蚊蚊豬老火鍋 (已結業)

蚊蚊豬老火鍋店是深水埗地區性價比最高的打邊爐選擇。呢家火鍋店擁有豐富的菜單，提供多種湯底選擇，其中最受歡迎的是招牌麻辣雞煲和香辣烤魚。不僅如此，每次入座還可以免費更換湯底無限次，可以選擇原隻龍蝦湯鍋、香辣烤魚、麻辣雞煲和自選鴛鴦湯底，滿足不同口味的客人需求。加上一個價錢，你就可以同時享用到烤魚和火鍋兩個特點，任食高質素牛肉和各式火鍋配料。此外，還附送Prime級牛肉拼盤和新鮮海鮮刺身拼盤，絕對超值！蚊蚊豬老火鍋店同時擁有一系列美味的火鍋配料，例如新鮮的蔬菜和多種魚丸，更可以任你選擇你最喜愛的牛肉，例如A5和Prime級。此外，蚊蚊豬老火鍋店還以意大利雪糕令人驚喜。士多啤梨和柚子口味都非常受歡迎，讓你可以在用餐後品嚐到意大利雪糕的甜蜜滋味，口感鮮美，質量超極佳。總言之，如果你正在尋找一家好吃的火鍋餐廳，蚊蚊豬老火鍋是可以放心選擇的店舖。他們提供美味的湯底、多種口味的牛肉和海鮮，以及優質的客戶服務和用餐環境，價格合理不貴。下次你在深水埗地區，記得一定要來試試這家火鍋店！

話說上次我同朋友食過《蚊蚊豬老火鍋》之後，大家都讚不絕口！今次我就帶咗另一個fd去試吓❤️我哋重試咗新嘢 — 原隻龍蝦🦞湯底❗️價錢重要同之前無變，亦可以任轉湯底tim 價錢再重覆講多次先，繁忙時間入座$298加1，其他時段都只係$248 加1食物今次佢期間限定嘅湯底除咗有龍蝦🦞窩之外，仲有鮑魚雞煲啦，同埋雪蟹三文魚頭🐟鍋。講真，其實我唔太鍾意食龍蝦，但我朋友非常鍾意食，咁我就讓吓佢啦，因為反正之後可以不斷轉湯🤭之後我哋再叫咗香辣烤鱸魚，一如既往，條魚煎得好惹味，又多肉😻😻個汁香香辣辣咁，係我食過咁多間火鍋店🍲之中最好食嘅😋另外，呢度👈🏾重有任食刺身♥️其他食物選擇亦都好多，而且質素好高，例如：小食類嘅炸饅頭、串燒（好惹味一d都唔乾身）；火鍋料類嘅炸響零（好厚身好脆口）等，其實我仲想叫其他料，但真係太飽啦😭《蚊蚊豬老火鍋》係我食過咁多間任食嘅港式邊爐之中，性價比最高👍🏾不過我建議多d人嚟食，因為咁樣就咩都可以試吓，亦都可以叫多d鍋😌

食火鍋放題，今日選擇咗蚊蚊豬，印象中佢哋每一次都係坐滿晒，要喺出面等位。食過幾次都keep到水準，佢哋湯底用料幾足，有唔同選擇，今日就試咗佢哋新推出嗰個原隻龍蝦湯底，龍蝦好多肉，夠晒鮮甜，除咗龍蝦湯底裏面仲有好多不同海鮮，用料夠晒十足。食完龍蝦湯底，跟住又可以揀過第二個鍋，選擇都唔小。再嚟就係試一試佢哋嘅刺身拼盤，三文魚，海蝦，象拔蚌，甜蝦，北寄貝，八爪魚，魷魚…..會用冰鎮上碟，都夠新鮮。其中推介大家食佢嘅三文魚同海蝦，幾鮮甜，而佢地嘅刺身好似都係可以任點任食，由於我同朋友兩個人想留返個肚食其他嘢，所以就冇重複再點。跟住今日都叫咗好多不同火鍋配料，鵝腸，豬大腸，鮮炸響鈴，炸芋頭，陳皮魚蛋……特別推介佢哋嘅鵝腸，佢同豬大腸相比，我覺得我搶更加好食，主要因為佢嘅鵝腸真係非常新鮮，而且洗得好乾淨，食落去好容易咬開又夠爽口，而且份量都大碟，平時打邊度喺出邊成個場都比較貴。佢地用QR code點餐，與時並進，又唔使麻煩人。跟住飲品選擇都好多，仲有好多韓式飲品，外邊餐廳都好少見到。

