薈聚軒

營業中

休息中

朋友聚會吃晚飯, 點了半席六人套餐。七時許落單, 期間侍應錯把鄰座食物送上, 感覺有點混亂。晚飯到尾聲大約九時左右, 蒸魚還沒有送上。前後三次向不同侍應查詢, 敷衍了事回覆都是一樣 "蒸緊啦 ...."。等了又等🕤 眼見客人紛紛離座, 廚房也給其他客人送上蒸魚, 我們還沒有等到......一直到九時半, 有位女侍應過來對我們說: "而家廚房煮得嚟都半個鐘啦, 不如喺魚缸撈條魚🐟畀你哋拎走啦!" 真係聞所未聞, 要食新鮮魚不如去街市買, 為咩要去酒樓呀!😡🤬😰當我們要求退款時, 那位女侍應態度強硬, 表示套餐沒有退款的選擇。 終於迫使我們拍枱大罵, 那位女侍應立時消失了! 後來經理上前了解,答應退款$200 並多次向我們道歉。本來開開心心諗住同朋友預祝生日, 沒有想過要動氣才可以解決問題。歡樂氣氛亦被破壞了😡😡😡侍應待客態度及應對能力都好有問題, 選擇不會再來了☹️

從開業至今，一直都有去飲茶，之前覺得佢係白石角入面最好味酒樓，但最近啲幾次都覺得水準有下降，唔知係換咗師傅定換咗食材？之前覺得佢好有水準嘅係金錢肚，又夠林，又入味，但近啲幾次，食啲份量，就越來越少，今日叫咗個燒賣，冇乜特別，乾巴巴就如圖片中，跟住個潮州粉果，個皮好厚，味道一般，最難食係個鳳爪，一啲都唔林，硬嘅，平時以佢嘅價錢應該都係白石角入面最貴嘅酒樓之一，但因為佢好味，所以都會幫襯，但係覺得佢最近啲水準下降，唔再值呢個價錢，服務就不在話下啦，見到好多食評都係投訴佢啲服務態度，個男經理/侍應，唔知佢係經理定侍應，喺佢隔離嗌佢，完全唔應人，就算你唔得閒，你都可以影一聲轉頭過嚟，都唔使十問九唔應，跟住門口個知客，淨係識得喺度撳電話，如果你得閒冇嘢做，人哋嗌你入張單都可以幫吓手姐，既然你都得閒到可以喺度玩電話啦，其他上菜嘅姐姐無問題。希望貴集團可以改善下啦，既然咁多人投訴

今晚做冬食飯，訂位前已問定自帶紅酒有冇開瓶費，收到回覆答沒有，結果今晚帶咗紅酒後說要收開瓶費，講一套做一套。其次，訂位7:45，最後8:15入座，體諒今日繁忙會有遲交枱，但差不多10點就不斷叫我哋走，又話自己收10點，有些餸菜還沒有食完已經被收碗筷，請問叫人點繼續食，最好笑是四周還多枱未食完，咁佢哋又點樣10點收工，又點解要催促我哋埋單離開。最後，真心想講於22/12嗰位不知是染髮還是白髮的女經理，既然做得咁唔開心係可以唔做無人迫的，但唔好影響客人及同你一齊做嘢既同事！食評3個字講完 ：「無下次」

星期日入科學園食飯，貪佢有位泊車又唔洗等位，呢間中餐廳以前嚟飲過茶，水準好，點好名。晚飯都唔係第一次嚟食，見到疫情慢慢緩和後呢度生意亦好番好多。星期日晚嚟到都有8成檯坐滿人，一家大細個個都叫佢哋好抵嘅4人餐，有兩款$500-900蚊，有湯有龍蝦伊麵仲有小菜，幾抵食。我哋兩個人冇叫4人餐但就叫咗4個餸，因為個蒸魚太抵食，小龍㚄及老虎斑都唔洗$200蚊，仲有一斤重。其他仲有叫咗蝦仁炒蛋，啲蝦仁好大粒、蒜頭炒豆苗、黑醋牛柳粒，加埋條老虎斑，好似去飲宴一樣，所以只叫一個白飯，食哂啲餸。飯後仲送紅豆沙，好多紅豆喺入面。埋單係$613，好飽。送飯一流嘅蝦仁炒蛋豆苗牛柳粒蒸老虎斑好甜嘅紅豆沙，中式餐廳慣性地較甜，呢個紅豆沙非常夠熱，好多紅豆但冇蓮子百合，但都算好食。兩個大食嘅人食咗$600幾，如果細食啲可以$400幾就有找。唔迫，即刻有位，樓底高，坐得舒服。

