蘇記(茶檔)

營業中

休息中

由於太倦, 回家小睡片刻, 醒來已大約晚上10時, 記得昨日動新聞有推介過在家附近之蘇記大排檔, 所以一於自己去試吓.去到一於order咗馳名雙排旦出前一丁, 加凍檸茶! 雙排旦一丁, 雙排係牛排加豬排, 份量好足夠, 宵夜就好足夠 即叫即煎, 牛排同豬排都煎到好嫩滑, 豬排唔多骨, 配上太陽煎蛋好正, 湯底都幾好 !下次可以試吓牛排煎蛋一丁

一直都很想來蘇記進餐的，但奈何地方不就腳，不在深水埗主要街道上，一拖就拖到今天才終於決定前往一試。太約1點幾來到，不算多人，全部都是圓枱，每枱都已經有一兩個客人就坐中，正想搭枱時剛好有一枱走人，所以我和男友兩個就可以獨霸大枱一張！坐好後，姐姐就放好餐牌，其實不用俾餐牌，我倆都決定左一定要試最出名的 豬扒+ 太陽蛋麵，而且仲要係轉一丁麵由於今次出深水埗已計劃捐窿捐罅去搵野食，今餐只是個開始，不敢食太多野，所以只叫了一碗麵。等了一會，就見到姐姐捧住碗麵過黎，她還主動問要唔兩個細碗，真細心！豬扒太陽蛋一丁麵 ~~ 望到就知好味，太陽蛋煎得剛好，成個俾男友KO左！豬扒醃過，唔會太咸味道剛剛好，面就煎過的，有少少燶，但就是要這樣才會令豬扒更香口，而且好大塊，兩個人食剛剛好。之後試左一啖湯，雖然只是一丁麵個包味精湯粉味，這個就煮得好出色，較其他餐廳多了一種甜的味道。再來就係個麵啦，麵不會太淋，亦不會太硬，太讚了！！好耐冇食過咁出色的一丁麵，要我加多3蚊我都覺得抵

繼續享受不用趕時間的假期,弄頭髮前的早/午餐千挑萬選地選了有點步程的耀東街大排檔,只因現時天氣仍算涼快,此時不去踎大排檔,還待何時??而且這些地道鐵皮大排檔買少見少,有機會就要去試。本打算吃個布拉腸粉作早午餐,只是烘發那邊的排檔燈光熄滅好像已休息(還是我看錯?),旁邊的蘇記也是另一好選擇,還有對面的麵家呀! 平日早上十一時多,人客比週末下午少得多,還有幾張吉桌而待,只可惜最近大排檔的位置早已坐滿,只好改坐距離較遠一點,那就拍不到排檔裡面情況了。阿姐極醒目,每當客人打算坐下,她已敏捷地走過來,主動性甚高! 有禮貌的月巴人主動跟她說句:早晨! 換來阿姐甜甜一笑回應, 哈哈~~ 笑一笑 世界更美妙嘛!不用看餐牌就來個豬扒蛋麵+凍奶茶, 阿姐還會主動問: 隻蛋駛唔駛熟D?? (唔駛喇唔該!) 其實我都想看看師傅給我煎個什麼生熟度的蛋。等了好幾分鐘,看了誰也口水直流的豬扒蛋麵來了! 沒有特別選丁麵只是用上普通大光麵, 煮麵時間掌握得極好,全熟麵條還保持爽口有彈力的!原本的蔥花味精湯底混了不少豬扒汁後變成更油潤也更有肉湯味,怎也要來幾口才不浪費;碎上豬扒即叫即煎,吃了幾十年豬扒還懂得分辨的嘛! 豬

我最鐘意去大排檔食野..因為好有香港特色....或者因為越來越少所以就好想去啦...下午3點幾黎到蘇記食lunch....@@ 無咩人...附近有d 似廢虛...如果唔係朋友帶我去我實唔識搵呢...聽朋友介紹食左個豬扒煎蛋公仔麵+西多士share雖然塊豬睇落好似好薄咁但其實好大塊架..仲大過個碗...2個人share 每人都有好多...豬扒好入面..好重黑椒同胡椒味呢...相返西多士就麻麻...太油太乾但炸得太''lone'' la...唔係脹卜卜, 一切落去就林晒咯....而且入面花生好少...食唔到個香味...最主要太乾..已經唔太想食了...@@味道其實同普通茶餐廳一樣大同小異...但只係佢係大排檔式食個環境同風味....

