蓮香居 (已結業)

老人家就是愛壞舊來這家快要再找不到的推車仔飲茶看來都只有熟客來而我們很幸運的老闆來給我們倒茶清新的普洱茶先洗一洗茶葉就可以沖了打開蓋子 就會有專人幫你加茶看看這個煲水的和這車仔不說食物也就能讓在下著迷了多汁多肉沒肥膏的叉燒包沒想到可以這般美味大隻蝦蝦餃皮Q涵靚鬆軟的馬拉糕好爽的豬肚好香濃醬汁這個在下吃上隱了滑溜的牛肉腸有著小時候的味道油靚炸出來的雲吞這手藝久違了皮嫩的粉果香濃傳統的燒賣把回憶都勾起來蛋味四溢的酥皮迷你撻好邪惡一次是不可能把全部吃完的看來是必須要再來還有很多好東西沒試上天啊。。好遠。。。。。 😅

此餐廳主打懷舊中式粵菜，是香港的老字號。這裏的裝修古色古香，侍應生都是老伯伯了，相信在此餐廳工作多年。杏汁豬肺湯，材料分足，雞腳和豬肺都是材料中美味的食材，可惜這次的杏汁略少了些，少了些杏汁的味道。八寶鴨，鴨子內有糯米飯白果蓮子等材料，糯米飯給了鴨子的味道， 十分美味。煎釀鯪魚，他還有一個別名叫「借屍還魂」，靚魚肉被取出只剩下皮，把魚肉攪成魚膠，加上果皮蝦米等材料拌好，再重新放進魚皮內，再把它半煎炸都外脆內軟， 是一道功夫菜。焗西米布甸，西米內有蓮蓉，非常好味。

見面不如聞名。湊熱鬧來試一下，體驗所謂冇特色的懷舊酒樓如何。坦白講，都幾難食。腸粉皮厚肉少 ，食落去得啖粉。其他蝦餃燒賣山竹牛肉食落十分一般，午市價錢唔係平，服務都冇乜，個個粗粗鲁，拿個汁都串串貢，平均一人百幾蚊，好食冇所謂，但質素仲差過連鎖店賣點心嗰 d 外賣品牌好多。不可一，不可再。

今日放假联同家人趁就快農暦新年來到上環辨年貨。之後我們去呢間位於上環懷舊蓮香居茶楼嘆茶，呢道有三層，一楼滿晒坐，我就上左二楼揾位，好彩比我揾到位。 呢道茗茶為主，茶好滑，水夠滾，待應不停幫客加水，真系直得一讚坐下嘆左杯靚茶，不久有姐姐推著点心車，車內放滿多款熱騰騰点心，叫了豬肚燒賣，豬肚新鲜，猪肉手切有口感，鲜蝦粉果，粉皮頗厚，南乳豬手醬料濃香，好好味，再來一碗皮蛋瘦肉粥，粥底好棉，皮蛋香，跟住叫左鸭腳扎都好好味，最後叫左陳皮鸭腿湯飯，現在好少酒楼有得食，鴨腿完隻上，湯有陳皮香味。今日食得好滿足下次真系要约多幾個朋友試更多款特色懷舊点心

星期六同朋友嚟到上環買野，順路見到蓮香居，已經聽過佢大名好多次，今次終於可以試到。店內裝修保留左舊香港特色，無論係茶具定係枱都好有古舊風味，佢哋仲係用緊推車仔咁樣賣點心，依家真係買少見少。侍應大部份都係上咗年紀嘅人，全部都好有禮貌，同好多客人都好熟。今次試唔到佢出名嘅西米布甸，叫咗嘅食物方面大部份都中規中矩，唔係話特別出色，我諗呢度嘅人都係食佢嘅風味，而且佢嘅價錢偏貴，唯一值得讚嘅係壺茶衝得好好飲。不過如果係想體驗下香港特色嘅都可以一試。

