蘇媽.蘇媽馬來西亞茶餐室

營業中

休息中

今天去咗荃灣既「蘇媽 ·蘇媽」的馬來西亞餐廳食晏。椰香咖央多士 : 新鮮多士烘得剛好，外脆內軟；夾著香濃的咖央醬及牛油，配合一起超級好味。百吉爹肉骨茶(棒棒骨) : 上菜時首先店員會替我們大大碗肉骨茶，並表示有需要可以無限添加，這店的肉骨茶不像馬來西亞當地那種有濃濃的藥材味，肉味不會被藥材味完全蓋過，相信是特別調製配合香港人的口味，比較容易入口。裏面有三大條棒棒骨及豆卜，豆卜吸滿肉骨茶特別惹味，根據店家的菜譜上的指引，把蒜蓉辣椒黑豉油及頭抽把醬料調好用來醮棒棒骨來吃，有效提昇肉的鮮甜味，令人回味無窮。古早味豬腸粉 : 平時經常食慣豉油甜醬麻醬醮著吃的豬腸粉，所以專登試一下到底馬來西亞的古早味豬腸粉是什麼滋味，豬腸粉配上特製的濃濃的豉油醬汁，配合豬肉碎及青瓜絲，別有一番風味，非常惹味好吃。冰凍馬來西亞拉茶 : 令人回味多年前到馬來西亞當地飲的拉茶，配合現場的裝修環境，當年外遊時的味道和感覺返曬嚟，而且甜度適中，個人感覺比港式奶茶更好味。

由深水埗蘇媽幫襯到依家全港已經有幾間分店🎉今次經過荃灣大壩街，順便食埋蘇媽先返屋企😋呢道分咗A、B舖，兩舖相隔一個舖位，裝修門面完全一樣，大大牌匾。隨便入一間，就會有職員安排座位。裝修同總店一樣，走懷舊風。點完餐之後，職員端上兩碗肉骨茶，好香藥材味。肉骨茶係無限添飲。因為有藥材成份，所以要留意個人狀況，好味道也要適可而止。✪ 肉骨茶（豬腳彎）⌫ 💲58首先要先調醬，肉骨茶沾醬更好味道。豬腳彎厚切。豬肉帶皮肉質爽口，外皮有嚼勁，充滿膠原的感覺。✪ 海南鴛鴦燒麵包⌫ 💲45每次必叫！麵包是馬來西亞的焦糖海南麵包，麵包烘得好脆。夾著厚切鮮牛油同店家自製咖央。麵包微溫加上冰凍嘅夾心餡料，真係好滋味，好邪惡！✪ 檳城福建蝦麵⌫ 💲66未食已經聞到有好香的蝦湯味， 有不少蝦殼，湯頭一定好足料！湯底鮮甜帶點微辣，好好味。配菜有豬腩肉、魚片、蛋、蝦。油麵口感彈牙，沾點濃湯食，好香。✪ 凍馬來西亞拉茶⌫ 💲22食多士必定要配一杯。同馬拉當地的茶檔味道好相似。入口順滑而且好香。【蘇媽.蘇媽馬來西亞茶餐室】📌 荃灣大壩街71號地舖

下午茶時間，特登去蘇媽蘇媽食咖央多🤤🤤❤️等咗大概15分鐘就有位啦！荃灣分店店內環境設計簡約，帶有馬拉地道感覺牆上掛上各款馬拉特色美食，咁多款，真係一次過食唔哂啊🤭先叫2款多士試吓先😛椰香咖央多士 $35好香啊，必食！呢款冇牛油，冇乜罪惡感🤣啱哂我啊咖央醬好出色啊，厚厚一層咖央醬，超香椰香味，味道偏甜多士烘至香脆口感，好正🤤海南鴛鴦燒麵包 $45啡色焦糖麵包，好似係馬拉空運到港，原汁原味😂麵包烤到勁脆，一咬落去卜卜聲除咗有咖央醬外，仲有牛油🧈味道冇咖央多咁甜但加咗牛油仲好食🤤棒棒骨肉骨茶 $98食肉骨茶前，店員會主動奉上肉骨湯暖笠笠，加入肉骨茶精華同藥材，好養生啊棒棒骨有4條，肉質腍身，沾秘製醬油好滋味啊仲有豆卜同金菇，索哂湯底，好入味啊另外加咗油炸鬼😝即叫即炸，超香脆乾身浸一浸落肉骨茶食，好過癮！馬來西亞拉茶 $26拉茶推介飲熱飲，茶同奶比例剛好，奶味濃郁😎蘇媽.蘇媽馬來西亞茶餐室 荃灣大壩街71號地舖

