蘇媽.蘇媽馬來西亞茶餐室

營業中

休息中

試左蘇媽菜式，有肉骨茶及蘿蔔糕，order 咗肉骨茶豬楠肉，好入味，又唔鹹，d湯又可以任添，跟著蘿蔔糕出場，加入有微辣椒油的小魚仔，好香呀！雖然我唔食辣，但都食咗好多件細細件嘅蘿蔔糕，多謝蘇媽馬來西呀菜式！

當下午茶周圍兜圈諗緊食乜 見到蘇媽冇人排隊(星期六)就走入去食！-入到嚟最想試個咖央多！椰香咖央多士 即上碟夠熱同烘到好脆！咖央同牛油俾得重手 呢度既咖央椰子味較重 配埋大嚿牛油好邪惡🤤-辣死你嗎牛肉飯 其實少少辣😂椰汁飯椰香味重 配上花生、魚仔口感唔錯！不過椰汁飯煲得太淋 牛肉少少韌味道不過不失！-檳城亞參叻沙線 佢係配料加米線 唔係有餸嗰款米線！米線分量多但煮得偏淋！湯底飲落口酸酸辣辣 加埋啲配菜 好開胃👌🏻米線可以跟蝦醬 不過我哋覺得要唔要都無所謂 本身個湯底夠味！

係荃灣想食啲特別既野，就簡左呢間馬來西亞餐廳。兩個人每人嗌左一個主食加個咖央多士。•檳城亞參叻沙米線 - 味道頗重，加埋蝦醬仲濃。好適合重口味既人，不過無乜餸食多幾啖會覺得有啲寡，同埋覺得鹹。•馬來西亞拉茶（熱）- 好得意，好似泡沫咖啡咁！幾滑，而且唔太甜。朋友嗌左凍既，凍會比熱既甜少少 而且會比較奶。朋友嗌左個辣死你嗎系列，見佢好多配料擺得好靚，都幾吸引！但因為疫情關係就無同佢share，所以就唔評分啦。友人就話好食！·椰香咖央多士 - 多士烘得好脆，搽左層牛油再夾醬，非常香！醬既分量恰當，每啖都食到 所以唔會食到好dry😆 同埋有椰香味，好正！食物味道都唔錯既，下次會再黎試下熱門野

襯平日去幫襯經常要排隊既蘇媽蘇媽，趕得切係lunchtime 前到👏🏼👏🏼坐低3個字後開始多人，過多陣就full埋，真係好受歡迎☺️·•馬來西亞拉茶。拉茶好似有陣薑味，我自己覺得唔錯，都好飲😋•怡保白咖啡。通常都比較甜，不過都幾好飲•檳城白咖哩麵。叫咗少辣，都幾野味，不過份量比較少，男仔食應該唔夠飽•辣死你嗎配仁噹牛肉。椰漿飯好正呀🤤，牛肉好夠淋，個汁都好好味，又唔算好辣wor @@·下次再試其他野😋

之前都想食過幾次，但次次都太多人等而放棄，難得平日夜晚經過見到冇咩人等位就食到喇～餐廳好火猛，坐位偏窄但都算整潔，坐位之間都有齊防疫膠板。百吉爹肉骨茶豬腳彎（$48）店員先送上每人一碗肉骨茶，可無限添飲熱湯。肉骨茶唔算太勁藥材味，鮮甜的～豬腳彎超淋，勁入味，再沾埋特製既醬料（由蒜蓉、辣椒、黑豉油、頭抽，自行按口味調配而成），減少左肥膩感、味道層次更多。砂煲老鼠粉 （$84）一上枱勁香，仲有沙沙聲，即刻忍唔住食一啖。砂煲既熱力既熱力將食材既香味逼出，再撈埋一齊食，好惹味但又唔會太咸。話你知啦薄餅配咖哩（$48）本身我自己好鍾意食薄餅，呢份算係數一數二既高質。熱辣辣，超鬆化，口感十足。再配埋咖哩簡直係絕配，就算好飽都食得落。美綠恐龍（$33）正常發揮，如果面頭再多d美綠粉就好🤤🔸🔸🔸🔸🌟價錢 - 9/10 🌟回頭指數 - 8/10

