蘭香茶餐廳 (已搬遷) 新店位置

是日休假,處理好銀行事就吃個late lunch!想起了蘭香,都不知多久沒來了!有想過吃嘉樂但有人等位,就吃蘭香啦!點了一個B餐,有牛油多士,火腿雙蛋再加一碟叉燒會意粉!多士我加了錢($1)轉為奶醬多,因為我愛吃甜! 奶醬在外脆內軟的厚多士上吃真不錯呢!火腿雙蛋的火腿是散的放在底,我最在意的是雙蛋,帶脆的微焦蛋邊好好吃!我還把部份倒到會意粉拌在一起吃呢!會意粉的意粉做得很軟身,汁也做得比較稀身,不過叉燒份量倒是不少!說實在因為汁不太夠味,說是會意粉其實又不算,不過味道是不錯的,再加上叉燒帶有點肥,也很鬆,所以也清了碟!再加上一杯熱檸茶,有茶味,滿足!因為是家庭式作業,很有人情味,服務也很好,如不用排隊,下回一定再去吃!

今天到荃灣的目的有三:1) 去荃新天地間嘉禾睇OpenRice送給我的電影 <異能感應>2)去蘭香試好多好評的多士同炒叉燒意3)去<木子甜品>試甜品，幾個月前已經想去，但次次都食得太飽，胃容量有限，今天有機會試了叫了午餐B同營養餐B同友人 SHARE來吃~午餐B($28)煎雙蛋+火腿: 我叫了熟蛋，雙蛋超級油，不過蛋煎得好香口，下次要叫少油。(後來聽到鄰座客人叫蛋少油，我下次要學佢先得) 火腿就無煎過的，我覺得火腿要煎過先好食LOR多士好香口，雙面都有烘到，好好味~叉燒炒意粉: 係睇到OpenRice食友既comment先知可以叫炒意粉，好多豉油，意粉稍軟，不過都ok~營B($28):鮮油多士: 友人說非常GOOD~雞翼+豬扒:吃了一隻雞翼，但雞翼太細，又無咩味道，一般~豬扒就好味D，而且夠淋，豬扒好過雞翼好多餐飲是熱檸水，沒特別，原來這裡的奶茶都幾出名，應該都幾好味，但我叫餐時忘記左點，下次來要試奶茶~

荃灣新村街有兩所老牌餐廳，嘉樂是有名的長龍店，不想等位，多會改來這邊，其實繁忙時間，有時兩邊都會有龍，今天，午餐就來了這邊。揀了(特價飯餐)，蘭香炒飯、例湯及熱奶茶。蘭香炒飯，非常多料，有叉燒、火腿、雞蛋、椰菜等等，差點兒餸多過飯，真精彩的一道炒飯，美味可口。例湯，粉葛、花生、眉豆、紅蘿蔔、豬骨湯，很多料，湯濃味俱佳。熱奶茶，雖然不及嘉樂，味道亦不俗。這裡跟嘉樂一樣，吃得局促一點，皆因人很多，每次都要搭檯。

一向有幫襯呢間係荃灣出哂名既茶餐廳，但男左未試過，難得係附近行街，便讓他一嘗蘭香的特餐和B餐。我叫了B餐，最愛蘭香的牛油多士，厚多士上有勁多牛油，似溶非溶的狀態，超正！叉燒意粉，好像有點越來越淡味><另最愛"啜" 那火腿煎雙蛋，GOOD! 男友就叫特餐，價錢貴d，可能就是貴在那奄列和厚切午餐肉掛..... 感覺都係食B餐係最抵！

每次來到楊屋道街巿,只要是下午茶時間,我都一定會幫襯的一家餐廳.新村街上會出現兩條人龍.一條通往"大蛋"樂園,嘉樂.而另一條則是通往蘭香.通常蘭香的一條較短.但我並非因取易不取難,而是我對大蛋沒有太大興趣.小妹胃納有限,一味靠大並不適合我杯茶.有卡位,雖然不是很濶落,但也算舒服,不過人多時要兩人一邊.太子爺等一家人自己落手落腳主理,一向很有禮貎,笑意盈盈的,很有親切的街坊感覺.而我的ALL TIME FAVOURITE,就是這個茶餐了.我的吃法,是每次都加$1,把多士改成奶醬多.麵包很有麥香,又鬆軟,有厚度,是不可多得的好飽.另外還有煎雙蛋加火腿,我一般都會倒在叉燒意粉同吃.叉燒意粉,我的口味是叫"抄意粉"(如果你不指明的話他只會給你意粉加汁ON TOP再加叉燒)的會意粉,我比較喜歡將鼓油汁抄勻,意粉索滿甜甜的鼓油,加上蛋黃汁,很港式,但又好好味.當然叉燒是茶餐廳一般的硬掘掘叉燒,但這就是香港茶餐廳的特色,反正我是吃得津津有味.阻住試了新口味,火腿意粉加煎蛋.還有蛋治.蛋治的蛋太薄了.火腿正常,通粉是最普通沒坑那種,有點偏稔,湯底也沒甚特式,還是我叫的茶餐好吃多了~~最LIKE就一定是

