蚊蚊豬老火鍋 (已結業)

最近喺深水埗發掘左呢間高質任食的火鍋店，星期一至四，晚市收費大人都系$300內，呢個價可以任食四川烤魚＋任食 四川雞煲＋ 安格斯牛肉等多款牛肉＋日式刺身＋多款火鍋配料,小食任飲任食 🍻好瘋狂啊😂真系cp 值高～座位都好寬敞，坐得幾舒服！餐廳有多款牛肉選擇，雪花分佈都平均，食落有牛香味！除左邊爐，我同朋友仲嗌左食過魷魚刺身，都幾新鮮～同埋竟然俾我見到有炸饅頭，即刻忍吾住點黎食啊，蚊蚊豬嘅放題真系好多選擇，可惜胃口有限，下次要再黎encore 試埋佢地嘅烤魚😋當日睇見隔離枱都食得好滋味！今餐價錢又ok 味道又ok, 食得滿足👍🏻

今日又嚟深水埗食火鍋，喜歡呢度種類多，又成日都有新湯底，仲有唔同口味烤魚食添😋9:00後仲送每人兩隻蒜蓉燒生蠔及白酒紅酒任飲，收夜既我呢個時候嚟就岩哂😍最最最重點無佢無加一 🤣海虎蝦紅酒燴牛尾鍋真係唔錯，好淋好入味，海虎蝦大大隻，牛尾唔會太細件，件件都有肉食👍🏻食完轉辣蕃茄烤魚食，條魚同以往一樣都咁大條，通常我地都會叫兩次先再打邊😋喜歡既可轉湯底，我就會用返呢個魚湯做湯底繼續打邊，除咗火鍋配料千萬唔好錯過佢既麻辣燙、刺身、串燒 👍🏻

平時聽到以「任食」兩個字作招徠的火鍋店，我總會有些少顧慮，因之前都試過中伏，價錢又要有競爭性，重量之餘就難些重質，從商業角度出發不難理解。不過，今次我就的確找到一間高質任食的火鍋店——蚊蚊豬老火鍋🍲。大人星期一至四，不同時段$248/$298，小童則$138/$168，五至日、假期及前夕另加每位$20。免茶芥、送任飲。食物質素到位，務求最新鮮。火鍋湯底是好好好重要，舌頭要感受多元味道，鴛鴦鍋是必選的。這裡的餐牌，選擇多多，連萬州烤魚都有，可選清江魚，盧魚，都係多肉的鮮魚。平時食火鍋，除了食物是否新鮮外，我都特別留意店家有沒有推出自家制的炸物。蚊蚊豬老火鍋無令我失望，其中有即叫即炸嚮鈴、炮椒爽魚皮我很喜愛。牛肉都有許多部位，本身我是比較惜食之人，不會因為「任食」就有幾多叫幾多，所以我同朋友兩個人就點了牛的4個部位，分別是牛舌芯、極上牛肩嫩肉、牛板腱、封門柳。識食之人，睇相就睇到牛肉的質素，這方面無得呃人的。食過不同部位的牛肉，已經好飽了，份量都蠻多，之後點了的脆肉鯇及魷魚刺身都好新鮮。

係YT睇到有人推薦呢間嘅火鍋任飲任食，見到標榜有原隻龍蝦湯底揀，好吸引咁所以就諗住去試下當日預約入座後，等左一陣先有人黎提供餐牌叫我地揀湯底，問佢先知龍蝦湯底暫時停賣仲一心諗住試呢個。之後佢推介可轉大蝦湯底（不就注明大蝦每人只得一隻😂），考慮左一陣都係食雞煲最穩陣。好啦之後叫小食同刺身食住先，刺身都算正正常常，不過有個尖椒爽魚皮小食值得推介，平時好少地方有呢啲食同埋又幾爽口。之後啲火鍋料都陸續上齊，點知個雞煲等左好耐仲未黎🥹🥹，搵職員又好似唔想理你咁，足足等左近半個鐘先到，衝忙地快快手食完雞煲就加湯打邊爐。只得120分鐘用餐時間（90分鐘就截單），其實都習慣了出面好多餐廳都係咁，但最失望嘅就係佢係唔會係截單前溫馨提示你last order，而係直接cut落單link，之後夠鐘就比單你要你走。所以到想食甜品時先知時間已過什麼都不可落單了。都係第一次感覺食任食火鍋咁唔盡興，上菜慢，連甜品都無機會試，最終要出去另外再食。建議餐廳可以last order前溫馨提示一下，顧客要邊食邊睇時間比較好辛苦。

