蘇媽.蘇媽馬來西亞茶餐室

營業中

休息中

$28 椰香咖央多士 (7.5/10)呢個多士比較新奇之前未食過想試下中間系馬來西亞既加央醬有陣椰子香 多士烘邊 金黃色切開4件 每人一小口相比其他多士試下新野都幾好 $52 檳城亞參叻沙 (6.5/10)入面放咗吾同既配料有菠蘿粒 青瓜粒 紫洋蔥 生菜同辣椒食落吾辣 湯底系酸酸地米線質感ok 食到一半先醒起有蝦醬落左蝦醬會調和個湯中和番個味道 味道會濃啲感覺上系一種好地道既野食不過鍾意其他野食多啲🤣..............................$48 話你知啦薄餅配素咖喱 (8/10)個人口味黎講最鍾意呢個薄餅完整一塊塊奉上系要自己撕開薄餅餅身都算薄配上咖喱 咬落好脆口啲咖喱吾辣身味道吾太識形容系幾岩香港人口味 (個人覺得🤪$85 馬拉沙嗲串燒 (6串) (6.5/10)小編麻麻地雞肉所以食左牛同豬肉豬肉系幾好食 啲肉好有咬口堅韌又吾會難咬 牛肉口感上我吾鍾意口感好似散散地？吾知🧐朋友比較鍾意牛肉串沙嗲醬方面都好地道既野 好難評價個人覺得泰國沙嗲會好食啲✨..............................

蘇媽多左好多分店，食過咁多次又大把人食過就唔多介紹喇，係咁易講兩句😛邊個仲未食過快啲試下啦🤣每次去都當自己去左馬來西亞咁😙好想去旅行😢🔸三層肉肉骨茶好鍾意呢度嘅肉骨茶可以無限添飲🤤而且都幾重藥材味，不過我個人就鍾意豬腳灣多啲冇咁多肥膏！🐷🔸檳城福建蝦麵🦐好香蝦味，配上油麵，好有咬口，湯底再濃郁啲就好😋🔸椰香咖央多士🍞要趁熱食！多士烘到香脆，咖央醬同牛油好夠，唔會食到乾爭爭，不過....好邪惡😈

次次經過蘇媽蘇媽都會見到勁闊嘅一條人龍！想食都唔想排隊🥲而且疫情之下夜晚冇得堂食 好彩係屋企碌碌下foodpanda見到有蘇媽蘇媽！咁就即刻叫來試下😽最衰冇得當場飲肉骨茶 不過價錢冇太大上落🍛辣死你嗎 配仁當牛肉 💰58配料有半隻雞蛋 青瓜 炸魚仔 花生同埋炸蝦片 而綠色嘅其實係椰漿飯😍一開始齋食飯會覺得口感好怪 因為覺得椰漿係甜但係實際係咸😅好彩撈左D牛肉汁入去食 就中和返奇怪嘅味道變得勁好食🥰牛肉軟淋淋好好食！入面仲會有幾塊牛筋 下次可能會試下咖喱雞肉😙🍝特製辣椒板面（轉老鼠粉） 💰58可以見到入面配料都有蝦片同埋蛋！呢個都係睇ig推介可以轉老鼠粉🤣不過個人就覺得唔係特別有味 可能砂煲老鼠粉會更惹味🤔🍞椰香咖央多士 💰28多士烘得超脆超香口 內餡都有好重班蘭味😚但係就個人覺得太甜 如果醬冇咁甜就會更好味！仲有+$6一杯馬來西亞拉茶🧡個人就好鍾意飲拉茶 因為會有好特別嘅甜味 泰式奶茶、拉茶、台式奶茶都好鍾意😍港式奶茶就冇咁對胃口了☹️整體來講價錢唔算貴！想食馬拉野就可以去支持小店🧡希望下次堂食可以飲肉骨茶啦☹️

食過蘇媽唔止一次，今次第一次試肉骨茶，喜出望外。1.豬腳彎肉骨茶上豬腳彎前先上一碗肉骨茶，味道唔算苦，苦中帶甜，唔飲慣藥材味嘅我都覺易入口。然後上豬腳彎，豬肉亦沉住肉骨茶，湯茶吸收左豬的肉香味道更鮮美。豬腳彎肉出奇嫩滑並帶肉香，骨膠原又豐富。2.湯咖哩米通粉餸有魚旦，魚肉卷，豆卜，芽菜，薯仔。個人認為餸普遍較淋。湯料酸辣亦帶甜。粉非常滑抵讚。整體份量唔算大碗。3.沙爹串燒串燒可揀豬/牛/雞或每種一串。肉味普通，肉質就唔錯。沙爹醬有大量花生粒好有口感，醬主要係甜味，然而混有薄荷葉碎，並有香茅味，層次也豐富。4.冬瓜龍眼茶（熱）茶夠熱，甜得黎唔會太過火，冬瓜味平衡得剛剛好，解辣更係甚佳。餐牌：