睇完電視節目介紹蘇媽.蘇媽, 即刻叫外賣返黎食。平日見到食店勁多人排隊, 所以都冇試過堂食。對於今次外賣都幾期待。椰香咖央多士好好食! 椰子味好重! 而且雖然係外賣, 多士冇淋晒。不錯呀! 檳城亞參叻沙河粉老公點既, 湯底辣又香濃, 份量偏少。不過佢都食得好滋味。百吉爹肉骨茶 (豬腳彎)呢個肉骨茶係重藥材味既, 我就覺得一般。而且我覺得較重味精, 因為我食完果晚同第二日要勁飲水。豬腳彎好好食, 好淋又唔肥! 呢個推介呀!熱馬來西亞拉茶好滑, 好重椰奶味!老公好喜愛。除左個肉骨茶唔係我喜愛既味道之外, 其餘食物都OK。

一路都心心念念，好想食蘇媽蘇媽，但奈何住喺東區，仲未有分店(當時)~趁住工作過咗嚟荃灣，諗起食咩！二話不說即刻去咗蘇媽😍剛好係下午茶時段，多士就當然係我最想食嘅，再加返杯凍拉茶😌真係完美嘅配搭！

1️⃣ 百吉爹肉骨茶（棒棒骨）$84三條棒棒骨，湯入面仲有豆卜、金菇同枸杞。肉骨茶有好濃藥材味，絕對唔會係hea你嘅肉骨茶；棒棒骨影落係幾得意，但食落就真係普通，有啲乾身又有啲柴，有啲失望；其他配料本身都幾吸湯汁，可以免費添飲㗎～2️⃣ 檳城亞參叻沙米線 （跟蝦醬）$55呢碗叻沙同平時係香港食到嘅唔同，平時食到嘅係比較似新加坡嘅叻沙！魚肉湯底除咗有啲魚蓉係入面，仲可以跟埋蝦醬，湯底嘅味道酸甜辣又帶有魚腥味，極重口味！！意外地幾鍾意呢種風味，辣味又夠。不過留意返呢碗叻沙係冇魚片/肉，成碗都係青瓜絲，紫洋蔥絲，生菜絲同兩粒菠蘿，食落口感都幾豐富。3️⃣辣死你嗎配仁噹牛肉 $55係去到馬來西亞必食嘅椰漿飯，飯帶有啲椰漿味，不過啲飯係凍嘅，上面仲有半隻烚蛋；參巴醬比起馬來西亞嘅參巴醬嚟講偏甜同冇咁辣；側邊嘅仁噹牛肉微辣；仲有花生、炸魚乾仔、青瓜片同炸蝦片，正正常常。4️⃣玻璃魷魚配通菜 $52 玻璃魷魚爽口彈牙，配埋嗰醬幾香口，夠晒辣（唔食得辣嘅朋友要三思），但通菜有啲老同乾，略嫌可惜，$52嚟講唔太抵食。✴️整體而言，個人覺得呢間馬來西亞茶餐室嘅嘢食普通，算係喺香港可以食到馬來西亞嘅菜式，但就未到其他人講到咁

蘇媽蘇媽！同埋阿媽食蘇媽! 整體唔錯ge, 但又冇傳說中的好食，未試過都可試吓！一場來到，當然要食好評ge 肉骨茶！係重藥材ge 肉骨茶！從熱湯到肉骨茶再到熱湯，食完都覺得補！一字骨d肉都算軟熟，但唔算好入味！算係不過不失ge 椰漿飯，飯質地棉有椰香味，雞就一般啦，係個醬夠惹味！唔算好甜，但唔夠滑。個人而言，味道始終唔及台式冬瓜茶！味偏酸，但帶甜，整杯飲落都舒服。

身邊一個馬拉朋友話，當每次好掛住屋企嘅味道，就會去食蘇媽，今日經過終於試下係咪真係咁正😋💛棒棒骨肉骨茶蘇媽嘅肉骨茶藥材味算重，尤其係當歸味特別出，顏色比較深，入口味道甘甘地，飲完之後喉嚨好舒服，仲可以無限添飲肉骨茶添!!! 食肉骨茶最怕啲肉好硬，由於呢個成舊肉都連骨，所以肉質唔會柴，加埋索哂湯汁嘅豆卜同少量金菇，好味😋💛招牌老鼠粉老鼠粉即係銀針粉，未食已經聞到好香，配料有肉碎、魚乾仔、蝦米、乾蔥、蔥花、勁香嘅豬油渣同埋窩蛋。將所有配料同黑醬油、甜鼓油撈均，由於小砂窩仲有熱力，撈咗之後啲香味更加出，好似食煲仔飯咁，食到最底痴住砂窩果啲配料同老鼠粉仲好食!!💛椰香咖咉多士多士烘得金黃啱啱好，咖咉醬唔會太甜，夾埋一塊牛油，食落超滿足，如果份多士上枱嘅時候再熱啲就更好味!味道: 🌕🌕🌕🌕🌘服務: 🌕🌕🌕🌖🌑環境: 🌕🌕🌕🌖🌑價錢: 🌕🌕🌕🌖🌑