星期6的早上來到荃灣,和朋友吃個早餐見到OPENRICE食評話隔離嘉樂質素每況越下就決定食蘭香啦朋友叫左早餐($24) - 雞蛋三文治 + 火腿通粉 + 熱奶茶我叫左特餐($27) - 牛油方包(多士+$1) + 火腿奄列 + 餐肉通粉 + 熱檸水先講特餐的多士,牛油塗得不太均勻,也烘得不夠熱,個人認為比連鎖店早餐的多士還遜色朋友的三文治,白面包好厚但雞蛋好少,但D蛋的味道都OK(是煎蛋來的)火腿通,只有3片好小的火腿,通粉發到好漲好大,個湯雖然啡啡地色,但其實淡而無味餐肉通粉,片餐肉是圓形的大大塊,煎的,味道不錯(其實餐肉好難整得難食)但係個通粉同湯底同樣好淡,我食左幾啖就冇再食了火腿奄列是最好吃的,煎得好香,火腿都幾多,奄列本身都幾大塊另外朋友話杯奶茶幾好飲!坐得唔舒服,裡面雖然全是卡位但要同人搭枱,都好迫杯野都未飲完就俾人趕走其實我對食物的要求不算太高,但呢度一定稱不上是好食,只可以講係好普通的早餐我成日都食連鎖快餐店的早餐,真心覺得好食過呢間蘭香而且呢度都唔係平所以不會再來了

以前讀中學的時候剛搬到葵青, 週末要到荃灣這邊找師姐補數學補習後通常都餓到不行, 師姐介紹我到這邊午餐. 但午餐的時候都已經四點多他們的午餐是供應到八. 點有天到了這邊買東西, 就過來吃午餐一如以往要了他們的午餐一向不太會點奶, 茶除非是某幾間餐廳, 或有這個黑白奶杯子奶茶順滑可口, 茶味算濃, 很怕喝到茶身很薄的港式奶茶但這個不會這邊的牛油多士不像外面薄, 比較厚, 烘得很香脆牛油也塗上很多, 厚厚的多士很好吃火腿煎雙蛋一向都煎得不油, 蛋白不會煎得太老蛋黃稠身習慣放在意粉上面一起吃以前會覺得這的會意粉很好吃, 但這次就覺得沒有那麼好吃了番茄醬味道有點太淡, 整個意粉好像很不夠味是加了蛋黃之後味道比較好一點一家會提供午餐到晚上八點的餐廳這裡的厚多士跟熱奶茶, 算是我的中學回憶其中一部份

每星期都會去一次蘭香茶餐廳,就算要排隊等,都好快就有位.一向都知坐卡位會坐得逼,但冇辦法,要搭枱.先送上熱檸茶同熱檸水.牛油多士係必食推介勁多牛油嘅多士係餐廳出名又特別之處,好正!煎蛋就較多油好味嘅洋蔥豬扒,雞中翼就唔夠味.火腿意粉個汁唔濃,啱早餐食.雖然加咗價,但$26就食到個好飽嘅早餐,好滿足!

是日.朋友一早打嚟問食唔食早餐..咁見星期六.輕鬆D.無所謂..啦...一如而往..去到係門口排一陣隊先有位...座底後.望住個MENU.真係好難選擇..一D底食D..一D又大份D...火腿煎雙蛋..正正常常..新鮮熱辣...仲可以轉抄蛋.簡單的一碟..唔可能有咩挑剔...朋友的. X燒.燴意粉..賣相真係一般..有少少茄汁味..甜甜地..其實真係無咩特別好食既地方..只係求個飽肚.E碟雞亦豬扒就.真係確實唔錯..一嚟到已經.好香.唔係只係得豉油味...仲有其他香料.如爆洋蔥..等既香味..雞亦豬扒.夠晒入味肉嫩..食唔出有雪味.最出名既多士..確係出色.多士上到色之餘..入口仍然軟熟....包身又有厚到...唯美中不足既係..既然咁多人為多士己去..何妨將D.牛油.揸多少少..平均一點...這般的多士.真係完美

今日專程過去試食呢間茶餐廳,同鄰店一樣,要排隊,不過唔係排得好耐就有位,入到去入面細細間但間隔整齊,二人選了一會,就點了兩個餐,營養餐&午餐,午餐:牛油方包+叉燒意粉+火腿煎雙蛋+凍奶茶營養餐:鮮牛油方包+腸仔煎雙蛋+熱華田鮮牛油方包>>香口,夠熱及脆,腸仔煎雙蛋>>超油,食完真係成口油,一陣油味,腸仔有d硬,熱華田>>跟一般茶餐廳相若火腿煎雙蛋>>呢個仲誇,成碟都油淋淋,好肥膩叉燒意粉>>意粉味道ok,叉燒都還可以,牛油方包>>香口,夠熱及脆,呢個係整餐最好味凍奶茶>>夠茶味,味道ok

