薩莉亞意式餐廳 (已搬遷) 新店位置

見open rice推介, 於是去試, 不過唔太突出. 雞翼 - ok 唔錯. 香辣腸 - 皮脆帶點辣, 好! 鴨胸 - 冷盤都幾特別, 加埋檸檬汁同sauce, 唔錯. 漢堡扒 - 個太陽蛋over cook唔得, 漢堡扒無咩牛味, 不過個扒唔散, ok, 而且$28都抵食. 海鮮法國飯 - 青口, 蜆肉, 魷魚好新鮮, 個汁都唔差. 墨汁麵 - $2x一個用墨汁煮嘅麵都ok. 洋蔥青口- 洋蔥味濃, 青口新鮮, ok. 蒜茸田螺 - 愛吃田螺嘅我, 本來懷著好大祈望而o黎, 可惜田螺大隻, 但係d蒜茸汁似乎係後加上去, 所以令到d田螺好淡, 扣分. 西班牙奄列 - 個人唔太欣賞, d蛋好鞋, 就算d餡多都無用, 唔得. 煙肉菠蘿pizza - 呢度d pizza做得唔錯, 芝士多, 外脆內軟.P.S. $13任飲咖啡, 奶茶, 汽水, 呢度價錢大眾化, 嘢食唔太差, 都OK既.

煙三文魚好好味海鮮飯不錯~ pizza 好好味!d芝士可以拉到好長~~田螺就給比下去了,,其實田螺唔算唔好味,,不過因為其他幾樣食物都太好味了 下午茶drink bar 好抵呢每人$8 咋~2個人食到捧著肚子離開~

昨天去荃灣的Saizeriya 試下，order一個煙肉菠蘿pizza，辣味雞翼,香辣腸,帕爾瑪風味蕃茄意大利粉和香蒜佛西亞意大利包煙肉菠蘿pizza$28：ok，個包幾軟辣味雞翼$20：普通,不過不失！香辣腸$20：腸較鹹不太好吃！帕爾瑪風味蕃茄意大利粉$25：不太酸,幾好香蒜佛西亞意大利包$11：個包幾軟，幾香總言，味道ok,有好食的菜式但亦有些菜式有改善的空間，另外，食品價錢好平，所以下次會再來試其他菜式！

又係慶生飯局, 為大家銀包著想決定黎尼度試下海鮮pizza, 煙肉pizza, 漢堡牛肉pizza:全部都好好味!!勁多芝士!!! 海鮮唔會霉厚度介乎厚批同薄批中間, 唔怕比麵粉塞飽 / 唔夠飽, 剛剛好~~不過個pizza面就濕左少少, 焗得唔好但$30一個pizza, 唔可以要求禁多ga la尼個價錢, 佢個味道係勁抵ga!!墨汁意粉, 蕃茄蜆意粉:好麻麻.....墨汁意粉無咩味....蜆意粉好咸, 勁大蜆既雪味唯一ok係d意粉既軟硬度arm arm好lor......白汁雞飯, 肉醬多利亞焗飯:2個都幾好味, 不過份量勁少, 都係$2x, 3x, 下次叫pizza都一定唔會再叫佢d飯個雞飯勁芝士, my favourite!焗田螺 garlic好香口, 真係熱辣辣不過又係普通la, 無田螺味, 淨係食到garlic d味雞翼:辣辣地, 個面脆脆地, 真係好ok不過勁勁勁勁勁勁勁勁油lor漢堡牛扒:$3x 大大份係抵食不過就咸左少少同埋又係油到不得了....成個鐵版底都係油!overall:尼間野真係抵食ga!不過一定好多味精, 因為食完我口渴左成晚幾十蚊一味, 唔要求高既真係食得

今天老三頭痛爽約,我和亞一打算隨便找個地方醫肚子即可。經過中染新城商場,見到食肆林立,便上商場八掛一番,看見這店舖門口這麼多人等候,感到驚訝,莫非好吃得很?好奇心驅使下,我們又排位輪候。這樣子亂撞,也尋到美食是意外收穫。原本要的北海甜蝦沙律,售罄了;改換來吞拿魚沙律吃起來也不錯。起絲 pizza是我下次再來的對象!*蒙特利拿芝士 pizza~~不須餡料,水牛蒙特利拿碎芝士本身已味道十足,一口咬下,拉出長長的濃郁芝士絲,pizza外甘脆內鬆酥。這刻極濃卻不膩的芝士味漸漸從口腔向外蔓延,層次口感分明*吞拿魚沙律~~青瓜﹑車厘茄﹑生菜,拌入碎吞拿魚沙律醬和檸檬汁,吃下既清爽又格外醒胃;口感和色彩同樣豐富*蒜蓉焗田螺~~最興奮是端上桌時,蒜蓉還被牛油滾燙得起了很多小泡泡,辟拍辟拍地叫囂。沒有殼細細粒的田螺完全滲入了香草﹑蒜蓉﹑牛油的味道兼有嚼口,令細細粒的它地位大大提昇