Semua係馬拉話係解「全部」，用廣東話直譯音就係「蘇媽」，易記又eye catching😛 呢度肉骨茶、椰漿飯、咖央多、蝦麵咖喱麵等全部都有，仲要份量好大，去一次試唔勻，已經諗定要再encore 魚仔醬蘿蔔糕粒粒煎到外脆內軟，蘿蔔糕仲有冬菇同魚仔乾非常香肉骨茶有分胡椒味既新加坡style🇸🇬，或者藥膳味既馬拉式🇲🇾 我成家都鍾意馬來西亞果隻多d，呢度都真係食到當地既味道🥰 用當歸、川芎、八角等藥材熬製，可以任添添呀😋豬腳彎啖啖肉，細細煲都有四大片厚切，諗真抵食。上面係有一層肥膏，入口即化呢。怕肥既淨食下面大舊瘦肉都唔嚡口老鼠粉有蝦乾、魚仔、肉碎等再加隻蛋撈🥚鹹香味十足仁噹牛肉同牛筋炆到好腍好入味，配綠色既斑蘭椰漿飯好吸睛🍚烘到非常香脆既多士都係必叫，夾住流心既班蘭咖央醬甜而不膩🍞配埋杯拉到起哂泡既拉茶就perfect啦☕️十二點鐘開門，假日都要係開店前早十分鐘排定隊就入到去食第一輪。

成日聽人講蘇媽既咖央多士好好食，今次有機會試一試。 我叫左份椰香咖央多士，平時唔多食椰子口味既我，今次無抗拒，好香脆，好多餡，熱辣辣，好香椰奶味，值得推薦俾大家。另外，叫左碗都係必食既，檳城亞參叻沙米線，佢既特別之處係個魚湯湯底加左魚蓉，唔食得魚，或唔食得腥味既人應該未必接受到呢陣味，但個叻沙味道唔同我地平時食果啲，個味道好豐富，下次要再去試埋必食既招牌砂煲老鼠粉先得。

以前蘇媽蘇媽淨係得深水埗有嘅時候已經成日幫襯，近年見佢越開越多，真係好開心。檳城亞參叻沙米線 $62一定要問店員拎蝦膏醬，因為加咗蝦膏醬嘅湯底更加鮮甜。亞參叻沙個湯底加入左羅望子同亞參果，令到酸味更突出，同埋用魚蓉同菠蘿代替常見嘅魚片魚蛋，所以同一般喇沙嘅味道好唔同。鍾意食酸嘢開胃嘅朋友可以試吓，呢個味道唔係度度有㗎！檳城白咖喱麵 $62奶白色嘅湯底旁邊有一匙羹嘅特色參巴醬，攪勻之後令白咖喱湯底更惹味，難怪餐牌要寫明唔建議走辣。配料方面有豆角、豬紅、魚蛋、蝦仁、雞蛋同芽菜，相當豐富。海南鴛鴦燒麵包 $45烘到脆卜卜嘅焦糖味麵包夾住厚切牛油同香甜嘅咖吔醬，真係超邪惡超好味！馬來咖喱酥 $52一客有四件，可口鬆脆嘅酥皮包住咖喱味嘅薯蓉同絞碎嘅雞肉，外型似餃子，味道同口感似samosa。檸檬薏米水 $28（跟餐價）每次去蘇媽我都一定會飲，因為啲薏米好好食，口感煙韌，越咬越甜，而且檸檬薏米水有祛濕、消腫、排毒以及美白嘅功效，越飲越靚！冬瓜龍眼冰 $28（跟餐價）真材實料之作，除咗龍眼肉，仲有一條條甜甜哋嘅冬瓜條，天氣咁熱，好消暑。

