鋼茶壺我 啲茶又唔夠濃 真係激到我彈起終於呢兩日去咗蓮香居飲茶安撫我受傷嘅心靈古語有云 飲啖茶食個包 水滾茶靚 一盅兩件嚟到我呢度變咗 嘆啖茶食個撻 水滾茶靚 兩盅十件睇吓樓下嘅圖就可以見到我哋嗌左邊十樣嘢最為強烈推薦係 係蛋撻同豬潤燒賣啱啱好呢兩日天氣又涼我哋就叫咗杏汁白肺湯嚟滋潤吓 點知呢頭落單 轉頭叔叔就推住架車出嚟 蛇羹啊蛇羹啊 我哋又忍唔住舉手試吓係呀呢度仲係用緊點心車 姐姐經過嘅時候麻煩豎起耳仔 聽吓佢哋嗌咩 經過兩日嘅訓練我終於可以聽得順利一啲1.蝦腸～牛腸～豬潤腸～ 2.蝦餃～燒賣～牛孖根～ 3.叉燒包～雞球大包～馬拉糕～聽住佢哋咁嗌真係可以想像到爸爸媽媽嘅年代係點樣嘅 好似真係別有一番風味呢度而家已經比較少茶客 會衝出去攞嘢食 取而代之就係截停架點心車同姐姐講 再唔係當佢嗌緊啲點心嘅時候 你更加大聲回應佢 例如你聽到佢嗌燒賣你又想整返籠嘅 你用更大聲去回應佢大聲一嗌燒賣 之後佢就會攞住籠燒賣 走埋嚟你張枱同出面嘅茶樓相比 似乎更加有情懷更加有人情味 比起一般填紙仔落單有更加多嘅交流 姐姐唔太忙嘅時候亦都會推介下

這裡最出名的似乎係晚餐小菜, 不過其實早餐都係爆滿. 古色傳統的茶樓感覺就是不一樣, 搭抬傾計然後慢慢食點心, 悠閒的過一個上午.有時候早上起身, 無所事事, 在家也是食麵包外賣或者去附近茶餐廳俗氣茶樓食早餐, 一點也不過癮. 盡是一些換樽不換藥的掛羊頭賣狗肉食店.這裡從小小的蝦餃, 燒賣, 到出色的金錢雞, 都很自己風格, 不是中央做定然後全香港都係那幾種的味道, 這種店已經買少見少, 要珍惜.

一盅2件,今日路經蓮香上左去試下佢地既點心以前好多遊客個陣根本無位食飯,而家唔洗排隊都食到一個人過黎飲茶咪試下囉,蒸飯有臘味飯 咸水角 蒸粉果 一個人食3碟已經極限呢度最特別係飲茶仲係用焗茶盅既,好多人都唔識用,要貼住隻杯先隔到茶葉呢度既茶都幾濃,茶夠香水夠熱就好飲架啦臘味飯一件鴨腿,臘肉4件,臘肉2款各半條, 臘肉咸鮮帶肥 臘腸最好食,夠油夠肥有肉香臘味飯加少少豉油已經好好食,食咁多油已經半飽,食埋3隻咸水角 咬開係肉餡咸咸地仲有碎菇粒口感豐富粉果都係好大隻好飽,個皮好煙韌蓮香居上環德輔道西46-50號2-3樓2-3/F, 46-50 Des Voeux Road West, Sheung Wan消費$100評分7/10

一直都好想黎試下食物質素就麻麻嗌左幾個點心餃嘅皮都偏厚其餘食物就幾重口味感覺上都唔太乾淨但要keep住行出去睇推車仔有咩食又可以同d姨姨傾計係幾有趣嘅不過一次就夠

前排同朋友講起飲茶，重記得好耐之前，曾經幫襯過唔知係蓮香居定蓮香樓，記得佢嘅金錢雞超級好食 🤤 所以就同朋友揀咗蓮香居試吓，不過去到先發現自己原來之前係食蓮香樓，不過既然嚟到咁當然要幫襯下。裝修格局又係同蓮香樓差唔多，又係有手推車姐姐賣點心，啲餐具圖案又差唔多，就算連餐牌都有九成似，真係好易令人混淆。😵‍💫蝦餃、其他點心 : 蝦餃偏細粒，其他點心亦無驚喜位同賣點，最好食只有個沙翁，就連我期待已久嘅金錢雞亦做得好差，相都唔想影，超級失望。😔新鮮豬潤燒賣 : 只係豬潤加燒賣，味道十分普通。魚翅撈飯 ($98) : 都幾大兜可以三個人食，魚翅份量都唔少，不過個汁就冇咩味，有啲可惜。

