薰甘同味 (已結業)

素食友善嘅餐廳，有時未必要有超多素食選擇，例如位於長沙灣喜漾嘅 “薰甘同味”，只要表露你係素食者嘅身份，老闆娘會好詳細同你分析你可以選擇食啲乜。以下係佢建議素食者嘅食法，餐牌冇寫明㗎。😉特色湯麵 ($50) 之中，馬拉白咖哩烏冬係素嘅，食芝士嘅素友亦可選韓式芝士撈麵。🍜但佢可選嘅小食全部都係肉，點算呢？可以選以下其中一樣：🥬 菜心/生菜🥐 雜菜春卷🍕 印度薄餅❄️ 冷盤三小碟（麻辣蓮藕，麻辣蒜蓉雲耳，芥辣秋葵，香醋青瓜，日式麻醬豆腐）雜菜春卷雖然配辣雞醬，但原來個醬係素嘅（成份見附圖)。反而印度薄餅嘅青咖哩汁唔係素，所以一係配辣雞醬，或者煉奶亦可。雜菜春卷大大條入面全是蔬菜，即炸好脆，又唔油膩唔熱氣。印度薄餅好香口，配煉奶出奇哋夾。🍼白咖哩烏冬嘅白咖哩好好味，烏冬亦都好煙韌，我都試過轉佢哋嘅自家製拉麵，但覺得配烏冬比較夾啲。配料有芽菜，豆卜，蘿蔔同少少蔥，圖中嘅係我要求嘅多蔥版。😋芝士撈麵本身有蟹籽，素食版會幫你走哂。老闆娘好細心咁提我如果跟本身個韓式即食麵份量會較少，想夠食啲可以免費轉自家製拉麵。但我覺得個即食麵份量雖然少，但麵質真係幾好，而且即食麵呢啲冇益嘢少少哋食又冇咁邪惡。😈一大

身為素食者，又介紹下呢間願意為素食者提供特別餐單的小店。係原訂餐牌上嘅配菜係冇素選項，但小店的主理人提供「素選擇」，包括：薄餅配青咖喱，雜菜春卷（二擇一），又或者係素前菜當中揀三款取代：包括涼拌雲耳/素瓜，芥末秋葵，麻辣拌蓮藕，麻醬豆腐48蚊lunch set 除左可以試到高質自家製拉麵，仲包埋自家涼茶/罐裝或盒裝飲品，超值。如果係嚴謹素食者，仲有素湯底：白咖喱湯可選擇！如可以接受鍋邊素的，推薦上圖嘅喇沙湯底。如果想清一點或on diet 中的男士女士，鏗魚濃湯湯底清清地，不失為一個好選擇：）#薰甘同味 #素午餐

拉面烏冬飯都係不過不失 但豬軟骨超好食 真係入口即化 雞扒亦好有水準 小食方面薯餅及雞翼真心推介 重點係價錢平民化 良心小店 我3個人食晚餐 一人一個主食加小食 埋單200百頭 cp值非常高

🍜馬拉喇沙湯米粉+招牌秘製豬軟骨 $43秘製豬軟骨軟硬度恰到好處 唔會話誇張到入口即溶喇沙湯底香濃唔會死鹹 蘿蔔大大舊清甜亦都無渣 🧀韓式芝士撈米線+招牌秘製豬軟骨 $43本身配搭係辛拉麵 問可唔可以轉米線老闆娘亦好好咁幫我轉咗🥰 結構好簡單 就係米線上面鋪咗塊芝士 最上面堆咗啲蟹籽增加口感 但個人認為蟹籽同麵唔太夾。🐽九州豬骨湯拉麵+招牌秘製豬軟骨 $43豬骨湯係平時香港拉麵舖會食到嘅味 有油香唔會太鹹太膩拉麵唔會太軟腍但可以再彈啲~🍚泰式青咖哩雞球飯 $45青咖哩質地偏稀而且完全唔辣所以唔太過癮。雞球大大舊 而且飯量都好多呢個餐絕對夠飽🐔芝士醬雞球 跟餐+$16雞球得3粒但都幾大舊可惜肥膏比肉多口感麻麻欣賞嘅係雞球係即叫即炸嘅 所以上枱時熱辣辣芝士醬可以話係0芝士味 點完只係令雞球更濕潤同埋增加咗啲鹹味

一黎到問我地食過未 未就仔細介紹餐牌 好貼心講解邊啲辣唔辣 仲介紹佢地既辣菜甫我點左白咖哩 自家制拉麵 香茅雞扒 炸得好脆 都好食 但另一個招牌豬軟骨真係做到入口即溶 必點喇沙湯都好濃味 仲送飲品 居然有涼茶 要求温既都冇問題

