蘭香茶餐廳 (已搬遷) 新店位置

下午途經，見無乜人，於是又試吓啦，之前都食過一，兩次， 今日叫咗一個午餐，其實來來去去只有幾個餐，唔夠三十秒便來了火腿煎蛋，叉燒炒意粉，唔好以為好快，好有效率，就是一件多士足以令你坐多十幾分鐘 因為此店並不是用紙仔寫單，只是樓面人員大叫水吧的…B餐，炒蛋，A餐轉多士，3號枱欠奶茶，人人鬥大聲，水吧師父聽到邉樣整邉樣，所以見勢色唔對，一定要提啲人員欠乜乜，仍未到，而啲樓面好明顯是家庭成員，媽媽，仔仔，女女，如果唔係一定炒晒講到食品，啲火腿及蛋勁多油，個碟都係油，一叫完即到，微暖，相信是一早整定叉燒意粉有幾片叉燒，有啲番茄汁，如果是炒我會覺得太多汁，如果是燴我覺得啲汁太"希"，食完仲有好多汁，茄醬咁嘅味道是，不算好吃，奶茶亦無特別驚喜，普普通通等了十分鐘，多士終於到啦 厚多加牛油，味道ok啦( 講真，多士好少會做到難食的) 總結是$25-HK一餐，唔使等位ok 算數啦

2011年3月15日~今日出左tw行la....去左食lei間野.....落左order,唔洗一分鐘......杯熱奶茶同雙egg火腿到左wo....快到咁wo,係有效率但冇質素.....連坐我對面個阿姐都問點解快成咁.,......hot milk tea :唔熱ge,好似飲暖水咁.....仲有ar係好好好冇茶味囉,好似飲奶水咁,又稀wo,杯野都唔知佢點沖嫁,都唔知係唔係奶溝水再溝d咁多茶.....完全係稀咁,十足十奶水.....睇番之前lei到ge食評,都有人話係奶水咁,完全同意囉~雙egg火腿:凍ge......都唔知係唔係一早整定ge.....不以至評........轉左奶醬多: + $1,得個d d奶,冇醬ge,....d醬料好少囉,于過係ok脆ge~最正常係個叉燒燴意粉..........不過都係凍ge........我諗冇下次la........因為唔多好食囉~未飲過咁難飲ge milk tea連m記都好飲過佢~

我係一定要食早餐嘅人，都好耐冇食過咁低水準朝早都要搭枱，兩對陌生人黐到勁近咁食嘢，又要被逼聽人哋講緊乜，如果唔係附近冇得揀，真係冇可能會接受！火腿奄烈：蛋冇味，煎到硬晒，又油到冇朋友。多士：比一般略厚，烤得足（脆但不乾），可惜最大敗筆－－凍囉！都真係好簡單，都做唔好。如果非必要，千祈唔好試。

今日叫咗抵食午餐B ($24)奶茶 : 有少少茶味, 多咗啲奶, 但無一般茶餐廳咁難飲, 都幾好架.叉燒會意粉 : 叉燒幾片, 意粉較林, 呢啲應該係茶餐廳嘅特式, 配埋啲意粉汁, 都幾OK架.火腿煎雙旦 : 多咗啲油, 整體一般, 整穿隻旦撈埋啲會意粉一齊放埋入口, 又另一番滋味.(單醬)多士 : +$1可以轉"雙醬"多士, 今次我叫咗奶醬多, 多士勁厚, 剛剛烘起, 超美味.我去親呢間, 都只會叫呢個餐, 真係食完一定好飽, 最鍾意佢嘅厚多士, 真係好好味.講到服務, 真係又幾好架. 我lunch嘅繁忙時間去, 外出有人排隊等, 但佢地都唔會隨便安排比四個人唔識嘅人迫係同一張卡枱, 佢地好好咁只安排两位客人坐係一個4人卡座, 一人坐一邊, 呢點我真係好欣賞佢地嘅服務態度, 超抵讚.