之前領略過中環蓮香樓的食物質素之後，和另一半大膽來蓮香居試菜，好吃才和朋友們來吃晚飯。當晚人氣十足，不似中環店那麼稀疏。叫了杏汁白肺湯，好足料。有點過咸。我品嘗到輕微的杏仁香味，但另一半吃不出。西檸雞好好味！雞肉滑，但如果可以提升鬆脆度會更好。當晚還叫了龍蝦伊面，端午節優惠都幾低食。當晚好幾枱都有點這道菜。當日星期日，糖水是馬來西亞咋喳，我自己就好喜歡，另一半覺得有椰奶會好吃些。整體水準比中環分店高，可以返嚟先其他菜式。

呢日口痕，好想食西米布甸，要假日先有得食仲要11點後先至有😂真心好食除咗布甸，叉燒酥，炸雲吞同埋蛋散都真係好經典😂必食系列煎腸粉同埋淮山雞扎👍🏼正蒸雞飯就一般啦不過真係可以食返懷舊嘅味道😋最鍾意佢哋會推住點心車出嚟😂可以慢慢食

好開心啊😃！今日同學兄食晏對方提議「蓮香居」食懷舊，都好喎反正我未去過。兩間蓮香樓蓮香居都去過，各有各精彩之處，前者會比較近 60 年代，後者似在 79 年代上茶居感覺。久違的點心車一見開心到極，兒時跟父母上茶居最開心就是車內的啫喱糖一個個膠碗載著，上面加把紙傘今日見到特別親切。🥰現在沒有啫喱糖，惟有點了我更喜愛的炸雲吞。🥢炸雲吞餡是一隻小蝦同豬肉末，小蝦微彈雲吞香脆可口，淋上酸汁味道提升。🥢豬潤燒賣，即叫即蒸味道可以，就是豬潤有點老。🥢胡椒豬爽肚不是隨便一間酒樓食到的，一見點心姐姐宣傳即叫下來，給我一碟惹味爽脆豬肚。🥢杏汁豬肺湯熱騰騰原盅的燉湯，杏汁較少，白肺軟綿整體清潤補肺。海鮮瓜粒泡飯點心車有限酒樓可見，蓮香居可尋覓惜日感覺。

今次專登拜訪蓮香居都係為咗佢個懷舊灌湯餃。9:15am去到坐低，一路食住其他點心一路等，等到10:00am終於見到阿姐推住架車仔出嚟，嗱嗱聲問佢攞一籠😋呢度啲點心味道OK嘅，同埋呢款灌湯餃真係已經唔多地方有得食。服務方面呢，呢度啲伙計大部份都係上咗年紀嘅，不過你叫佢幫忙沖水，佢哋都好快手㗎👍🏼

因為限聚令，所以好耐無飲茶啦，而家可以4位，所以weekend 決定去飲茶我鍾意蓮香居仲保留到舊香港嘅感覺，有姐姐推車仔嗌住有咩食啦，用茶樽而唔係茶壺斟茶啦，仲有好多叔叔伯伯拎住份報紙係度刨，呢d情境已經愈見愈少啦呢度嘅野都好啱我，因為呢度嘅師傅好夠味，啱晒我呢d重口味嘅人🤭我最鐘意食呢度嘅灌湯餃，呢度個灌湯餃同出面唔同架，呢度係冇湯浸住架，d湯係喺隻餃裡面嘅，最正係佢皮薄又juice，好正😋豬手同鳳爪都好夠味，放係底嘅豆卜索曬啲汁😋勁好味跟住呢，我就鐘意食沙翁，好鬆軟。但蛋散就麻麻啦，唔鍾意佢比較淋。好香荷葉味牛腸皮薄餡靚其實其他食物我都覺得唔錯架，仲有好多野食都想試，可能再等多個weekend, 我會再黎過架😋😁

老遠係天水圍開車過海竟然唔係食西餐，今日去懷舊港式茶樓開餐。樓高三層，第一次嚟報到，去到二樓好似搶頭馬咁，嗱嗱聲揾個靚位坐。天天不同，午市糖水午市價錢都唔算貴餐單上有好多點心，但當日來來去去都係嗰三四架車。冇咩選擇！唔好講笑，呢啲懷舊茶樓真係好污糟！阿叔過嚟收枱，抹完枱等於冇抹，成張枱都係油。仲要喺我哋面前扭扭塊枱布，嗰張枱布搾出嚟嗰啲水啡黑到呢！我同隔離嗰位睇到都O嘴，只好嗱嗱聲又攞晒身上嘅乾濕紙巾不停抹枱。忙完一輪，又到啲杯杯碟碟。我隔離嗰位滾水沖一下隻茶杯咋，嗰啲油竟然出晒嚟！朋友都忍唔住同隔離啲阿姐阿叔講啲碗碟要洗多幾次吖！我哋洗完又洗，過完水又再洗，洗咗幾轉先到。適逢星期六，點心車確實有好多，但可惜見唔到架煎腸粉嘅車仔。今日試食咗叉燒包、黑椒爽肚、乾蒸牛肉、燒賣，仲有春卷。無可否認，個爽肚做得好好，真係爽脆。但其他就食唔出同外面有咩分別。。。