講到食馬來西亞菜 大多會諗起呢間 餐廳已經開左不少分店 😎🎊我地係門口等左一陣就已經有位 -🍜檳城白咖哩麵（油麵）$62配料豐富😭有豆角、芽菜、魚蛋、蝦、蛋、豬紅、特色參巴醬白咖哩湯底好濃厚 有陣陣奶香味 🤤加上秘製參巴醬 辣辣地 好惹味😋-🥘砂煲老鼠粉 $92呢個encore 左幾次 😋✨✨ 以砂煲上檯 熱熱辣 賣相吸引眼球🤩 銀針粉上鋪了滿滿的配料 有蝦乾、肉碎、魚仔乾、菜脯粒、油渣、蔥花趁熱將生雞蛋及其他配料撈勻🤤🤤 味道好香濃 惹味 口感豐富入味-🍞椰香咖央多士 $35多士有輕輕烘烤過 香脆多士夾住香濃的咖央醬及牛油🧈 外脆內軟 充滿椰香🤤🤤 必食推介🤩✨-🥥椰汁班蘭冰 $38椰奶及班蘭汁比例得宜充滿班蘭香氣🤤🤤 內裡還有西米 有嚼口😋 不過啲冰溶左之後有啲淡 真係要趁快飲😋-🧉美綠恐龍 $38每次黎都必飲🤤😋 落左好多美綠粉 表面都鋪滿晒啲粉😍 飲到底 冰溶左 都仲夠味😋😋 兒時回憶的美綠😋-🍽🍴總結 🍽🍴餐廳環境佈置以懷舊冰室設計 餐桌空間舒服😌 第一次食白咖哩麵 味道有驚喜👍🏻😋

蘇媽有幾間分店，今次路經荃灣，就食荃灣分店。蘇媽的裝修好有馬來西亞風格，由門面到內部裝飾，尤其係佢馬拉特色既木門，令人感覺置身在馬拉一樣。蘇媽嘅食物好多選擇，例如肉骨茶，叻沙，辣死你媽，撈面，好多馬拉小食，仲有甜品同馬拉特色飲品，樣樣都好想食。最後我地揀左老鼠粉，牛筋腩辣死你媽，燒雞翼同凍拉茶。老鼠粉整個砂煲上，熱辣辣，一打開個蓋，D香氣湧出黎，快快手影張相，就要即刻攪均，如果唔係就痴晒底。老鼠粉有窩蛋，豬肉碎，蝦米，魚仔，蔥蒜。再加D黑豉油，炒一炒，好惹味。辣死你媽好靚，綠色既班蘭飯好吸睛，牛筋腩好冧，配埋花生，魚仔，參巴醬，好有馬拉特色。蜜糖雞翼燒得剛剛好，唔會好燶，但個皮就好脆，裡面既肉就好juicy，好嫩滑. 雞翼好入味，外面甜甜的，好好食。拉茶好有南洋特色，一定要用煉奶沖先夠香，個拉茶真的好滑。

