蛋藝工房 (已結業)

呢間小店之前食過三四次 試過吉列黑豚豬扒飯 自家製叉燒飯 濟洲島黑豚豬柳扒飯 而佢嘅濟州島黑豚豬柳扒飯 我覺得係幾出色同好好味 真材實料 飯又係珍珠米 非常有誠意.但今日再回購一次黑豚豬柳扒飯 非常失望打開飯盒 一望就知塊豬扒唔係之前咁樣 變左一塊攞鬆肉粉乸到爛曬嘅普通凍肉豬扒！！米又變左泰國米 完全變曬質🫠 我真係寧願你加價 用返啲靚食材 而唔係保持原價但比啲咁嘅質素同埋根本貨不對版嘅食材比食客…希望蛋藝工房能夠重拾返初衷 可以做返以前嘅質素…

平民場新北江入面既小店不嬲都各有特色，近排就發現呢間蛋藝工坊未試過，主打炒蛋同滑蛋，今日就一於帶埋朋友黎食過晚飯啦。先講環境，鋪面係超細只有2張4人枱，隔得好近，睇黎主打做外賣多，想堂食既朋友就要留意下啦。開始睇餐牌，大部分都離唔開蛋啦，咁我地分別點左個咖哩吉列豚排炒滑蛋飯同一個比較有特色既蝦濃湯汁3文魚卷炒滑蛋飯（製作需時約20分鐘），飲品加17蚊要左枝齊茶，齊茶係指樽裝奶茶，有分英式同港色，英式係用伯爵紅茶做茶底，我就揀左英式黎試下啦，飲落比港式奶茶多左份香味，但要加17蚊就略為貴左d，同埋比較細枝，試下無妨既。好啦飯到，朋友果份吉列豚排就正正常常，炒蛋都ok但唔多夠滑，我果份3文魚卷係用龍脷魚卷住3文魚，做法幾有特色，食落龍脷魚既味道比較重，變相覺得龍脷魚先係主角，蝦濃湯汁蝦味唔算好濃，不過配落龍脷魚度幾夾，我呢份既炒滑蛋就比較滑少少。總結返食物質素還ok，不過雖則話主打係蛋，但感覺上蛋只係配角，無話做得特別出色，價錢都算合理，收銀兼侍應果位姐姐都幾有禮貌，埋單後仲送多張下次幫襯送個pizza優惠，吸引你下次再去食，咁樣會覺得再抵d。評分方面在於好評與ok之間，但鑑於小店價錢做到

今日同太太去了呢間食午餐相比其他鋪頭，此鋪應該屬於「納米樓」。得兩張枱，二人枱和四人枱。若果人多，最好叫外賣。因為間餐廳真係好細。今日叫蛋藝雜朳飯和叉燒蛋飯。欣賞師傅會整有味飯，而不是白飯。蛋藝雜扒飯，尚算嘴料，1/2雞扒+1/2 豬扒+香草腸+加煎蛋。個汁幾好味，估係燒汁但有甜味。飯量尚算可以，不用另外加餐。叉燒蛋飯一樣很好食，是滑蛋汁昇華整個飯。另外客人可以試椰子汁，好夠味，絕對沒有偷工減料。另外，出餐做型有心，抵讚。

而個係下午茶時間先有得供應的食品，因為是“即叫即做”，所以都等左2-3個字。揀咗煙三文魚薄餅，pizza份量不大，但皮好薄夠脆，煙三文魚份量足，醬汁同芝士味好夾，比起連鎖pizza店真心好食好多，值得推介!!

叉燒口感嫩滑，味道剛好滑蛋亦都好好味。會係另眼相看，會再回頭幫襯系列。晚餐可以電話落單，店員好細心提醒幾耐到取，時間真係岩岩好，去到有得拎。係新北江嘅新派食店。

新北江地面新餐廳蛋藝工房 聽名好似唔錯 望下餐牌都ok 店鋪入邊唔太多座位 八個位左右佢有全日供應嘅餐+飲品，仲可以加錢轉樽仔奶茶煎焗黃油雞翼 係即叫即煎 等待時間為15-20分鐘 可以接受上枱時香噴噴 熱辣辣 皮脆 好香口 慢煮煙三文魚卷炒蛋飯三文魚卷 係 魚柳卷住三文魚 成為長條形外層煎到脆 兩款魚夾埋一齊又幾夾 幾特別旁邊仲有炒蛋 配蔥花韭黃 炒得超滑 好香蛋味樽仔奶茶 茶味好濃好香 食得出真材實料我偏好濃茶底既奶茶

