蘭香茶餐廳 (已搬遷) 新店位置

侍應態度極差,只識同客人聊天,聽不到order , 還聲大夾惡地回應說: "食就食,唔食就走,唔好煩!"老實講, 從未見過啲咁嘅質數嘅食肆, 而且店內衛生又差,成地垃圾, 食物質數又真係一般過一般，唔明點解仲有人幫襯 ! 

唔明點解咁多人話這間野OK, 望落去有點舊式, 以為甚麼臥虎藏龍點了個常餐, $30蚊, 轉公仔面+$4蚊即管睇下你又幾了得首先, 個奄列有蛋殼, 重要係唔係打勻食物一樣問題, 態度又係一樣問題叫了杯涷奶茶要少甜, 剛巧水吧多了一杯杯涷奶就夾硬質比我我好清楚要少甜, 佢都夾硬要你試下最後我堅持, 佢先收返去水吧但怪事又開始, 個伙記叫我試下夠唔夠味, 好明顯係將杯涷奶茶"加水", 變少甜杯野淡到水咁我唔敢再換, 因為我怪唔知會再加甚麼...咁既服務態度同價錢, 想我再幫襯都幾難 

難得今天在荃灣遊逛，當然不會放過任何周圍覓食的機會…遠處已看到茶餐廳外已排著不短的人龍，但等於時間不算長，大約等侯十五分鍾左右，於筆者前方的數十人已不斷被安排入座，速度可想而知。茶餐廳各伙記都記性極好、默契十足，每檯客人的點餐要求、冷熱飲等全部都記得一清二楚，絲毫沒有半點怠慢，筆者與另一半同樣點了叉燒燴意粉超值午餐，冷熱飲、太陽蛋抑或是煎蛋，伙記都能快速、敏捷地分別呈上，令筆者忍不住讚嘆。特別一提的是，午餐本是提供牛油多士，不過可以要求轉奶油多而不另收費，實在有點感到喜出望外，而多士蘸過薄薄一層牛油，再另上一大片煉奶，奶油多面包極富牛油香之餘亦煉奶帶有絲絲甜意，面包入口鬆軟，很滿足。而叉燒燴意粉($29)更是筆者的誠意推介，叉燒沾上鮮甜茄汁底，帶有微甜之外肉質亦淋身，份量充足，而適當的烹煮時間令到意粉的面質剛剛好，不會過硬也不會令意粉面質過淋，同樣地鮮甜茄汁底令到意粉增色不少，意粉被甜甜茄汁湯底包圍，入口不禁有，令人胃口大開。另一令筆者感到意外的是凍檸茶(凍飲加$2)，筆者確實是無茶不歡，點凍飲可以一解口渴又怕多冰會減淡茶味，於是筆者習慣少冰…濃濃茶香，是舊式茶餐廳的代表作，甜度適中並

第一次寫食評，就係呢間位於屋企隔離個街市既大聲公茶餐廳之所以叫大聲公茶餐廳，係因為伙記落單全憑大聲呼叫廚房，唔會手寫，亦無電腦單，但值得一讚就係佢地記性非常好，落左單知道你仲有咩未上，埋單幾錢佢地又心中有數。呢間家族經營既香港地道茶餐廳，廚房有阿爸，樓面有一眾兄弟姊妹。阿媽番左大陸，所以今日一個人十點幾先落尼食早餐。已經第n次幫襯早餐，我例必叫特餐轉多士轉公仔麵加熱胚芽。厚厚既圓形餐肉加上已經唔係道道有得食既統一公仔麵，我覺得比出前一丁更香。附上既雞蛋火腿奄列加多士，唔比隔離家樂差。份量好夠，飽到宜家都未想食午餐。另一推介就係豬扒湯烏冬，d湯非常濃郁好味。伙記廚房又快手，其實我覺得比得上澳牛!

舊式茶餐廳其實已經買少見少，所以找到都有點困難今次試試荃灣區的蘭芳餐茶廳，座落於街市旁，門外熙來攘往十分熱鬧。甫一進店，人不算多，目測客群以熟客為主，東主跟客人交情非淺。坐下已經有侍應招呼，下餐亦很快完成去茶餐廳一定是吃常餐、快餐和特餐，因為一試便知龍與鳳，越簡單的菜式越易試出真味道。今次點了特餐一試，上餐速度挺快：整體而言這裡賣的是人情味，東主跟熟客們都有講有笑更甚者我見熟客都會送一些小手信給東主呢可是我不是熟客，感受不到，若以食物質素味道就恭維一次就足夠了。#誇張嗜食 by 張誇 Nickel

放假日一早去蘭香，唔駛等位就入得，真係好。同朋友仔兩個都係B餐，食左好多年都係B餐，隻蛋係比以前多左油，但係都可接受。奶醬多+烘低更加無得輸，正!!奶茶就係我最愛之選，水準保持得好好，叫左多奶，一流滑!不過通粉就一般，塊餐用煎一煎會更好，唔夠香口!可惜，生意太好，唔夠人手，好多人又好嘈，環境唔好不嬲都係，不過而家嘈得有點過龍，所以，下之都係閒日先再黎過，雖然都一定好多人!