話說最近叫外賣，食咗間我從未食過嘅餐廳！見佢都真係幾抵食，$72又飯又小食，仲有嘢飲！我地兩個食嘅都係蔥油雞扒飯，唯獨係小食唔一樣！個蔥油雞飯食落又唔錯喎！！啲蔥油勁香，又勁多，餸飯真係一流！塊雞扒仲要都幾厚下！.而小食分別係泰式魚餅同印度薄餅，呢兩樣唔係話唔好食，只可以話係普通！不過印度薄餅配埋青咖哩醬都算係貼心！而跟餐果杯飲品其實係柚子茶嚟，唔算大杯，但都叫好過冇啦！不過勝在夠平，以呢個價錢嚟講都算性價比高！

我是叫 網上外賣平台 外賣的，餐廳整單遲到，外賣包裝也馬虎， 外賣交給我時，差點因為包裝不夠穩固而跌下， 湯汁瀉出不少，加上塑膠袋和盒都被弄到好油。 馬拉喇沙湯麵味道有點淡，自家製拉麵太軟，沒有甚麼口感，不過招牌秘製豬軟骨還可以，吸了湯汁的味道不錯。最失望的是香醋青瓜，竟然有陣餿味。。。一拿外賣時最先注意到。青瓜不脆，沒有調味，而且還近室溫，更一直嗅到那股味，真的食慾大減，吃到一半就放棄了算得上好的是椰汁黑珍珠冰，椰汁不會太甜，黑珍珠粒幾爽，有咬感，不過個人不認為值得加 13元來試。全部食物總共 95元，我以同樣價錢可以食到更高質素的食物。

呢日朋友終於要喺長沙灣返工喇，我又可以和佢Lunch，不過佢話好忙，要食近啲，所以我唯有行去元州村嗰邊搵佢食飯啦😌。我最鍾意發掘小店，於是就搵咗呢間叫「薰甘同味 」嘅小店試下，位置喺正新樓盤地下。我哋下午一點鐘去到，剛好唔使等位，但轉頭都坐滿咗。小店座位唔多，應該只係坐到廿幾人到。環境叫做乾淨企理，坐得亦唔算太逼👍。小店嘅食物選擇幾多，主要係食特式湯麵🍜，價錢$43包飲品，都算幾抵嘅。另外，小店亦有個餐牌係精選飯餐🍚。除咗餐牌外，小店牆上有塊黑板列出咗好多餐牌上無嘅小食，但如果放埋落餐牌到會清楚啲🙈。我哋一人叫咗一碗麵，再加款小食Share😊，每人都只係$52。我要咗A)馬拉白咖哩湯烏冬配3)酥炸豬扒，豬扒同湯烏冬係分開上的，咁就唔會整淋塊豬扒🐷。不過可惜成個組合嘅味道都麻麻地，烏冬係平日超市買嚟打邊爐嗰種，唔係好掛湯。首先，白咖哩湯頭個口感怪怪的，粉粉地，唔通個湯係好似杯麵咁用水沖出嚟😅？咖哩味比較淡，完全唔辣，唔知係咪因為係白咖哩嘅關係。最後，湯麵係附上豆卜同蘿蔔，前者好似膉膉地...，後者就唔錯。至於酥炸豬扒就真係唔合格了，口感勁柴勁乾，又薄，要呑都有啲辛苦。其實豬扒係好難整得難

其實我唔係第一次幫襯，我覺得呢間小店啲湯底唔錯幾好食，但係肺炎發生之後第一次黎，發覺啲員工嘅衛生意識好差（可能係li個時期會敏感d)姐姐有帶手套，但係執枱（客人用過既紙巾等等）之後又拎嘢食俾人，仲入廚房整埋埋野食，又再出黎收錢，之後又去沖野飲。我仲食唔食好？！我明白小店無咩人手，但全店得四個客（加dd外賣單）我見有一個廚師，兩個姐姐，其實分工可以好少少 ，或者執完枱洗一洗個手套先呢今日叫咗個咖喱豬扒飯，第一次食飯，咖喱汁好少唔夠撈飯，味道係可以既。

轉左工2個月了，黎到長沙灣區做野真係好多野食！今日一個人食lunch周圍行下發現依間小店，值得支持！叫左韓式芝士撈面配雞扒（$40），十分抵食，好值得支持下！會再黎💪🏻