第一次在這裡吃晚飯，質素還可，製作擺盤有點心思，有進步空間， ...“鹽燒大連鮑魚”，有炸蒜但略厭多了點，而且過了火，還挺香的但有點苦，鮑魚新鮮，夠煙韌，不過太小隻，不夠過癮。“上湯鮮竹浸豆苗”，今年第一次食豆苗，豆苗不錯，豆梗不多，也算嫩滑，鮮冬菇和秀珍菇可能走過油，起碼炒過，整個上湯挺香的。“無花果咕嚕豚肉”，味道都還好，無花果是用乾的那種，即煲湯用的無花果，雖然已煮熟再回鑊，但還有點韌，汁的甜度適中，不過咕嚕肉就太小粒，而脆皮做得很好，夠脆。

⭐️見到由10月3號起，做緊片皮鴨優惠，＄168，有一隻片皮鴨⭐️所以係星期日晚揸車入到去科學園試食⭐️另外加多＄88可以加購一款片皮鴨式食，包括豉汁涼瓜炆鴨片，麵豉茄子炆鴨片或者七彩炒火鴨絲頭盤⭐️拍蒜青瓜小雲耳 ($68)😋份量都夠大😋青瓜爽口新鮮冇澀味😋醋汁同蒜蓉好夾•😋清爽開胃菜⭐️粵食片皮鴨（＄168)😋價錢抵食😋分量足夠😋鴨皮香脆😞鴨肉偏老較鞋囗😞鴨油香欠奉⭐️豉汁涼瓜炆鴨片（＄88） 加購價😋出色，有驚喜😋分量足夠，調味均衡，鑊氣十足😋涼瓜片有走油，香口😋炆過嘅鴨肉，反而較嫩口😋鴨香味濃🌟金絲蟹肉海王炒粉絲 ($128)😋另類主食嘅選擇😋金絲係指蛋絲😋粉絲炒到香口乾身😋裏面有滿满嘅蟹肉絲，有鮮味🌟有奉上一碗紅豆沙，甜味適中，煮到夠溶，豆香味濃🌟飯後甜品，絕對係一個完美一餐嘅結尾🌟總括👍🏻餐廳裝修華麗，樓底夠高👍🏻價格正常👍🏻推薦食小炒，鑊氣十足👍🏻而家小炒仲有八折優惠

科學園有咩好嘢食？！不得不提薈聚軒！朋友敘舊，要book定枱！否則等位都幾耐！都幾多人幫襯！場面十分熱鬧！酥炸魷魚的確一流！份量足，魷魚新鮮，粉漿脆而薄！值得一讚！蝦腸粉蒸透，腸粉皮夠薄！腸粉與蝦的比例適當！馬拉糕甜到夠，味道可！粉果材料足！皮夠薄！金錢肚夠曬煙靭！大件！滿有口感！燒賣正常，但豬肉較鬆欠結實！不得不提這個！必食！就是籠仔南瓜斑頭腩蒸飯！由於是炒飯底，飯粒分明香口，南瓜鬆軟，班頭腩配合蒜蓉蒸，帶出魚的鮮及荷葉的香！這個的確令人回味！椰皇燉奶，新鮮製造，但製作需時，甜到適當，食完飽肚大滿足！價錢上整體咁食是可接受！可能由於枱同枱之間的距離太近，所以可能會影響到食客的感覺，有點壓迫咁！

星期日中午茶市，叫咗點心加鴛鴦炒飯，鴛鴦炒飯啲雞有陣酸醙味，同男經理反映都快速配合解決，取消Order，之後重新下單追加點心就無變味的問題。唯一女侍應態度極惡劣，明白星期日繁忙時段，但不至於來消費反被侍應呼喝，餐碗裝過酸醙的炒飯，問佢拎多隻碗嚟換，表現得非常不耐煩，都算了。一個後加甜品等了35分鐘，期間追了2次，第一次問完冇下文，第二次問，惡劣女侍應跟進都冇去跟進，就大大聲話「蒸梗俾你呀，等下啦！」最後等到科學園滿額消費免費泊車的2小時都過鐘了，決定唔再等，搵另一侍應表示要取消埋單，另一侍應先話原來之前漏咗單，跟手惡劣女侍應就拎個甜品出嚟話做好（由落單起計約40分鐘），叫佢轉外賣包裝，點知佢很晦氣嫌麻煩，我問佢「而家你哋漏單唔係我嘅問題，你點解可以咁差態度？」點知佢大聲回應「漏單關我咩事？」我先生見到我被不禮貌對待，上前同惡劣女侍應理論，惡劣女侍應仍不認為自己有任何問題。無論漏單係邊位同事做錯嘢，都無理由調返轉作為客人仲要俾你出氣。食物質素一般，價錢中等（一個點心約$50)，服務九流