搬左出黎住之後，間唔時都會約下呀爸呀媽出街食飯，今次同媽咪撐枱腳食馬來西亞菜，唔好次次都食中菜咁悶嘛～🌖百吉爹肉骨茶(棒棒骨）$92肉骨茶主要分藥材同胡椒兩派，蘇媽蘇媽嘅肉骨茶走藥材路線，但中藥味比較溫和，容易入口。棒棒骨係豬仔脾，有支骨揸手，可以好似食雞脾🍗咁豪邁進食，啖啖肉得黎又嫩滑，骨肉非常容易分離，可見煲得夠曬火候。肉骨茶未上枱前，店家已經斟定碗熱湯俾我哋享用，肉骨茶又有一大碗湯，食完肉骨茶之後店員仍然不停主動refill熱湯，服務真係好好👍🏻！🌖檳城亞參叻沙米線 $58味道衝擊！同平時食開嘅叻沙好唔同！用料比較清爽，包括魚肉、青瓜🥒、生菜、紅洋蔥🧅、菠蘿🍍、辣椒🌶️、薄荷葉；因為有亞參關係所以湯底帶有酸味，又酸又辣好開胃，夏天熱得滯無乜胃口的話好適合食呢個！叻沙另附蝦膏（要問店員拎），味帶鹹香，直接放麵上或湯內都適合。🌖椰香咖央多士 $32多士外脆內軟，睇顏色已經知道烘得恰到好處；咖央甜度適中，份量唔會過多，另外仲有薄薄一層牛油，調和一下咖央嘅甜味，每人食兩件都唔會膩。🌗愛他愛她 3串 $48「愛他愛他」其實係譯名黎，原名Otak-otak，又名烏達，係馬來西亞🇲🇾特色小食，將

今日試左蘇媽 外面好多人排隊 門面裝修幾特別所入咗去試。裡面裝修好有馬拉風味。我同朋友點左百吉爹肉骨茶 豬腳彎同豬肚。首先，先來了兩碗肉骨茶，好重當歸丶川芎和八角等藥材味，肉味也很鮮甜，感覺好補，可以添飲，熱辣辣非常滿足。豬腳彎個皮好酥軟，但唔油膩。豬肚都好肥厚，好淋。檳城福建蝦麵個湯底好有驚喜，蝦味係你想像唔到咁濃，配上參巴醬，微辣超惹味！油麵唔知點解咁滑，真係食唔停口！碗麵仲好足料，有豬腩肉，通菜、魚片、旦。好滿足。不得不提嘅係上菜時間好快，坐低唔夠2分鐘就有嘢食，服務都好好，絕對值得一試。

.📍蘇媽. 蘇媽馬來西亞茶餐室📍 #饅頭去荃灣 #饅頭食星馬菜 #饅頭食麵包------------------------------1️⃣ 椰香咖央多士 ($36)多士切成4等份，麵包烘到金黃香趣，入囗外脆內得鬆軟，帶有多士自身嘅麵包香；咖央醬依舊散發住香濃椰子味同蛋香，甜甜哋同牛油兩者鹹甜交融，成個combo係非常之夾😋，不過我就覺得佢塊牛油同咖央搽咗太薄，特別係牛油薄到幾乎比多士熱融咗，冇咗我期待嘅凍頂固體口感，呢點有啲失望。◾包體：3.6/5◾內在餡料：3.7/5◾評分：7.3/10------------------------------2️⃣ 馬來西亞拉茶 (跟餐)下午茶餐會送埋嘢飲，拉茶拉得幾幼滑，入口都感受到唔同香料嘅味道，相比港式奶茶奶味更加香淳，但係由於係用煉奶嚟沖，對小編嚟講實在太甜，所以唔太啱我口味。◾評分：7.1/10------------------------------🔸整體評分：7.2/10🔸小編回頭率：6.5/10

蘇媽·蘇媽一個熟悉的名字。今日的起心肝黎試試😬！未到餐廳已經好心急上網睇定食乜東東🤣。裝修有d古舊。乾淨企理坐得舒服。檳城福建蝦麵（油麵）先喝一口湯。辣辣地好惹味😮‍💨。油麵掛湯力甚高👍🏻。配搭有豬腩肉。通菜。芽菜。蝦。魚片。蛋。非常豐富🥰。椰香咖央多士多士烘得剛剛好。外脆內軟。甜思思咖央甜入心♥️。海南鴛鴦燒麵包厚厚牛油X咖央醬。邪惡度爆燈💡。檸檬薏米水（凍）味道偏酸解膩一流🥰。薏米美白去濕。健康之選❤️‍🔥。