係朋友介紹我黎呢到食嫁, 它位於嘉樂冰室隔離。每次見到嘉樂都是大排長龍的, 每次都唔想排, 所以宜家仲未有機會食, 而再行多幾步, 就係蘭香茶餐廳, 朋友食過話gd,所以就去試下。但蘭香都要等4,5張台, 不過一定快過嘉樂, 最後等左5分鍾姐。呢d 舊左茶餐廳坐位一定係比較迫, 2個人坐埋一齊, 成日都會撞到的。如果隔離個個係肥既都唔知點坐呀! 2個人叫左一個抵食午餐, 一個健康餐, $26抵食午餐有: 牛油多士, 火腿煎雙蛋, x燒燴意粉, 一杯野飲。健康餐: 鮮油多士, 2隻雞翼拼一塊豬扒, 一杯野飲。個到d 多士好正嫁, 係厚切嫁, 烘得岩岩好, 鮮油多仲正, 有2塊鮮牛油夾住黎食, 個刻都唔理個"肥"字呀!雞翼拼豬扒係朋友介紹, 上次睇朋友d 相塊豬扒係大塊d 嫁, 但今次我呢塊就好細, 不過唔明點解係健康餐囉, 全肉黎嫁哦!x燒燴意粉, 睇個樣就普普通通, 食落d 味都ok哦, 好鮮茄味。呢到d waiter落單唔洗寫嫁, 用腦記嫁咋, 但個阿姐成日拎住碗野問邊個，唔記得好心就寫單啦。呢到d 人全部快食快走嫁, 所以要同朋友傾計既話就唔好黎呢到啦。

睇OPENRICE先知呢間野, 係因為佢格離既嘉樂, 幫襯完嘉樂, 就順個便去幫襯埋佢。由於比嘉樂既巨蛋三文冶食飽左我, 所以我只好吃個牛油多士。不錯不錯!! 下次會再去幫襯。因為人較少, 而且環境闊落。

星期六, 沒有吃正常的午餐, 因為原本打算和老婆專程由元朗到嘉樂處食勁量版的下午茶餐, 點之去到竟然發現嘉樂門口貼了"是日例假, 休息一天"的告示, 實在太太....太失望了. 但肚子很餓, 唯有隨意地去了隔離的蘭香茶餐廳醫肚, 記得之前在嘉樂排隊時發現這間茶餐廳都有些人在排隊, 心想應該都不會太差吧.在門口等了一陣子, 不夠三分鐘就有位了. 坐下後看餐牌, 發現款式非常一般, 完全是一般茶記的食物, 最後無奈地點了一份奶占多, 一碗餐蛋出前一丁和一杯凍檸樂.奶占多先來, 奶和果占的份量都唔算少, 不過跟嘉樂那多到流出來的奶醬真的不能同日而語了. 多士是厚多來的, 但烤得不夠香和脆. 一般啦! 餐蛋出前一丁有些失望, 完全沒有出前一丁那獨有濃烈的香味, 煮時太多水了, 餐肉亦煎得不夠香, 完全不值專登加錢食, 早知要福麵可能仲好. 反而凍檸樂有些驚喜, 竟然還是用枝裝可樂, 絕對比起罐裝可樂夠氣好飲得多, 而且又沒有咁甜. 更特別的是可樂和冰檸底分開上, 我很久沒有試過了, 可以自行加可樂, 唔錯, 值得一讚!結脹價錢不貴, 但食物種類, 味道和份量就一般了, 和嘉樂的相差太遠, 難怪

今日同老公睇完INCEPTION，正在惆悵食乜好，因為唔係咁想食貴野，老公提議去蘭香。估唔到一黎到要等位，等左三四個字，終於有得入去，格局同家樂差不多，都係長長的餐室，也比家樂乾淨。店子以卡位為主，也有一兩張六人檯。點解我會叫佢「文化茶餐廳」呢？因為佢既牆上有幾張字畫囉，其中一張，留心ｄ睇仲係少林人士提添，雖然我唔知真定假，但其中一張「天下有二難」我地都覺得好有意思，當真係有文化啊～先叫左一個咖哩牛腩飯，因為見到其他人果份好似幾靚，果然無揀錯，咖哩汁不杰，很有以前細個茶餐廳咖哩的風味，比較似咖哩牛腩麵果ｄ咖哩汁，應該是一雞兩味吧。一碗有牛腩牛筋，牛筋比牛腩好味，真係滑不溜口又夠膠質。牛腩則大件左ｄ，但其實用匙羮輕輕分開就得，可見一ｄ都唔韌。咖哩汁好香，少少辣剛剛好，這一碟真的很好味呢。另外再叫左一個抵食午餐Ｂ，分別有牛油多士、火腿煎雙蛋、叉燒會意粉。牛油多士是厚多士，牛油經熱力後完全溶晒，但多士太厚，牛油太少，查得唔均衡，食到最後都是白麵包，我見我對面檯都係食到最後就無食了。火腿煎雙蛋隻蛋唔知係咪ＢＢ蛋，個黃好細下，可能兩隻等於人地一隻大的，不過都好，都唔想食咁多蛋黃。蛋煎得香，果真是

早上特登去試吓個早餐, 因為好耐無去過, 落單都系唔寫單, 大聲叫入水吧, 系呢度的特色, 早餐的雞蛋三文治用厚切方包做, 都幾好樣, 不過就得單春, 表面明顯有手指印火腿通粉, 通粉太 "林" 了, 仲唔熱, 火腿三片非常袖珍 唉!最後杯奶茶, 完全沒有茶香味, 只有奶味, 唔使落糖都得, 差 !

quite busy last time I visited this place on a Sunday Noon time during early June 2010.ordered the quite lunch with tomatoes pork rice.Not bad, the 汁 on the rice is not bad.Good service, 熱央 /w extra milk is quite good炒麵 comes with a small wok, quite nice style.