我們一行四人踏單車，休閒地由沙田第一城出發去到科學園，我們肚子開始有點餓,於是就去了科學園科技大道西17號的薈聚軒酒家飲下午茶 ，這間酒家價錢雖然有點貴，但平日下午茶有七折，都算抵食。 原隻鲜蝦腸粉， 腸粉晶瑩通透， 原隻鮮蝦仁又大隻又彈牙，粉皮又滑溜， 非常好味。脆皮芝士鮮蝦春卷，外脆香口的春卷皮，加上濃味的芝士， 彈牙的蝦仁， 非食不可。 沙薑芥末豬手粒， 豬手粒皮爽脆， 肉肥而不膩， 配搭沙薑和芥辣 ，口感非常特別， 好吃。 雪山叉燒包外皮酥脆，叉燒餡料非常惹味。 原個椰皇燉鮮奶， 椰香味十足的燉鮮奶， 又香又滑。

母親節喺我地屋企算係一個大節所以我地就算預早慶祝左 正日都係要再慶祝今日我地去左科學園母親節正日喺星期日平時做上班族生意嘅應該就會冇左唔知平日定紅日會旺啲但酒樓就係超級好生意雖然話就話科學園好多豪宅但應該黎飲茶嘅都係非住戶嘅居多排左一陣隊就入得去( ´▽｀)直接講下食左咩啦芝士蝦春卷 $53 👍🏾👍🏾👍🏾👍🏾佢芝士味好濃 好重屋企人話有啲鹹但我覺得可以接受( ´▽｀) 咪芝士鹹香不過係唔同平時飲茶嘅春卷流沙奶黃煎堆仔 $41 👍🏾👍🏾👍🏾👍🏾呢個好食喎( ´▽｀) 就係煎堆入面係流沙完全會係預想嘅味道都做到外脆 不過個心好熱 食要小心( ´▽｀)豬手粒 $78 👍🏾👍🏾注意⚠️有wasabi係辣嘅！係凍食！我個人麻麻地( ´▽｀) 蜜汁叉燒腸 $63 👍🏾👍🏾👍🏾👍🏾近來酒樓都中意用一隻長碟上比起就咁一碟三條腸粉雖然個賣相好咗 但份量少咗個皮做得算薄 口感都唔錯唔會漿住漿住咁薈聚軒鮮蝦餃 $63 👍🏾👍🏾👍🏾估唔到有四粒(⊙_⊙) 仲多左棵西蘭花個皮就略微厚左少少不過個餡係大大粒 份量都可以彌補到呢少少野唔食個皮淨食個餡都開心蠔王叉燒包 $41 👍🏾👍🏾👍🏾都係預期同正常嘅質素同味道(

由佢開業已開始幫襯，野食質素坦白講冇之前咁好。當日星期日，唔使等位嗱嗱臨見有位坐低，以為少人，點知越來越多，佢枱與枱之間又近，呢樣真係非常唔好。食物整體都接受，最好食奶黃煎堆，但已經冇之前咁熱辣辣好味，蝦餃燒賣馬拉糕不過不失，但見佢員工質素有返少少改善。