今天兩個人想食火鍋放題，又諗起蚊蚊豬。鍾意佢火鍋湯底選擇多，今次去到佢哋又有新款推出，今日就試一試佢哋嘅海鮮龍蝦湯底，原隻波士頓龍蝦，上枱先滾一陣飲一啖龍蝦湯好鮮甜。跟住就將不同牛肉部位放龍蝦湯，將牛的鮮味更加帶出來. 他們每台一碟的牛肉有晒不同部位的牛有，牛舌，牛頸脊….啱晒喜歡牛的朋友。跟住就試一試佢每台有一半的刺身拼盤，甜蝦三文魚，八爪魚，象拔蚌，鮑魚片。刺身夠新鮮。跟住就可以再叫另外一個湯底，今天就要了麻辣雞煲。再加好多火鍋配料，大腸，不同蔬菜，火鍋配料真係好多選擇，牛喉爽，陳皮魚蛋都有。啱晒鍾意唔同火鍋配料嘅朋友。

食物水平中上，食完烤魚仲有得免費換湯打邊爐，但是服務質素衰過街邊魚蛋檔，有待改善。開單時間晚上7:35分，食到9:25分左右有員工示意請先結帳，所以我放低手上吃到一半的粟米，走去先結帳，電子支付顯示結帳時間為9:27，回到座位後已經有一位長髮男性員工在極快速地收拾枱面，我坐下拎起剛食到一半的粟米，打算完成之時碗都被收走了，我與友人未飲完的飲品亦被掃走，該員工一句說話都無就一分鐘內把所有東西收拾走，只剩下雪糕及我手上吃到一半的粟米。我望一望手錶，還有5分鐘，所以決定放棄粟米，希望可以於五分鐘內完成雪糕便走，正當我剛剛撕開雪糕包裝的時候，員工已經帶同四位新的客人過來，説:四位呢邊。並指着坐着的我們。新客人都有少少驚訝，望着我問：係唔係呢張？該員工話係。我望住新的客人覺得唔好意思，就匆匆示意友人快走。離開時望到收銀電腦時間是9:31我覺得咁樣趕客人走十分唔尊重同無禮貌，因為喺我哋眼中我哋仲有時間，就算我哋已經夠咗鐘，你可以同我哋講已經夠鐘，仲有客人等緊，不如你哋拎埋甜品走慢慢食，而唔係一句說話都冇講就直接帶新客人來，指着座位上嘅我地同人講坐呢度，我感覺好似刻意令到我地唔好意思迫走我地，衣個體

見到網上評論唔錯，加上可以食刺身，任你轉雞煲、烤魚，不過係$248（7點半前離座）！覺得幾吸引，所以約左朋友去食。我地揀左真龍蝦湯 龍蝦窩。龍蝦一分為二，啖啖肉，又有蝦膏，見到都開心！呢個窩本身有好多蔬菜配料，所以湯底都幾鮮甜。揀左窩底後，餐廳自動送上一盤刺身同牛肉。牛肉味道好濃郁，睇下花紋幾靚，好值得推薦我地都叫左其他小食，好推薦炸饅頭，新鮮炸起，外脆內軟，加埋練奶，好食！而雞翼就起曬骨，食得好方便我地胃口比較細，下次會同多D朋友試下個雞煲同烤魚。呢間餐廳好適合家庭或者朋友聚餐，咩都有D，岩曬唔同人既口味。小小建議剪刀可以好少少，更方便食客食龍蝦