行一陣愉景新城, 就走去此間店試下啦. 之前睇D 網友話價錢唔貴. 就去試一下. 一到門口, 看到一本登記薄, 果然如呢度的網友講, 呢間野真係無service 的. 連reception 都係自己寫名, 等人叫. 因我去時是下午3,4點, 所以當然不用帶位啦. 自己入去等人派位了. 都企了一陣先有人帶位. 一坐底, 星期六, 日, pubilc holiday 無得叫餐, 要散叫. 我們就叫了蒜蓉焗田螺($20), 菠蘿煙肉pizza($28), 茄汁蜆肉意粉($29). 先講個蒜蓉焗田螺, 超唔得. 粒田螺都無咩味, 浸係D 油度. 終至食雞亦好過. 好似實在少少, 又同價錢. 再講個菠蘿煙肉pizza, 又係無味既. 茄汁又唔夠, 我勁落cheese 粉同pepper, 都係無咩味. 勁差. 最後到個茄汁蜆肉意粉, 從未食過有海水味的意粉, 我老公話應該係隻蜆輕輕洗過就炒. 唔知係間店特登或是點. 我老公就話唔錯, 因隻蜆都好新鮮. 我就覺得D蜆都幾新鮮既, 不過就怕其實有海水味係唔係即係D 食材洗得唔乾淨, 不過so far 都無肚痛既. 飲品都係自己去drink bar 到拿

甜蝦沙律$28 , 個沙律汁好好味, d菜都好新鮮, 蝦都有幾多下, 不過料比我想像中差, 唔彈牙, 有少少雪味~ 但係同埋d菜一齊食就ok! 不過下次可能試豚肉沙律好過!周打海鮮湯$14, 都幾少下, 有d "稀", 但個味幾好海鮮pizza$30, 呢個好抵! 好足料, 魷魚圈好鮮味, 青口都唔錯, 芝士又幾多, 個pizza 唔同平時食果d, 應該係另外有得叫果隻意大利包, 好味道!! 人氣米蘭風味肉醬多利亞焗飯$22, 個味道好好, d米真係有陣陣牛奶香味, 不過其實個兜好淺, d飯得好少, 只可當頭盤!$13 飲品bar好抵, 見有d人唔比$13都照拎飲品, 但係本著良心, 咁抵都仲要呃人咩?!總括而言, 食物質素唔錯, 份量方面, 有d好抵, 有d好少, 真係食過至知下次會encore pizza, 試第2款salad, 試下意粉, 同埋叫意大利包

星期六晚係呢度見到呢間既介紹好平咁, 所以sunday就俾試下去到自己寫低過名,見要等3張枱,正要拿起個餐牌,就有位la, 呢度真係唔太多人, 座位之間都ok闊, 不錯不錯, 不過環境只可以話清潔但冇咩特色今天叫了海鮮長通粉 $24, 牛肉pizza $30, 加飲品$13長通粉, 24蚊, 0的長通粉數量可以數到出黎, 好少, 為數應該少於20條長通粉, 仲要唔好食, 好似加左即食麵既味精包, 勁重味精chopstick:牛肉pizza, 30蚊, 好好好吃: 比起pizza hut既個皮就薄左少少, 但呢個價錢很不錯, 0的料都足, 真係厚返少少就perfect!加13蚊既飲品, hot coffee唔錯, 但一個人又飲得幾多, 所以下次都係唔好加, 0的汽水唔好要, 溝左太多水, 0的汽水唔好飲建議, 加18蚊有個田園沙津and soup, 下次好想試下仲有好似佢0的下午茶幾抵, 但平日下午3點先有

呢間野睇住佢裝修, 睇住佢開. 因為真係又平又抵食, 味道又唔差, 所以都幫襯左幾次. 今日父親節老爺想去呢間野試下, 於是我同老公就7:30pm去到等位, 佢地係要客人自己去張叫名紙度寫名, 我就寫左4位+bb車. 等左大約25分鐘, 唔係好對路喎... 點解遲過我地黎d人入晒去都仲未叫到我地個名?! 埋去一睇, 成張叫名紙我地排第3, 但成張紙d人叫晒都無叫我地! 即刻揾人問下, 位小姐話下張到我地, 但又俾我見到佢叫左排我後面的5位入去, 真係火都黎!!! 無幾耐, 阿"帶位小姐"同我地講有位, 去到張4人枱, 拎開其中一張椅, 推左我地架bb車(連bb)入去就拎左張椅走. 即刻嗌住佢: "我地4個人+bb車, 你拎左我張椅, 我地點坐呀?" 原來佢擺烏龍, 以為係連bb車4個人!!! 之後仲問我地可唔可以摺埋架bb車... 我都寫得好清楚, 我地係4位+bb車, 點會係連bb車先有4個人呀?! 何況我寫得要擺bb車, 我梗係唔可以摺埋架bb車啦 (因為我個囡7個月都未夠). 我自問都寫得好清楚, 可能有d人出去食飯有bb車都未必會好似我講得咁清楚啦~~ 點知倒頭來竟然係咁

