蘇媽.蘇媽馬來西亞茶餐室

營業中

休息中

馬來西亞菜不得不提這間店，荃灣這分店仲擴展了多一間係隔離鋪，證明人氣十足👏🏻🥢食物🥢1️⃣砂煲老鼠粉$88: 砂煲上熱辣辣，要小心燙口💥老鼠粉就是銀針粉，入面有魚乾仔，蝦乾，肉碎等材料，再撈勻中一隻生蛋一齊食，有少少咸香味又口感豐富😋2️⃣怡寶雞絲湯油麵$58: 食咗濃味既老鼠粉，就食返個清清地嘅油麵啦，魚片和鮮蝦，加埋腐竹，芽菜～3️⃣海南鴛鴦燒麵包$42: 麵包烘得脆脆的，顏色好似朱古力咁～餡料是牛油跟咖哋醬，甜甜地幾好食😋4️⃣馬來西亞拉茶（凍飲跟餐$20）：怕甜嘅我揀咗少甜，味道就啱啱好好啦！似平時飲嘅奶茶咁，口感好滑～

第二次來囉！這次也是中午前來，不用等位置。環境餐牌我估計餐牌是全天的，應該沒有晚餐餐牌，所以選中午前來可以避過人潮。 大雜錦肉骨茶 $148 上一次沒試肉骨茶，一直都想試，點了個大雜錦，甚麼都有，有棒棒骨、豬肚、三層肉、雞腳、豆卜金菇配埋油炸鬼。點了之後會上肉骨茶淨湯，藥材味挺重，但又不會覺得苦澀。在肉骨茶來之前，用桌面上的調料包括蒜蓉、辣椒、黑醬油和頭抽調好需要的醬料，肉骨茶上菜後就可配着吃啦！大雜錦絕對要2人分享，裏面的湯比起肉骨茶淨湯來得清澈，藥林味沒那麼重，豬肚、雞腳、豆卜都很入味，沾上醬料吃更滋味呢！ 海南鴛鴦燒麵包 $42因為預知大雜錦肉骨茶份量多，另外點了個小吃海南鴛鴦燒麵包，用馬來西亞焦糖海南麵包，裏面抹上牛油和咖央，牛油是有兩大塊，超級邪惡！但吃下去也沒有覺得很膩，牛油冰冰的好適合夏天吃。總括而言，我還是會盡量避免晚餐前來，中午來吃一樣棒。

沒有旅行的日子，真的會住掛住馬來西亞菜，見到蘇媽•蘇媽，決定在這裏晚餐，尋找馬來西亞味道。晚上八時多，仍很多人在這裏用餐，還好不用等位。牆身掛滿很多馬來西亞食物和地標照片，像極了旅行打卡照。怡保雞絲湯貴刁$58，估不到雞絲湯超好味，以為湯底清清的應該很淡，喝下去味道超香濃，見到粒粒蝦子在湯底，配料有蝦、魚片、韭菜、雞絲、牙菜，喜歡魚片彈牙有魚香；蝦雖然細隻，但十分新鮮爽口；雞絲份量也不少，拌在滑滑的貴刁，吸收香濃湯底味道，十分好吃，高度推介的一碗湯粉！檳城亞參叻沙米線$58，配料有魚蓉、紅洋蔥、青瓜絲、菠蘿、辣椒、薄荷葉，雖然湯底味道偏辣帶微酸，因為有很多香草和蔬菜在湯裏，辣得來又吃到清新氣息，頗特別的味道，能吃辣的人可以試試。馬拉沙嗲串燒3串$48，豬牛雞肉各一串，燒得夠乾身，但吃下去又不會覺得很乾，口感就像牛肉乾豬肉乾小吃，咬著就令唾液分泌，點沙嗲醬吃，增添一點香辣味道。椰香咖央多士$32，美味得令人念念不忘的甜品，因為加了椰漿，味道香甜，比起一般咖央醬的甜味更易接受，揮發完椰香，還有蛋香，咬著脆脆的多士，真的非常好味，必點的小食。覺得這裏的食物味道還不錯的，最推介椰香咖央多士，可