人人都沉醉於嘉樂的大件蛋治的同時亦有不少人會來這兒進餐,至少不用等那麼久嘛不幸的我要上班,不能親身去品嚐幸好有呀頭的愛心外賣補數在網上看到大家都是吃多士、意粉之類的,不是太多人是炒粉麵這次試了呀頭大力推介的乾炒豬扒麵其實他推介吃米粉的,不過最近吃得太多米粉,所以要轉一下口味豬扒鬆化,咬下去沒有滿口油膩感,豉油味亦充足麵的味道不太平均,色上得比較差,不是每條麵都有豉油,入口時咸時淡不過茶餐廳師傅快手快腳,所以不能要求做得十分完美的雖然沒有吃到招牌食物,但都有愛心搭夠了

strongly suggest佢既:熱奶茶!(熱的好滑)真係好好飲^^醬多士件多士好厚~烘到好軟熟!!仲有煎蛋!!好多restaurant煎蛋唔係熟晒~就係連d蛋白都唔熟..但係呢度煎得勁靚!!蛋白有d燶!!個蛋黃仲未熟!!d蛋黃汁流出黎!真係好正!!!!!!!!!!

我見今日放假, 所以去左食網友推介係蘭香茶餐廳既既咖哩牛腩飯, 真係幾好味, 牛根同牛腩好淋, 食完成碟完全無"痴"牙. (因為我好怕食完野要用牙籤清潔的), 同埋有好多牛根呀! 好好味. 辣度都夠, 係覺得水左少少, 但都OK可以接受的.士應既服務態度好好見我生面口又叫左個散餐, 仲提我呢個唔係餐來的.廚房都好好, 上菜快.仲有, 餐廳比我想像中乾淨, 呢個係我意料之外的. 因為餐廳都比較接近街市, 所以我成日以為裡面既清潔都係麻麻地, 但原來唔係囉. 不過如網友所講, 杯奶茶係淡味左少少, 好似飲緊茶包奶茶咁.

昨日下午 2:30多想揾D 舊式餐廳食午餐, 由荃灣城市中心行落來揾食, 想想下突然間想起各位在新村街餐廳介紹, 平時星期六、日經過太多人排隊, 實在無這樣耐性, 不如平日去試下應該無咁多人。第一站去左嘉樂冰廳, 入到去居然無位要在外等, 趕時間結果去左這間第二精選, 舖仔細細, 但光線、環境很舒適, 好有街方 FEEL ! 估唔到座上客係好多同我差不多年紀的人士, 反而不是老人家, 有點意外驚喜。叫了一個"抵食午餐", 看價錢我屋企樓下茶餐廳都係貴多2元, 看落去好似差唔多, 驚喜就係這樣發生。不消3分鐘, 來了一塊厚厚的多士, 大塊夠厚, 好多餐廳都無這塊多士咁有份量, 跟住1分鐘來多個煎雙蛋火腿, 起初以為咁細塊火腿, 唔多抵, 跟住揭起塊蛋原來仲有半塊, 比正常長方形 SZ 約 2/3 , 係呀 !唔記得佢係雙蛋, 兩隻蛋質素就係阿 SO 講的煎蛋技巧啦, 正 !我最鐘意食半生熟, 兩隻蛋係無分別, 煎時間應該係一樣, 孿生感覺。同時來埋杯涷奶茶, 茶味重少少我至愛, 奶夠滑, 份量都算大杯, 冰又不太多, 甜味啱啱好 。 最後一個主菜就係义燒茄汁炒意粉, 份量雖少, 但足夠我

男友話就話陪我食lunch但電話不斷,又係咁睇錶,好似好趕住走咁...唉黎到呢度,見到要排隊我就話食第2間啦但呢個大忙人對女朋友太好,叫我想食就等佢叫左個咖哩雞飯,我叫左個海鮮炒伊麵咖哩雞飯 : 食左舊薯仔覺得幾好食,好淋,而且唔太辣,男友可能太肚餓,連我碟野都未黎就清哂...海鮮炒伊麵 : 分左一半俾男友,佢又係好快食哂...我就覺得淡左d,加上好油,最後都食唔哂