服務態度差 等左半個鐘 唔好意思都冇一句 講嘢仲要好串😓白咖喱非常一般 湯唔濃 份量同配料都少（沙嗲王嘅白咖喱都好過呢間好多😥）仁噹牛肉成碗有陣藥水味（白色杰杰地嘅抗生素藥水果陣味🤢）好難食⋯⋯真係相都費事影⋯

平日晚市排隊好多人，最近隔離開多一間店，下午茶有位試試。點餐自動填單，試了檳城亞參叻沙米線配拉茶。拉茶先到，泡泡滿滿，飲落感受到絲滑感覺，帶有一點薑味？叻沙米線面鋪滿紫葱沒有餸只有伴蝦醬，已有辛辣感。之後吃粉，吸了濃濃味湯底，夠唸但頗辣，吃後整個晚上也有口渴的感覺，下次不會叻沙。

星期日和朋友經過荃灣，看到這間蘇媽已在荃灣開了一段時間，而且還開了一間B鋪在旁，好像沒有之前那麼多人排隊，於是便拿了票，等了15分鐘便可以入去了來到蘇媽當然必試肉骨茶，有不同的骨可以挑選，我地揀了一字骨下完單會先送上肉骨茶，第一口飲落去覺得好苦，但飲多幾啖會有回甘味，藥材味濃，越飲越好飲，而且還可無限添加一字骨比較難咬，要點醬料才有味冬瓜龍眼冰，味道中規中矩馬來西亞拉茶對於我來說太甜咖央多士，送到來已不夠熱了，如果熱D會好食D老鼠粉，入面有銀針粉、蝦米、肉碎同一隻生蛋，撈勻一起吃，看似份量好大，但實際不是好多，而且好多痴底，味道我覺得ok，但如果以八十幾元的價錢，我覺得偏貴除了肉骨茶的湯底比較印象深刻之外，其他食物都比較普通，飲品味道偏甜，而且價格偏貴

早放工就早d去食晚餐，加上疫情又轉差，難得見到冇人等位仲有得揀位坐，就入去食碗叻沙最後揀咗阿參叻沙阿參係一種酸味的果子，東南亞人用嚟調味未至於檸檬咁樣有清新氣味，果種“酸咪咪”的味道係好順口而且天然（有d人食太多檸檬汁果種酸味牙骹會痺，阿參就唔會咁攻咁搶味）酸酸地嘅叻沙都幾得意湯底好濃郁而有少少酸味，感覺濃得嚟唔會太“漏” 👍碗米線唔算大，只係剛剛好夠飽大食d的話就可能唔夠飽，要加小食我唔食得辣所以都覺得幾辣（有d食物就係本身有辣味先好食先至係精髓，所以我會照食，哈哈哈），如果食得辣嘅應該只係會覺得似普通酸辣味道仲叫咗杯熱拉茶都ok，飲到濃茶味，又夠滑如果大杯少少可以飲多兩啖會更開心 😂

荃灣 蘇媽蘇媽分店~荃灣廣場對面。分左A,B店，但先要A店寫飛仔先可以去B店用餐，而且要人齊先可以入內。店鋪開揚 光猛 場身貼有菜式名稱的顯字掛畫，行懷舊風格。叫左辣死你媽咖喱雞飯，有蝦有雞絲既河粉，沙煲老鼠粉(即係金針粉)，咖央多士。另外一杯凍馬來拉茶同一杯龍眼冬瓜茶，其實仲有杯斑斕椰汁冰(不過店員就無落到單)🤨飯係混左斑斕色素,辣醬幾特別，撈甜甜地的飯一流。 河粉就普普通通，蝦無挑腸，清湯更令你可以食到食材原味道。老鼠粉呢～係一煲會黏底 有蛋，蝦米 ，肉碎，，魚乾仔 豬油渣等mix豉油既銀針粉煲，鹹鹹香香。咖央多士，少許失望，食落似現成超市買到既斑斕咖央醬mix烘底包，再分開4份。奶茶~有陣薑汁味，驅風之選。龍眼茶呢，有點過甜。大致上餐牌的食品都係辣/有蝦/少少熱氣既野食，係惹味菜式。 同埋店員係好快手禁收走你食完既野。