今日食既係蘇媽蘇媽，係馬來西亞菜式，同我地香港人食開既好唔同，menu上既選擇唔多，但係非常之有馬拉特色棒棒骨肉骨茶黎到呢度必食之一既就係呢個肉骨茶，基本上每枱都有點的，而佢既肉骨茶更係任fill的，三支棒棒骨就咁睇好似好柴咁，但其實又幾軟熟同入味，佢有幾種唔同價錢既肉骨茶，其實湯係一樣只係上面既配料不一樣，最平52蚊都有辣死你嗎配咖喱雞肉綠色既飯係香港好少見，估唔到又幾出色，配上佢既辣汁同配料，飯好軟熟同d配料好夾，除左雞肉仲可以揀牛肉，個人覺得牛應該會出色d！椰香咖央多士呢個名物一定要點，多士入面既咖央食到停唔到口，多士超香脆而且醬係超多，唔會食到冇醬既多士！必要食！

呢間人氣餐廳開咗咁耐一直冇試過，因為次次都好多人等位。琴日終於吼佢十二點一開門入去食咗😆砂煲老鼠粉 $88上枱賣相好吸引😍，好多種材料：肉碎、炸咸魚仔、蝦米、炸蒜粒、蔥花等。一上枱即刻撈勻隻生雞蛋，將所有材料搬入老鼠粉，即刻香噴噴，呢個砂鍋老鼠粉好惹味😋，而且食到尾都可以保持溫度。百吉爹肉茶 $56我哋試咗一個小鍋的，揀咗豬腳彎呢個部位。店員會先送上熱湯，呢度嘅湯藥材味同肉味都幾平均😋，唔會話太重藥材苦味。豬腳彎呢個部位帶有少少肥膏，肉質軟腍，而且連埋充滿膠質嘅豬皮😍，食完嘴唇有黏黏的感覺。檳城香炸滷肉卷 $56呢個卷裏面除咗滷肉，原來仲有好多芋頭，加埋一啲爽爽地嘅類似醃蘿蔔嘅粒粒，用腐皮包住炸得香口，幾有口感👍🏻，沾上隨碟附上嘅辣椒醬更加惹味😋，但係唔食得辣嘅人會覺得好辣。

又去搵我既最愛❣️肥肥咖央多🧈·今次去左呢間由深水埗一炮而紅之後✨陸續開左好多分店既蘇媽 · 蘇媽馬來西亞餐館🫶🏻荃灣分店位於大霸街一條街有兩個店位既蘇媽一睇就知人氣有番咁上下👻·♡ 棒棒骨 （$92）棒棒骨未上枱 店員會先預備兩碗肉骨茶比你飲住先🥣未去過馬來西亞唔知最正宗係咩味道🤪但呢間算係最岩我口味香濃肉湯帶陣陣藥材味🫔如果冬天飲一定會好暖身棒棒骨拎住食又幾開心🍗肉質軟腍 · 吸哂湯汁一個字😎好正♡ 招牌砂窩老鼠粉（$88）用熱鍋上桌 · 上枱一刻仲冒緊煙💨擺盤擺到整整齊齊帶有蝦乾 ｜ 魚乾 ｜肉碎 ｜半熟蛋🍳下面係調左味既銀針粉撈埋一齊食幾香口惹味✨♡ 海南鴛鴦燒麵包（$42）唔明咩係燒麵包 · 專登上網研究下原來係馬來西亞既焦糖麵包🍞難怪食落有陣甜味 又似似地咖啡味🤪配埋咖中央醬同必備既肥肥牛油這大概是幸福的感覺🥰

蘇媽蘇媽，不經不覺已經喺港九新界有成五六間分店，我自己都已經食過三四次，今次係堂食開返以來第一次在餐廳食飯，發覺以前嘅lunch Menu已經不復存在。不過，亦可以令我發掘更多其他以外嘅食物，亦真係好好彩可以識到更多不一樣的種類！先黎嘅係海南鴛鴦燒麵包，同一般嘅咖吔多士唔同，麵包多咗一分可可味道，配上邪惡嘅奶油同咖吔醬可以話係今餐嘅mvp☺️主角當然係三層玉肉骨茶，即使你有一份，肉骨茶都會以人頭嘅數量咁上菜，每人一碗，而三層肉相當園林，肥肉位好香，加埋自己撈嘅醬油一齊食好有當地風味😳魚仔將蘿蔔糕亦都非常入味，而且超級熱辣辣，魚仔嘅鹹香非常地夾蘿蔔糕。而白咖喱麵則正常味道，配料幾多，我覺得湯底嘅香料味可以再豐富一d，令到味道提升🤓