成日放假都嚟蘭香，今次第一次寫佢…一如以往，禮拜六日放假都係要等位，排三兩個唔定，排十個八個人又唔定，上星期六午餐時間我就等左三張檯，大概十五分鐘度，都可以接受。嚟到都係叫返B餐，太陽蛋、轉炒意、轉鮮油多；屋企人就嗌左個蘭香炒飯、咖喱牛腩炒伊麵。所謂B餐炒意，即係叉燒炒意，配呢個餐當然係細細碟咁啦，有兩三片薄叉燒，配豉油老抽炒意粉，唔會話好好味，不過隔一陣又想食咁啦。煎太陽蛋好正，半生熟，隻蛋黃浪浪下，加少許鹽食就perfect!!不過如果d火腿輕輕煎下就更好味啦食呢度鮮油多，記得嗌免飛邊，即係唔切麵包皮…即烘多士夾住厚厚凍牛油！好鬼肥，但好正呀！記得一上檯要即食！外熱（多士）內冷（牛油）真係好鬼正！至於杯餐飲，如果要熱飲，可以加錢轉大杯；如果嗌凍飲，咖啡奶茶鴛鴦記得嗌沖濃d…個人覺得茶啡方面比較淡。蘭香炒飯 - 一如以往香味十足，配料尚算豐富咖喱牛腩炒伊麵 - 留意咖喱牛腩唔係撈埋落伊麵度炒，係分開上的；牛腩有幾舊，有肥有瘦，都幾淋，不過咖喱唔太辣。炒伊麵乾濕適中，分量都幾足。總括嚟講，都係會繼續去食，依家都要多支持呢類舊舖老店呀！

大多數都要排隊, 加埋星期日既關係, 等左10分鐘到有得入去, 算係咁喇~ : )很簡單易認既招牌!點餐之後, 可加$飲樽裝牛奶或是朱古力奶~ (但我起呢到通常飲"奶茶", 老實說, 平時我出面餐飲都係飲"熱檸水", 呢到係例外..)今次呢個餐, $29- (凍飲加$2-) - 1個牛油方飽- 火腿煎雙蛋 (提提大家, 可以要求轉火腿奄列)- 叉燒燴意粉- 飲品1杯第一黎既食物, 當然係"牛油方飽", 岩岩烘熱, 加埋上面溶溶地既牛油, 好好味! 牛油有少少咸味, 仲食到牛油既香~ (我鍾意食, 麵包比一般厚架) GOOD!!唔鍾意食火腿煎雙蛋><, 就轉左"火腿奄列" (呢到有個唔好, 次次煎蛋都比較多油, 少D會健康D)叉燒燴意粉, 意粉太"林", 通常意粉已發脹了~~~ =,=奶茶, 叫左"茶走", 即係要加煉奶~~ 所以奶荼顏色淺色D小總結:::呢到食既唔係食物質素, 為既係杯奶茶而黎~同埋, 宜家舊式茶餐廳, 已經越黎越少~ 想感受下懷舊既感覺是不錯的選擇~^^

今次係我第1次寫食評..真係難食到忍唔住..本身諗住係嘉樂冰室買外賣,點知太多人,唯有去蘭香買左個火腿奄列..極多油,又多蛋殼,又爖哂..以後一定唔會再幫襯哩間野!!

是日已經是年廿九，在下已經開始放農曆新年假期，因此在下也較平時的遲了起床。當在下梳洗後便想到出外吃早餐，由於今晚要吃團年飯，所以不敢出到太遠吃早餐，只是往荃灣去了。來到新村街，嘉槳冰廳已然收爐，唯有去蘭香茶餐廳吃個早餐。來到門口，依然人頭湧湧，依然照樣排隊，幸好排隊時間較預期快，等了幾分鐘後就可入座。是日早餐關係，沒有點選午餐Ｂ，只有吃早餐。侍者先把蛋治捧上，蛋治麵包較厚，而雞蛋則未見太多，只是一般大小。吃下一口，其實味道與普通蛋治沒有分別，是一般水準而言，與其他茶記一樣的味道。然後便是火腿通粉，火腿通粉賣相也只是一般，味道也是一般，與其他茶仔所做的通粉分別不大，在下覺得又是普普通通，沒有特別好吃。至於奶茶，略為好一點，奶與茶比例均勻，也算是幾滑，亦有茶味，只是茶未夠濃。雖然今次只是吃個早餐，但是如果有機會再來的話，就要試吓它的午餐Ｂ。餐廳環境就狹窄了一點，坐位亦是茶記座位。雖然蘭香在荃灣有點名氣，但是服務卻又與一般茶仔為好，而且夠快速。而每位服務員也能記得顧客點的是甚麼。