今天星期日，一早做完跑步活動義務工作人員，超級肚餓！即刻揸車去上環「蓮香居」飲早茶。一早，酒樓已經全院滿座，呢度行傳統方式「搭枱」，幸運地可以不用等剛剛有位，老人家待應非常幽默叫我地坐定定等執位上茶。點心非常高質素有特色，新鮮熱辣又好味道，我哋先後叫咗新鮮出爐嘅菠蘿叉燒餐包、香煎蘿蔔糕、仲特登叫姐姐幫我地煎香啲蘿蔔糕、又叫咗蝦餃、燒賣、鳳爪排骨飯，呢度啲水準唔係一般外賣點心店可以做到，所以得到大家熱烈捧場。尤其是「糯米包」，不是其他地方能夠食到，新鮮熱辣、糯米軟熟、調味剛剛好，質地柔軟又唔會太淋，真係非常出色。要留意一個地方，就係熟客同散客嘅招呼真係有分別的，隔離枱係熟客，侍應伯伯會幫佢哋洗埋茶盅焗埋茶的，我哋係生客，當然食自己啦！但係服務、環境和食物係傳統嘅親切及高質，鍾意飲中茶真係唔可以錯過。

呢道係行舊式香港風既光管同光管中間掛左幾個紅燈籠門窗都係古典風 紅紙 字畫周圍都係五點幾就到左 嗰刻就只有小貓三四隻到後來全場坐滿就覺得早到真好好啦坐埋張枱 可能因為係訂枱或者大枱零零舍舍我地張枱係有鋪枱布 但碗同杯都係同其他枱一樣既感覺上都係殘殘舊舊偶爾都有啲污積 不過換過就可以啦 問題唔大 一般茶樓都會出現首先係金錢雞燒味拼盤雖然我地多人 但小朋友普遍唔食就冇嗌大一個size未必個個知就講下啦就係肝放面 豬油中間 叉燒放底好多人話好正 同行人大讚 係以前既味道可能我比較年輕 未食到個精髓其他燒味上枱已經唔夠熱 切口位整齊 擺碟都有諗過貌相都ok既所以之後係蒸沙巴 好大條魚。。。其實想嗌細條啲但只有兩個size 聽員工講細既係for 4-5人所以就叫左條大既 約一斤多少魚身尚算蒸得滑 都ok好食既 所以即使佢真係好大條都比我地分哂黎食叫左兩個飯 怕小朋友唔食糯米飯或者唔飽所以特意叫左個瑤柱蛋白炒飯正正常常 炒得都乾身 大路野 小朋友多數都啱食糯米飯 落左小小蛋啊蔥花啊花生喺面 入面就有啲臘腸啊嗰啲 係幾足料各樣野都係夾既個味都係好食既每一啖都熱既瑤柱金菇豆苗一向都會叫碟菜 保障飲食

其實唔小行業因為香港租金昂貴，所以營商困難。 今日去呢間位於上環既古老式茶樓亦已買小見小，令人感嘆。呢道有3層，1樓和2樓散客細枱為主，3樓有獨立房間，需要預約。由於無知客安排位置，揾位全靠自己，屬於難揾位個隻。記住來得呢道係茗茶為主，點心其次。杯茶好滑， 水夠滾，侍應好勤力，不停幫客人加水，無當體你唔到，值得一讚。點心 ……只叫了蝦餃皇、 豉汁排骨、 叉燒腸。蝦餃皇，一籠四粒、皮薄而且隻隻裏面都有大大粒鲜蝦加竹筍，好味道。排骨，夠惹味，最勁係有夠已入哂味既豆卜向底，勁得。至於腸粉，雖然多义燒，但無特別。粉麵……另外，再加了碟菜遠班塊河，魚塊， 脆口、炸粉小魚肉多。 可惜太多油，很肥膩。衛生程度……不似街外一般酒樓，沒有地氈同枱，所以整潔度就差少少。 但由於呢類型嘅酒樓已買少見少，所以值得嘗試。