經開深水埗心血來潮想食火鍋 咁啱經開呢間門口 當日五點半 七點半前離座優惠$248問一下可以一人開爐就入咗去食叫咗夏天新推山嘅虎蝦牛尾煲 牛尾煲個湯底好香濃 店員亦好好幫我叫份量合適一人享用嘅虎蝦大大隻 期間其實可以不斷換煲 烤魚雞煲其他火鍋湯底 我一人就唔換喇 夠曬Qr code 落單快捷方便 店嘅牛肉好靚 估唔到放題都有單點嘅水準牛舌心 牛板腱 極上牛肩肉 封門柳喜歡封門柳 肉味香濃 重有刺身 小食 及各款邊爐款任食非常多選擇。手包小雲吞 推好似一張唱片咁主打非常好小食有如Side track 有時候唔多人留意但係做得都好掂 小食 椒皮魚皮 小小麻小小辣正 串燒雞肉都燒得咁香 啤酒汽水都係任飲 點餐時間90分鐘 食食下過咗唔知道點唔到雪糕 好彩一問店員之下佢哋都攞比我食 貼心😘下次再叫多啲朋友一齊去食蚊蚊豬老火鍋 (深水埗)深水埗荔枝角道240-244號寶興樓地下A-C號舖

唔覺意發現左依間正野，係好多年都無食過既火鍋放題，最誇張係連湯底都任食，包括烤魚、雞煲、普通湯底都任轉任食，冬天仲有羊腩煲，聽到都覺得顛。坐低就有個刺身同極品和牛拼盤，刺身就唔expect有幾好啦收你依個價錢，反而個牛拼有surprise喎，有手切安格斯肥牛，封門柳，牛板鍵，牛舌心、金錢展份量十足，而且仲好重牛味，質素同出面幾百蚊兩大碟既手切牛質素係完全冇分別，仲要嗌左幾輪都keep 到個質素，咁既價錢你仲想點。另外個烤魚香脆肉身好滑，揀左青江魚又唔多骨，煎香再放入湯底煮，好好食。真係唔好以為任食就食下欄野，食材一啲都唔馬虎，整體高質勁抵食，係環境麻麻地，當日見到好多小飛飛。蚊蚊豬老火鍋地址：深水埗荔枝角道240-244號寶興樓地下A-C號舖

我見網上評價都很正面，係幾吸引，故決定一嘗這個集雞煲、烤魚、刺身放題於一身的火鍋店。入座兩小時任食，的確很吸引，而且轉換雞煲或烤魚或火鍋都得，食幾輪都冇問題，最緊要你食得快！😂 例如食完雞煲可以食烤魚，食完烤魚又可以食火鍋，配料多選擇，材料都夠新鮮吧！不過值得留意的地方，兩小時內原來只有90分鐘可以這樣轉換和下單，但食就可食足兩個鐘。不過，店員沒有特別刻意口頭上提到這一點，因為有關文字已印在QR code下單的單據上。我們沒有留意，就不知道原來90分鐘後是不能再下單叫任何食物，也不能再轉換不同的煲或火鍋。結論是，今次食得不太盡興，只能說似試食。

最近發現了一間性價比高且質素高的放題， 蚊蚊豬老火鍋120分鐘烤魚雞煲火鍋任食任飲，安格斯牛肉等多款牛肉 + 日式刺身 + 多款火鍋配料+小食，選擇多，上菜速度快，質素不錯，而每位只需$300。期間限定還可選擇龍蝦鍋、鮑魚雞鍋或雪蟹三文魚頭鍋啊！真龍蝦湯底，有原隻開邊龍蝦，龍蝦湯底有什菜、蕃茄、薯仔、椰菜，湯底鮮甜，令後繼火鍋配料更鮮味！力推牛肉拼盤有牛肩嫩肉/封門柳/牛舌/牛板腱/牛柳粒，賣相擺盤精美，各款牛肉非常新鮮，牛板腱牛舌鮮嫩彈牙、牛肩肉油花味香濃。 其他食物如刺身、串燒也不錯，串燒燒得剛剛好，雞翼雞皮香脆，肉質Juicy，十分香口，還有串燒雞、牛、豬可供選擇！連雪糕都可任食，大滿足!蚊蚊豬老火鍋 (深水埗)📍深水埗荔枝角道240-244號寶興樓地下A-C號舖