返完夜收工肚仔餓，心血來潮約埋同事一齊去飲個早茶，諗咗一陣就選擇左呢間舊式嘅茶樓，之前因為疫情關係所以關咗門，而家開返就好想去試一試，茶樓分開兩層，所以都容易可以搵到位。呢度嘅特色係推車仔運送點心，非常之有特色，即刻叫即刻食，我哋分別叫咗叉燒腸，豬潤燒賣，柴魚花生粥，灌湯餃，豬肚，牛媽根， 煎三色糕...我哋兩個人叫咗八樣嘢食，因為太肚餓啦，掛住食都唔記得影相，味道非常之好，果然係懷舊茶樓，可以值得一去試。下次再去食其他點心....

難得星期日放假，當然最好選擇就是飲茶，一早起床來到西環附近的「蓮香居」，當日飲茶的茶客都真是好多，都好滿座也要等了一會兒才找到位置，不過都要與其他人一起搭枱。一坐下來，侍應都好有效率地問我們飲什麼茶，同時可以選擇用茶壺或者茶盅。我就不太熟識用茶盅，所以我都是選擇了用茶壺及鐵觀音茶。見到伙計拿著大大個熱水煲，真是辛苦了他們了，水滾茶靚是常識，在地上也會發現到有一個熱水爐座，讓客人隨時都有熱辣辣的熱水泡茶飲。見到一架架的點心車行過，又開始想起一些童年的回憶，小時候都好喜歡拎住張可蓋印仔的點心紙周圍搜索下點人車的點心，看下有什麼好東西吃，好像尋寶般。偶爾都會發現到剛出爐又新鮮的點心。這一刻我閞始又拎住張點心卡出去尋寶，但今次我先去了熟食檔先，熟食檔有糯米飯、粥、腐皮卷等......我就向點心姐姐落了單點了一份馬蹄糕及蘿蔔糕食住先，小量淺嚐已經感到馬蹄糕的香甜。馬蹄粒粒都好爽口份量又多，而蘿蔔糕煎得都好脆，糕身都好香軟有蘿蔔的清甜，味道真是不錯。一邊開始食糕時，一邊都有不同的點心車行過，聽到一賣包子的點心車，我又好興奮地又衝上點心車選擇了一個雞球大包及千層奶黃糕，大大個的雞球大包真是好足料，熱

去到上環海味街點可以唔食咁出名嘅蓮香居！推車仔嘅酒樓我嘅年代就真係未經歷過啦🤪不過去到已經係夜晚 冇得食點心唯有食返D小菜啦😍（好多價錢唔記得左太抱歉了😢）🧆生煎蓮藕餅媽咪以為係蓮藕入面塞D肉🥵點知原來係潮州個隻肉餅！不過炸得來脆卜卜又香口 一D都唔會油淋淋😍🧆蓮香霸王鴨 💰～200點上D甜麵醬真係唔使停😭食落層皮又香口 一D都唔油！D鴨肉又唔會好柴！真係唔怪之得咁出名🧆家鄉煎釀鯪魚 💰68將魚肉撩曬出來再塞返D自家製鯪魚肉入去煎我就真係從來冇見過啦😍不過阿爸就話呢個真係懷舊！係70年代嘅菜式來架！魚肉十分入味！鯪魚真係有百般烹飪方式🥳🍲東江豆腐煲 💰75潮州釀豆腐真係豐富曬豆腐個口感！自家製鯪魚肉同豆腐真係好match😍生菜都多到食唔曬！完全唔需要再叫多碟菜！湯好鮮甜 我飲左兩碗🤪🧆煎蠔餅麵粉會好多 成個餅好厚實😭最啱我呢啲厚實星人 點雨露真係double幸福！超級推薦

蓮香居啲老牌酒樓點心當然有保證，除咗點心之外如果想叫啲飯食，乳豬飯係首選，不過都好睇運氣因為唔係成日都有！乳豬飯嘅乳豬10分足料，係多過正常燒臘檔嘅例牌、1/4隻。乳豬肉同出邊嘅餐廳一樣會被切食一件件, 乳豬都算多肉，鍾意啖啖肉嘅朋友就好開心乳豬皮入口超級無敵脆卜卜, 脆到咬開時有啪一聲, 乳豬肉肉質嫩滑仲會流出肉汁期間我們還點了叉燒酥，叉燒酥表面焗到金黃，裏面超級多叉燒，甜度適中，充滿幸福感，是道不錯的小吃。炸魷魚鬚反而麻麻哋，呢個手推車冇要專登去出邊櫃面嗌，反而油膩感太多