蘭香茶餐廳 (已搬遷) 新店位置

細細個住葵涌區媽咪已經成日帶我去食之後搬咗去九龍但每次去親荃灣就一定會去蘭香食佢o既B餐最鍾意係佢的奶茶和多士而叉燒意粉的茄汁保持住童年的味道好好味,廿幾三十年一直都保持住呢個水準所以都會keep住去食而每次星期六日去都要排隊正明fans多啦.

天氣寒冷, 晨早響荃灣諗住食好野取暖, 行左幾條街都係揀左蘭香.....是是但但叫左個餐肉通配油包奄列做早餐........地方淺窄, 服務ok, 無奈野食方面就真係差左少少~~~通粉既湯底淡到暈, 好過清水少少~~通粉本身都唔太好口感, 差左d~~好彩厚切餐肉真係大大塊, 仲俾我發現可以自己加胡椒粉同黑椒粉黎調味.......good!~~奄列賣相唔太好, 味道只係ok......油包既飽身好厚, 唔錯, 但牛油唔算多, 味道都唔出........檸茶既茶底都係唔濃, 勝在唔苦~~總結: 比起同類型既澳洲牛奶公司, 25蚊既蘭香早餐就真係唔抵食喇€~~

14-11-2009晚上有事要到荃灣一趟, 下午索性早 d 入嚟食埋 lunch 順便行吓. 2:00pm 到步, 想去的嘉樂人龍長到 , 結果退而求其次試試隔嚟無咁多人的蘭香.大家都叫了「特餐」, 有火腿奄列, 多士, 餐肉公仔麵及熱奶茶一杯 (total $29):熱奶茶, 色水淺得離奇 , 飲落就完全係奶水一杯,「奶茶」!? 零茶味0架喎 餐肉麵: 餐肉煎得一般香口, 食落軟撻撻的; 麵底係福麵, 淥得剛好, 但 MSG 粉落得太重手了, 可用「超級勁爆鹹」來形容, 感覺麻麻.火腿奄列: 邊位脆身, 蛋本身就蛋白多過乜, 又炒得太熟, 無蛋汁但又太油, 可幸火腿正正常常...多士就叫做最好, 薄薄兩片烘得算夠, 鹹牛油亦塗得夠, 食落幾香又幾鬆脆, 還不錯.食物麻麻, 環境就係典型舊式茶記格局, 坐得迫夾之餘, 唔知點解有少少澳牛 feel? 店員哥哥 (老闆?) 就好好禮貌又好好「老脾」, 起碼搭檯嗰個女人坐低叫一杯咖啡後, 隨即喺手袋拎了個麥當勞包出來食, 仲要大大聲同身邊男伴講埋 d 咩「唓, 佢又無話唔可以食出面嘢, 我一坐低就叫咖啡啦, 佢奈我唔何0架」,「唔

oct 04, 09,部玩具已整好,約咗友人去攞番。本來諗住去隔離嘅嘉x,但去到見到條>8人嘅隊(expected),即刻轉去呢度,叫咗 : 1) 凍檸賓 x 2 2) 奶醬多-錯有錯着,好歡迎佢1大1細嘅切法-因為我仲喺好飽,所以即刻mark實件細嘅-個麵包烘得都鬆,小脆-不錯 3) 鮮茄牛肉通粉-通粉喺無坑紋嗰種-茄底無茄味,只有鹹味,吃得不爽 * 唔該晒友人幫我拎部玩具去維修..............事後仲load咗6x幾隻懷舊歌比我欣賞.........有幾隻都幾老土吓.........聽到我皺晒眉............hahaha * 又要搵次閒日嘅早上去再訪人氣嘉x先得

我只要求一般茶餐廳食物貨色，叫左一碗鮮牛通粉及熱奶茶，等左約十幾分鐘‧‧‧先到熱奶茶，我覺得味道一般，不能叫是一杯好茶。我好期望個通粉到，因為好肚餓‧‧‧哇! 家樂牌鮮露開水湯加生菜，幾件八十歲牛片，前一個食評者話佢可以比美澳洲牛記...D乜人甘有心將佢同佢比較呀!我搭同台既食客既煎蛋比大量油浸住，見到已唔想食‧‧‧請過個人煮啦! 老板!