聖誕三日紅假，其中一日入左嘉湖親戚屋企麻雀耍樂，入去之前去左出名多平野食嘅新北江買埋野食入去一齊食，食飽先開枱。見蛋藝工房店面企理乾淨，啲野食都係街坊價，就一於試下。蛋藝工房主要做外賣生意，店內只有六個堂食位。蛋藝工房主打食煎蛋同滑蛋，所以飯款大迎份都有蛋喺入面，另外佢地都有pizza同小食供應。我揀左個二人餐($138, 外賣加$4)，裡面包左兩個6吋Pizza、一款飯、雙色薯條同兩款飲品，另外再加多個炸物拼盤($38，外賣加$1)。夏威夷墨西哥薄餅 - 薄餅直徑約6吋，餅底薄而香脆，餅邊脆到好似食緊餅乾咁，薄餅上面放滿菠蘿、粟米同番茄，食落甜甜地都唔錯。煙三文角墨西哥薄餅 - 餅底同樣香脆，薄餅上面放滿三文魚、番茄同芝士。炸雙色薯條 - 雙色薯條即係普通薯條同番薯薯條，份量都唔少，外賣返到黎都仲有少少脆。醬皇手工叉燒配炒滑蛋飯 - 叉燒雖然唔算太厚切，但食落都幾鬆軟，肥瘦適中，下面嘅涌蛋唔會太老太鞋，都唔錯。炸物拼盤($38) - 拼盤包左春卷、咖哩角、炸蝦、炸雞保同燕麥紫薯丸各兩件，都幾豐富。炸物拎到返黎都仲脆，紫薯丸就甜甜地，似甜品多啲。飲品 - 二人餐包嘅野飲可以揀汽水或者哩

耐唔耐就黎新北江買野同食野，平時多數係上層搵食，是日落黎地面呢層買野，見到有間新餐廳蛋藝工房，食蛋？睇下先。餐牌有幾樣野都想食喎，就試下佢先。店內只有八個位，下午茶時段唔多人，成功入座，哈哈。全日供應嘅餐，送飲品，仲有得加錢轉特別嘅樽仔奶茶另外仲有幾款special，偽椰菜花炒飯都好想試呀～今日回暖返，要飲返罐汽水降下溫，要罐無糖先。最後叫左C餐加雞翼，哈哈，店員見我睇左好耐餐牌都未決定食乜，過黎推介左呢兩樣，都幾想試就聽佢話叫呢兩樣啦。煎焗黃油雞翼，即叫即煎都等左差不多十五分鐘，上枱時香噴噴。真係慢慢煎熟㗎，唔係氣炸～外面乾身皮脆，香口入味好好食，而且隻隻都全熟，火候有控制好慢煮煙三文魚卷炒蛋飯，店員介紹係魚卷時已經覺得個食物名唔係咁貼切，以為煙三文魚就smoke salmon個類冷盤野添。實物係用鯰魚柳卷住三文魚一齊煎，兩魚齊下外層脆卜卜，三文魚仲好嫩滑，啖啖魚肉好好味呀！叫得蛋藝就梗係期待佢個炒蛋啦，炒得超滑，入面加了韭黃同蔥花更添香氣，好味好味本來呢樣都想轉椰菜花飯㗎，但係見佢地用櫻城牌日本米喎，嘩嘩，呢隻米勁好食，唔捨得轉啊。仲有二人同四人套餐，假期外賣一流。小店無失望好好食

🧈天水圍蛋藝工房🥚嚟到天水圍新北江商場所謂天水圍GANG GANG嚟到新北江唔好俾人恰～梗係去搵美食～店員推介二人套餐有飯有薄餅有嘢飲有薯條濟州島黑毛豬柳扒炒滑蛋飯肉質鮮嫩之餘個炒蛋非常香滑配埋珍珠米飯真係正薄餅就係餅底較薄嘅款式配上粟米三文魚等等嘅配菜薯條同埋yam fries🍟🤪特別推介加錢配嘅齊茶（英女王）茶底香濃配埋奶非常之滑口♪(´ε｀ )等我下次試埋佢其他飯餐先📍蛋藝工房天水圍天湖路1號嘉湖新北江商場地下A97-05號鋪#foodie #天水圍 #天水圍美食 #新北江 #hkfoodie #foodhk #hongkong #hongkongfood #foodblogger #foodiehk

新北江商場開咗間新餐廳，最鍾意食蛋梗係要試吓。餐廳唔算好大，只係得8個位左右。有冇位坐就睇彩數啦😂😂試下原隻海蝦炒滑蛋飯，平時都鍾意食叉燒炒蛋，但係今日好想食蝦，同埋見佢啲蝦都幾大隻。一上到枱仲出緊煙，香噴噴！$55套餐仲包汽水或紙包飲品，都算抵食！另外叫咗一碟秘製川味麻辣雞翼$38，好大隻嘅雞翼。味道都幾辣，夠晒惹味，送飯一流👍🏻👍🏻👍🏻見到佢哋仲有椰菜花飯，減肥都可以嚟食嘢。有機會都要試吓