前排見到有人post 呢間蚊蚊豬任食打邊爐，見到d牛好靚，放工去左食晚飯價錢一d都吾貴，$298/位，湯底都有多款選擇，仲可以換湯底，除左牛可以任食，仲有四川烤魚＋任食四川雞煲坐低每一枱已經有一大份日式刺身同牛肉拼盤刺身又多又新鮮，有甜蝦，鮮墨魚片，三文魚，鮮八爪魚，鮑片，好新鮮好爽牛肉拼盤有極上牛肩肉，封門柳，牛販腱 Prime，牛舌，牛肉粒封門柳超好味，雪花又靚，入口即溶牛肩肉肥瘦適中湯底點左雪蟹三文魚頭，蟹腳又多肉又鮮甜，三文魚頭好大個淨係食刺身同牛肉拼盤都好飽，其他配料淨係點左響鈴，雲吞 韭菜餃 ，人手包好有驚喜

💁🏻‍♀💁🏻💁🏻‍♂️️💁🏿‍♀️💁🏿💁🏿‍♂️🏷 蚊蚊豬老火鍋 (深水埗)火鍋放題就食得多，都係第一次食有得換湯底既火鍋😍😍💁🏻任飲任食120mins放題 $248～$298/位湯底勁吸引，有真龍蝦鍋、雪蟹三文魚頭鍋、鮑魚雞煲（3選1）入座後揀完湯底，店員就會提供QR code比我地落單，而上湯底既同時，會上魚生及牛肉拼盤推薦以下菜式：💁🏻真龍蝦湯底龍蝦勁大隻，仲超多膏。店員仲提一提我地，水滾後就可以食龍蝦，同埋飲湯先，龍蝦肉質彈牙，非常新鮮💁🏻脆鯇魚腩好爽口，用龍蝦湯黎煮，勁好味😋💁🏻即炸響鈴必需要點，吸曬湯汁既味道👍🏻👍🏻💁🏻芫荽皮蛋湯底最後轉左湯底，試吓個芫荽皮蛋湯，鍾意食芫荽嘅朋友唔好錯過啦是否推薦↩️？✅打邊爐竟然有得轉湯底，仲要係任食，都係第一次聽，性價比好高😂

相約朋友收咗工響深水埗有物件交收，見面之後朋友話食咗晚飯先回家，問我有冇好地方。第一時間諗起舊年食過嗰間，就係抵食，花款多嘅蚊蚊豬老火鍋，地址喺深水埗荔枝角道240-244號寶興樓地下A-C號舖。坐低後，店員問要什麼湯底，我哋選擇真·龍蝦窩，夠鮮夠誘人。好快刺身拼盤來到枱上，三文魚新鮮肥美魚油香，象拔蚌爽脆鮮甜。龍蝦鍋原隻龍蝦開邊賣相矜貴，味道鮮美。肥牛拼盤，有牛舌心，牛坂腱，封門柳， 極上牛肩嫩肉，全部都係我最愛。湯底一滾馬上想試吓牛肩嫩肉，果然肉香嫩滑，牛舌心滾兩滾一轉色就可以，封門柳肉質嫩滑，不易變韌，而且牛肉味極為濃。脆肉鯇魚爽脆彈牙，鮮蝦雲吞，大大隻蝦做餡料。矜貴的龍蝦啖啖肉放入口中，真過癮。再試埋個萬州烤魚，湯底係手打濃鮮茄味，海鱸魚預先煎炸咗，湯滾咗魚肉嗦晒鮮茄湯，魚肉鮮嫩，蕃茄味濃郁，令人越食越開胃，唔膩口。最後食埋雪糕，完結今餐超值嘅晚餐。