叫了一個午餐B(多士，火腿煎雙蛋和叉燒意粉) 和一個特餐(方飽，火腿炒蛋和餐肉通粉) 。1. 煎蛋，炒蛋好多油，煎/炒到好爛2. 叉燒意粉得兩舊叉燒3. 餐肉通粉，湯底好似滾水一般，通粉太"林"，唯一是有一塊大餐肉無特別，好普通茶餐廳。(我專程去試的。)

今日見下午兩點唔係好多人排隊,所以試吓,好彩唔係等好耐,而且個卡位都幾好.我哋三個人叫咗一個午餐B和兩個特餐, 我覺得特餐好味啲,因為有午餐肉同火腿奄列,塊午餐肉又大又厚,配埋湯意粉就 perfect. 片牛油多士又好脆另外,加$2就可以轉一樽朱古力奶,都幾正.我覺得啲嘢食同澳洲牛奶公司水準差唔多,但好在呢度慢慢嚟,唔會有被人趕嘅感覺,所以我都幾鍾意係度食

六點幾,嘉樂仍有條小隊。但我今次目標是蘭香,早關門冰室類,要early dinner喇。家庭式經營,應該是「太子爺」既侍應,當人客們都是自己人咁,總之友善款待啦!和老公吃了一個特餐,和咖哩鮮牛炒米。特餐:餐肉通粉,餐肉薄薄,煎得ok脆。湯色澤看似濃郁秘製,點知味道平平。火腿奄列,仍有少許蛋汁。油多士好正!即烘的熱力,使牛油溶化,混為一體。奶茶送來,捷榮?睇茶色,唔係咁對板,淺淺白色。味道就如buffet自己沖的英式奶茶咁,唔好飲。咖哩炒米,用鑊仔上,份量都幾多。牛肉略韌,份量少。另外少少芽菜和洋蔥絲,真係幾齋,如果唔落咖哩汁,同食星洲炒米的米粉底一樣。「太子爺」說加左咖哩汁好食d。個咖哩汁,有薯仔粒粒渣滓, 都幾好食,中辣度,食完,胃有點不適應。

今日(13-6-2009 Sat)決定同男友去馬灣行,橫豎都去荃灣碼頭搭船去,就去嘉樂食豐富早餐啦,去到,排o緊隊,由於唔想o徒時間等,我話重有間蘭香o既,見冇人龍,男友就唔等呢間,走o黎蘭香lu.入到去,唔太多人,同男友坐半張卡位,男友要個$23.00o既早餐,有雞蛋三文治同火腿通粉,佢叫o左凍檸賓(加$3.00).而我就要$23.00o既特餐A,有牛油多士,火腿會意粉同鮮奶,但落單時,妹妹仔話鮮奶未送到,叫第二樣.啊,咁我要凍華田啦.好快,華田同男友o既通粉到o黎,之後係我o既意粉.兩樣o野都有三片火腿,意粉口感o岩o岩好,唔會太腍,我試男友o既通粉,我覺得腍o左啲,男友就話夠佢滑.然後係我o既牛油多士,烘得好燶,多士仍厚,牛油唔太多亦唔太少,o岩o岩好,多士好脆口,的確唔錯.男友o既雞蛋三文治到o黎,男友見方包都幾厚,佢好開心,食落,麵包鬆軟,冇問題.而我o既華田,我覺得唔夠濃,淡o左啲.服務依然係咁好,冇乜問題.第一次o黎o既食評:http://www.openrice.com/restaurant/commentdetail.htm?commentid=174060

此茶餐廳原來已經有好耐歷史，又係街邊檔搬到上鋪，家庭式運作，門面已經好有懷舊feel，入面大部份係4人卞位；我最愛食套入面嘅茄汁意粉，好有舊式西餐味道，多士都好出色，麵包外面脆脆入面鬆軟，樣樣嘢都熱騰騰! 諗起都好味!