好耐未試過咁早返工 (其實都係8:30啫，嘻嘻)，安排好工作，就走去食早餐。見嘉樂未開，就自然地走咗去隔離嘅蘭香。叫咗一份早餐，有蛋治、火腿通粉同一杯飲品。蛋治先到，麵飽比一般茶餐廳略厚，足有半吋咁厚，蠻算軟熟，牛油則不多，蛋嘅份量亦唔多，係一般嘅煎蛋，蛋味唔濃，普普通通。火腿通粉，湯底冇嘜味，好淡，好彩有支黑椒係旁邊，可彌補不足，通粉質地偏腍，咬感唔夠，反而火腿嘅味道幾濃，帶有甜味，可惜冇切絲，若能切絲，一來比較易入口，二來可以調味，一舉兩得。至於凍奶茶，有茶香，但唔濃，比較簿身，應該可以處理得更好。埋單$26。

平時路過荃灣新村街都見到這間蘭香茶餐廳同另一間茶餐廳門口都排滿了人。今日有幸下晝兩三時路過，見蘭香門前那條隊比平日短少，就去排隊試試有什麼特式了。進去，其實都幾多人，這間餐廳的格局比其他茶餐廳的好，因為中間它沒有設置圓桌（起碼行到尾都不用左閃右避啊）。餐牌其實同普通餐廳沒兩樣，隨隨便便的點了特餐，見對面食客那件多士很美，問過才知叫鮮油多士，順便點了。檸茶餐肉通粉都沒什麼特別，只是那塊餐肉也未免太足料，有厚厚的一塊午餐肉呢！（已比其他熟食檔厚了）。送來那件多士奄列，奄列賣相很遜色，很多油，蛋邊都焦了，相像到廚師煮的程序，是把混火腿的蛋漿倒在一大盆的滾油上，翻兩翻霎時就熟了，連油連蛋焦邊一起上碟。只是那塊多士對於我來說太新奇了，平時自己吃淨牛油多士時都會加點白砂糖，砂糖甜拌牛油香很可口的，這塊牛油又真的香的很，烘底方包夠厚，所以咬起來不會有啖啖油的感覺，這份鮮油多士真可一試啊！

呢日我同女朋友叫咗2個餐,一個係牛油多士配火腿炒蛋&义燒燴意,另一個係鮮油多士配煎雙蛋&豬排雞翼,其實食物嘅味道唔錯,佢地d多士仲係厚多士,真係做到外脆內軟,咬落去真係好鬼正,义燒燴意都好夠味,炒蛋同煎蛋都好靚,不過豬排就老咗少少,同d野好多油,如果佢地可以少d油就好喇,始終大多油真係唔係咁健康,幾好食都好,真係唔敢食咁多!

適逢閒日往荃湾, 便往嘉樂碰一碰運氣, 第一次見識茶餐廳全店的卡位坐足四位食客, 非常熱鬧, 因時間關係, 便改到鄰店蘭香吃下午茶.見每檯只得一至兩位街坊食客, 我便抱着平常心, 獨自坐張卡位, 舒適地留瀏覽開飯網, 選個簡單的抵食午餐 ($23).牛油多士普通尺吋的輕度烘底多士, 配上溥溥的牛油, 幸好部份已溶入麵包內層, 仍算脆囗, 但我較喜歡中度烘底的程度. 火腿奄列賣相一般, 煎奄列外層有點過熟, 不過內層發現火腿旁有半生熟蛋白流動, 總算有驚喜. 樽装鲜奶於平民冰室或茶餐廳享用樽裝飲品, 份外覺風味, 何況是香港製造及營養豐富的鲜奶啊.兩側牆上掛着前後呼應的字畫, 也有一張台前幕後星味十足的剪綵相片, 有待下次請教老闆是, 還是拍戲的照片. .

下午途經，見無乜人，於是又試吓啦，之前都食過一，兩次， 今日叫咗一個午餐，其實來來去去只有幾個餐，唔夠三十秒便來了火腿煎蛋，叉燒炒意粉，唔好以為好快，好有效率，就是一件多士足以令你坐多十幾分鐘因為此店並不是用紙仔寫單，只是樓面人員大叫水吧的…B餐.....炒蛋....A餐轉多士...，3號枱欠奶茶....，人人鬥大聲，水吧師父聽到邉樣整邉樣，所以見勢色唔對，一定要提啲人員欠乜乜，仍未到，而啲樓面好明顯是家庭成員，媽媽，仔仔，女女，如果唔係一定炒晒講到食品，啲火腿及蛋勁多油，個碟都係油，一叫完即到，微暖，相信是一早整定叉燒意粉有幾片叉燒，有啲番茄汁，如果是炒我會覺得太多汁，如果是燴我覺得啲汁太"希"，食完仲有好多汁，茄醬咁嘅味道是，不算好吃，奶茶亦無特別驚喜，普普通通等了十分鐘，多士終於到啦 厚多加牛油，味道ok啦( 講真，多士好少會做到難食的) 總結是$25-HK一餐，唔使等位, 算數啦