—而家一至五下午茶時段全單7折可以當食個早d嘅晚餐檳城福建蝦麵($62)豬腩肉/通菜/芽菜/蝦/魚片/蛋湯頭有蝦鮮味 唔會嗆喉每啖油麵都掛到湯 炸蔥酥好香口 睇落細細一碗 相當足料椰香咖央多士($32)塗上牛油再有滿滿嘅靈魂咖央醬麵包烘至金黃鬆脆 甜甜的多咗份椰香椰汁班蘭冰($36)班蘭椰汁糕飲得嘅變奏版椰汁香濃唔會甜膩 亦有淡淡班蘭味底下有比平時糖水西米大粒d嘅西米?!——————————————————蘇媽.蘇媽馬來西亞茶餐室 荃灣大壩街71號地舖

蘇媽.蘇媽馬來西亞餐室中午去左間馬來西亞餐廳聽講好特別就入去試下入到去牆上掛滿餐牌既書法好有特色風味怡保雞絲湯河粉勁多雞絲 配料有蝦.魚片.韭菜.芽菜令到湯底勁鮮甜不辣首選馬拉沙嗲串燒/6串兩串豬/牛/雞岩岩燒起 香噴噴 有配馬拉沙嗲醬口感軟滑外脆內軟唔會燒到乾 保留左本身既味道 配埋沙嗲醬 椰香咖央多士有別香港既多士 咖央醬 清甜得來唔會太濃稠 配上岩岩焗起既士多 係一個新奇配搭馬來西亞拉茶（凍）飲開奶茶既都可以去試下拉茶 飲落特別滑特別香茶味濃 會有種香料既甜味

蘇媽蘇媽，我同爸爸都好鍾意黎呢間食肆，因為呢度既肉骨肉又正宗又好飲，而且仲要係任飲。今晚六點半到來，餐廳內已坐了好多人，好彩仲未要等位，再晏點應該就要等位了。坐低後，店員隨即為我們捧上肉骨茶。嘩，好香濃呀，即刻飲返一碗先，太濃郁太滋味。呢度係馬來西亞口味，所以肉骨茶係偏重藥材味的，好味好正架。之後點餐，野食都好快送上。先講一講呢份椰香咖央多士，真係超超超好味，多士又香又脆，中間仲要勁多餡呀，超香既咖央呀，仲要個量係超多，好好味呀，爆餡咁，多士又熱又脆，咖央又甜，椰奶又香，完全係超好味，呢個真係必點。另外點了一份煎脆雞翼，灑上了少少辣粉，仲有個辣醬，好惹味既口味，帶點點微辣更為惹味刺激。雞翼又脆又滋味，啖啖肉又辣辣地，正正。另外點了一份豬腳彎，豬肉都分左好多唔同部份架，又有一字骨、豬手、豬腳、三層肉、棒棒骨。有好多款唔同部位。正。呢次食既豬腳彎都唔錯，肉質啖啖肉又正，仲有少少質膠好彈牙好膠質，唔錯唔錯。仲點了一份主食，古早豬腸粉。好多豬肉碎，有少少似食緊滷肉飯既肉燥咁，好好味呀，仲有個汁都好正，用黎撈腸粉一流一流，腸粉又綿又滑，加埋濃濃既汁醬好惹味，仲有好多肉碎，正。不停食又不停添飲肉骨

蘇媽.蘇媽大家都唔陌生啦，最近我好想食馬來西亞嘢，所以嚟咗呢間。環境好似馬來西亞，今次點咗兩款必食的招牌菜，食物相當不錯👍🏻一入去會有一碗免費的肉骨茶，味道唔錯！📌辣死你嗎配仁噹牛肉🐮$62椰漿飯相當濃郁好吃，顏色吸晴，仁噹牛肉相當軟嫩，有牛肉和牛筋，旁邊參巴醬好惹味，花生和魚乾香口，撈飯一流！😋😋😋📌百吉爹一字骨肉骨茶🐷$128一字骨肉骨茶真係值得一食，啖啖肉，夠軟夠入味。湯頭濃郁，配搭下方的豆卜和金菇，相當開胃！😍😍

