薩莉亞意式餐廳 (已搬遷) 新店位置

曾經留意到將軍澳有間Saizeriya, 屢受好評價錢又平, 但我一直嫌遠所以冇去試. 但估唔到週年紀念男友會帶我去左荃灣間分店(我一直都唔知荃灣有分店)! 講下佢既野食先：蒜蓉整既野食一般都唔會太難食, 反而好香. 所以呢到既蒜蓉焗田螺都不錯, 係田螺略嫌不夠入味,但我幾欣賞佢上檯時係超級新鮮滾熱辣!而且價錢相比起一般Pizza餐廳真係好吸引, 食完之後都心思思想食多次, 因為我好鍾意食蒜蓉整既野.（3.5粒星）個米蘭風肉醬多利亞焗飯, 面頭淋上佢地秘製既牛奶白汁, 以此送一口以黃薑煮成o既飯, 味道ok, 又唔會太乾, 我男友尤其鍾意個sauce.不過我建議同人share食, 因為白汁都幾膩, 會好快滯~(3粒星) 吞拿魚蕃茄Pizza, 我覺得佢味道就普普通通啦, 唔知係唔係吞拿魚多左d, 令pizza皮比較濕, 好快就唔脆, 而且食多幾啖就令我想起平時超市買既罐頭tuna~ Anyway, 我男友都好鍾意食. （2.5粒星）個野菌汁鐵板漢堡, 我食落完全令感覺唔到野菌汁味道, 不過舊漢堡唔知是否自家製造呢, 我幾鍾意佢鬆軟既口感. 我建議呢個都係同人share食啦, 因為食得

今日朋友生日, 諗住帶佢試下呢間, 不過去到真係好好好多人!等左成9個字先入到去, 其實我覺得人手唔夠lo! 果個侍應又要理入面又要顧出面好la, 我地叫左雞奕,都ok好味呀,冇咩特別,不過d肉鞋左d咁跟住叫左個漢堡牛肉pizza, 都ok, 好多芝士!一個卡邦尼白汁意粉, 佢d面幾硬,不過我中意食仲有一個咩米xxx飯, 係幾新鮮, 不過好似怪怪地咁,幾creamy, 但好濟呀...= ="麻麻姐總括黎講都唔錯,又平又ok好味

在網上看了這麼人氣的餐廳, 便一心想試下12-9-2009 去了將軍澳那間, 但人龍誇張得很，八點鐘左右去到,竟然要等 120個號碼, 最終無法等, 失望而去...13-9-2009,到第二天心有不憤, 六點半左右半到了荃灣店, 還是等了四十五分鐘。今餐叫了 雞翼, 肉醬焗飯 及煙肉菠羅pizza本來只是 $2-3 十蚊的 一個菜色, 也不會有甚麼期望,雞翼及飯, 沒有什麼特別還可以過得去, 但飯的份量實在太小；Pizza, 非常難食, 從來未食過這樣難食的 pizza。Pizza 芯由圓花到４吋半徑的位置也是濕濕的, 象濕了水的面包一樣, 如果用勺子顏一下便可變成糊狀；濕了水的　Pizza也沒法食出是什麼味道，只有邊位是可食的．．．Drink Bar, 從沒想過汽水也可以用難食形容，汽水是沒有汽的，而且咪道非常淡。還有一件事，我看見加冰塊的職員竟然沒有先把勺子拿起便把冰塊倒進箱中，結果勺子埋在冰塊內，但這也不是最恐怖，其後竟然有顧客把手伸進冰塊中找回勺子．．．雖然在旁的本人已立即喝止其行為，但也搞得本人連冰也不敢吃．．．這餐廳不會再有下次