餅爸在網上看見兩間有名吃蛋的茶餐廳，便說要來。原來是吃隔離家樂冰室的，我去到見到他還排在後面，便走到蘭香跟著排，結果是我先可進。我們點了午餐B和特餐：午餐B有牛油多士、叉燒湯意粉、煎雙蛋，飲品要了唂咕。特餐有方包、餐肉通粉、omelette，飲品要了樽裝朱古力奶。我較喜歡叉燒湯意，其他的都是一般水準。餅爸飲樽裝朱古力奶，正。合理價錢：兩人共$49。p.s. 茶餐廳滿客，其間我打翻了茶，一位男職員禮貌地幫忙清理檯上的茶，謝謝。

港式茶餐廳既佼佼者，你會見到呢ｄ員工係【親戚幫】會見到好耐無見過玻璃瓶牛奶，感覺非常的親切；環境迫得黎又唔會好辛苦既，始終全部都係卡位黎ｍａ。多士最緊要係要脆，呢度唔會馬馬虎虎，非常欣賞！留邊多士帶出焦香既味道加上溶化既牛油正呀叉燒燴意粉個汁唔會太重味，微酸剛能帶出意炒既質感。甜味又唔會太過份，令人覺得好醒胃，帶起食慾奶茶就不過不失啦，奶味唔夠重而有ｄ澀口咁啦，不過還可以接受，中規中矩啦，比唔到咩驚喜係條街都有諗下入呢度定係嘉樂既，但見到條龍尾都敬而遠之喇！對我黎講，食物質素差唔多，但果面既時間成本好高，唔計等位，上菜都係慢到嘔要成廿分鐘以上，服務態度係擺到明唔愁做咁食都食得唔開心啦，因此蘭香至係我既首選

今天到了荃灣原本想去嘉樂，但是清明節，嘉樂放假一天，使來蘭香一試，有點像嘉樂，今天一家大少來這裏食晏，叫了一個特Ａ和特Ｂ，味道一般，件厚多士鬆香脆，叉燒燴意粉一般，奶茶不過不失, 有傳統茶餐廳風範，小女叫了久違了的玻璃樽朱古力奶，感覺幾好，下次會再去。

到了荃灣原本想去嘉樂吃謀殺人的鮮牛蛋治 ,可惜條龍見首不見尾 , 肚子響起來不讓我久候 , 望望隔鄰蘭香排的龍短很多,於是過了檔。其實以前也經常喝這餐廳的奶茶和皇牌 B 餐的, 只是搬家後已幾年沒幫襯, 既然來了擇日不如撞日吧!皇牌 B 餐 --件烘厚多士鬆香脆燴意粉爽口,不會過淋大奶茶 --很香滑,我愛喝走糖咖哩牛腩飯--牛根和牛腩醃起來完全入味炆得夠淋(喜歡它牛腩和飯分開上)

新年前嚟幫襯~係有少少不智的因為好多東西"賣晒"好多嘢唔可以放幾日之後~等開市先用嫁ma所以都要就住嚟叫男友叫了咖喱牛腩湯意好奇怪的東西~呢個配搭~仲要喺呢到出現....好奇怪但食落~出奇地好味!!!!牛腩夠冧唔起絲~仲要係近牛根的位置~牛根正!!!!!!!!!!!!then仲有西多~好厚的西多~仲間冇花生醬那種成樽糖漿等你落先把罪惡感放開啱啱炸起的~冇油"益"味good!!!!!!!!!!!!!!!!!西多餐仲包埋火腿蛋~哈哈~更過份係~佢的餐飲~居然有久違了的玻璃樽朱古力奶呀呢一餐~滿足過團年飯