(補返5月中既食評)好耐之前(半年前?)見到saizeriya個裝修真係覺得好茶餐廳feel成日行過但係冇入過去食野今日2人行完街已經8點幾正值晚飯時間係pizza & chicken同saizeriya之間作出選擇由於最近已經食過兩次pizza & chicken所以我地選擇試新野~去左saizeriya其實睇個餐廳既佈局真係唔知佢主打咩菜式門口冇人帶位~自己行入去先有人俾位你睇左陣menu,決定叫:吞拿魚沙律($23),煙肉菠蘿pizza($28),carbonara($25)驚唔夠飽,仲叫左個甜蝦多利亞焗飯($22)最good係個salad! d菜真係好新鮮,咬落去索索聲~其他的對於冇乜要求既我都ok~我冇expect佢係d咩正宗做法..所以食落去係好味就ok~總之我覺得~自己食過又唔覺得真係咁差~同埋呢d價錢食到咁多野(又唔係難食)都算唔錯~仲有我見將軍澳個間都幾好評丫..所以5月餘下落黎既日子我再黎左兩次~不過遲d先補打返啦~

一行5人，食左5碟意粉3份雞亦都不用200蚊埋單意粉質素不俗雞亦有少少辣，幾野味墨汁意粉食到咀黑黑,超搞笑香辣意粉真係好辣海鮮意粉都好足料蕃茄意粉就比較普通卡邦意粉蛋香十足，煙肉夠香，最欣賞之一一定再去

睇到其他食評真係不敢恭維!不過自己親身試過後,又唔覺得真係咁差!廿幾蚊食都呢D質素我覺得物超所值喇,唔好太高要求,3個人食落樓先百幾蚊,平均每位唔洗50.但已經食到幾款野,細細碟份量剛剛好,我唔覺得呢到D批底好厚,我反而覺得香脆,咁細個批厚極有限啦,即做即焗!不過間野既冷氣就真係好大下喇,D野好快就凍左,如果改善一下就更好!比$13任飲抵丫,你去茶餐廳一杯都差唔多啦!人手少相對地服務就真係差D,不過唔洗加一,好過D餐廳服務唔太好,仲要一定比10%呢D咪仲氣頂!平平地同朋友儂下飲下唔錯,款就唔係好多,不過勝在幾好味,而且個廚房好乾淨...希望可以做得更好啦!

用手機拍下的食物照，常是放工後的晚餐，也最易被我遺忘。一天的辛勞過後，根本不想四處去，只想找個最近的地方來填補肚子的空虛。其實已經和同事試過這間，不過和男友來試也未嘗不可。男友在我放工前已吃過了，所以只點三樣食物，可想這裡的份量是很少的。芝士鐵板漢堡扒︰一點都不熱的鐵板，十分失望。而漢堡扒的味道更不值一提，只是感到食到滿口油光。煙肉菠蘿pizza︰很厚的pizza底，絕不是我的喜歡的﹗這個已大打折扣了，就算只賣$28都不可接受。海鮮焗長通粉︰這個應該是最好的一味了，雖然是水汪汪的，起碼是熱騰騰，所以她姍姍來遲也有道理的。味道很清淡，沒有濃郁的芝士香。整頓飯都沒有吃到特別難忘的食物，最難忘的是有人在街上等了我足足三小時，就是為了陪我食晚餐。

尼間野完全係無服務，連登記拿位都要自己寫，飲水和拿餐具、醬料都係自己做，果然係無收加一服務費，雖然話係意大利餐會以為好貴，但原來好抵，抵過吃必勝客同意粉屋，因為尼間用既料唔慌貴得去邊，即係俾幾多錢就吃番同等價錢的食物，果然平等。海藻沙律…都算特別的，清清地，健康些。辣肉腸薄餅…腸就夠多，但無辣味，味道好淡，我地要拿芝士粉同辣椒仔吊味，先覺好味。鐵板招牌漢堡…有隻煎蛋、好淋的漢堡，都唔使用力切，輕輕地拖過已經分開，有少許薯角，但都淋了，全部都好淡，都係點了茄汁醬先覺好味。要服務就唔好來，但想貪便宜就來拉。

上網冇意中睇到依間Saizeriya我知道係日本都有間 而且聽人講幾抵食所以尋晚去左食餐廳環境都ok我2個人 叫左蒜蓉焗田螺 , 煙肉菠蘿pizza 同 吞拿魚辣汁意粉蒜蓉焗田螺 雖然用左好多油 但味道都唔錯 好多汁煙肉菠蘿pizza 好有多芝士 好有口感 但煙肉味唔夠出吞拿魚辣汁意粉 唔算太辣 幾好食不過d野食唔係太大碟 得依3野唔夠2個人食所以之後 加多個人氣肉醬焗飯肉醬焗飯 好正 因為加左牛奶一齊焗 所以好滑同香而且d 米用左珍珠米 唔同一般既米 本人非常推介肉醬焗飯整體黎講間野都唔錯 算抵食 值得一試再試