先由入坐安排講起星期六晚上七點九到達, 門口人山人海, 諗住立即到門口登記, 誰知道是自助方式登記。門口有一本登記簿, 登記簿上有號碼, 你只要自己在登記簿號碼旁上寫上姓名及人數, 之後等人叫號碼便可以入坐。這個入坐方法一看就知道有漏洞...... 我地又怕淤, 怕同時間有人一齊應個Waiter, 所以我地就睇返之前miss 左的號碼, 衝入去同Waiter講話我地個no. 過左, 之後佢睇一睇返就同我安排入坐。平價意大利快餐打開Menu一睇, 嘩! 超平, 仲平過大家樂。點左: 意大利火腿芝士沙律 - 濃郁芝士 + 清新生菜, 醒胃可口。 意大利菜湯 - 太淡, 比茶餐廳仲差 什麼什麼意大利包 - 鬆軟好味, 我唔鐘意食包都覺得好食 卡邦拿意粉 - 看上去好Cheap 好Pure , 但食落去味道都唔錯 (將價就貨, $22不要要求太高) 米蘭風味芝士飯 - 簡直物超所值。到City Super 買一包芝士飯返屋企煮都要$50, 佢呢個焗芝士飯有濃郁芝士味之餘, 又有鮮甜的茄汁肉醬, 缺點

上星期五到荃灣上課, 中午時候當然出外吃些特別一點的東西, 於是來了這間人氣頗高的餐廳試試.中午接近一時, 餐廳內人不多, 只有三分一滿. 餐廳比想像中大得多, 裝修也算光鮮, 坐位也舒適. 入內坐下後, 先看餐牌點菜, 挑了個午餐配麵包和餐湯.先來餐湯, 是粟米忌廉湯. 湯只有半滿, 小小的一碗湯看起來不俗, 但喝一口後就立即改觀. 湯只是微暖, 一點也不熱, 實是一大敗筆!! 味道跟日式的即沖粟米湯差不多, 只有粉味而一點忌廉和粟米味也沒有, 絕對不是我喜愛的種類!再來的不是麵包, 而是主菜西蘭花傳統香辣意大利粉.意粉看起來有點乾 , 又沒有甚麼配料, 只有三件西蘭花, 幾粒蒜子和辣椒粒. 吃弄下去時, 除了覺得意粉真的很乾又沒有味道之外, 就是真的很辣! 因為意粉原來下了很多蒜頭碎和辣椒核, 所以十分辣! 意粉本身應該是水煮熟後就上碟, 沒有下橄欖油去拌, 所以很乾, 而且蒜頭碎都沉到碗底. 麵又是有點煮過火, 而且又只是微暖而已, 所以很難吃. 差不多吃了大半意粉時, 麵包才送上來. 這個香草意大利包foccacia雖然賣相不大好, 但勝在夠熱, 而且十分香軟, 大概是新鮮焗

呢間意大利餐廳我都食過幾次, 真的平靚正!PIZZA, 意粉 都是$2x元, 超抵食! 而且好好食, pizza好食過 pizza hut, 厚薄適中, 好過 pizza hut ....厚批太厚似咬麵包, 薄批太薄似食餅乾! SAIZERIYA就啱啱好! 因為之前幫襯過, 最欣賞佢D PIZZA, 所以兩個人叫左兩個PIZZA (牛肉&吞拿魚) + 燒豚肉沙律 + 任飲DRINK BAR:牛肉PIZZA: 好好味! 不過油多左D! 芝士好香! OK!吞拿魚PIZZA: 超正! 冇咁肥.....芝士,吞拿魚同批底比例啱啱好.....正!燒豚肉沙律: 沙律好清, 燒豚肉好肥....普普通通啦!任飲DRINK BAR: $13任飲....超抵! 咖啡有特濃及泡沫兩種, 都好正! 仲有不同的茶包, 檸檬, 奶, 汽水等, 點配搭你可以自由發揮, 幾好玩! (不過D熱飲杯真係好污糟!)上次黎試過個雜菇PIZZA: 都好正! 好清新, 冇咁'漏'!墨魚汁意粉: 味道怪怪的...可能我食唔慣啦!焗田螺: 好香! 好大粒! $20有五粒....抵食!價錢平....食物質數高....仲不收加一...