奶茶似奶水，勁稀！多士又吾脆。茄汁炒意粉勁稔，過熟，味道有少少怪，太多水了。唉諗住吾想去隔離個間排咁耐隊，依家好後悔，坐我對面果對情侶都食到扁哂咀。其實d野都吾係好難煮，點解吾俾多少少心機煮好少少

好難食通粉不冷不熬, 唔湯唔水餐肉又薄又冇味, 煎得不夠燶火腿蛋用油炸 d油多到嚇死人奶茶都令人非常失望當我一看到奶茶面沒有奶衣就心知不妙,一喝下去便不出所料, 奶同茶既比例差好遠, 得奶味, 唉.. 淡奶好肥ga.. 尤其係黑白牛個隻呢個早餐令人諗成日, 點解咁多人排隊幫襯蘭香好難食

星期日才在嘉樂碰了一鼻子灰，媽媽及後想起，經常覺得嘉樂就像磁石，引來萬千食客前來光顧，因此隔鄰的蘭香亦因而受惠，可以招待等得不耐的食客，情況就像元朗名店「田中」一樣！因此「田中」不論在教育路年代，還是現址，旁邊總有一間日式料理一樣！不過當我們光顧嘉樂後，很難相信嘉樂就是那塊所謂的磁石，因此媽媽竟　生起光顧蘭香的念頭，一探究竟，既然媽媽興緻勃勃，我又豈有不陪之理！？今次我們十點多就到了蘭香門外，不過兩店門外依舊排滿了人。我們約等了十多二十分曈就有位了，今次同樣坐在望向出菜位置的卡位，同樣搭枱，不過內裡較嘉樂要光亮，走道，坐位均比嘉槳要寬敞。這裡有著一般茶餐廳慣有的常餐、早餐、特餐甚至營養餐。我和媽媽均點了一份特餐，特餐包括餐肉通粉，火腿奄列及麵包，餐茶。餐肉通粉 餐肉通粉用上圓罐餐肉切上一整片，而且並非薄如蟬翼，而有一定厚度，有別一般茶餐廳只有半片甚至切條等，用料相當十足。先吃餐肉，味道不賴，吃得出並非一般雜牌或有膻味的餐肉，味道接近國產名牌「白豬仔」，這點值得一讚！通粉用上沒坑紋的一類，質感較次，但煮的時間得宜，吃起來也不會太腍爛，味道不俗。火腿奄列及多士本來沒叫烘底，不過侍應送來多士

現今常在荃新天地的幾間銀行團團轉,只是自己對場內的連鎖餐廳都不太感興趣,多走兩步到新村街覓食更好,人龍店嘉樂平日也長龍不斷,還是蘭香較合忽忙上班一族。推開那道小小紗窗門,裡面剛好有個卡座,近日吃得蛋多,那個美味又抵食的B餐暫且不點,幾個特價飯餐中幾款也好像蠻好吃,同卡位坐對面的先生正在吃炒飯,那我也要一份炒飯。只可惜飯市未到二時,本應隨餐的例湯已經送完,少了一碗湯價錢仍一樣,是否下次還要早些來吃呢??以店名為名的蘭香炒飯果然多料,真的好少見那麼多材料的炒飯唷,細看有火腿,叉燒,蝦仁,蔥段,蛋花及生菜,每口飯也餸比飯多,真爽! 幾頁爽脆生菜令炒飯好吃很多,飯粒爽身有咀嚼勁還有著輕輕美極鮮醬油的味道,最利害是整碟炒飯以極少油而炒得乾爽,師傅炒功真好!黑白牛奶杯裡的熱奶茶奶香較重,紅茶味及茶底較單薄,唯一好處是夠熱,相信如街坊阿叔點的茶走會有較佳較厚身的效果。找個星期完全不吃蛋早餐,再來吃個馳名蘭香意粉B餐或餐肉通粉午餐,才算來過蘭香。最受歡迎的午餐B($28)真的好受歡迎,除了自己點了一次午餐B外同場各侍應也叫喊了多次B餐。習慣成自然口快快又點了熱奶茶,其實應試其咖啡或茶走,沒加糖的熱奶茶

星期日早上，一班朋友做完義工，諗住齊齊去試嘉樂冰室，去到點知無開門...隔一個鋪位就係蘭香，都有十個八個人在排隊。大家諗住返正一場來到，一於試下啦﹗一等都等左半個鐘，不過可以一試舊式茶餐廳，抵0既﹗一坐低即刻有人招呼，做0野爽手又不失禮貌，落單完全唔洗寫低而100%正確無錯單﹗真係勁﹗我點0左抵食早餐A，牛油多士，牛油味香，多士微暖鬆脆。火腿燴意粉，意粉「林」(正合我口味)，份量大，好似大份過湯意粉。熱奶茶，茶味太濃，蓋過奶味，有點兒可惜。雖然一路爆場，出面又好多人排隊，但我地食完都無話趕客，可以慢慢飲埋杯0野先，抵讚﹗