黎既原因係有外國朋友黎，想帶佢地食啲地道野，不過真係好難食，叫少少野700幾賣單:叉燒，燒鴨，星州炒米，麻婆豆腐，咕嚕魚，無樣係貴既都咁既價錢，仲要唔好食，唔好玩啦！ 出面茶記食好過！啲伙記態度又要差，啲碟大大聲咁dump落枱，真係一定唔會再黎！！

今日去咗呢間幾出名既茶樓飲茶。我同朋友兩個人嗌咗五個點心嚟試。佢既蝦餃唔算大粒，一口size，蝦肉彈牙，皮唔厚。燒賣既size同蝦餃差唔多，餡料結實足料。鳳爪味道好好，醬料好香。腸粉我地原本想揀豬潤腸，可惜賣晒唯有試個蝦，啲蝦都幾大隻，腸粉幾滑。最後個牛肉球都唔錯，唔會好硬，食到有陳皮香。呢間茶樓既點心唔錯，再加上懷舊既裝修同埋係推車仔賣點心，真係值得一試!

四人在看過菲臘牙科，決定在難得一到的上環吃早餐，於是選了蓮香居，試試食物是否真的好吃。若叫環境懷舊，個人覺得也不太算，因蓮香居沒帶刻意弄得「懷舊」，四周牆上掛了不同的花畫、鳥畫等，桌子及椅子都看出用了多年，食物掉在玻璃桌上及磚地上也好處理，員工都是「前輩」了，有些做事甚快，所以你慢吞吞的話，可能人家就走開了。所以我認為這裏是真的舊。部分食物有別一般酒樓，如淮山滑雞扎，平時是以腐皮包裹，這裏是以爽脆淮山片包裹，頓時吃得健康了☺️。還嚐了兒時最愛蒜茸鮮魷，魷魚🦑十分大片，軟軟的，易咬，好味😋。另外推薦黑椒牛筋，我們總吃了三碟🤣🤣，牛筋炆得入味又易咬，惹味十足！最後有朋友忍不住又打包了兩份黑椒牛筋回家吃。整體食物價錢中等，免加一已是一大優惠。

星期六去咗同屋企人飲茶懷舊下😇依家可能少咗遊客我哋11點去到都仍然搵到位坐😅鍾意依度仲有啲懷舊茶具同埋手推車可以自己揀點心食😍我哋一家人食咗唔少點心蝦餃燒賣牛肉鳳爪🤗樣樣質素都唔錯，另外仲有即刻焗起嘅酥皮奶黃包。最後點上乳豬飯同叉燒飯，乳豬皮好脆，又唔會太肥非常好味。叉燒就正常質素，都不錯，勝在份量非常多。

是日到上環工作，中午時間就同同事到蓮香居食午餐。懷舊酒樓無一間就少一間，所以要黎食下。去到岩岩好有位，叫左普洱茶不過唔敢要杯因為唔識用倒會搞到成枱都係。煎腸粉-夠晒香口，加埋醬汁就更加好味道。煎芋頭糕-芋頭味好重，煎得又夠香口。义燒包-都幾好味。燒賣-肉質幾好唔會太肥，仲有蝦都ok。排骨-中間有一兩舊唔熟，所以唔好。

Not recommended if you are looking for good local dim sum. The environment was acceptable but the food quality is poor. Mung bean dessert we have ordered was watery and tasted fishy. Century egg was so hard that it was so difficult to chew and bite off

😋 No.325 香港 | 莲香居🔹地址: 上環德輔道西46-50號2-3樓🔹香港老字号茶室了，西营盘地铁站出来走一会儿就到了，3层，是罕见的这么大的茶室，百年老店，所以装修陈设都略显陈旧。🔹保留了点心车，实在难得，但还有很多菜品需要自己去抢。🔸马拉糕，莲蓉包，虾饺一定要吃。莲蓉包一个好大只，里面的馅可是太充足了，又没有很腻，实在是难得。虾饺晶莹剔透，一口一只大虾好开心。🔸肠粉，叉烧包，牛百叶也都是不错的选择。叉烧包包子皮有点厚，其他没毛病。🔹人均50-100，口味9/10，服务7/10，环境7/10