性價比高·質素有驚喜120分鐘烤魚雞煲火鍋任食，質素不錯，每人都係只需$300。期間限定仲可選擇龍蝦鍋、鮑魚雞鍋或雪蟹三文魚頭鍋。烤魚選擇泡椒酸湯底，味道夠濃。清江魚好大條，外層煎得香脆，內裡魚肉嫩滑，而且冇細骨，推薦👍🏻用同一湯底打邊爐（可選轉其他湯底）。力推牛肉拼盤🙌🏻有牛肩嫩肉/封門柳/牛舌/牛板腱/牛柳粒。賣相擺盤都不錯。牛板腱牛舌鮮嫩彈牙、牛肩肉油花味濃。海鮮選擇不多，但都有幾多小食揀。少部分樽裝飲品要加錢，但免費嘅飲品選擇已經夠多，仲有啤酒添🍻而甜品就係Da Dino雪糕。

呢間位於深水埗嘅小店，驟眼望落去以為係一間普通中菜小店，原來係做火鍋放題，質素同抵食程度仲有啲驚喜。大約$300嘅價錢，可以喺120分鐘內任食雞煲、烤魚、火鍋，而家期間限定仲可三揀一揀埋龍蝦鍋/鮑魚雞鍋/雪蟹三文魚頭鍋。以上講緊係可以任轉任食，其實真係好抵。不過我哋得兩個人，所以專注食烤魚同埋最愛嘅火鍋🫶🏻烤魚湯底有四種選擇，包括香辣、香辣鮮茄、濃鮮茄或泡椒酸湯。我地揀左泡椒酸湯。魚方面，清江魚或盧魚二選一，我哋揀咗前者。湯底酸辣味都幾足。好欣賞條魚🙌🏻本身已經煎得好香，加入酸辣味湯底好惹味，最重要係魚肉好滑，而且幾乎完全冇細骨，食得好爽快😆去到火鍋環節，可以選擇轉其他湯底，但係我哋就繼續用有魚香嘅泡椒酸湯。餐廳會先比一個牛肉拼盤，之後其他食飯再QR code落單。牛肉拼盤真心有驚喜，賣相本身已經抵讚，味道更加一啲都唔輸蝕。有極上牛肩嫩肉、封門柳、牛舌、牛板腱同牛柳粒。最鍾意食牛肩嫩肉，油花味非常香好嫩滑🫶🏻雖然呢度冇乜海鮮可以嗌，連海蝦都冇，但係食牛已經抵返晒。推介🙌🏻

我喜歡行路，多步行是習慣行路只要不做低頭族很多時都會有新發現有時也會靠這方法去發掘餐廳另外我也喜歡向上望欣賞各式各類的店舖招牌每次行經荔枝角道往太子方向「蚊蚊豬」三個字都好入腦然後也不知是何年何月便想到有機會要來試試個邊爐我想就餐廳名而言絕無改壞名至少會容易烙印在顧客腦袋裏火鍋方面，個人觀感偏港式也雞煲、川菜常見的冷盤與日式刺身感覺沒有很強的characteristics 就是把大家喜歡的常點名的東西共冶一爐先說Norway 三文魚刺身來打邊爐但未入正題便返啅了幾around 大件肥美厚肉，冷盤處理得不錯這質素是真材實料的感覺火鍋選了個鴛鴦鍋皮蛋芫荽與蕃茄薯仔兩款都是Hong king style 的家常鍋底與其他配料一樣正常發揮自然也不會不好吃最想讚的是牛方面水準中上，餐廳處理得宜牛全部解凍得剛好封門柳、牛舌心與牛板腱都好吃牛味濃，特別是牛肩嫩肉與安格斯prime必點也是必然的返啅item 👍🏻