Happy Friday約左朋友睇7點鐘戲，但由於佢黎到長沙灣已經6點零。時間唔多，所以只可以食粉麵類。今次呢間小店位於一個唔起眼既角位，而且網上食評唔多，但勝在好評率高達100%，價錢又吸引，完全搵唔到唔試佢既理由。小店座位大概有20個，我地晚上6:15到達，唔駛等位可以直入。餐牌選擇唔少，除左主餐牌既粉麵套餐同小食之外，仲有每日精選飯餐供選擇，而且所有食物價錢都唔過$50，非常平民。黎親呢度既客人，我見十個有十個都會點入口即溶秘製豬軟骨，我當然唔執輸點左一份啦!! 豬軟骨配馬拉喇沙湯麵 $40豬軟骨慢煮到非常淋，稍為用多少少力就會夾到散哂，味道唔錯，鹹甜適中，不過我覺得未誇張到入口即溶，反而以「無牙既人都食到」形容比較貼切；除左豬軟骨外，蘿蔔清甜無渣、湯底夠香但又唔會一味得個鹹字、麵底更係油麵加米粉，一次過有兩種唔同既口感，整體非常唔錯!!如果覺得唔夠辣既朋友，更可以加自家製既辣菜脯添。見到咁多辣椒籽，就知加少少已經好夠辣!香茅雞扒蔥油飯 $42外貎比較普通，不過其重點係塊香茅雞扒，煎到金金黃黃好靚仔!! 而且又厚又滑，香芧味又香，推介。套餐加配小食---芝士醬雞球 $16大粒雞球

已經食過薰甘同味好多次，由佢初初開張$35一碗食到依家$40一碗，講緊都係一年內既事。雖然貴左咁多，但我都依然返轉頭，全因為佢既白咖哩湯底同豬軟骨!湯麵套餐先選湯底，再選一款配料，最後選麵底。另包括一杯野飲。而我10次裡面有9次都係白咖哩湯底+豬軟骨拉都麵~白咖哩湯底香濃，一D都唔辣，每次我都幾乎會飲哂成個湯。雖然白咖哩都算係重口味湯底，但飲完一D都唔會口渴!不得不提係佢既豬軟骨，豬軟骨味道帶甜，似日式做法，豬軟骨燜煮得非常淋身，淋身程度就算無牙婆婆都可以輕鬆食到。可以見到裡面既軟骨都已經變成啫喱狀，好明顯係經過長時間燜煮而成，食得出店主既用心製作，唔似坊間一D豬軟骨咁，D骨係硬到食唔落。麵底可以自選自家製拉麵/烏冬/米粉/米線/油麵。我今次揀左烏冬，烏冬煙韌，無特別。以往我都係食自家製拉麵，麵身有少少彎曲，口感煙煙韌韌幾有特色。配料有白蘿蔔，雖然已經過左白蘿蔔最靚既時候，但蘿蔔依然好清甜，好淋，無渣。如果你係第一次黎食，一定要揀馬拉白咖哩湯+豬軟骨+自家製拉麵，三樣野都好有特色，包你一試愛上!

周圍食肆都係人，度度都有等位嘅人，行行下就見到呢間，門口唔多人等位，就試一試呢間！佢個menu都幾國際化，有馬拉嘅喇沙、日本九州嘅拉麵、韓式撈麵、星加坡沙嗲米線、泰式咖哩撈麵，連小食都有印度薄餅！叫個感覺穩陣嘅韓式芝士撈麵+沙嗲肥牛，配凍熱柚子茶或涼茶，都係$40！呢個撈麵都ok，有芝士同蟹子令成個感覺豐富左，無咁寡！而沙嗲肥牛都入味，略嫌唔夠多！另外加$12加個冷拼盤，日式麻醬豆腐、芥蘭四季豆同芥辣秋葵！佢份量都幾細，如果諗住食啲蔬菜，呢個係唔太抵！

荔枝角長沙灣呢頭真係好多野食 如果唔係OpenRice左 經過應該唔會睇到呢間舖 因為條街中間無啦啦有個凹位 有啲凳比人休息下 後面就係呢間小店 簡直就係隱世小店馬拉喇沙湯麵 配秘製豬軟骨🍜喇沙湯底唔算好稠 但幾濃味😈 唔係太辣油麵米粉混合 口感豐富左 米粉仲要好掛湯豆卜吸埋啲湯 芽菜爽口🐷秘製豬軟骨 果然係招牌 軟骨好淋好入味四十蚊到就有一碗 包飲品 麵量仲要唔少 係幾抵食泰式魚餅 +$16🐟魚餅彈牙 配上泰式酸辣醬 幾惹味印度薄餅配青咖喱汁 +$16🌮薄薄一塊 外層都算酥脆 內層軟熟 唔太油膩 如果青咖喱汁多啲就好啦

薰甘同味 🐥長沙灣-呢間小店我前前後後都嚟咗三次🤣 係一間佛心家庭式經營嘅小店 由佢以前$38 食到宜加$40 雖然話加咗小小價 但呢個價食到呢個質素已經係超班👍🏻-白咖哩烏冬配香茅雞扒 $40 9/10我去咗三次都係食一樣嘅😆 佢個白咖哩啱我呢啲食唔到辣嘅人 白蘿蔔大塊冇渣 好清甜 跟餐嘅雞排不得了 好夠份量 而且皮脆肉嫩 🤤🤤-另外值得一提嘅就係呢間店舖嘅豬軟骨😋 唔係嗰啲有脆骨嘅sok sok聲嘅豬軟骨 而係煮左七個鐘 啲骨好似啫喱嘅口感 而我就最中意食呢隻豬軟骨😆🤤