當時2012年暑假同屋企人去新加坡旅行食咗非常好食嘅咖央多士，同埋咖央醬有一種甜味，但甜度唔過甜亦唔會好淡，我非常推薦大家食咖央多士，另外我叫咗一碗拌麵，雖然有啲辣，但十分香估唔到過咗幾年，居然可以比我食返新咖坡的味道

蘇媽.蘇媽馬來西亞茶餐室（荃灣）💛••••••••••••••••••••••••••••••✄( •8• )✄( •8• )✄( •8• )✄( •8• )••••••••••••••••••••••••••••••♥️餐點：•辣死你媽配咖哩雞肉 $58•三層肉百吉爹肉骨茶 $48•檳城亞參叻沙（米線） $55•熱馬來西亞拉茶 $23 （跟餐價$16）•凍怡保白咖啡 $23 （跟餐價$16）（叫一款飯/麵或三款小食即可享跟餐價）••••••••••••••••••••••••••••••♥️食評：相信蘇媽.蘇媽應該好多人都識😳間唔中就會去食吓～呢到每款食物都幾特別幾有風味！而且每人都可以任添肉骨茶！真心推介！辣死你媽其實係Nasi Lemak🤣🤣係椰漿飯嘅意思～呢個椰漿飯我就幾鐘意！配搭參巴醬、青瓜、花生同乾魚仔一齊食，食到椰漿嘅香味之餘，口感都好豐富。咖哩雞味道都唔錯，雞唔會柴，同飯一齊食就更加正～三層肉肉骨茶好好飲～唔會苦，而且甘甘甜甜咁，有啲肉味，好飲過任飲嗰碗哈哈！肉嘅份量都幾多，應該都有十幾舊，但可惜唔係全部都係肥瘦肥瘦咁夾雜住，下次再食會揀其他肉呢～叻沙相對比較失色，味道唔夠

▫️棒棒骨肉骨茶 肉骨茶係用馬拉配方 加上二十多款藥材煲足兩個幾鐘 湯頭充滿藥材香 味道鮮甜順喉😋三大條棒棒骨肉質嫩滑 炆得又淋又入味 肉香和藥材香 平衡得宜🤣底下仲有啲豆卜金菇索哂啲湯 好入味😌▪️椰香咖央多士多士烘得香脆 內裡塗上一層厚厚嘅咖央醬 帶點淡淡嘅椰香🤤

🥪椰香咖央多士 ($36)之前有食過其他分店嘅咖央多士所以我今次有encore 左啦咖央醬同半溶牛油係成個多士嘅靈魂店員亦細心提我哋要趁熱食🤫不過上枱就已經唔太熱 係暖暖哋果隻覺得無上次食嘅好食🤔🍜檳城亞參叻沙米線 跟蝦醬 ($48)呢個湯落左好多辣油 而辣多過麻 食幾啖就個嘴唇就麻左lu🥵 覺得個辣油com左湯嘅味道 唔係好食得出 只係單純靠入左味嘅米線食到啫 🧋馬來西亞拉茶 熱+凍 ($0+$3)跟餐有2杯飲品 我哋就叫左2杯拉茶可能唔係太好甜 所以我哋覺得凍嘅會好飲啲🥶

今日同男友到荃灣間「蘇媽蘇媽」食肉骨茶，呢度肉湯特別鮮香，又唔會好重藥材味，好岩我飲。仲有食法教路，先混醬，再飲湯，食完肉後，仲可以添飲湯。裝調味料的樽也很特別，好有風格。百吉爹肉骨茶（三層肉）肉骨茶好鮮味，藥材味唔會過重，先溝好個蒜蓉黑醬汁，用黎沾肉食，再飲肉湯，微暖溫和，順喉好飲。跟住食三層肉，入口快要化開，肉質也鬆化，沾埋醬食，多份蒜香同微咸，好惹味，食完再飲熱湯，好滿足。椰香咖央多士烘得夠香脆，椰香味夠，咖央唔會好甜，夾埋牛油食，無得輸。怡保雞絲湯米個湯頭好香好鮮甜，清澈不油膩，雞絲都算嫩，配料有魚蛋片、蝦肉、芽菜……好豐富好味。美綠恐龍份量十足，滿滿一杯美綠，香甜味美，面頭仲有好多美綠粉，飲到最後都仲好濃郁，正。椰汁班蘭冰好香班蘭味，個味幾天然，夠冰涼又帶點椰香，仲唔會好甜，有d西米粒增加口感。