好耐冇嚟天水圍新北江商場，我覺得佢係一個另類雜亂型商場，如果有心機慢慢行，有時都會有啲好嘢。今日我就有新發現了，一間剛新開2個月，走文青路的小店「蛋藝工房」。店子不大，坐位不多決定外賣。恰好下午茶時間，選了6吋「蜜汁豚肉墨西哥pizza」跟餐熱椰奶（$40）。然後再加碼要多個「黒松露野菌炒滑蛋飯」（$50），加＄14試埋個齊茶。打開Pizza盒，香到連貓咪都忍唔住要過嚟食埋一份。Pizza 不弱，估唔到批底超脆，醬汁似是千島醬汁加义燒，食落居然又幾夾。餐飲熱椰奶很香甜。「黒松露野菌炒滑蛋飯」，蛋果然是主打，很有驚喜，珍珠米飯已很香，炒蛋超滑，配埋秘製醬汁及黒松露冇得輸。「齊茶」港式奶茶味道，奶茶濃滑，不錯！店雖小，仍然準備迎接聖誕，設計多款派對美食，還有cup cake。要開party叫到會，大家又有多個新選擇了！留意店舖較細小，堂食坐位不多，外賣約等十分鐘左右。最後還發現加＄5可以配一份莞茜加入炒滑蛋內，啱我勁愛莞茜人士，下次一定要試。

蛋藝工房 (天水圍)天水圍天湖路1號嘉湖新北江商場地下A91-05號舖天水圍新北江美食雲匯，今次找來一間以蛋為煮食的小店。蝦濃湯煙三文魚卷配炒蛋$58蝦濃湯本身已經很龍淍，蝦味濃郁。煙三文魚是由雪白的魚肉裏面卷上煙三文魚。再配香滑炒蛋，全部都吸收了濃郁的蝦味湯，配飯食一流。英式奶茶$17港式奶茶$17兩款嘅奶茶都細滑易入口，尤其是港式奶茶，茶味香濃得來而不苦澀，甜度適中。炸物拼盤$38燕麥紫薯丸、春卷、咖喱角、雞保、炸蝦查得好好食，好香口，尤其是鍾意紫薯丸，有咬口得來甜甜地。炸蝦都好新鮮彈牙。$38份量都幾好。雜錦偽炒飯食極唔肥偽炒飯，近期推西蘭花粒為主的炒飯，食極唔肥，營養師推介，減肥唔一定需要唔食嘢嘅。由於用西蘭花取代了飯，澱粉兩大大減少，而且有飽足感有足夠嘅纖維。裏面有大量嘅冬菇、肉粒等…比想像中嘅好食而且有飽足感。女士減肥恩物。

🥕脆炸吉列無骨黑豚扒炒滑蛋飯配日式咖喱汁 $58黑豚扒既肉質緊緻而且多汁，食落口好彈牙😍 份量多到滿瀉😍 滑蛋真係炒得好香滑而且口感細膩～ 仲有濃濃既蛋香😋 日式咖哩汁亦都無野好挑釁～ 甜甜辣辣咁，好開胃～送飯一流🍚佢地仲要用埋日本珍珠米，米質彈牙煙韌。 性價比超高之選！🥕六吋日式烤雞墨西哥pizza $35黎到岩岩好開始下午茶套餐🥰 咁抵食當然要試一試🍕～ 熱辣辣既烤雞同醬料既配搭係一流😍 食到停唔到口🥕川味麻辣雞翼 $38原來係凍食既單骨雞翼🥰 份量都好豐富～ 聞落酸味比較重，但食落口果時麻辣感充足😍 酸酸辣辣幾開胃🥕齊茶 （港式情懷）+$17今次試左經典港式奶茶口味~ 採用錫蘭茶葉🥰 濃濃既茶香配上香滑既口感～🤎

2021年11月15日(一)新店開張來試新菜椰菜花飯日本滑蛋今日晚餐叫左濟州島黑豚豬柳扒配炒滑蛋飯加錢轉左其他嘢將呢個普通嘅飯盒轉為生銅飯盒炒滑蛋轉為芫荽炒滑蛋白飯轉為健康椰菜花偽炒飯濟州島黑豚豬柳扒·芫荽炒滑蛋·椰菜花偽炒飯濟州島黑豚豬柳扒調味很好，肉質爽嫩芫荽炒滑蛋芫荽香，炒蛋滑椰菜花偽炒飯炒飯爽口整體來講一個生銅飯盒好味道我今次用熊貓Apps外賣自取，佢呢排做緊promote，呢個餐$64 ，減$10 ，實際付款$54

行行吓好肚餓同行朋友好鍾意食蛋🥚🥚就入左去試下叫左一個濟洲島黑豚豬柳扒炒滑蛋飯同埋脆炸吉列無骨黑豚扒溫泉蛋飯 配日式咖哩汁，見到椰菜花偽炒飯幾得意轉左黎試下野食都出得快豬柳好香好冧，個炒蛋亦好夠滑蛋味濃溫泉蛋熟度剛剛好吉列豚扒就無豬柳咁冧 咖哩汁略嫌咸左少少，送飯應該幾好，點豬排就會咸左少少2份嘅份量都好足 ，肚餓嘅朋友就有福了最近好多地方都有生酮炒飯 但我就從來無試過呢個椰菜花偽炒飯係第一次試 味道相當好 入面有除感椰菜花仲有3色椒 口感好得意 當唔想食澱粉質呢個都係好好嘅選擇至於齊茶 原來係有2款🤣我就鍾意伯爵奶茶多啲 伯爵茶嘅味道濃 2款都好滑，有機會都可以轉黎試下店舖面積細細，但出品都相當用心 其間見到好多街坊原來都經常黎幫襯下次黎開天水圍又可以黎食😋