原本去漢發麵家食豬膶麵, 點知搬了去大南街, 見不遠便行過去, 點知冇開, 於是就回頭到蘇記開餐, 叫了一碗沙嗲蛋牛麵, 一碗招牌豬扒麵再加一杯熱奶茶沙嗲蛋牛麵的沙嗲汁沒有用上濃濃的醬汁, 所以欠了一份沙嗲的香味, 不過牛肉煮得恰到好處, 入口嫩滑, 而雞蛋是預先煎熟的 , 如沒有叫熟蛋, 則以太陽蛋取代, 麵身煮得剛好豬扒麵的豬扒薄身兼鬆化, 可惜煎得過火, 帶點燶熱奶茶厚身, 茶味香濃, 奶的份量下得剛好, 入口濃滑

已好久冇來石硤尾.呢條街, 上次o黎可能已係6年前!唔緊要, 未來到己諗緊食咩好, 最後都決定係係蘇記豬扒~還好呢條小街仍未變天, 仍舊和我記憶中相差不遠.坐在摺枱, 感覺和當年一樣.食物一樣, 價錢仍合理~好快上, 兩分鐘有得食.塊扒又冇咩縮水, 好采~ 仍舊味濃, 醃得好. 炸得略油, 要用d 湯"洗一洗" 才冇咁漏.麵生熟剛好, 唔會太硬或淋; 一讚.其實這碗麵或多或少都是好多人的集體回憶, 希望第日就算入了舖仍有得食, 雖然大排檔永遠係最有feel 的~

想想自己已經有一段長時間沒有來到這間食店了，因為是夏天坐在大排檔食東西非常之熱，見近來的天氣有少少回涼的感覺時又來到我喜歡的大排檔食東西，蘇記的豬扒麵。照著上一次的經驗，都是十一時多來到，食東西的人數不是太多，想必這些在中段時間客流量都比較少，所以很容易找到一張枱坐下了。望望枱上的牙籤筒、辣椒油樽和其他的調味料仍然是十分之殘舊，好像已經變成了這店的特式了，不過可能已經望慣了感覺沒有第一次來這樣震撼，算了吧，要去大排檔食東西都要接受這些東西。望一望餐牌都也上一次一樣，食物的種類和價錢也是一樣的，連餐牌的殘破程度都是一樣…………….，來到蘇記都是叫這店最出名的:豬扒蛋麵和豬扒通粉。豬扒蛋麵($25)想想近來的豬肉價錢升了不少，有很多的店子都已經加了不只是一次的價錢，而唔加價的就開始將貨就價，心想已經接近一年多沒有來到這碗的豬扒蛋麵心準會不會下降呢?當碗豬扒麵來到時心中的疑團一掃而空，單是看賣相這碗豬扒蛋麵仍然有六至七件切得細細件的豬扒在內，旁邊有一隻煎成太陽蛋型態的蛋，材料上看來沒有將貨就價，當然要試下味道的質素，水準都可以保持，豬扒仍然醃得十分之入味，少少的黑椒味道配上醬汁的味道十分之香

oct 24, 11.............食過糖水後先嚟食正餐..........叫咗 :1) 豬扒麵 (hk$22)-豬扒喺呢度嘅強項-佢嘅豬扒喺薄切,煎出嚟,明顯醃過,亦+入咗黑椒,所以夠味,有肉質,唔實,所以唔喺比肉鬆粉醃到嘜質感都無晒-的確喺唔錯-不過麵嘅份量唔多,連我已喺之前打咗底再食呢碗麵都唔會覺得好飽-可改成用出前1丁麵* 鐵皮大排檔環境..........喺香港唔多地方有..........佢好似仲開24小時添~~~* 另1熱賣喺牛膶麵

因為工作關係，這天又來到這附近吃早餐。沒來數月，這裡一切如舊，茶檔的老伙計仍然各有各忙，偶爾空閒下來就和相熟的客人閒談一番，而我這個只是偶爾前來的生客，這次所叫的早餐，也和前兩次幫襯一樣，都是這裡的「招牌豬扒麵」和「熱奶茶」。「招牌豬扒麵」依舊好吃。麵條只是一般，但那切得雖細，但加上了黑胡椒醃製，醃得入味，肥瘦合度，微帶焦香的煎豬扒，已把麵條的缺點完全掩蓋，把這碗麵變成了一碗令人吃得甚為滋味的早餐。「熱奶茶」依舊好喝，香醇濃滑而沒有絲毫苦澀味，佳！簡陋的大牌檔，簡單的食物，雖然價錢是貴了點，可它卻在能這兒屹立不倒數十年，可不是沒有道理的。

年頭來到耀東街其實是為了嚐嚐對面的長發麵家, 到蘇記是只因為了吃它的豬排本是以"搭舊豬骨"的心態試試, 怎料我錯了 xd 這邊的豬排很美味呢!凍檸茶茶有點澀, 叫了少甜還是有點甜, 檸檬也不太夠多豬排米的豬排令我驚喜! 很入味, 豬排軟嫩之餘還有相當的咬勁黑胡椒的調味料很香, 外層也煎得焦脆反而米粉味道不好, 有點死鹹, 幸好跟朋友只先點了一碗下次去那邊吃長發的時候還是會想跑過對面單點一份豬排, 好吃!