聽朋友嘅介紹，話位於深水埗嘅一間任食火鍋店嘅質素好高。鍾意打邊爐嘅我，就當然要試吓啦。喺火鍋方面，我哋就叫咗真龍蝦鍋。個賣相真係好壯觀，因為真係有原隻龍蝦係入邊㗎，而且都好新鮮。另外餐廳嘅牛肉拼盤一樣好高質素，分別有牛舌心，牛板腱，極上牛肩嫩肉同埋封門柳，所有嘅部份都帶到應有嘅口感，真係食到停唔到口。就算你後尾再追加，質素一樣唔會下降。另外我哋仲叫咗萬州烤魚，我哋選擇咗手打濃鮮茄味。烤魚嘅質素一樣好高，唔單止魚肉口感外脆內嫩，蕃茄湯底嘅味道同烤魚一樣配合，非常之開胃。另外都仲有好多款日式刺身，小食，飲品任嗌任食，真係食到好滿足。如果大家都鍾意打邊爐嘅話，真係要來依度試吓啦！絕對唔會令你失望！

今次嚟到深水埗區搵食，真係好抵食，兩個鐘放題式邊爐，一定要試吓呢間火鍋👍🏻我哋叫咗個真龍蝦湯·龍蝦窩，湯底龍蝦香味濃郁，一水滾，飲啖湯先，好香😋大大隻龍蝦我同朋友兩個一人食一邊，仲有好多膏。餐廳俾咗QR code，隨時再落嘢食，款式好多，牛肉、炸物、刺身、小食；仲有嘢飲隨時起身去攞。配有一份刺身，同去放題食嘅份量一樣咁多，刺身新鮮，款式多。另外俾咗一大碟牛肉，唔同部位，其中我覺得牛舌最驚豔，因為夠晒彈牙唔韌，佢提供嘅牛肉質素好好。最特別嘅係，佢竟然可以任換湯底，不過我好鍾意呢個龍蝦湯，所以唔使換。

🍽️ 蚊蚊豬老火鍋📍地址：深水埗荔枝角道240-244號寶興樓地下A-C號舖👉🏻120分鐘放題 $298一位聽朋友講左好多次這間很受歡迎的火鍋店「蚊蚊豬老火鍋」(深水埗)，去的時候人潮漸多，之後更門庭若市，老闆熱情好客，員工做事也很快手。但是，廁所環境就有點糟糕。湯底種類很豐富，除了今季限定的真龍蝦鍋、雪蟹三文魚頭鍋、鮑魚雞煲外，還有多款招牌火鍋湯底或同自選鴛鴦湯底，同時餐廳還提供任換湯底服務，可以一餐試晒多款湯底，可以滿足各種口味和需求，抵食到爆。除此之外，他們的放題套餐很豐富，包括四川烤魚、四川雞煲、安格斯牛肉等多款牛肉，以及日式刺身和多款火鍋配料，小食也可以任飲任食。選完湯底後，餐廳提供QR碼點餐，非常方便。他們的Wasabi細細包都幾攻鼻，讓人嗅覺十分刺激。魚生配壽司醬油更突出清甜，反而茶芥醬油比較清淡。在食物方面，所有食物都好好食，蟹柳比較突別，不過因為食得太開心而過了last order都不知，點不到雪糕，有點可惜。

深水埗是人所皆知美食區，行兩步就有食店，但蚊蚊豬外壁畫吸引了我，一看就可以無所顧慮的吃，一看菜單，可以任食雞煲，火鍋，刺身，就它了真龍蝦鍋平時雞煲食得多，這次想試下龍蝦鍋，果然沒選錯～一上鍋，就看到一隻肥美的龍蝦，當然馬上拍照，顧著拍，煮得有點長時間了，但依然肉質鮮美，口感豐富，湯底一樣的甜美，值得一嚐👍牛拼盤擺盤整齊：牛坂腱，封門柳，牛舌～牛肉紋路尚算分明，但有少少偏瘦，下鍋10秒夾起，好香牛味～最重要每一款都可以無限任叫刺身拼盤挪威三文魚、八爪魚、墨魚、甜蝦-全部都係至愛，刺身新鮮，好吃到一直在點，導致吃太多刺身，吃不了太多其它的，下次要再吃😋自選鴛鴦鍋有5款湯底可選，我們點了粟米豬軟骨鍋+皮蛋芫茜🌿鍋 ～芫茜迷必點，還能另外加🌿，可以大大滿足你的🌿願望，至於配料方面，就選了蔬菜籃，鵝腸，黑毛肚，鴨血～有菜有肉，均衡飲食