平時同朋友都鐘意食馬來西亞野，朋友推介蘇媽蘇媽，所以就去試下😋餐廳門面已經好有地道馬來西亞食店嘅感覺。入面以木製傢俬為主☺️餐牌有唔少當地特色嘅餐點，最吸引嘅當然係各款肉骨茶同串燒等等🤩🌸百吉爹肉骨茶(三層肉) 馬來西亞嘅肉骨茶比新加坡嘅肉骨茶少左胡椒味，但多左獨有嘅藥材味。三層肉唔太肥，幾入味。服務員仲可以加湯😋飲完暖笠笠幾舒服。🌸招牌砂煲老鼠粉老鼠粉即係銀針粉，真係原個砂煲上，熱辣辣😍 老鼠粉上面蓋滿唔同配料，有魚乾，蝦乾，肉碎，豬油渣，蔥，乾蒜，雞蛋。我地將所有配料拌勻之後，香噴噴嘅老鼠粉味道帶層次感同口感。🌸馬拉沙嗲串燒（豬&雞）串燒帶炭燒嘅味道，豬串燒食落爽口又唔肥。雞串燒有肉汁😍

平時經過付近門口到見到好多人排晒隊，今日一家行街見佢又唔係好full!見又有啲肚餓，於是行左入去試下！我就叫左個大雜錦！都好多野食下，個肉骨茶味我就覺得淡咗啲！都可以接受嘅！（本身我疫情之前我每年都去馬來西亞旅遊食開啲重味嘅肉骨茶）我太太就叫左個（辣死你阿媽）同埋一個雞絲河粉俾個仔！個辣死你阿媽就好差！個咖喱雞我太太仲煮得好食過佢！個賣相都幾好嘅不過味道就麻麻哋！個雞又唔夠咖喱味同埋又唔夠熱！個雞絲河粉都係一般般！寧願喺出邊食魚蛋河都可能好食過佢！（唔知佢係唔係越開越多分店搞到啲食品越嚟越差）總括嚟講（10分為滿分）味道6分價錢5分環境6分服務5分

真係好耐冇飲過肉骨茶。肉骨茶就會諗起蘇媽！而家蘇媽多左好多分店，荃灣都有啦！入座之後店員就會serve熱湯我地叫左個雞腳肉骨茶，雞腳煮得幾腍，個肉骨茶既肉湯味同藥材既味道調較得恰到好處！另外就叫咗個檳城白咖喱麵，豆角、芽菜、鱼蛋、蝦、豬紅同蛋，配埋特色参巴醬！魚蛋好彈牙，蝦同豬紅都煮得入味！ 湯底加入参巴醬辣辣地都唔錯！當然唔少得既係咖央多士，椰香味濃，滿滿既咖央醬，每一啖都食到，個多士烘得夠鬆化，確實令人回味

是日休假，出左黎荃灣走走，到左一直想試嘅蘇媽蘇媽，平日下午人不算多不用等位。店內幾光猛冷氣足，算是幾好坐立。餐牌都幾多選擇，最後決定叫飯同特飲。先到的椰汁班蘭冰，綠綠的幾靚，哈哈。椰汁香滑，仲有西米底，天氣咁熱覺得特別好飲。主食叫了辣死你嗎配仁噹牛肉，個名真係好搞笑，但個讀音又真係無錯喎。個飯賣相唔錯，同餐牌上幾乎一模一樣，綠色的椰漿飯，旁邊有參巴醬，花生，蝦片，乾魚仔，青瓜同蛋。仁噹牛肉炆得軟腍入味，微微辣夠香口。椰醬飯凍食幾得意，撈埋牛肉汁同參巴醬更香口，仲有其他配料增加口感，成個飯好豐富。唔錯唔錯，下次試下好出名嘅肉骨茶先。