個日要係隔離街睇牙醫，姑娘叫我要食少少野先去，一諗就諗起呢到喇。其實好耐之前已經幫襯開，味道十年如一日，好好味！豬扒好夠味又嫩，而且煎得香。公仔麵偏硬但係我鐘意！仲要24小時開檔，試過同朋友玩完都特登去呢到食，可能飲左酒仲開胃，食左一碗半 hahahahaha 不過夏天就真係熱左少少

奶味和茶味好平衡做得很好,而茶走都一樣好飲.好多茶記都難有此水準-_-:豬扒麵好食之外牛排米粉一樣超惦~.~.....佢記豬同牛,同一樣奄法味道膿香各超惦附近仲有鴻記、蘇記和烘發油器粥品都好ok可以一玄試嫁^.^佢記豬扒麵,同牛排米絕對誠意推薦,但所有食物都要散叫，「牛扒米」要$23加上$9的「熱奶茶」，埋單要$32比起一般茶餐廳的下午茶餐貴香港大排檔真係買少見少啦,要好好去保育它們

本人對香港的大排檔有一種濃厚而特別的感情，而在九龍區這一邊更加買少見少，所以有空就來到九龍區最多大排檔的耀東街來，因為上個星期食了長發的自家製墨魚丸，今日就去了長發對面的蘇記食豬扒麵。蘇記位於耀東街南都大廈的後面，這一邊有三檔的大排檔，由南昌街順次序數就是鴻記、蘇記和烘發油器粥品，蘇記是在中間的。是日是閒日大約十一時多來到，見人客不是太多，想可能是時間是在早餐和午餐之間，就選了一張中間的枱子坐下了。蘇記大約放了七至八間枱在街上，都是一些四人枱，雖然同是大排檔，但衛生程度比長發差，牙籤筒和放辣椒油的樽都十分殘舊，同枱的食客就口中念念有詞說這些東西都應該要換一換呢，不過我心想如果食物是好食的，這是東西都變得有些次要了。伙計們給了一張細細的餐牌給我們，望一望是單面的，食物的種類就不是太多，見都是一些早餐類的食物，有麵類、飲品類和多士類，食物內容有豬扒、牛扒、牛肉、豬潤、紅腸、餐肉和蛋等等。想必是做早餐和午餐為主。來到蘇記怎可以唔食豬扒麵呢，就叫了豬扒蛋麵、豬扒通粉、熱奶茶和熱檸樂。豬扒蛋麵($25)可能見到價錢$25你會覺得憑什麼一碗大排檔的豬扒蛋麵值這個價錢，但當你試過之後你就會覺得是超值

係長發對面，又係好評豬扒麵同奶茶，當然要順路一試啦！ 話說食完『長發』重味精湯麵，即過對面飲我最喜愛港式奶茶同食豬扒公仔麵....天冷冷坐露天位真正！人少搭檯坐下，亞姐好醒，見人即到！口渴到死，即叫熱奶茶+豬扒公仔麵！ 不到3分鐘就送到！ 奶茶之前都飲過一次，可以說唔錯！最重要係即上即到！因為茶同咖啡一樣，沖好茶質會好快變質，不到幾分鐘味質變澀口 ，其實絕大部份食物都一樣祗要新鮮同即烹煮即食，才是最佳！雖然茶質口感不是上乘，但勝在沖調好同快上，那份熱香直達胃內！ 好滿足！正！ 碗豬扒公仔麵賣相可以講見過最差！ 散亂一舊舊，重有d黑焦粒子！肉少骨多，但食落好香口，味道唔錯，好鬆軟！ 但是要小心骨刺到口.....應該用油炸！個人相信豬扒經過拍打而散同鬆軟的，公仔麵麻麻，下次加錢要一丁麵！- 合共找數 $30 個人評為實惠大排檔好風味！ 1) 奶茶 - 茶香新鮮！ 2) 豬扒公仔麵 - 賣相差、細小但好味好鬆軟！

在耀東街大排檔,當去慣了室內的食堂,在寒風中去室外的地方食嘢真係另一番味道$21 招牌豬扒...米 - 一嚟到閒到好香,食落好入味好似燒豬扒的味道,豬扒唔係太瘦,都有小小肥,但亦都因為而更加香$9熱奶茶- 茶味比較濃,但不會出現"鞋",很滑,正合我口味.$13 西多士- 很簡單只用兩塊麵包中間無花生醬,香香的牛油,小小的糖漿,唔需要再加什麼就已經係一樣美食