上一次同朋友見面係上年的事 所以大家搵一晚去食飯 就決定去食火鍋❤️-是晚去深水埗一間叫蚊蚊豬老火鍋食 位置離地鐵站吾算好遠 行十五分鐘就到 入到去鋪頭吾算好大但環境都ok 我地安頓好後第一件事就係睇menu 除左湯底同配料 仲有一些熟食同刺身 一個價錢可以試晒咁多唔同嘅食物💯-我地就點左刺身,魚皮,青瓜,和雲耳 我朋友對魚片特別有興趣 食完後不停加 因為實在好好食 最後食左差吾多四碟魚皮👍🏻👍🏻-食完前菜 就係主菜火鍋啦 今次我地除左叫三個湯底外 另加牛肉拼盤 首先第一個上既係龍蝦湯底 湯底就放左一隻龍蝦 湯底味道係可以但稍淡 龍蝦稍為熟左少少🤏 食完龍蝦後就加湯放牛肉 牛肉有牛味入口即融 同龍蝦湯底好夾 ❤️-然後試完龍蝦湯底後 第二個係辣味炸魚 因為有個朋友吾食得辣 所以叫小辣 魚味和辣湯💯然後再落牛肉 味道反而吾錯 吾使加豉油都好好食😋😋-最後一個係雞煲湯底 因為係小辣既關係 雞煲吾算好辣 (又係同一個原因) 但雞肉岩岩熟 食得出雞既味道 然後再放牛肉食 味道都同雞湯湯底好配合 由於我們只叫了牛肉 所以食完三個湯底加牛肉後係岩岩好飽的 題外話 呢度既酒水係都包埋既餐 選擇都幾多

位於深水埗荔枝角道240至244號寶興路地下A-C地下蚊蚊豬老火鍋，今晚給了我滿足味蕾的好體驗！😊與朋友剛好過來深水埗相聚，決定去吃蚊蚊豬老火鍋！去到餐廳時，雖說今天是星期四，但食客也有八成滿。餐廳坐位頗舒適，飲品自助區也有多款飲品供食客選擇！新鮮刺身質素好高的新鮮刺身，三文魚厚切好有口感，吃在嘴裡油脂香味濃郁！象拔蚌刺身，鮮甜爽脆😋甜蝦刺身也是鮮味十足！多款火鍋湯底可供食客選擇，我就選了真龍蝦湯龍蝦窩！賣相吸引的龍蝦湯底，原隻龍蝦一分為二！湯底還配上新鮮蔬菜！感覺更清新鮮甜！彈牙的龍蝦肉好鮮好有口感，而且還有超香的蝦膏😋牛拼盤油脂分布均勻的牛的不同部位，極上牛肩肉，牛板健，牛舌，每款都超高質素，牛肉味十足！而且口感非常豐富！😋安格斯雪花牛入口嫩滑的安格斯雪花牛，油脂分布均勻，我喜歡👍餐廳一口自家雲吞，一口自家韭菜餃，火鍋的最佳組合！萬州烤魚我選了手打濃香茄味烤魚，主角是海鱸魚！賣相討好的手打濃香茄味烤魚，吃起來更是美味可口！炸後的海鱸魚保留魚汁，魚肉好滑！配上濃郁的鮮茄，更令海鱸的口感豐富！飽餐後吃上一杯朱古力雪糕甜品，完美！👍