今日母親節一早訂咗枱，本來開開心心諗住同媽咪食餐飯，點知訂咗個錯地方，從來未去過一間酒樓要咁差，全部員工都係懶懶閒！以下係我嘅實體經驗：大概母親節一星期前，已經想找一個人流比較少比較舒服嘅地方同有長期病患嘅媽媽出去食餐飯，因為媽媽口味偏向中餐，估計可以訂位，實冇死啦！訂位聽電話嗰個問我5:30定7:30，咁我就話7:30 5 位佢話OK，過咗兩日諗住搵佢哋間酒樓網頁睇吓有咩餐食，點知原來佢哋冇網頁！我都覺得好奇怪，點解咁簡單官方嘅餐牌都搵唔到？咁我就再打返電話去又係聽電話嗰個就WhatsApp咗個餐牌俾我，分別係母親節嘅套餐同埋一個散叫餐牌！而我亦都問得好清楚當天係咪可以散叫餐牌！對方話係咁我就冇預早兩天落訂為咗母親節套餐可以平$200（因為母親節個套餐唔係咁啱心水）好啦！到達時已經見到門口好多人等，心知不妙！去到等等等等，大概20 分鐘後我問點解訂咗位都要等咁耐？確認訂位嘅時候唔係有兩個時段咁即係食飯有限時啦？咁唔訂有咩分別呢？跟住個知客求其指住近大門口人哋上菜嗰張枱，叫我哋五個人坐！我話坐四個人都有問題仲要坐五個人？嗰陣時已經八點幾唯有硬着頭皮唔坐繼續等因為都唔知去邊度食，好啦安排

終於重開晚市，滿心歡喜一家人一齊晚飯。點了晚飯套餐 + 家常小菜，有鮑魚有鷄有菜有魚有欖骨，正常叫「普通白飯」；誰不知一等再等三等，熱菜變凍，三催四請，最後十五二十分鐘後，原來飯「煲」好了，這些正常理解最基本既「白飯」才慢慢由廚房取出。再望吓，全場十檯客左右？有六七檯客也在等飯。 樓面完全冇應對，見客投訴就行開算數，好似係個客吾啱吾應該點白飯咁。恕小弟見識少，酒樓做晚市八點幾可以做到冇白飯，又或者冇預備白飯，我真係第一次見。廚房入面竟然吾知自己有冇白飯，夠吾夠飯，點樣處理，竟然冇人準備冇人跟進。可以做到全場既客真係「等飯到」；直接效果係個「蝦仁炒蛋」炒到幾好食，個「欖骨」有幾好幾入味，真係個廚房師傅功力幾勁都無用。廿分鐘前後個飯終於到了，樓面連一句「對唔住」都冇，當晚上左六碟餸加條魚全部熱餸冷食，呢餐係非常差既體驗同服務。總結：簡單嘢基本事情冇人理去到終極，就係全場冧檔。當晚俾我既體驗就係咁。

一個有藍天白雲的清明假期，呆在家確是浪費，出來鑽er鑽er！這家不錯🥳“避風塘魷魚酥”，脆漿做得好，蜂巢脆漿，夠鬆化，魷魚也處理得很好，新鮮、彈牙，一點都不韌，帶點兒避風塘辣味，有水準。飲茶必食 也看出廚房質素的“蝦餃”。不錯，晶瑩剔透，大隻，蝦彈牙，整整齊齊，合格。“清湯牛肉球”，夠特別，用湯浸住，是浸熟還是蒸完後放到湯𥚃就不得而知了，味道跟一般山竹牛肉沒甚分別，不過它馬蹄和芫茜特別多，比較香口，湯也鮮甜，沒甚麼味精，照鏡！“流沙奶皇煎堆仔”，今天的驚喜，黑白芝麻鋪面，三小粒放在一個小盤中，賣相相當有心思，煎堆皮夠煙韌，熱辣辣的奶黃餡香甜，相當不錯！“原籠馬拉糕”，夠熱夠香，還加了點黑色花紋，又在玩心思，不過這個花紋我就不太欣賞唷，像Halloween主題，一個黑色蜘蛛網。🙄“柱侯金錢肚”，質素不錯，全是有金錢的，沒那些尾位角位、「瀉曬」的部位，醬底很惹味，下面墊了幾塊山根，於是醬也給吃光了。小註：假日hea下，這是個上佳的選擇，樓底高，風景開揚，很舒服，人又不算多，容易拿桌，只是比較隔涉。菜單雖然不是很豐富，但整體出品相當有水準，食材質量高，有心思，值得推薦。

前幾日黎試下午茶，呢間酒樓點心真係幾好味，雖然員工服務態度一般，特別有個後生男仔。首先，我哋叫左芝士蝦春卷、同埋菠蘿叉燒包，芝芝士蝦春卷非常有特色，推介。雖然蝦唔係特別多，但連埋芝士食，熱辣辣，香口，非常吸引。之後，菠蘿叉燒包鬆軟，後來嘅金菇肥牛腸粉，牛肉好彩唔算好硬，食落比想像中好味。