蘇媽蘇媽係馬拉菜，真係又平又好味😋今次照舊食咖央多士，試白咖哩油麵，有蝦有雞蛋又有芽菜同豆卜，好好味😋之後食魚子醬雞翼，炸得出色！沙嗲雞串好迷你，醬汁野味，拉茶似奶茶，沒甚特別。至於對面個位食撈油麵，都唔錯。注：雞串有頭髮，即換。

是日進食午餐，區內很多餐廳，選了這間一試，入內見空間很細，坐位多是沒靠背椅，比同街內其他餐廳比，坐大排檔比它更舒適，點了湯麵及撈麵，食物較油膩及味濃，拉茶也很甜，下次也不會再去

第二次幫襯，今次係食下午茶，水準都唔太差同幾抵食。叫咗兩個下午茶餐+散叫肉骨茶：怡保雞絲湯河：清清地幾好食，朋友唔食得辣叫呢個啱晒。肉骨茶(腳轉彎) :肉骨茶好重藥材味，同埋都幾燥，兩次飲完第二日都有少少喉嚨痛，所以就算佢有得免費添飲啲湯都唔好貪心飲太多，如果唔係真係會流鼻血🤣。腳轉彎啖啖肉，上次食過豬腳仔，個人唔太鍾意食太多肉，所以都係覺得豬腳仔好食啲😆椰香咖央多士（一份）非常香脆，侍應姐姐上菜嘅時候叮囑我哋要趁熱食，咖央份量啱啱好，顏色唔算太青BB，多士一份兩個食份量啱啱好。下午茶奉送熱嘅白咖啡/拉茶，兩樣都想試，所以每樣叫咗一杯。咖啡同茶都偏甜，但係都幾香幾好飲😋味道： 4/5環境： 3/5服務： 3/5CP: 3/5回頭：會 (下午茶)後記： 見到好多食評都話佢唔係正宗馬拉菜，當然所有菜式唔係本土嘅，或多或少都要就返當地人嘅口味而有所改變。正如香港嘅泰國菜唔會好似泰國咁辣，日本菜唔會有係日本食嘅味道一樣。至於正宗定唔正宗係非常主觀，最緊要好食啱你食就得啦😉

今日在荃灣工作，工作過後去了蘇媽食嘢，一段時間無去，覺得水準都仲係唔錯。🤗椰香啡央多士多士烘得好香脆，熱辣辣食好正😃。啡央同牛油的比例都適中，與友人一人一件啱啱好😋。天氣凍凍飲D肉骨茶好正，覺得佢嘅肉骨茶很好飲，帶有藥材味，味道唔咸，飲完好暖胃，唔夠仲可以添飲😅。三層肉真係有三層肉，肥瘦適中，幾有肉味。😄雞腳覺得唔係好夠淋，如果淋D 會好食好多，不過都好有肉骨茶味😉。另外，我地仲叫左一個椰漿飯，佢地加左班蘭葉煮，帶有少許香味，唔錯唔錯😸。

應該好多人都有食過蘇媽蘇媽，今次去嘅荃灣分店水準都幾好，而且有兩間地舖連住，就算要等位都好快入得去🤪**********<椰香咖央多士> $28咖央多士係每一枱嘅必食之選，裏面搽左牛油同埋咖央醬，咖央醬搽得都幾厚但唔會話太甜，塊多士烘到好脆，食嘅時候仲暖暖地嫁😍<玻璃魷魚配通菜> $52魷魚同埋通菜嘅份量都幾多下，主要係靠秘製醬汁去調味，個醬汁加埋炸蒜都幾濃味同埋會有啲辣🦑**********<招牌砂煲老鼠粉> $84呢一個砂煲老鼠粉係招牌，分量同平時啲煲仔飯差唔多，建議兩個人或以上先好叫！其實就係將銀針粉再加上一堆配料，趁熱撈埋一齊就食得，味道唔算好特別但都幾香口😆

睇到好多人話好食， 今日去買外賣試試佢！ 買左三樣嘢，砂煲老鼠粉 ,6 串串燒， 蘿白糕，全數 217 蚊.返屋企開嚟睇果老鼠粉唔係寫明係砂煲咩點解小得咁可憐🥺係咪貴左d 呀 84 蚊， 串燒既肉又小但係果汁好食既， 果蘿白糕最正常份量囉。真心講一個人食都唔夠飽。