呢間餐廳相信大家都唔陌生近來佢嘅分店多左不過食物質素無因此而下降今次去荃灣分店食好有馬來西亞嘅風味‼️🔸檳城福建蝦麵 $62蘇媽蘇媽嘅檳城福建蝦麵十分正宗，同檳城所食到嘅蝦麵差唔多。蝦面湯底好香濃，有濃濃嘅蝦味，仲有豬腩肉、芽菜、通菜、蝦、魚片同雞蛋做配料，真係好豐富🤩🔸檳城亞參叻沙 $58蘇媽蘇媽嘅叻沙湯底係用鮮魚嚟煲，所以好香魚味，不過完全無腥味，味道酸酸辣辣咁，十分開胃。碗麵仲碗埋一羹蝦膏，落埋落魚湯到就更惹味😋🔸椰白咖央多士 $32每次去蘇媽蘇媽我都會點呢個招牌小食，因為佢真係好好味呀🤣多士烤得好香脆，中間餡料就係牛油同咖央醬，爆哂餡咁真係勁邪惡😍🔸椰汁班蘭冰 $36呢杯飲品外觀十分搶眼，係鮮綠色，班蘭味亦都好香濃，底部仲配埋西米粒，所以除咗色香味俱全外，口感都好豐富🤤🔸馬來西亞拉茶 $20蘇媽蘇媽嘅拉茶係用糖同煉奶去沖，所以味道上都幾甜。拉茶好重奶味，而且非常香滑😋

蘇媽蘇媽聽就聽得多，今日係我第一次嚟食😆 我終於明白點解佢越開越多☺️ 椰香咖央多士 $32- 原本我唔知咖央係咩嚟，咬咗第一啖之後我好有興趣知😳 有椰漿、蛋、砂糖同牛油🧈等材料隔水加熱撈勻做成🤓 呢個真係好好味，包脆得嚟鬆軟，又唔會覺得乾，好食過奶醬多添🥹 馬拉沙嗲串 (6串) $88 - 相對有啲貴，不過現加真係好少地方有得俾我咁坐底食沙嗲串燒🤓 佢啲沙嗲醬真係好好食😋 同埋下午茶時間全單有7折，所以都okay😙蜜汁燒全雞翼2隻 $48 - 呢嗰食得到佢嘅心思，係即刻燒咁❤️ 外皮脆，入面又好熱🤓魚仔醬蘿蔔糕 $48 - 魚仔醬係XO醬嘅朋友，如果蘿蔔糕細粒啲應該仲正😙 椰汁班蘭冰 $36- 好特別好特別，一啲都唔伏，原本見佢綠色，心諗一定係大伏，但又想試下😂 完全係斑蘭千層糕嘅味😍 都真係幾好味美綠恐龍 $36 - 現加好多地方嘅飲品都落勁少粉，沖咗加埋冰係完全無味咁滯😅 但呢杯好足料好濃味😍 咖央多士同兩杯飲品我下次一定會encore😚

要揀選我最鍾意食嘅馬來西亞餐廳，當然要數算蘇媽蘇媽！平時得閒都會同朋友食下。裏面嘅馬來西亞菜感覺上好正宗，平時出邊食唔到，款式又夠多，價錢又合理，味道又夠晒特色，真係難怪平時都人山人海。斑蘭咖央多士馬來西亞獨有的班蘭味道 超有特色 多士經過香烤 斑蘭醬咖央做夾心香噴噴 甜絲絲的 味道夠清新香口玻璃魷魚配通菜魷魚配通菜好夾 加埋馬拉盞 少少辣 玻璃魷魚 一啖一塊 非常有質感 檳城福建蝦麵大大隻海蝦加埋魚片半隻雞蛋同埋通菜 用了豐富性價比高 湯底濃郁 加埋香蒜 係最正宗嘅檳城口味美祿恐龍細細個就鍾意飲 貪佢營養價值高 每次食馬拉野又點少得美祿 超多美祿粉灑喺面 大大杯加冰唔會太甜 解渴之選