約左兩個中學同學黎試下呢間野~~8點到達~~門口勁多人等位~~諗住去攞張飛等位~~行到埋去原來冇飛攞~~而係自己係個WAITING LIST度寫上你姓咩同埋有幾多位~~之後等叫號碼~~換言之~~如果叫到陳生3位~~冇人應~~如果你又係3位既話~~你份野插隊入座話係陳生3位都得~~不過我見到好多時冇人應都冇人博懵插隊~~証明香港人幾老實~~XXX入座之後估唔到又有一個測試你誠實程度既制度~~就係你可以俾$20, 之後可以係DRINK BAR自助式任飲汽水檸茶之類~~不過其實你冇加$20去攞野飲都應該冇人理你~~唔知有冇人會偷雞呢? 嘻嘻~~食物方面~~你話好好食又唔算好好食~~不過真係超超抵食~~可以用平靚正黎形容~~月尾都可以黎豪食一餐~~後記:不過好似見唔到有人食極騎呢的 “大滿足三品全餐 ”有點失望

今日早早地收公，又黎左呢間開餐喇。今次我地叫左白汁什菌意粉 – 又夠熱，又好味漢堡扒 – 又夠熱，又好味菠蘿火腿pizza – 又夠熱，又好味香辡雞翼 – 又夠熱，又好味，d雞翼比較細隻薯角 - 又夠熱，都好味，不過「淋」左少少

尋日2個人去食去到大約8點啦 都幾多人等緊位 等位等左30分鐘到黎呢度最想食都係個焗田螺 價錢$20 真係好吸引點知等位果陣話賣哂.....好彩入到去果陣又有得叫!即刻叫左兩碟! 幾好食呀 好香牛油味 d野食都好快到 除左個面包 (要焗)特別要提係個燴飯...賣相ok ...不過唔熱既...味道普通 最後挑哂d料出黎食淨返d飯 =p整體黎講間餐廳都唔錯 咁既價錢 食到咁多野如果佢個湯同埋飯熱返d咁就好好多喇好欣賞個$13 飲品Bar 任飲岩哂一班人黎食 傾計飲下野都唔錯下次都會再黎試第2d菜色食左咁多野埋單都係 $168 抵食!

星期一晚八點左右去食,,多左好多人*0*餐廳貼左紙有好多野食都無 :田螺+青口+煙三文魚+牛肉漢堡pizza+所有鐵板牛肉漢堡 都無*0*我地等三十幾張枱,,不過唔駛三十分鐘都有位;D今次我地叫左鐵板芝士雞, 海鮮焗飯, 肉醬焗飯, drink bar鐵板芝士雞 ($32) - 呢個都幾好味;DD 雞幾滑又有蕃茄醬同厚芝士鋪面啲薯菜唔會一陣雪味 唔會淡戌戌海鮮焗飯($28) - 呢個好有驚喜,,個樣好似乾爭爭咁無咩味,,但啲飯食落好有海鮮味!!*v* 原來有啲蝦乾仔撈左落啲飯度;DDD啲海鮮就普普通通,,將貨就價;PP肉醬焗飯($22) - 一樣咁好味=9 對比起好 lau 呀;Pdrink bar ($13) - 人多搞到咩到無晒咁,,啲熱飲杯好污糟

蕃茄意粉無蕃茄？其實叫蕃茄汁意粉比較貼切當我正想投訴之際，有位載住紙帽的人向我解話我地公司做餐的茄汁，全都用新鮮蕃茄經人手加工製作童手無欺咁話其實我只係想知點解蕃茄意粉無蕃茄？其實味道不錯,份量也不少哩餐30蚊E飽個肚算唔錯,明日會再去試其他

噙日響呢度睇過食評，噙晚就立即去試下。我地18:45去到，好彩仲有位坐，但係已經要坐近門口既2人枱喇。我地叫左意大利海鮮飯、周打魚湯、雜菜湯、牛油田螺、牛肉漢堡pizza。意大利海鮮飯 - 夠熱，雖然d海鮮有小許雪味，但咁既價錢唔好要求咁高啦。周打魚湯 - 唔夠熱，味道都幾好。雜菜湯 - 唔夠熱，味道都幾好。牛油田螺 - 夠熱，味道幾好，我地加左芝士粉，覺得更加好味。牛肉漢堡pizza - 夠熱，個size真係同比美pizzahut個普通批，而且味道真係唔錯。咁平既價錢，有咁既食物質素我地覺得算唔錯，會再去幫襯，下次要試下pasta。推介: pizza、田螺