今次比我發現到一間隱世抵食嘅打邊爐店放題，佢抵食嘅程度係$300都唔使，就食到龍蝦或者烤魚嘅放題我叫咗佢嘅真。龍蝦湯底，佢真係有龍蝦，而且下邊仲擺咗唔同嘅蔬菜，慢慢咁煮嘅時候，龍蝦嘅汁就會溶咗落去啲蔬菜度，令啲蔬菜非有龍蝦味，味道十分之好而佢其他嘢食都好正，例如佢嘅串燒係燒得非常之好，而且有咬口，調味亦都係啱啱好，唔會太鹹而其他嘢無論係牛定係雞都保持到質素非常之好，再加上佢亦都有唔同嘅小食，例如皮蛋，或者可以選擇食甜品雪糕，而且通通都包喺個放題裏邊，所以非常之抵食

呢一間放題超級抵食，估唔到最平$248就可以食到放題打邊爐，除咗一般嘅配料之外，仲會有刺身同埋串燒，仲有其他嘅小食選擇非常之多元，而且用料嘅質素都好好，因為佢嘅牛係真係靚牛，而雞件都係有質素嘅，好有咬口，唔會好似冰鮮雞咁樣入口爛蓉蓉，而且牛肉擺盤都好好睇，雖然係深水埗嘅一間小店，但係用了真心落足心機，食落係新鮮嘅👍🏻另外飲品仲可以自己任拎，如果想飲爽啲嘅話，仲可以加少少錢飲玻璃樽嘅可樂同埋特別嘅嘢飲，都幾抵食

同事介紹話食開呢間火鍋放題好抵食，而且牛肉質素好高好靚，約左朋友一齊去打邊爐個餐真係好抵，除左牛之外，連湯底，火鍋配料，刺身，四川烤魚同雞煲都係任食，真係性價比十分之高因為太豐富，最後揀左雪蟹腳三文魚頭鍋清清地，雪蟹腳size 吾細，好多蟹肉，三文魚鍋有半個鍋咁大，湯底超足料好鮮味另外落單前就有一客刺身，份量太多，2個人食吾晒，最好食係墨魚片同八爪魚，係新鮮貨，好有彈性再上一盤牛肉拼盤，又多又靚，花紋清晰顏色偏粉嫩，花紋分怖平均 牛肉味濃仲可以加火鍋配料 脆鯇腩，台灣腸，蟹柳飲品任飲，仲有啤酒可以選擇每位都係$298真心平靚正

🌸《蚊蚊豬老火鍋·烤魚/邊爐·深水埗》小編最中意打邊爐，間唔中都想食下烤魚同雞煲，琴晚食嘅餐廳就可以一次過滿足曬小編嘅多重願望，仲有真龍蝦鍋或雪蟹三文魚頭鍋或鮑魚雞煲三揀一、刺身同炸饅頭等炸物添🥳🤩都係$298+1咋🫢真係好抵🤣-𝐅𝐨𝐨𝐝 𝐑𝐞𝐯𝐢𝐞𝐰 食評 火鍋·雞煲·烤魚任食放題 $298🌼 真龍蝦鍋或雪蟹三文魚頭鍋或鮑魚雞煲（三揀一）🌼四川烤魚🌼四川雞煲🌼安格斯牛肉🌼日式刺身🌼飲品任飲小編當晚揀左真龍蝦鍋，大大隻多膏龍蝦，龍蝦肉超爽口彈牙，食完龍蝦仲可以用個湯底打邊爐，原汁原味🤩 之後仲食左中辣四川烤魚，辣味好惹味，特登叫左份薯份黎食，因為麻辣加薯條係最正的🧡 安格斯牛肉都係任食🫢仲要牛肉好嫩滑，入口即化，真係唔錯啊❗️-當晚餐廳好多客人，小編都等左差唔多15分鐘先入到座🫢想食嘅朋友真係最好book定位啊❗️ -📍 蚊蚊豬老火鍋@manmanghotpot 深水埗荔枝角道240-244號寶興樓地下A-C號舖-環境：🌸🌸🌸🌸味道：🌸🌸🌸🌸服務：🌸🌸🌸🌸衛生：🌸🌸🌸🌸性價比：🌸🌸🌸🌸Revisit: 🧡-#hkfoodie #foodbitxh #foodbitxh_ssp #hkeat