一直都想去呢間食...聽好多人話好正..又平咁...去到叫左個xx肉醬焗飯....同蕃茄意粉肉醬焗飯...第一啖...超似羅宋湯味....感覺唔錯...但再食食下...就覺得唔好食...加上有少少奶味(我唔鐘意食奶)...搞到更加唔鐘意.......蕃茄意粉....佢一送黎....嘜有蕃茄嫁咩....仲已為叫錯...d蕃茄少到爆....白汁就超多...汁多過意粉...雖然價錢唔算貴....但佢d野都唔係好大碟....相比返都係差唔多ps:唔鐘意食奶的朋友.....千萬唔好叫意粉或飯...(特別幅圖..有d白汁羅d..會好大奶味)

這店子位置並不好找，若非食家們的推薦，才不會發現這個開飯的好地方香港的意式餐廳，較為人所熟悉離不開那一、兩間~~“Saizeriya Italian Restaurant”，是一個新的嘗試~~熊少爺翻開餐牌，第一個感覺是「相當便宜」~~焗飯、意粉、薄餅，才不過二、三十元，它的便宜可真不是蓋的呢當然，食物的品質才是最重要!蕃茄海鮮燴飯：個人對這種意或燴飯一向有一種情意結。小時候覺得它像粥品；長大後又覺得它像「濃縮版」的「湯泡飯」~無論如何，這是我最愛的烹調方式之一^^說回正題，這裡的燴飯，屬於「穩穩陣陣」的那種，蕃茄味道算香濃，飯也軟硬適中，海鮮配料多樣化，但總的來說，是一道以兩隻青口掛帥的「海鮮」燴飯~~白汁蘑菇煙肉意粉：以一間意大利餐廳而言，這道菜算不上合格之作。意粉明顯是翻熱而成，麵質較乾、較硬，令人失望至於煙肉、蘑菇，亦沒有特別之處。總的來說，要改善的地方頗多。總括而言，除了上述兩道菜，之前我也曾嘗過焗飯與薄餅，以這個價錢來說，算得上是上佳之作有興趣的朋友們可以試試啊!從繁忙時段的人流可見，大眾對這種平民化的意式餐廳頗為受落。這間店子所欠的，也許是一個能打響名堂的中文名字吧!

星期一晚第一次去呢間餐廳,,俾佢超平既價錢同唔錯既口碑吸引X))沿住荃灣公共圖書館隔離既天橋行落青山道,,好快就搵到;DDD都有啲人等位,,等位係要顧客自己喺門口本簿度寫名同人數,,有位先有侍應出黎順住嗌number幸好我地之前既人都走晒,,好快就有位;D又有四人卡位坐,,好寬敞=DDD我地兩個人叫左蒜茸田螺, 肉醬焗飯, 牛肉漢堡pizza 同drink bar =9蒜茸田螺($20) - 田螺肉質正常,,大大粒有六粒,,蒜茸好多好香,,不過真係好多油肉醬焗飯($22) - 呢個係招牌+人氣菜式,,當然要叫;DD餐牌話個醬有用牛奶整,,我地撈勻晒個飯好靚仔=D啲飯係珍珠米但煮得較軟,,個醬好濃味又少少lau,,好好味;DDD不過份量略少,,個兜好淺=PP牛肉漢堡pizza ($30) - pizza有9吋咁大,,比pizza hut普通批仲要大;D牛肉漢堡好淋,,個pizza有好厚既芝士,,十分芝(+滋)味 *v*佢算厚批但比pizza hut既厚批薄=D 個邊亦好脆 ;)))pizza真係好飽肚;DDDdrink bar($13) - 我地飲左杯超甜雀檸後就去飲凍咖啡 =9 (有美